Khmer Insider ជាកម្មវិធីដែលផ្តោតសំខាន់លើការបំផុសគំនិតបង្កើតអាជីវកម្មថ្មី និងជំរុញឱ្យផលិតផលខ្មែរគ្រប់ទីកន្លែង​រីកដុះដាលកាន់តែខ្លាំងនៅក្នុងសេដ្ឋកិច្ចកម្ពុជា។ តាមរយៈកម្មវិធីនេះ ក្រុមការងាររបស់យើងនឹងចុះទៅដល់គ្រប់ទីកន្លែងទាំងអស់នៅក្នុងប្រទេសដើម្បីដកស្រង់យក​ចំណេះដឹងជាច្រើនពាក់ព័ន្ធនឹងដំណើរការអាជីវកកម្មគ្រប់ប្រភេទនៅក្នុងប្រទេសដើម្បីជម្រាបជូនសាធារណជន ជាពិសេស​សហគ្រិនជំនាន់ថ្មី។

គោលដៅសំខាន់របស់យើងគឺជំរុញឱ្យ​មានការគិតឱ្យបានស៊ីជម្រៅ (critical thinking) លើការបង្កើតអាជីវកម្ម ជំរុញឱ្យមានការបង្កើតសហគ្រាសធនតូច និងមធ្យម (SMEs) ឱ្យកាន់តែច្រើន និងចូលរួមចំណែកជាមួយរាជរដ្ឋាភិបាលដើម្បីសម្រេចគោលដៅអភិវឌ្ឍ​ឱ្យក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ ២០៣០​ និងក្លាយជាប្រទេសដែលមានចំណូលខ្ពស់នៅឆ្នាំ ២០៥០។

កម្មវិធីកម្ពុជា 360អង្សារ គឺជាកម្មវិធីជជែកពិភាក្សាពីគ្រប់ជ្រុងជ្រោយ (angles) នៅក្នុងសង្គមដើម្បីស្វែងរកដំណោះស្រាយរួមមួយប្រកបដោយភាពស៊ីជម្រៅ ច្បាស់លាស់ និងឆ្លើយតបជាមួយនឹងអ្វីដែលគ្រប់ភាគីចង់ឃើញ។ កម្មវិធីនេះនឹងផ្តល់នូវមតិយោបល់ តស៊ូមតិ (debate) និងអញ្ជើញវាគ្មិនជំនាញពីគ្រប់ភាគីទាំងអស់ក្នុងសង្គមដើម្បីឆ្លើយតបជាមួយនឹងបញ្ហាថ្មីៗបំផុតដែលកំពុងកើតឡើង។