ចិនសម្លឹងឃើញពីសក្តានុពលវិនិយោគបន្ថែមទៀតនៅក្នុងខេត្តព្រះសីហនុ

ព្រះសីហនុ ៖ ថ្លែងក្នុងពិធីចុះហត្ថលេខាលើកិច្ចសហប្រតិបត្តិវិនិយោគរួមគ្នា កាលពីថ្ងៃទី២១ ខែឧសឧភា ឆ្នាំ២០២៥នេះ លោក ស៊ូ គុនលីន អភិបាលខេត្តជាំងស៊ូនៃសាធារណៈរដ្ឋប្រជាមានិតចិន បានថ្លែងថាប្រតិភូខេត្តជាំងស៊ូ(ចិន) មានបំណងពង្រីកការវិនិយោគមកកាន់ខេត្តព្រះសីហនុកាន់តែច្រើនថែមទៀតនៅពេលខាងមុខ ខណៈដែលខេត្តវ័យចំណាស់ចិនមូយនេះ មានប្រជាជនរហូតដល់ទៅ៨៥លាននាក់។

លោក ស៊ី គុនលីន បានមានប្រសាសន៍ថា ពិធីចុះហត្ថលេខាខាងលើធ្វើឡើងក្នុងគោលបំណងអនុវត្តនូវកិច្ចសហប្រតិបត្តិការលើគម្រោងវិនិយោគតំបន់សេដ្ឋកិច្ចពិសេសក្រុងព្រះសីហនុ ព្រោះគម្រោងតំបន់សេដ្ឋកិច្ចក្រុងព្រះសីហនុ ជាគម្រោងកិច្ចសហប្រតិបត្តិការរវាងចិន និងកម្ពុជា តាមរយៈគោលនយោបាយខ្សែក្រវ៉ាត់ និងផ្លូវ ហើយតំបន់សេដ្ឋកិច្ចពិសេសក្រុងព្រះសីហនុ ទទួលបានក្រុមហ៊ុនចំនួន២០០ ហើយរំពឹងថា នឹងទទួលបានក្រុមហ៊ុនចន្លោះពី៣០០ ទៅ៤០០ នៅថ្ងៃខាងមុខតាមរយៈកិច្ចសហប្រតិបត្តិការនេះ។

ឯកឧត្តម ម៉ាង ស៊ីណេត អភិបាលខេត្តព្រះសីហនុ បានបង្ហាញនូវសក្តានុពលវិនិយោគថា ខេត្តព្រះសីហនុ មានផ្លូវទឹក ផ្លូវគោក និងផ្លូវអាកាស ផ្លូវទឹកមានកំពង់ផែចំនួន៣ កំពង់ផែកែវផុស ស្ទឹងហាវ និងកំពង់ផែស្វយ័តក្រុងព្រះសីហនុ ហើយកំពង់ផែក្រុងព្រះសីហនុ កំពុងអភិវឌ្ឍជាបីដំណាក់កាល ឱ្យមានជំរៅទឹករហូតដល់ ១៧,៥០ម៉ែត្រ នៅឆ្នាំ២០៣០ ដែលអាចឱ្យនាវាដែលធ្វើចរាចរណ៍ នៅលើពីភពលោកអាចចូលចតបាន។ ផ្លូវអាកាសមានផ្លូវរត់ប្រវែង ៣ ៣០០ម៉ែត្រ អាចចុះចតយន្តហោះប្រភេទ4E ផ្លូវគោកមានផ្លូវជាតិលេខ៣ លេខ៤ ផ្លូវល្បឿនលឿននិងផ្លូវដែក។

ឯកឧត្តមបានបញ្ជាក់ថា ៖ រាជរដ្ឋាភិបាល បានបោះទុនវិនិយោគលើហេដ្ឋារចនាសម្ព័ន្ធជាង ៣០០លានដុល្លា កសាងផ្លូវក្នុងក្រុងព្រះសីហនុមុនកូវីដ-១៩ រួមទាំងការអនុវត្តគោលនយោបាយ (ខ្សែក្រវ៉ាតនិងផ្លូវ) ផ្សារភ្ជាប់នឹងគោលនយោយចតុកោណ និងគោលនយោបាយបញ្ចកោណដំណាក់កាលទី១ រាជរដ្ឋាភិបាលកម្ពុជា ទន្ទឹមនោះក៏បានសាងសង់រូបសំណាក់តំណាងឱ្យអរិយធម៌ និងវប្បធម៌ផងដែរ។