AMS Economyក្រសួង និងស្ថាប័នពាក់ព័ន្ធចំនួន៤ រកដំណោះស្រាយពីការប្រើប្រាស់ថាមពលក្នុងវិស័យកសិកម្មជូនកសិករកម្ពុជា
ភ្នំពេញ ៖ ជាការចូលរួមកាត់បន្ថយថ្លៃដើមនៃការផលិតលើផលិតផលកសិកម្មឱ្យនៅទាបបំផុត ក្រសួង និងស្ថាប័នចំនួន៤ រួមមានក្រសួងកសិកម្មរុក្ខាប្រមាញ់និងនេសាទ រដ្ឋមន្ត្រីក្រសួងរ៉ែ និងថាមពល ប្រធានអាជ្ញាធរអគ្គិសនី កម្ពុជា និង អគ្គិសនីកម្ពុជា ( EDC ) បានរួមគ្នាក្នុងការរកដំណោះស្រាយជូនកសិករធ្វើយ៉ាងណាឱ្យការផលិតរបស់កសិករមានតម្លៃទាប ដោយក្នុងនោះបញ្ហាថាមពលគឺជាកត្តាប្រឈមមួយសម្រាប់ការចំណាយ។
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានថ្លែងនៅក្នុងវេទិកាមួយជាមួយតំណាងប្រជាកសិករបានឱ្យដឹងថា វិស័យកសិកម្មត្រូវការប្រើប្រាស់ថាមពលដើម្បីដំណើរការខ្សែច្រវ៉ាក់ផលិតកម្មផងដែរ ជាក់ស្ដែងការចិញ្ចឹមសត្វជាដើមគឺត្រូវការដាក់ម៉ាស៊ីនត្រជាក់ឱ្យសត្វដើម្បីឱ្យវាមានសុខភាពល្អលូតលាស់បានលឿន។ ការដាក់ម៉ាស៊ីនត្រជាក់ ការបំភ្លឺភ្លើងនៅតាមកសិដ្ឋាននៃគឺសុទ្ធសឹងតែប្រើប្រាស់ថាមពល និងការចំណាយ។ ក្រៅពីនោះដែរ ការចិញ្ចឹមត្រីក៏ដូចគ្នា គឺត្រូវមានការបូមទឹកចេញចូល ក៏ត្រូវការថាមពលអគ្គិសនីដែរ ។
ឯកឧត្តមបានបន្តថា ៖
“តាមពិតទៅ រាជរដ្ឋាភិបាលបានគិតគូរពីបញ្ហានេះយូរមកហើយ ហើយក៏បានដាក់ចេញនូវគោលការណ៍មួយចំនួនរួចហើយដែរ ដូចជាការប្រើប្រាស់ភ្លើងចន្លោះពីម៉ោង៩យប់ ដល់ម៉ោង៧ព្រឹក គិតថ្លៃត្រឹមតែ ៤៨០រៀលប៉ុណ្ណោះក្នុងមួយគីឡូវ៉ាត់ម៉ោង ។ ដូច្នេះវាក៏ជាការកាត់បន្ថយនូវថ្លៃដើមរបស់កសិករបានមួយកម្រិតផងដែរ ។ យើងក៏ព្យាយាមធ្វើយ៉ាងណាឱ្យការផលិតរបស់កសិករកាន់តែមានថ្លៃដើមទាបទទួលបានការចំណេញច្រើនជាងមុន”
ឯកឧត្តម ស៊ុយ សែម រដ្ឋមន្ត្រីក្រសួងរ៉ែ និងថាមពល ក៏បានមានប្រសាសន៍ផងដែរថា កាលពីឆ្នាំ២០១៨ កម្ពុជារកប្រភពថាមពលសម្រាប់ផ្គត់ផ្គង់បានតែ ២ ៦៥៩មេហ្កាវ៉ាត់ប៉ុណ្ណោះ ហើយដល់ឆ្នាំ២០២២នេះ កម្ពុជាមានថាមពលរបស់រដ្ឋ ៤ ២៤៦ មេហ្កាវ៉ាត់ ដែលមានកំណើនប្រមាណ៦០ភាគរយធៀបនឹងឆ្នាំ២០១៨ ។ ម្យ៉ាងទៀតការតបណ្ដាញតង់ស្យុងរបស់ជាតិក៏បានសម្រេចគ្រប់រាជធានីខេត្តទាំង២៥ហើយដែរ និងកំពុងជំរុញការតភ្ជាប់បណ្ដាញបញ្ជូនរងទៅកាន់គ្រប់ភូមិទូទាំងប្រទេស ។
ឯកឧត្តមបន្តថា ៖
“បច្ចុប្បន្ននេះ នៅសល់តែជាង ២៤០ភូមិទៀតប៉ុណ្ណោះនឹងគ្រប់ភូមិទូទាំងប្រទេសហើយ ហើយភូមិដែលនៅសេសសល់ គឺដោយសារតែជាតំបន់លិចទឹកនៅរដូវវស្សា និងតំបន់លើទឹកដែលពិបាកក្នុងការតបណ្ដាញបញ្ជូនទៅដល់ ។ តែយ៉ាងណាក្រុមការងារក៏បានរៀបចំដាក់ប្រព័ន្ធថាមពលសូឡាជូនពួកគាត់ប្រើប្រាស់ផងដែរ “
ឯកឧត្តម កែវ រតនៈ ប្រតិភូរាជរដ្ឋាភិបាលទទួលបន្ទុកជាអគ្គនាយកអគ្គិសនីកម្ពុជា ( EDC) ក៏បានថ្លែងថា ក្នុងអំឡុងពេលវិបត្តិថាមពលដែលកើតដោយសារតែសង្គ្រាមរវាងរុស្ស៊ី និងអ៊ុយក្រែន កម្ពុជាមិនបានដំឡើងថ្លៃថាមពលពីប្រជាពលរដ្ឋទេ តែថែមទាំងឧបត្ថម្ភធន់ដល់ប្រជាពលរដ្ឋមួយចំនួនផងដែរ ។ បច្ចុប្បន្ននេះ ការផលិតថាមពលមានតម្លៃ ១ ០០០រៀលក្នុងមួយគីឡូវ៉ាត់ម៉ោង តែការលក់ថាមពលទៅកាន់ប្រជាពលរដ្ឋវិញគឺក្រោម ១ ០០០រៀល ដែលមានន័យថា កំពុងលក់ខាតដើម្បីសម្រួលដល់ជីវភាពពលរដ្ឋ ។ នៅក្នុងឱកាសនេះផងដែរ តំណាងវិស័យឯកជនដែលប្រកបអាជីវកម្មពាក់ព័ន្ធនឹងផលិតកម្មក្នុងវិស័យកសិកម្មក៏បានដាក់ជាសំណើរ និងសុំឱ្យរាជរដ្ឋាភិបាល ជួយសម្រួលបន្ថែមដល់តម្លៃថាមពល និងរយៈពេលអនុគ្រោះបានច្រើនម៉ោងបន្តិច ពីព្រោះម៉ោង៩យប់ដល់៧ព្រឹក ជាពេលវេលាមួយដែលពិបាកក្នុងការប្រើប្រាស់ភ្លើង ហើយពេលខ្លះកសិករត្រូវការប្រើប្រាស់ភ្លើងតែពេលថ្ងៃប៉ុណ្ណោះ ដូចជាផ្នែករោងម៉ាស៊ីនគិនស្រូវជាដើម៕
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ធនាគារអភិវឌ្ឍន៍អាស៊ី ទាញទម្លាក់ការព្យាករកំណើនសេដ្ឋកិច្ចកម្ពុជាមកនៅត្រឹម ៣,៩ភាគរយក្នុងឆ្នាំ២០២៦
Top News, ព្រឹត្តិការណ៍, សេដ្ឋកិច្ច
• 23/09/2026
ភ្នំពេញ ៖ ធនាគារអភិវឌ្ឍន៍អាស៊ី ( ADB) បានព្យាករកំណើនសេដ្ឋកិច្ចកម្ពុជា ជាថ្មី ដោយបានទម្លាក់ការព្យាកររបស់ខ្លួនពី ៤,១ភាគរយ មកនៅត្រឹម៣,៩ភាគរយ ។ នេះបើតាមសេចក្ដីប្រកាសព័ត៌មានរបស់ធនាគារអភិវឌ្ឍន៍អាស៊ី ចេញផ្សាយថ្ងៃទី ២៣ ខែកញ្ញា ឆ្នាំ២០២៦ ។ ការព្យាកររបស់ធនាគារអន្តរជាតិមួយនេះ ដោយយោងលើកត្តាមួយចំនួន ជាក់ស្ដែងដូចជាការធ្លាក់ចុះនៃវិស័យទេសចរណ៍ដើមឆ្នាំ២០២៦នេះ
IMF ព្រមានថា អឺរ៉ុបនឹងធ្លាក់ខ្លួនទទួលរងគ្រោះធ្ងន់ធ្ងរ បើឈប់រត់ប្រណាំងវិស័យ AI
ព្រឹត្តិការណ៍, អាជីវកម្មថ្មី និងនវានុវត្ត
• 23/09/2026
អគ្គនាយកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva បានព្រមានដល់បណ្តាប្រទេសនៅអឺរ៉ុបថា ប្រសិនបើអឺរ៉ុបអាក់ខាន ឬបង្អាក់ល្បឿនក្នុងការអភិវឌ្ឍបច្ចេកវិទ្យាបញ្ញាសិប្បនិម្មិត (AI) នោះអឺរ៉ុបនឹងធ្លាក់ខ្លួនទទួលរងគ្រោះធ្ងន់ធ្ងរ
ចិន ពង្រីកពាណិជ្ជកម្មតាមរយៈប្រព័ន្ធស្រាវជ្រាវអវកាស BeiDou ទៅទីផ្សារអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 23/09/2026
បរទេស ៖ បច្ចុប្បន្ន ក្រុងប៉េកាំង កំពុងផ្តោតយកចិត្តទុកដាក់លើការប្រើប្រាស់បច្ចេកវិទ្យាអវកាសដែលមានឈ្មោះថា BeiDou ឱ្យកាន់តែទូលំទូលាយ ជាពិសេស ការបង្កើតប្រព័ន្ធអេកូឡូស៊ីជាអន្តរជាតិឲ្យបានកាន់តែធំនៅជុំវិញវិស័យប្រព័ន្ធផ្កាយរណបរបស់ចិន។ អត្ថបទមួយដែលត្រូវបានចេញផ្សាយដោយកាសែត Novinata បានសរសេរថា ប្រទេសចិនកំពុងរុញច្រានយ៉ាងឆាប់រហ័សនូវការដាក់ឱ្យប្រើប្រាស់ប្រព័ន្ធរុករកតាមបណ្តាញរណប BeiDou របស់ខ្លួនទៅទីផ្សារអន្តរជាតិ តាមរយៈការបង្កើនទំហំផ្គត់ផ្គង់ផលិតផល បច្ចេកវិទ្យា និងកម្មវិធីដែលពាក់ព័ន្ធទៅក្នុងពាណិជ្ជកម្មជួញដូរ។ យោងតាមទិន្នន័យដែលបានបង្ហាញ សេវាកម្មរបស់ប្រព័ន្ធ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ខេត្តព្រះសីហនុ៖ ការស្ដារ និងបង្កើនផលស្តុកធនធានជលផលសមុទ្រ នៅតែជាអាទិភាពសេដ្ឋកិច្ចដ៏សំខាន់សម្រាប់សហគមន៍នេសាទឆ្នេរ និងសន្តិសុខស្បៀងកម្ពុជា។ ក្នុងស្មារ...
អាស៊ាន និងចក្រភពអង់គ្លេសប្តេជ្ញាលើកកម្ពស់កិច្ចសហប្រតិបត្តិការសេដ្ឋកិច្ច ក្នុងអំឡុងកិច្ចពិភាក្សារដ្ឋមន្ត្រីសេដ្ឋកិច្ចអាស៊ាន-ចក្រភពអង់គ្លេសលើកទី ៦ ដែ...
ភ្នំពេញ ៖ ធនាគារអភិវឌ្ឍន៍អាស៊ី ( ADB) បានព្យាករកំណើនសេដ្ឋកិច្ចកម្ពុជា ជាថ្មី ដោយបានទម្លាក់ការព្យាកររបស់ខ្លួនពី ៤,១ភាគរយ មកនៅត្រឹម៣,៩ភាគរយ ។ ...
អគ្គនាយកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva បានព្រមានដល់បណ្តាប្រទេសនៅអឺរ៉ុបថា ប្រសិនបើអឺរ៉ុបអាក់ខាន ឬបង្អាក់ល្បឿនក្នុងកា...
ភ្នំពេញ ៖ សមាគមមីក្រូហិរញ្ញវត្ថុកម្ពុជា (CMA) នៅថ្ងៃទី២២ ខែកញ្ញា ឆ្នាំ២០២៦ បានសហការជាមួយ សាកលវិទ្យាល័យឯកទេសនៃកម្ពុជា (CUS) រៀបចំកម្មវិធីសិក្ខាសាលាស...
សហភាពអឺរ៉ុប និងហ្វីលីពីនព្រមព្រៀងជាបឋមលើកិច្ចព្រមព្រៀងពាណិជ្ជកម្មសេរីថ្មីមួយ ហើយកិច្ចព្រមព្រៀងពេញលេញជាផ្លូវការកំពុងរង់ចាំការចរចាបន្ថែមទៀត
កោះរ៉ុងនៅតែទទួលបានភ្ញៀវទេសចរជាមធ្យមប្រមាណ ៤០០ នាក់ក្នុងមួយថ្ងៃ ដែលផ្តល់ចំណូលបានរហូតដល់ ១៨ ០០០ ដុល្លារប្រចាំថ្ងៃ ទោះបីការធ្វើដំណើរទៅកាន់កោះមានការចំ...
បរទេស ៖ បច្ចុប្បន្ន ក្រុងប៉េកាំង កំពុងផ្តោតយកចិត្តទុកដាក់លើការប្រើប្រាស់បច្ចេកវិទ្យាអវកាសដែលមានឈ្មោះថា BeiDou ឱ្យកាន់តែទូលំទូលាយ ជាពិសេស ការបង្កើតប...
កម្មវិធីពិសេសរបស់ AMS ECONOMY
