AMS Economyអ្នកជំនាញ ៖ អាជីពនៅក្នុងវិស័យអចលនទ្រព្យគឺជាជម្រើសមួយដ៏ល្អបំផុតដែលគួរពិចារណា
បរទេស ៖ មិនថាស្ថិតនៅក្នុងប្រទេសអភិវឌ្ឍន៍ ឬកំពុងអភិវឌ្ឍន៍នោះទេ វិស័យអចលនទ្រព្យ និងសំណង់ គឺជាវិស័យដ៏រឹងមំាបំផុតរបស់ប្រទេសនីមួយៗជាក់ស្តែងយើងអាចមើលឃើញនៅក្នុងសម័យកូវីដបច្ចុប្បន្នគម្រោងសាងសង់ទាំងឡាយនៅតែមានដំណើរការទោះបីជាវាមានភាពយឺតយ៉ាវបន្តិចក្តី។
លោកឧកញ៉ា សំ សុខនឿន ប្រធានសមាគអចលនទ្រព្យសកល (GRA) បានមានប្រសាសន៍ថា ការងារអាជីពជាភ្នាក់ងារនៅក្នុងវិស័យអចលនទ្រព្យ បានផ្តល់ឱកាសល្អដ៏ច្រើនសម្រាប់អ្នកប្រតិបត្តិ ដែលក្នុងនោះរាប់ទាំងឱកាសបានស្គាល់ពីរបៀបនៃការធ្វើជំនួញក្នុងវិស័យពាក់ព័ន្ធ ឱកាសស្គាល់ពីបរិបទសង្គម ឱកាសកសាងសមត្ថភាព និងទ្រព្យសម្បត្តិ រួមជាមួយនឹងការបង្កើតឱកាសសម្រាប់ក្រុមគ្រួសារ និងអ្នកបន្តវេនផងដែរ។
លោកឧកញ៉ាបានបញ្ជាក់ថា ទោះស្ថិតក្នុងកាលៈទេសៈបច្ចុប្បន្នក៏ដោយ បើនិយាយពីអ្នកធ្វើការនៅវិស័យនេះក៏នៅតែមានសង្ឃឹម និងសុទិដ្ឋិនិយមថាវានឹងអាចល្អប្រសើរវិញខ្លាំង និងលឿនជាងវិស័យផ្សេងៗទៀតក្រោយបញ្ចប់វិបត្តិ។ អាជីពនៅក្នុងវិស័យអចលនទ្រព្យត្រូវបានមនុស្សភាគច្រើនគិតថាជាអាជីពដ៏ល្អបំផុតមួយធៀបទៅនឹងអាជីពផ្សេងទៀត ហើយមានហេតុផលសំខាន់មួយចំនួនដែលជំរុញមនុស្សជាច្រើនឲ្យចាប់អារម្មណ៍។
១.ធ្វើជាថៅកែដោយខ្លួនឯង ៖ មនុស្សជាច្រើនបានដឹងហើយថានៅពេលដែលពួកគេចាប់អាជីពជាអ្នកលក់នៅក្នុងវិស័យអចលនទ្រព្យនោះពួកគេនឹងក្លាយទៅជាថៅកែទៅលើអាជីវកម្មមួយរបស់ខ្លួនរួចបាត់ទៅហើយ។ មិនមានកំណត់ថាអ្នកត្រូវតែទៅធ្វើការម៉ោង៨ព្រឹកចេញម៉ោង៥ មិនចាំបាច់ប្រជុំរាយការណ៍ទៅថ្នាក់លើ ឬរង់ចាំការបញ្ជាការងារណាមួយនោះឡើយ។
២.ជាអាជីពមិនរើសអើងភេទ ៖ តាមការស្រាវជ្រាវរកឃើញថា អាជីពនេះមិនប្រកាន់អ្នកធ្វើការជាស្រី ឬប្រុសនោះទេ ប្រសិនបើអ្នកឆ្លាត និងរហ័សរហួននោះអ្នកនឹងអាចទទួលបានប្រាក់កម្រៃដូចគ្នាមិនថាអ្នកជាមនុស្សប្រុស ឬស្រី ឬជាពលរដ្ឋក្នុងស្រុក ឬបរទេសនោះឡើយ។
៣.ប្រាក់ចំណូលកើនឡើងជាបន្តបន្ទាប់ក្រោយអ្នកចាប់ផ្តើមទទួលបានលទ្ធផល ៖ មានការស្រាវជ្រាវមួយបានរកឃើញថា ភ្នាក់ងារអចលនទ្រព្យដែលមានអជ្ញាបណ្ណប្រមាណជា៦០ទៅ៨០ភាគរយនាមបោះបង់ការងារនេះចោលទៅវិញក្រោយការអនុវត្តបានត្រឹមរយៈពេល១ឆ្នាំដំបូងប៉ុណ្ណោះ ដោយសារតែមិនអាចជោគជ័យ ឬទទួលបានចំណូល ប៉ុន្តែនៅពេលដែលពួកគេចាប់ផ្តើមទទួលបានចំណូលនោះគេនឹងអាចរកឃើញពីវិធីថ្មីបន្ថែមទៀត ដើម្បីបង្កើនចំណូលកាន់តែច្រើនឡើង ហើយជក់ចិត្តជាមួយនឹងអាជីពមួយនេះ។
៤.ប្រាក់ចំណូលកើនឡើងតាមរយៈបទពិសោធន៍ ៖ ការហ្វឹកហាត់កាន់តែច្រើន ការព្យាយាមទទួលយកបទពិសោធន៍កាន់តែច្រើន ព្យាយាមចូលរួមក្នុងសង្គមកាន់តែច្រើន នឹងក្លាយទៅជាកូនសោរសំខាន់ជួយឲ្យអ្នកលក់អចលនទ្រព្យអាចបង្កើនឱកាសលក់កាន់តែច្រើន។ ដូចនេះវាជារឿងងាយស្រួលដែលអ្នកចាំបាច់ត្រូវតែបន្តអាជីពនេះទោះបីជាមិនមានចំណូលក្តី ហើយអ្នកអាចសាកល្បងស្វែងរកប្រភពចំណូលផ្សេងក្នុងពេលដែលមិនទាន់មានលទ្ធផលល្អជាមុនសិន។
៥. អាជីពនៅក្នុងវិស័យអចលនទ្រព្យទទួលបានការរីករាយខ្លាំងបំផុត ៖ នៅតាមបណ្តាប្រទេសជឿនលឿន និងអភិវឌ្ឍន៍មានក្រុមអ្នកធ្វើការនៅក្នុងវិស័យនេះជាច្រើន ដែលពួកគេជាមនុស្សដែលមានភាពរីករាយខ្លាំងជាងគេបំផុតធៀបទៅនឹងអាជីពផ្សេងចាប់រាប់ពីការងារប្រចាំថ្ងៃឡើង ហើយមានអត្រាសម្ពាធតិចតួចបំផុតចំពោះបញ្ហាដែលថាអចលនទ្រព្យនឹងអាចធ្លាក់ចុះនាពេលអនាគត៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ...
ធនាគារជាតិនៃកម្ពុជា (NBC) បានអំពាវនាវឱ្យសាធារណជនមានការប្រុងប្រយ័ត្នខ្ពស់ មុននឹងតភ្ជាប់ ឬចូលប្រើប្រាស់សេវាទូទាត់សងប្រាក់ណា...
ប្រធានាធិបតីចិន លោក Xi Jinping នឹងអញ្ជើញចូលរួមកិច្ចប្រជុំកំពូល BRICS នៅប្រទេសឥណ្ឌា ដែលដំណើរទស្សនកិច្ចលើកដំបូងក្នុងរយៈពេល ៧ ឆ្នាំ ខណៈដែលបញ្ហាជម្លោះព...
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ ពិធី...
ផ្សារមូលបត្រកម្ពុជា (CSX) បានកត់សម្គាល់ថា សកម្មភាពជួញដូរភាគហ៊ុនកើនឡើងខ្លាំង ខណៈក្រុមហ៊ុនចុះបញ្ជីសរុបចំនួន ២៨ បានកៀរគរទុ...
កម្មវិធីពិសេសរបស់ AMS ECONOMY
