AMS Economyវិនិយោគិនជប៉ុនប្រមាណ៥០ក្រុមហ៊ុនមកសិក្សាស្វែងយល់ពីសក្ដានុពលវិនិយោគនៅកម្ពុជា
ភ្នំពេញ ៖ ក្រោយពេលដែលប្រទេសកម្ពុជាបានបើកទូលាយទទួលស្វាគមន៍វិនិយោគិនបរទេសចូលមកបណ្ដាក់ទុនវិនិយោគឡើងវិញក្រោយពីវិបត្តិកូវីដ១៩បានស្ងប់ស្ងាត់ គេសង្កេតឃើញថាមានបណ្តាវិនិយោគិនបរទេសជាច្រើនចូលមកកម្ពុជាដើម្បីសិក្សាស្វែងយល់ពីសក្ដានុពលមុននឹងបណ្ដាក់ទុនវិនិយោគ ជាក់ស្ដែងនៅថ្ងៃចុងសប្ដាហ៍កន្លងទៅនេះ វិនិយោគិនជប៉ុនប្រមាណ៥០ក្រុមហ៊ុនដឹកនាំដោយប្រធានសមាគមពាណិជ្ជកម្មជប៉ុនប្រចាំកម្ពុជាបានជួបជាមួយអ្នកជំនួញជោគជ័យនៅកម្ពុជាដើម្បីសិក្សាពីសក្ដានុពល និងឱកាសវិនិយោគនៅកម្ពុជា ។
លោក KANDA Yogo ប្រធានសមាគមពាណិជ្ជកម្មជប៉ុនប្រចាំកម្ពុជាបានថ្លែងឱ្យដឹងថា ក្រុមហ៊ុនជប៉ុនប្រមាណ៥០ក្រុមហ៊ុនដែលជាសមាជិករបស់សមាគមពាណិជ្ជកម្មជប៉ុននៅកម្ពុជា បានជួបជាមួយនឹងអ្នកជំនួញដែលល្បីឈ្មោះ និងជោគជ័យ ដើម្បីសិក្សាបន្ថែមពីកម្ពុជា និងត្រៀមបណ្ដាក់ទុនវិនិយោគនិងបន្ថែមទុនវិនិយោគនៅក្នុងប្រទេសកម្ពុជា។ ក្រុមហ៊ុនទាំងដែលបានសិក្សាស្វែងយល់ពីកម្ពុជាបន្ថែមនេះ មានមកពីវិស័យផ្សេងៗដូចជាវិស័យធនាគារ វិស័យសំណង់ និងអចលនទ្រព្យ វិស័យផ្នែកធានារ៉ាប់រង វិស័យផ្នែកផលិតនិងវិស័យផ្សេងៗទៀត ។
លោកបន្តទៀតថា ៖
“បច្ចុប្បន្ននេះ យើងបានឃើញហើយថាវិនិយោគិនជប៉ុនជាច្រើនបានបណ្ដាក់ទុនវិនិយោគនៅក្នុងប្រទេសកម្ពុជា ហើយមានគម្រោងធំៗជាច្រើនបានលេចធ្លោក្នុងប្រទេសផងដែរដូចជាគម្រោងផ្សារទំនើបអ៊ីអន ដែលរហូតមកដល់ពេលនេះគឺមាន៣គម្រោងហើយនិងសុទ្ធតែទទួលបានជោគជ័យ និងការគាំទ្រពីប្រជាពលរដ្ឋកម្ពុជា ។ ក្រៅពីនេះក៏មានគម្រោងវិនិយោគលើលំនៅឋាន បុរីនិងក្រុមហ៊ុនជាច្រើនទៀត រួមទាំងវិស័យធនាគារ និងហិរញ្ញវត្ថុផងដែរ”
ប្រធានសមាគមពាណិជ្ជកម្មជប៉ុនប្រចាំកម្ពុជាបានលើកឡើងផងដែរថា នៅពេលអនាគតខាងមុខនេះ នឹងមានក្រុមហ៊ុនជប៉ុនជាច្រើនទៀតនឹងបណ្ដាក់ទុនវិនិយោគនៅកម្ពុជាពីព្រោះថាក្នុងរយៈពេលជាង២ឆ្នាំកន្លងនេះ កម្ពុជាក៏ដូចជាពិភពលោកទាំងមូលបានជួបនឹងវិបត្តិកូវីដ១៩ ហើយធ្វើឱ្យការវិនិយោគពីបរទេសបានធ្លាក់ចុះ តែចាប់ពីពេលនេះតទៅវានឹងលែងធ្លាក់ចុះទៀតមានតែទ្រឹងនិងបន្តងើបឡើងវិញ ។
នៅក្នុងជំនួបពិភាក្សានោះដែរ លោកបណ្ឌិត អ៊ិន ចាន់នី ប្រធាននាយកប្រតិបត្តិធនាគារអេស៊ីលីដា ភីអិលស៊ីបានផ្ដល់ព័ត៌មានទៅកាន់វិនិយោគិនទាំងនោះពីសក្ដានុពលនៃការវិនិយោគនៅក្នុងប្រទេសកម្ពុជា និងបានបង្ហាញពីចំណាត់ការរបស់រាជរដ្ឋាភិបាលកម្ពុជាទៅលើសេដ្ឋកិច្ច ។ លោកបានបង្ហាញថា ថ្វីត្បិតតែស្ថានភាពសេដ្ឋកិច្ចសកលធ្វើឱ្យអតិផរណាបានកើនឡើងក្ដីតែសម្រាប់អត្រានៃការកើនឡើងអតិផរណារបស់កម្ពុជា គឺស្ថិតនៅក្នុងកម្រិតមួយដែលរាជរដ្ឋាភិបាលអាចទប់ទល់បាន ។
លោកថា
“កាលពីឆ្នាំ២០០៨អតិផរណារបស់កម្ពុជាបានកើនឡើងខ្ពស់រហូតដល់ ១៨,៧៥ភាគរយតែរដ្ឋាភិបាលមានយន្តការគ្រប់គ្រាន់ក្នុងការធ្វើឱ្យអតិផរណាចុះមកវិញក្នុងកម្រិតមួយល្អប្រសើរ ។សម្រាប់អត្រាកើនឡើងនៃអតិផរណានាពេលនេះ វាស្ថិតនៅក្នុងកម្រិតមិនទាន់ខ្ពស់ដូចក្នុងឆ្នាំ២០០៨ទេ ដូច្នេះយើងអត់បារម្ភនោះឡើយ “
លោកបណ្ឌិតមានប្រសាសន៍ថា សម្រាប់ធនាគារអេស៊ីលីដាផ្ទាល់ មានដៃគូជាសាជីវកម្មជប៉ុនច្រើនក្នុងដៃ ដែលរហូតមកដល់ពេលនេះ យើងមានដៃគូរហូតដល់ជាង៦០០សាជីវកម្ម រាប់ចាប់តាំងពីសាជីវកម្មខ្នាតតូចរហូតដល់សាជីវកម្មធំៗលំដាប់ពិភពលោកផងដែរ ។
តាមរបាយការណ៍របស់ធនាគារនៃកម្ពុជាបានបង្ហាញថា ក្នុងឆ្នាំ២០២១កន្លងទៅរំហូរទុនវិនិយោគផ្ទាល់ពីប្រទេសជប៉ុនមានទឹកប្រាក់៣,៥ពាន់លានដុល្លារអាមេរិកឬប្រមាណ៥,៩ភាគរយនៃរំហូរវិនិយោគផ្ទាល់ពីបរទេសសរុប ដែលធ្វើឱ្យប្រទេសជប៉ុនជាប់ចំណាត់ទី៥នៃប្រទេសមានរំហូរទុនវិនិយោគផ្ទាល់ពីបរទេសច្រើនជាងគេនៅកម្ពុជា ។ វិស័យដែលស្រូបបានទុនវិនិយោគពីជប៉ុនរួមមានវិស័យហិរញ្ញវត្ថុ ឧស្សាហកម្មកម្មន្តសាល វិស័យអចលនទ្រព្យ សណ្ឋាគារ និងភោជនីយដ្ឋាន កសិកម្ម អេឡិចត្រូនិក និងសំណង់ ៕
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
មហាយក្សចិន-អាម៉េរិក បង្ហាញពីកិច្ចទំនាក់ទំនងដ៏ស៊ីជម្រៅមិនអាចកាត់ផ្ដាច់គ្នាបាន
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្តែប្រសិនបើគេក្រឡេកទៅមើលតួលេខជាក់ស្តែងនៃកិច្ចសហប្រតិបត្តិការវិញ បានបង្ហាញយ៉ាងច្បាស់ថា ប្រទេសទាំងពីរមានទំនាក់ទំនងទាំងផ្នែកសេដ្ឋកិច្ច ទាំងប្រជាជាតិយ៉ាងស៊ីជម្រៅដែលមិនអាចកាត់ផ្តាច់ពីគ្នាបានឡើយ។ ចុងក្រោយនេះ ក្រោមការសម្របសម្រួលតាមរយៈការទូតរបស់ប្រមុខរដ្ឋនៅក្នុងដំណើរទស្សនកិច្ចកំពូលទៅវិញទៅមកភាគីទាំងពីរបានបញ្ជាក់ជាថ្មីនូវការប្តេជ្ញាចិត្តក្នុងការកសាងទំនាក់ទំនងទ្វេភាគីក្នុងន័យស្ថាបនា ដើម្បីរក្សាស្ថិរភាពជាយុទ្ធសាស្ត្រ។ សារព័ត៌មាន China Daily បានចេញផ្សាយថា ទំហំពាណិជ្ជកម្មរវាងចិន និងអាមេរិក
ចិន កំពុងស្ថិតក្នុងការសង្ស័យថា លួចសិក្សាពីបច្ចេកវិទ្យាទំនើបនៃយន្តហោះចម្បាំង F-35 របស់អាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អាម៉េរិក។ ហេតុការណ៍នេះបានកើតឡើងកាលពីដើមឆ្នាំ២០២៦នេះ ប៉ុន្តែទើបតែត្រូវបានយកចេញផ្សាយកាលពីពេលថ្មីៗនេះ។ ដោយដកស្រង់ចេញពី Bloomberg និង Politico បានឱ្យដឹងថា ឧប្បទេវហេតុខាងលើនេះបានកើតឡើងនៅក្នុងពេលដែលការដឹកជញ្ជូនគ្រឿងបន្លាស់យន្តហោះដែលមានបញ្ហាយកមកពីប្រទេសអូស្ត្រាលីត្រូវបញ្ជូនទៅសហរដ្ឋអាមេរិក ប៉ុន្តែចៃដន្យបែរជាបង្វែរទិសដៅដោយគ្មានការគ្រោងទុកទៅកាន់ក្រុងហុងកុងទៅវិញ។ សមាសភាគបំណែកយន្តហោះចម្បាំងបំបាំងកាយ F-35 ដែលត្រូវបានដឹកជញ្ជូនដោយក្រុមហ៊ុន UPS រួមមានដូចជា ដំបូលកញ្ចក់កាប៊ីន
ហេតុផលនៅពីក្រោយតម្លៃប្រេងនៅកម្ពុជាបន្តឡើងថ្លៃ ខណៈដែលតម្លៃប្រេងឆៅនៅលើទីផ្សារពិភពលោកបានធ្លាក់ចុះ
Top News, ព្រឹត្តិការណ៍, សេដ្ឋកិច្ច
• 25/09/2026
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូងសមុទ្របានធូរស្រាលក្រោយកិច្ចចរចារវាងអុីរ៉ង់ ជាមួយនឹងសហរដ្ឋអាមេរិក ក៏ប៉ុន្តែ នៅឯកម្ពុជាវិញ នៅមិនទាន់អាចរក្សាកំណត់ត្រាវិជ្ជមានរបស់ខ្លួនបានឡើយដោយសារខ្លួនពឹងផ្អែកទាំងស្រុកលើការនាំចូលប្រេងចម្រាញ់រួចពីទីផ្សារសិង្ហបុរី ដែលអ្នកផ្គត់ផ្គង់នៅទីនោះ មិនទាន់អាចទិញប្រេងឆៅទៅតាមតម្លៃដែលបានប្រកាសចុះបានភ្លាមៗ។ ដូច្នេះហើយ អ្នកប្រើប្រាស់នៅកម្ពុជាត្រូវប្រឈមនឹងការឡើងថ្លៃយ៉ាងគំហុកនៅតាមស្ថានីយប្រេងឥន្ធនៈ ស្របតាមតារាងកំណត់តម្លៃថ្មីរបស់ក្រសួងពាណិជ្ជកម្ម។ យោងតាមតារាងកំណត់តម្លៃថ្មីរបស់ក្រសួងពាណិជ្ជកម្មបានបង្ហាញថា តម្លៃប្រេងសាំងធម្មតាបានកើនឡើង ៤៥០ រៀល ដល់ ៥,២៥០
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្ត...
គាំទ្រជីវភាពពលរដ្ឋ ក្នុងពេលតម្លៃប្រេងសកលឡើងថ្លៃខ្ពស់
(បាត់ដំបង/ប៉ៃលិន)៖ ក្នុងគោលបំណងបន្តជួយលើកកម្ពស់ជីវភាពរស់នៅរបស់ប្រជាពលរដ្ឋ ជាពិសេសសម្រាប់អតីតពលករពីប្រទេសថៃ និងយុវជនរកការងារធ្វើ ក្រសួងការងារ និងបណ្...
ទីក្រុងសៀងហៃ៖ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជួបពិភាក្សាការងារជាមួយលោកជំទាវ វ៉ាង ស៊ាវភីង (Wang Xiaoping) រដ្ឋមន្រ្តីធនធ...
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អា...
បរទេស៖ សហភាពអឺរ៉ុប និងបណ្តាប្រទេសរបស់អាស៊ានមួយចំនួនកំពុងឈានចូលដល់ដំណាក់កាលចុងក្រោយនៃកិច្ចព្រមព្រៀងពាណិជ្ជកម្មទ្វេភាគី ខណៈដែលអឺរ៉ុប កំពុងព្យាយាមកាត់...
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូង...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦ តំបន់សេដ្ឋកិច្ចពិសេសរបស់ក្រុមហ៊ុនរ៉ូយ៉ាល់គ្រុបចំនួនពីរ រួមមានតំបន់សេដ្ឋកិច្ចពិសេសរ៉ូយ...
កម្មវិធីពិសេសរបស់ AMS ECONOMY
