AMS Economyសហគ្រិនវ័យក្មេងអាស៊ានរួមគ្នាជំរុញទំហំពាណិជ្ជកម្មពីក្នុងតំបន់ទៅកាន់ពិភពលោក
ភ្នំពេញ ៖ សហគ្រិនវ័យក្មេងអាស៊ាន នៅក្នុងកិច្ចជួបជុំគ្នានាឱកាសព្រឹត្តិការណ៍មហោស្រពសហគ្រិនវ័យក្មេងអាស៊ានលើកទី៧ កាលពីថ្ងៃចុងសប្ដាហ៍កន្លងទៅនេះ បានជជែកដេញដោលយ៉ាងស៊ីជ្រៅអំពីការពង្រីកវិសាលភាពនៃពាណិជ្ជកម្មពីក្នុងតំបន់ចេញទៅកាន់ពិភពលោកបន្ថែមទៀត។
ចេញពីកិច្ចពិភាក្សាក្រោមប្រធានបទ «ការជំរុញពាណិជ្ជកម្មឱ្យលើសពីតំបន់អាស៊ាន» ដែលរៀបចំឡើងដោយសមាគមសហគ្រិនវ័យក្មេងកម្ពុជា តាមរយៈមហោស្រពសហគ្រិនវ័យក្មេងអាស៊ានលើកទី៧ វាគ្មិនដែលមកពីបណ្ដាប្រទេសក្នុងតំបន់អាស៊ាន និងក្រៅតំបន់ បានមើលឃើញពីល័ក្ខខ័ណ្ឌអំណោយផលរបស់កម្ពុជា បើធៀបទៅនឹងប្រទេសដទៃជិតខាង។ ល័ក្ខខ័ណ្ឌអំណោយផលដែលវាគ្មិនកិត្តិយសបានលើកឡើងនាពេលនោះគឺសំដៅលើទីផ្សារទូទៅនៅមានសភាពទូលាយនៅឡើយ ថ្លៃវត្ថុធាតុដើមក៏សមរម្យអាចទទួលយកបាន រីឯកម្លាំងពលកម្មក៏សមាមាត្រសម្រាប់ការចូលមកវិនិយោគផងដែរ។
លោក Sandeep Majumdar ប្រធានសភាពាណិជ្ជកម្មឥណ្ឌានៅកម្ពុជាបានបង្ហាញពីការមើលឃើញរបស់លោកចំពោះសេដ្ឋកិច្ចកម្ពុជា។ លោកបានមានប្រសាសន៍ថា ៖
“ឥណ្ឌាបានមើលឃើញពីភាពចន្លោះទីផ្សារជាច្រើននៅកម្ពុជា ហើយអ្វីដែលគួរឱ្យចាប់អារម្មណ៍បំផុតនោះគឺកម្ពុជាមានទំនិញច្រើន ប៉ុន្តែមិនត្រូវបានគេស្គាល់ជាសកលនោះទេ”
ជាសកម្មភាពមួយរបស់សភាពាណិជ្ជកម្មឥណ្ឌា គឺជួយជំរុញវិស័យឯកជន ដែលនឹងធ្វើឱ្យមានភាពងាយស្រួលក្នុងការទំនាក់ទំនងដោយផ្ទាល់ជុំវិញកង្វល់ ឬស្វែងរកឱកាសសម្រាប់ពាណិជ្ជករ និងអ្នកវិនិយោគមកពីប្រទេសទាំងពីរ។
លោក Kanneth Tang ប្រធានសភាពាណិជ្ជកម្មអូស្ត្រាលីនៅកម្ពុជាបានថ្លែងផងដែរអំពីការផ្ដល់ជាជំនួយក្នុងរូបភាពផ្សេងៗ ដើម្បីជួយដល់សហគ្រិនវ័យក្មេងកម្ពុជា ដោយក្នុងនោះផងដែរ ក៏មានការកសាងធនធានមនុស្សនៅកម្ពុជា។
លោកមានប្រសាសន៍ថា ៖
“បើនិយាយក្នុងក្របខ័ណ្ឌសកល មនុស្សភាគច្រើនមិនបានស្គាល់ពីកម្ពុជាទេក្រៅពីប្រាសាទអង្គរវត្ត ដូច្នេះវាមានភាពសំខាន់ណាស់សម្រាប់កម្ពុជាក្នុងការបង្កើនពាណិជ្ជកម្មទៅកាន់ប្រទេសក្រៅតំបន់។ នៅក្នុងការបង្កើនពាណិជ្ជកម្ម គុណភាពទំនិញ និងទំនុកចិត្តគឺជារឿងសំខាន់បំផុតក្នុងការធ្វើឱ្យដៃគូពាណិជ្ជកម្មឆាប់សម្គាល់ពីកម្ពុជា។ ប៉ុន្តែយ៉ាងណា ទាំងអស់នេះត្រូវការពេលវេលាយូរក្នុងការកសាង ហើយការកសាងទៀតសោតត្រូវចាប់ផ្ដើមពីសហគ្រិនគ្រប់រូបទៅតែម្ដង”
ឯកឧត្តម សួស យ៉ារ៉ា សមាជិកសភា និងជាអគ្គនាយកក្រុមប្រឹក្សាវប្បធម៌អាស៊ី កម្ពុជា ដែលចូលរួមជាអធិបតីបើកកម្មវិធីមហោស្រពសហគ្រិនវ័យក្មេងអាស៊ាននៅថ្ងៃទី១៣ ខែវិច្ឆិកា ក៏បានថ្លែងផងដែរអំពីភាពមមាញឹករបស់កម្ពុជានៅឆ្នាំនេះ។
ឯកឧត្តម សួស យ៉ារ៉ា បានមានប្រសាសន៍បន្តថា ៖
“ទីផ្សាររបស់កម្ពុជាជាទូទៅគឺត្រូវបានពង្រីកវិសាលភាពគួរឱ្យកត់សម្គាល់ ម្យ៉ាងទៀតច្បាប់វិនិយោគថ្មីក៏ទើបតែត្រូវបានដាក់ឱ្យអនុវត្តផងដែរ ដែលធ្វើឱ្យសកម្មភាពចូលមកវិនិយោគនានាកាន់តែមានភាពងាយស្រួល”
ឯកឧត្តមក៏បានលើកឡើងផងដែរថា ការពង្រីកទីផ្សារពាណិជ្ជកម្មកម្ពុជាអាចធ្វើទៅបានលុះត្រាតែមានការចូលរួមពី៣ភាគីសំខាន់ៗគឺ ភាគីរាជរដ្ឋាភិបាល ភាគីសភាពាណិជ្ជកម្ម និងភាគីឯកជន។
គួរបញ្ជាក់ថា ព្រឹត្តិការណ៍មហោស្រពសហគ្រិនវ័យក្មេងអាស៊ានត្រូវបានបញ្ចប់ជាស្ថាពរហើយនៅត្រឹមរសៀលថ្ងៃទី១៣ ខែវិច្ឆិកា ឆ្នាំ២០២២ថ្មីៗនេះ ដោយការផ្ទេរវេទិកាបន្ទាប់ទៅដល់ប្រទេសឥណ្ឌូនេស៊ីជាម្ចាស់ផ្ទះរៀបចំនៅឆ្នាំក្រោយ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ឥណ្ឌា ពីប្រទេសនាំចូល ក្លាយជាអ្នកនាំចេញផ្នែកសព្វាវុធដ៏សំខាន់មួយក្នុងទីផ្សារពិភពលោក
ព្រឹត្តិការណ៍, អាជីវកម្មថ្មី និងនវានុវត្ត
• 14/09/2026
បរទេស ៖ ជាប្រវត្តិសាស្ត្រ ឥណ្ឌា ត្រូវបានគេស្គាល់ថា ជាប្រទេសនាំចូលសម្ភារៈយុទ្ធភណ្ឌយោធាដ៏ធំបំផុតមួយក្នុងពិភពលោក ប៉ុន្តែបច្ចុប្បន្ន ទីក្រុងញូវដេលី បាន និងកំពុងកែប្រែប្រវត្តិសាស្ត្រក្នុងវិស័យការពារជាតិរបស់ខ្លួនយ៉ាងឆាប់រហ័ស ដោយក្លាយខ្លួនទៅជាប្រទេសនាំចេញសព្វាវុធដ៏សំខាន់នៅលើឆាកអន្តរជាតិទៅវិញ។ ទិដ្ឋភាពនៃការផលិតក្នុងវិស័យការពារជាតិរបស់ប្រទេសឥណ្ឌា កំពុងមានការផ្លាស់ប្តូរទម្រង់យ៉ាងជ្រាលជ្រៅ គិតតាំងពីការផ្លាស់ប្តូរគោលនយោបាយយុទ្ធសាស្ត្រ ការជំរុញផលិតកម្មក្នុងស្រុកយ៉ាងសកម្ម កំណើនវិនិយោគពីវិស័យឯកជន ជាពិសេស ឧស្សាហកម្មនៃការផលិតក្នុងវិស័យការពារជាតិសរុបរបស់ឥណ្ឌាបានកើនឡើងដល់ជិត ១៨,៦ ពាន់លានដុល្លារនៅក្នុងផែនការថវិកាឆ្នាំជាតិ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បរទេស ៖ ជាប្រវត្តិសាស្ត្រ ឥណ្ឌា ត្រូវបានគេស្គាល់ថា ជាប្រទេសនាំចូលសម្ភារៈយុទ្ធភណ្ឌយោធាដ៏ធំបំផុតមួយក្នុងពិភពលោក ប៉ុន្តែបច្ចុប្បន្ន ទីក្រុងញូវដេលី បាន...
កម្ពុជា និងម៉ាឡេស៊ីកំពុងជំរុញការពង្រឹងកិច្ចសហប្រតិបត្តិការធុរកិច្ច ពាណិជ្ជកម្ម និងការវិនិយោគ ខណៈទំហំពាណិជ្ជកម្មទ្វេភាគីបានកើ...
ភ្នំពេញ ៖ ក្រសួងពាណិជ្ជកម្ម បានរៀបចំកម្មវិធីជជែកដេញដោលមួយ ដើម្បីជំរុញយុវជនជំនាន់ក្រោយឱ្យមានកិច្ចសន្ទនា ផ្លាស់ប្តូរគំនិត និងពង្រីកការយល់ដឹងស៊ីជម្រៅ ...
ម្លៃប្រេងឆៅបានកើនឡើងជាង ២ ភាគរយនៅថ្ងៃចន្ទនេះ ដោយតម្លៃប្រេង Brent ឡើងដល់ជាង ១០៧ ដុល្លារក្នុងមួយបារ៉ែល ក្រោយភាពតានតឹងនៅម...
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
កម្មវិធីពិសេសរបស់ AMS ECONOMY
