AMS Economyកម្ពុជាជំរុញការវិនិយោគលើការដាំដុះ និងកែច្នៃគ្រាប់ស្វាយចន្ទី និងលើកកម្ពស់សមត្ថភាពនៃការនាំចេញ
ភ្នំពេញ៖ ថ្លែងក្នុងពិធីបើកសន្និបាតលើកទី១ របស់សហព័ន្ធស្វាយចន្ទីកម្ពុជា (ស.ច.ក) កាលពីថ្ងៃដើមសប្ដាហ៍កន្លងទៅដែលរៀបចំឡើងនៅក្រុងភ្នំពេញ មន្ត្រីជាន់ខ្ពស់ក្រសួងពាណិជ្ជកម្មបានឱ្យដឹងថា សហព័ន្ធស្វាយចន្ទីកម្ពុជា ដែលត្រូវបានបង្កើតឡើងនឹងរួមចំណែកយ៉ាងសំខាន់ក្នុងការជំរុញឱ្យវិស័យស្វាយចន្ទីកាន់តែមានសក្តានុពលខ្លាំងក្លាបន្ថែមទៀតសំដៅដល់កំណើនសេដ្ឋកិច្ចជាតិ និងបានផ្តល់នូវប្រយោជន៍ប្រកបដោយបរិយាបន្នដល់អ្នកដាំដុះ អ្នកកែច្នៃ និងអ្នកនាំចេញ។
ឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្មបានលើកឡើងថា ដើម្បីជំរុញការវិនិយោគលើការដាំដុះ និងកែច្នៃគ្រាប់ស្វាយចន្ទីឱ្យមានដំណើរការល្អ និងលើកកម្ពស់សមត្ថភាពនៃការនាំចេញ ក្រសួងពាណិជ្ជកម្មក៏បានរៀបចំនូវគោលនយោបាយស្វាយចន្ទី ដែលគោលនយោបាយនេះត្រូវបានរៀបចំឡើងដោយមានចូលរួមពីថ្នាក់ដឹកនាំ និងមន្ត្រីជំនាញរបស់ក្រសួងស្ថាប័នពាក់ព័ន្ធ អង្គការដៃគូ និងវិស័យឯកជន។
ឯកឧត្តម ម៉ៅ ថូរ៉ា បានមានប្រសាសន៍ថា ៖
“សហព័ន្ធស្វាយចន្ទីនេះនឹងក្លាយជាកម្លាំងចលករយ៉ាងសំខាន់ក្នុងការជំរុញអនុវត្តគោលនយោបាយឱ្យកាន់តែមានប្រសិទ្ធភាព និងឆ្លើយតបនឹងតម្រូវការទីផ្សារក្នុងស្រុក និងពិភពលោក និងចូលរួមលើកកម្ពស់វិស័យស្វាយចន្ទីកម្ពុជាលើទីផ្សារអន្តរជាតិបន្ថែមទៀត។ជាមួយគ្នានេះដែរ ការបង្កើតសហព័ន្ធស្វាយចន្ទីកម្ពុជា (ស.ច.ក) ព្រមទាំងគោលនយោបាយស្វាយចន្ទី ដែលរាជរដ្ឋាភិបាលគ្រោងដាក់ឱ្យប្រើប្រាស់នាពេលខាងមុខ នឹងជួយធ្វើឱ្យប្រទេសកម្ពុជារកចំណូលបានកាន់តែច្រើន ព្រោះថា ផលិតផលគ្រាប់ស្វាយចន្ទីបច្ចុប្បន្ន ជាអនុវិស័យកសិកម្ម សំខាន់មួយនៃទីផ្សារនាំចេញរបស់កម្ពុជា ”
ប្រធានសមាគមស្វាយយចន្ទីកម្ពុជាលោក អ៊ួន ស៊ីឡុត បានប្រាប់ AMS ថា ក្នុងនាមសមាគមស្វាយចន្ទីកម្ពុជា (សសក) លោកអបអរសាទរការបង្កើតសហព័ន្ធស្វាយចន្ទីកម្ពុជា (សចក) នេះឡើង ព្រោះសហព័ន្ធស្វាយចន្ទីកម្ពុជា មានគោលនយោបាយថ្នាក់ជាតិ និងផ្តោតការងារលើការនាំចេញ ការវិនិយោគ និងការម្របសម្រួលធុរកិច្ចក្នុងការទាក់ទង សុំពន្ធពិសេស សម្រាប់វិស័យស្វាយចន្ទីជាដើម។
លោក អ៊ួន ស៊ីឡុត បានមានប្រសាសន៍ថា៖
“ខ្ញុំសូមអបអរសាទរការបង្កើត សហព័ន្ធស្វាយចន្ទីកម្ពុជា (សចក) និងសង្ឃឹមយ៉ាងម៉ុតមាំថា សចក និងជួយបំពេញចន្លោះបន្ថែម ដែល (សសក) មិនមានលទ្ធភាពធ្វើបាន ដូចជាសម្រួលធុរកិច្ច សម្រួលការនាំចេញ ស្វែងរករកទីផ្សារថ្មី បង្កើនឱកាសវិនិយោគ បញ្ចុះបញ្ចូលរាជរដ្ឋាភិបាល ដើម្បីបានពន្ធពិសេសលើវិស័យស្វាយចន្ទី”
លោកបានបញ្ជាក់ថា សមាគមបង្កើតឡើងដោយប្រជាកសិករនិងសហគ្រិនក្នុងស្រុក ដោយឯករាជ្យ និងធ្វើការយ៉ាងស្អិតរមួតជាមួយស្ថាប័នរដ្ឋមួយចំនួន ជាពិសេសក្រសួងកសិកម្មរុក្ខាប្រមាញ់ និងនេសាទ តាមរយៈនាយកដ្ឋានកសិ-ឧស្សាហកម្ម។ ចំណែក សហព័ន្ធស្វាយចន្ទីកម្ពុជា ត្រូវបានបង្កើតឡើងដោយមានការជ្រោមជ្រែងពីក្រសួងពាណិជ្ជកម្ម ដែលអាចរួមការងារជំរុញវិស័យស្វាយចន្ទី ឱ្យមានភាពប្រសើរឡើងទាំងតម្លៃនិងគុណភាព ដើម្បីប្រជែងក្នុងទីផ្សារអន្តរជាតិ។
នៅឆ្នាំ២០២១តាមលទ្ធផល នៃកិច្ចពិភាក្សាជាមួយវិស័យឯកជន លើឯកសារយុទ្ធសាស្ត្រ ទាញយកអត្ថប្រយោជន៍ជាអតិបរមា ពីការអនុវត្តកិច្ចព្រមព្រៀងពាណិជ្ជកម្មសេរី កម្ពុជាបានកំណត់មុខទំនិញសក្ដានុពលចំនួន ១០មុខ ដែលត្រូវជំរុញផលិតកម្ម និងជំរុញការនាំចេញ ក្នុងកិច្ចព្រមព្រៀងពាណិជ្ជកម្មសេរី ។ ស្វាយចន្ទី ក៏ស្ថិតនៅក្នុងមុខទំនិញសក្ដានុពលទាំង ១០មុខនេះដែរ រួមមាន ៖ ស្រូវ-អង្ករ ដំឡូងមី ចេក មៀនប៉ៃលិន ស្វាយ សាច់សត្វ ជ័រកៅស៊ូ ម្នាស់ និងម្រេច។
ប្រធានសហគមន៍សំបូរមានជ័យ លោក អេង ថុង ដែលមានកសិករដាំស្វាយចន្ទីប្រមាណជាង៣៦០ហិកតា បានប្រាប់ AMS ថា សហព័ន្ធស្វាយចន្ទីកម្ពុជា ដែលបានបង្កើត និងគោលនយោបាយស្វាយចន្ទីរបស់រដ្ឋាភិបាល នឹងអាចជួយលើកកម្ពស់សមត្ថភាពដាំដុះ កែច្នៃ និងជំរុញការនាំចេញគ្រាប់ស្វាយចន្ទីរបស់កម្ពុជា។
លោក អេង ថុង បានមានប្រសាសន៍ថា ៖
“ខ្ញុំមានជំនឿថា សហព័ន្ធស្វាយចន្ទីកម្ពុជា នឹងអាចទាក់ទាញអ្នកវិនិយោគធំៗឱ្យមកបើករោងចក្រ កែច្នៃ ផលិតផលគ្រាប់ស្វាយចន្ទីកម្ពុជា នឹងជំរុញឱ្យមានតម្លៃល្អលើទីផ្សារ “
សូមបញ្ជាក់ថា ឆ្នាំ២០១៨ ពិធីចុះហត្ថលេខាលើអនុស្សរណៈយោគយល់គ្នាមួយរវាងក្រសួងកសិកម្ម រុក្ខាប្រមាញ់ និងនេសាទ និងសមាគមសា្វយចន្ទីវៀតណាម ស្តីពីការជំរុញផលិតកម្មដំណាំស្វាយចន្ទីនៅកម្ពុជាសម្រាប់ការនាំចេញសម្រាប់តម្រូវការទីផ្សាររៀតណាមប្រមាណ១លានតោនក្នុង១ឆ្នាំ ដោយកាលពីឆ្នាំ២០១៦ កម្ពុជាមានលទ្ធភាពផលិតស្វាយចន្ទីបានរហូតដល់ ១០៤.០០០ តោន។
តាមរយៈអនុស្សារណៈមានគោលបំណង ជំរុញផលិតកម្មស្វាយចន្ទីនៅកម្ពុជា ការផ្ទេរបច្ចេកទេសប្រមូលផលនិងឃ្លាំងសម្ងួត ជំរុញការវិនិយោគ។ ការផ្សារភ្ជាប់រវាងអ្នកដាំទៅនឹងទីផ្សារ លើកកម្ពស់ការស្រាវជ្រាវ និងអភិវឌ្ឍន៍ ក្នុងន័យលើកកម្ពស់កម្រិតជីវភាពប្រជាកសិករ កាត់បន្ថយភាពក្រីក្រ និងជំរុញកំណើនសេដ្ឋកិច្ចជាតិ។កម្ពុជាប្រមូលផលគ្រាប់ស្វាយចន្ទីបានមិនក្រោម ១ លានតោននោះទេ។
របាយការណ៍របស់សមាគមស្វាយចន្ទីកម្ពុជា បានឱ្យដឹងថា នៅក្នុងឆ្នាំ ២០២២ កម្ពុជាមានផ្ទៃដីដាំដុះកសិកម្មប្រហែល ៧,២ លានហិកតា ក្នុងនោះស្វាយចន្ទីមានប្រហែល ៧០០ ០០០ ហិកតា។
តាមទិន្នន័យក្រសួងកសិកម្ម ឆ្នាំ២០២១ កម្ពុជាបាននាំចេញគ្រាប់ស្វាយចន្ទីក្នុងទឹកប្រាក់សរុប ១ ៦០៤,៨៧ លានដុល្លារ កើនឡើង ២៣៣,៣២ ភាគរយបើធៀបនឹងឆ្នាំ ២០២០។ ទីផ្សារគ្រាប់ស្វាយចន្ទីសំខាន់ៗរួមមាន ប្រទេសវៀតណាម ចិន ថៃ ឥណ្ឌា ជប៉ុន កូរ៉េ និងប្រទេសក្នុងតំបន់អឺរ៉ុប ៕
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រាប់ស្វាយចន្ទី និងម្រេចកំពត ត្រៀមអង្រួនវេទិកាជំរុញផលិតផលខ្មែរទៅកាន់ទីផ្សារអឺរ៉ុប នៅសប្ដាហ៍ក្រោយ
អាម៉េរិកត្រៀមបញ្ចប់កញ្ចប់ជំនួយយោធា ៤ ពាន់លានដុល្លារដល់អ៊ីស្រាអែល
ព្រឹត្តិការណ៍, អាជីវកម្មថ្មី និងនវានុវត្ត
• 04/11/2026
ប្រធានាធិបតីអាម៉េរិក លោក Donald Trump បានប្រកាសថា សហរដ្ឋអាម៉េរិកនឹងបញ្ឈប់ការផ្ដល់ជំនួយយោធាប្រចាំឆ្នាំចំនួន ៤ ពាន់លានដុល្លារដល់ប្រទេសអ៊ីស្រាអែល ដោយគ្រោងចាប់ផ្តើមអនុវត្តចាប់ពីឆ្នាំក្រោយ
ហ្វាំងឡង់ ចូលរួមគំនិតផ្ដួចផ្ដើមការពារនុយក្លេអ៊ែររបស់បារាំង ចំពេលអឺរ៉ុបចង់ពង្រឹងសន្តិសុខ
ព្រឹត្តិការណ៍, អាជីវកម្មថ្មី និងនវានុវត្ត
• 04/11/2026
ប្រទេសហ្វាំងឡង់បានសម្រេចចូលរួមគំនិតផ្ដួចផ្ដើមសំណាញ់ការពារនុយក្លេអ៊ែររបស់ប្រទេសបារាំង ដោយប្រទេសទាំងពីរបានចាប់ផ្ដើមកិច្ចសហប្រតិបត្តិការនៅកម្រិតបច្ចេកទេសជាផ្លូវការហើយ
និស្សិតសាកលវិទ្យាល័យរាប់ពាន់នាក់ ប្រកួតប្រជែងក្នុងវគ្គផ្តាច់ព្រ័ត្រនៅលើឆាកជាតិក្នុងកម្មវិធី សហគ្រិនមហាវិទ្យាល័យ (UniPreneur) របស់សហគ្រិនខ្មែរ
ព្រឹត្តិការណ៍, អត្ថបទពាណិជ្ជកម្ម
• 03/11/2026
ភ្នំពេញ — ថ្ងៃទី០២ ខែវិច្ឆិកា ឆ្នាំ២០២៦ – ដោយនាំយកភាពរំភើប និងស្មារតីប្រកួតប្រជែងនៃការប្រកួត កីឡាថ្នាក់ជាតិ មកបញ្ចូលក្នុងវិស័យសហគ្រិនភាព សហគ្រិនខ្មែរ បានបញ្ចប់ដោយជោគជ័យនូវការប្រកួត វគ្គផ្តាច់ព្រ័ត្រនៃកម្មវិធី ប្រកួតប្រជែងសហគ្រិនមហាវិទ្យាល័យថ្នាក់ជាតិ (UniPreneur National Challenge) រដូវកាលទី៤។ វគ្គផ្តាច់ព្រ័ត្រនេះបាននាំនវានុវត្តជនសក្តានុពលផ្នែកសហគ្រិនភាពមក ពីទូទាំងប្រទេស
ការវិនិយោគច្រើនហួសហេតុលើវិស័យបច្ចេកវិទ្យា AI ក្នុងរយៈពេលខ្លី និងហានិភ័យចំពោះសេដ្ឋកិច្ចសកល
ព្រឹត្តិការណ៍, អាជីវកម្មថ្មី និងនវានុវត្ត
• 03/11/2026
បរទេស ៖ ពិភពលោកកំពុងព្រួយបារម្ភថា ការផ្ទុះឡើងនូវវិបត្តិដូចពពុះសាប៊ូនៃបច្ចេកវិទ្យា AI (AI Bubble Burst)អាចនឹងកើតមានឡើងនៅពេលដែលការចំណាយទុនយ៉ាងសន្ធឹកសន្ធាប់លើបច្ចេកវិទ្យាបញ្ញាសិប្បនិម្មិតមានទំហំធំលើសលប់ធៀបនឹងប្រាក់ចំណេញអាជីវកម្មជាក់ស្តែង ដែលវាប្រាកដណាស់នឹងបង្ខំឱ្យទីផ្សារហិរញ្ញវត្ថុជួបបញ្ហាយ៉ាងធ្ងន់ធ្ងរ។ ក្រុមហ៊ុន Amazon ជាអ្នកនាំមុខគេក្នុងការវិនិយោគលើហេដ្ឋារចនាសម្ព័ន្ធបច្ចេកវិទ្យាបញ្ញាសិប្បនិម្មិត ជាមួយនឹងផែនការចំណាយទុនប្រមាណ ២០០ ពាន់លានដុល្លារ, ក្រុមហ៊ុន Alphabet គ្រោងកញ្ចប់ថវិកាប្រមាណ ១៩៥ពាន់លាន ទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ ស្របតាមចក្ខុវិស័យរបស់ប្រមុខរាជរដ្ឋាភិបាលកម្ពុជា ដែលជំរុញ និងគាំទ្រដល់វិស័យសហគ្រាសធុនតូច និងមធ្យម SME បង្កើនការផលិត ពង្រឹងគុណភាពផលិតផល ដើម...
លោក Vladislav Sviblov មហាសេដ្ឋីប្រាក់ពាន់លាននៅក្នុងវិស័យរ៉ែរបស់រុស្ស៊ី និងជាប្រធានក្រុមហ៊ុន Areal Group ជួបពិភាក្សាជាមួយមេដឹកនាំ លោក Min Aung Hlain...
បរទេស៖ ប្រធានាធិបតីអាម៉េរិក លោក ដូណាល់ ត្រាំ នឹងដកប្រទេសអាហ្វ្រិកខាងត្បូង និងរ៉្វាន់ដា ចេញពីកម្មវិធីអនុគ្រោះពាណិជ្ជកម្មពិសេសចាប់ពីឆ្នាំ២០២៧ តទៅ ដោយ...
គ្រាប់ស្វាយចន្ទី និងម្រេចកំពត ជំរុញទៅកាន់ទីផ្សារអ៉ឺរ៉ុប
ប្រធានាធិបតីអាម៉េរិក លោក Donald Trump បានប្រកាសថា សហរដ្ឋអាម៉េរិកនឹងបញ្ឈប់ការផ្ដល់ជំនួយយោធាប្រចាំឆ្នាំចំនួន ៤ ពាន់លានដុល្លារ...
ទោះបីជាប្រទេសកម្ពុជាបញ្ចេញឧស្ម័នផ្ទះកញ្ចក់តិចជាង ១% នៃការបំភាយសរុបនៅទូទាំងពិភពលោកក៏ដោយ ក៏កម្ពុជាកំពុងប្រឈមនឹងផលប៉ះពាល់ធ...
ប្រទេសហ្វាំងឡង់បានសម្រេចចូលរួមគំនិតផ្ដួចផ្ដើមសំណាញ់ការពារនុយក្លេអ៊ែររបស់ប្រទេសបារាំង ដោយប្រទេសទាំងពីរបានចាប់ផ្ដើមកិច្ចសហប្រតិប...
វិស័យដីធ្លីសម្រាប់បម្រើការវិនិយោគក្នុងវិស័យកសិកម្ម កសិ-ឧស្សាហកម្ម និងឧស្សាហកម្មនៅកម្ពុជានៅតែមានតម្រូវការពីវិនិយោគិនក្នុងនិងក...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
