AMS Economyកម្ពុជាកំពុងបង្ហាញឧត្តមភាពទៅឆាកអន្តរជាតិតាមរយៈកិច្ចប្រជុំកំពូលអាស៊ានលើកទី៤០ - ៤១ និងកិច្ចប្រជុំពាក់ព័ន្ធ
ភ្នំពេញ ៖ ចាប់តាំងពីថ្ងៃទី០៨ ខែវិច្ឆិកា ម្សិលមិញនេះ រាជធានីភ្នំពេញទទួលដំណើរនៃការមកដល់របស់គណៈប្រតិភូនៃបណ្តាអង្គការអន្តរជាតិធំៗ រដ្ឋមន្ត្រី នាយករដ្ឋមន្ត្រីនៃប្រទេសមួយចំនួនលើពិភពលោក និងបណ្តាប្រទេសអាស៊ាន សម្រាប់កិច្ចប្រជុំកំពូលអាស៊ានលើកទី៤០ និងទី៤១ និងកិច្ចប្រជុំកំពូលពាក់ព័ន្ធក្នុងក្របខ័ណ្ឌអាស៊ាន ព្រមទាំងកិច្ចសន្ទនាអាស៊ានជាសាកលលើកទី២ ដែលនឹងប្រព្រឹត្តទៅចាប់ពីថ្ងៃ១០ ដល់ទី១៣ ខែវិច្ឆិកា ឆ្នាំ២០២២ ខាងមុខនេះ។
ស្របពេលដែលកម្ពុជាធ្វើប្រធានអាស៊ានប្ដូរវេនឆ្នាំ២០២២នេះ កម្ពុជាបាន និងកំពុងធ្វើយ៉ាងណារក្សា និងកំពុងបន្តប្រកាន់ខ្ជាប់នូវការសម្រេចចិត្តឯករាជ្យរបស់ខ្លួន ទាំងក្នុងទិដ្ឋភាពគោលនយោបាយក្នុងស្រុក និងបរទេស ទាំងក្នុងវិស័យនយោបាយ សេដ្ឋកិច្ច ពាណិជ្ជកម្ម ការវិនិយោគ ជាពិសេសសន្តិសុខជាតិ និងការពារជាតិ ដោយគោរពតាមគោលការណ៍អព្យាក្រឹតអចិន្ត្រៃយ៍ មិនចូលបក្សសម្ព័ន្ធ អនុវត្តសិទ្ធិអធិបតេយ្យភាពរបស់ខ្លួនក្នុងការបន្តសកម្មភាពដែលសមស្របបំផុតក្នុងការការពារបូរណភាពទឹកដី និងផលប្រយោជន៍ស្នូល ស្របតាមរដ្ឋធម្មនុញ្ញនៃសមាគមអាស៊ាន និងការរួមរស់ដោយសន្តិភាពជាមួយប្រទេសជិតខាង និងជាមួយប្រទេសទាំងអស់ក្នុងពិភពលោក ក៏ដូចជាការដោះស្រាយជម្លោះដោយសន្តិវិធី និងផលប្រយោជន៍ទៅវិញទៅមក។
ក្នុងការធ្វើជាម្ចាស់ផ្ទះនៃកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ កម្ពុជាក៏បានប្តេជ្ញាចិត្តក្នុងការរួមចំណែកជាបន្តបន្ទាប់ដល់ការលើកកម្ពស់សហគមន៍អាស៊ាន ដែលធ្វើឡើងដោយផ្អែកលើមូលដ្ឋាន និងគោលការណ៍មួយចំនួន ប្រកាន់ខ្ជាប់នូវការឯកភាពនៅក្នុងកិច្ចដំណើរការធ្វើសេចក្តីសម្រេចចិត្តទាំងអស់ និងការមិនជ្រៀតជ្រែកក្នុងកិច្ចការផ្ទៃក្នុងរបស់អ្នកដទៃជាដើម ជាមួយនឹងការផ្តោតលើប្រជាជន ការបង្រួបបង្រួម ឯកភាព និងមជ្ឈភាពរបស់អាស៊ាន ជំរុញ និងពង្រឹងទំនាក់ទំនងជាមួយដៃគូខាងក្រៅ ដើម្បីកំណើនសេដ្ឋកិច្ចសង្គម និងការអភិវឌ្ឍន៍។
លោកបណ្ឌិត ហុង វណ្ណៈ បានបង្ហាញទស្សនៈថា កម្ពុជាកំពុងតែខិតខំពង្រឹងទំនាក់ទំនងមិត្តភាព កិច្ចសហប្រតិបត្តិការ និងភាពជាដៃគូ ដែលមានស្រាប់ជាមួយប្រទេសសមាជិកអាស៊ាន។ លើសពីនេះ ការជំរុញទំនាក់ទំនងសហប្រតិបត្តិការល្អជាមួយបណ្តាប្រទេសនៅអឺរ៉ុបខាងកើត និងកណ្តាល អាស៊ីកណ្តាល អាហ្រ្វិក មជ្ឈិមបូព៌ា និងអាមេរិកឡាទីន ក៏ដូចជាការធ្វើជាម្ចាស់ផ្ទះនៃកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ គឺជាសក្ខីភាពដ៏ប្រត្យក្សក្នុងការជំរុញកិច្ចសហប្រតិបត្តិការ ភាពជាដៃគូឱ្យកាន់តែប្រសើរឡើង។
លោកបណ្ឌិតបានប្រាប់ AMS ថា ទាក់ទងនឹងការធ្វើជាម្ចាស់ផ្ទះនៃកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធផ្សេងៗនេះ កម្ពុជាមានកិត្តិយសឧត្តុង្គឧត្តមលើឆាកអន្តរជាតិ ដោយបានបង្ហាញពីសុខសន្តិភាពរបស់ប្រទេសកម្ពុជា បង្ហាញពីវឌ្ឍនភាពទាំងសង្គម សេដ្ឋកិច្ចរបស់កម្ពុជា និងបង្ហាញអំពីកិច្ចសហប្រតិបត្តិការ និងការជំរុញប្រតិបត្តិការជាមួយនឹងប្រទេសដទៃទៀតក្នុងក្របខ័ណ្ឌទ្វេភាគី និងពហុភាគី។
លោកបណ្ឌិត ហុង វណ្ណៈ បានបញ្ជាក់ថា ៖
“យើងដឹងហើយថា អាស៊ានក្លាយជាអង្គការក្នុងតំបន់ដ៏សំខាន់មួយ ក៏ដូចជាក្នុងពិភពលោកលោកដែលមានអាយុច្រើនឆ្នាំមកហើយ រួមទាំងការវិវត្តន៍នូវទិដ្ឋភាពជាច្រើន ទាំងសមាជិក យន្តការថ្មីៗ និងយន្តការឥណ្ឌូប៉ាស៊ីហ្វិក អាស៊ានផ្លាស់ (ASEAN Plus) ដោយបូកជាមួយនឹងឥណ្ឌា ជប៉ុន កូរ៉េ ចិន ជប៉ុន អាមេរិក ធ្វើឱ្យទំហំកិច្ចសហប្រតិបត្តិការពហុភាគីកាន់តែធំ ដែលឥទ្ធិពលតំបន់អាស៊ានក្លាយជាមានសារសំខាន់លើពិភពលោកទាំងទិដ្ឋភាពសេដ្ឋកិច្ច និងការទូត”
លោកបណ្ឌិត ហុង វណ្ណៈ បានបន្តថា ក្នុងរយៈពេលជាង ១០ ឆ្នាំហើយ ដែលកម្ពុជាមានឱកាសបង្ហាញនូវការជួបជុំគ្នានៅរាជធានីភ្នំពេញ ក្នុងកិច្ចប្រជុំធំជាអន្តរជាតិបែបនេះ។ បើនិយាយអំពីទិដ្ឋភាពសេដ្ឋកិច្ច និងផលចំណេញ កម្ពុជាបានទទួលអត្ថប្រយោជន៍សេដ្ឋកិច្ចដោយប្រយោល តាមរយៈកិច្ចប្រជុំទ្វេភាគី និងពហុភាគីនៃបណ្តាប្រទេសដែលចូលរួម។
សូមបញ្ជាក់ថា កម្ពុជាជាប្រជាជាតិមួយ ដែលកំពុងតែខិតខំសម្រេចឱ្យបាននូវចក្ខុវិស័យ គោលការណ៍ “ជំរុញការទូតសេដ្ឋកិច្ច” ក្នុងការប្រែក្លាយកម្ពុជាទៅជាប្រទេស ដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ២០៥០។
ភាពផ្លាស់ប្តូរការយកចិត្តទុកដាក់ពីការអនុវត្តគោលនយោបាយការទូតជាប្រពៃណីទៅជាការទូតដែលផ្តល់សេដ្ឋកិច្ច វប្បធម៌ និងវិស័យទេសចរណ៍ជាស្នូល នឹងរួមចំណែកយ៉ាងសំខាន់ក្នុងការទាក់ទាញការវិនិយោគពីបរទេស ការធ្វើពិពិធកម្មប្រភពវិនិយោគ ការពង្រីកទីផ្សារនាំចេញផលិតផលកម្ពុជា ការទាក់ទាញភ្ញៀវទេសចរ និងការលើកកម្ពស់វប្បធម៌កម្ពុជានៅលើឆាកអន្តរជាតិ។
ក្នុងស្មារតីនេះ កម្ពុជាក៏ត្រូវបានកត់សម្គាល់ថា បាន និងបន្តដំណើរឆ្ពោះទៅរកផ្លូវសេរីភាវូបនីយកម្មសេដ្ឋកិច្ច ពាណិជ្ជកម្មបើកចំហ និងសកលភាវូបនីយកម្ម ព្រមទាំងខិតខំជំរុញពាណិជ្ជកម្មពហុភាគីជាមួយស្ថាប័ននានា ទាំងអង្គការពាណិជ្ជកម្មពិភពលោក អង្គការតំបន់ និងទ្វេភាគី។ កម្ពុជាក៏បានដើរតួក្នុងន័យស្ថាបនា ខិតខំប្រឹងប្រែងដើម្បីសម្រេចឱ្យបាននូវកិច្ចព្រមព្រៀងស្តីពីភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ការសម្រេចបាននូវកិច្ចព្រមព្រៀងពាណិជ្ជកម្មសេរីជាមួយប្រទេសដទៃទៀត ដូចជាសាធារណរដ្ឋកូរ៉េ ជប៉ុន ចិន ហើយកំពុងតែមានគោលការណ៍តម្រង់ទៅរកសហភាពសេដ្ឋកិច្ចអឺរ៉ាស៊ី (EAEU)ថែមទៀត។
ក្នុងន័យនេះ ទោះបីជាកម្ពុជាខ្លួនឯង និងពិភពលោក បានឆ្លងកាត់នូវបញ្ហាចាក់ស្រេះដោយសារតែការរីករាលដាលនៃមេរោគកូវីដ-១៩ បញ្ហាសង្រ្គាមអ៊ុយក្រែន បញ្ហាផលប៉ះពាល់នៃទណ្ឌកម្ម បញ្ហាតំបន់ ប៉ុន្តែដោយសារតែមានគោលការណ៍ និងភាពច្បាស់លាស់ម្ចាស់ការរបស់ខ្លួន កម្ពុជានៅតែរក្សាបាននូវស្ថិរភាពនៃគោលនយោបាយការទូតជាមួយនឹងបណ្តាប្រទេសនានានៅលើពិភពលោក៕
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ធនាគារអភិវឌ្ឍន៍អាស៊ី ទាញទម្លាក់ការព្យាករកំណើនសេដ្ឋកិច្ចកម្ពុជាមកនៅត្រឹម ៣,៩ភាគរយក្នុងឆ្នាំ២០២៦
Top News, ព្រឹត្តិការណ៍, សេដ្ឋកិច្ច
• 23/09/2026
ភ្នំពេញ ៖ ធនាគារអភិវឌ្ឍន៍អាស៊ី ( ADB) បានព្យាករកំណើនសេដ្ឋកិច្ចកម្ពុជា ជាថ្មី ដោយបានទម្លាក់ការព្យាកររបស់ខ្លួនពី ៤,១ភាគរយ មកនៅត្រឹម៣,៩ភាគរយ ។ នេះបើតាមសេចក្ដីប្រកាសព័ត៌មានរបស់ធនាគារអភិវឌ្ឍន៍អាស៊ី ចេញផ្សាយថ្ងៃទី ២៣ ខែកញ្ញា ឆ្នាំ២០២៦ ។ ការព្យាកររបស់ធនាគារអន្តរជាតិមួយនេះ ដោយយោងលើកត្តាមួយចំនួន ជាក់ស្ដែងដូចជាការធ្លាក់ចុះនៃវិស័យទេសចរណ៍ដើមឆ្នាំ២០២៦នេះ
IMF ព្រមានថា អឺរ៉ុបនឹងធ្លាក់ខ្លួនទទួលរងគ្រោះធ្ងន់ធ្ងរ បើឈប់រត់ប្រណាំងវិស័យ AI
ព្រឹត្តិការណ៍, អាជីវកម្មថ្មី និងនវានុវត្ត
• 23/09/2026
អគ្គនាយកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva បានព្រមានដល់បណ្តាប្រទេសនៅអឺរ៉ុបថា ប្រសិនបើអឺរ៉ុបអាក់ខាន ឬបង្អាក់ល្បឿនក្នុងការអភិវឌ្ឍបច្ចេកវិទ្យាបញ្ញាសិប្បនិម្មិត (AI) នោះអឺរ៉ុបនឹងធ្លាក់ខ្លួនទទួលរងគ្រោះធ្ងន់ធ្ងរ
ចិន ពង្រីកពាណិជ្ជកម្មតាមរយៈប្រព័ន្ធស្រាវជ្រាវអវកាស BeiDou ទៅទីផ្សារអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 23/09/2026
បរទេស ៖ បច្ចុប្បន្ន ក្រុងប៉េកាំង កំពុងផ្តោតយកចិត្តទុកដាក់លើការប្រើប្រាស់បច្ចេកវិទ្យាអវកាសដែលមានឈ្មោះថា BeiDou ឱ្យកាន់តែទូលំទូលាយ ជាពិសេស ការបង្កើតប្រព័ន្ធអេកូឡូស៊ីជាអន្តរជាតិឲ្យបានកាន់តែធំនៅជុំវិញវិស័យប្រព័ន្ធផ្កាយរណបរបស់ចិន។ អត្ថបទមួយដែលត្រូវបានចេញផ្សាយដោយកាសែត Novinata បានសរសេរថា ប្រទេសចិនកំពុងរុញច្រានយ៉ាងឆាប់រហ័សនូវការដាក់ឱ្យប្រើប្រាស់ប្រព័ន្ធរុករកតាមបណ្តាញរណប BeiDou របស់ខ្លួនទៅទីផ្សារអន្តរជាតិ តាមរយៈការបង្កើនទំហំផ្គត់ផ្គង់ផលិតផល បច្ចេកវិទ្យា និងកម្មវិធីដែលពាក់ព័ន្ធទៅក្នុងពាណិជ្ជកម្មជួញដូរ។ យោងតាមទិន្នន័យដែលបានបង្ហាញ សេវាកម្មរបស់ប្រព័ន្ធ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កសិករនៅតំបន់ឆ្នេរខេត្តកំពតកំពុងត្រឡប់មកដាំសារាយសមុទ្រឡើងវិញ បន្ទាប់ពីបានជួបប្រទះការធ្លាក់ចុះតម្លៃ និងការរំខានដល់ទីផ្សារអស...
ខេត្តព្រះសីហនុ៖ ការស្ដារ និងបង្កើនផលស្តុកធនធានជលផលសមុទ្រ នៅតែជាអាទិភាពសេដ្ឋកិច្ចដ៏សំខាន់សម្រាប់សហគមន៍នេសាទឆ្នេរ និងសន្តិសុខស្បៀងកម្ពុជា។ ក្នុងស្មារ...
អាស៊ាន និងចក្រភពអង់គ្លេសប្តេជ្ញាលើកកម្ពស់កិច្ចសហប្រតិបត្តិការសេដ្ឋកិច្ច ក្នុងអំឡុងកិច្ចពិភាក្សារដ្ឋមន្ត្រីសេដ្ឋកិច្ចអាស៊ាន-ចក្រភពអង់គ្លេសលើកទី ៦ ដែ...
ភ្នំពេញ ៖ ធនាគារអភិវឌ្ឍន៍អាស៊ី ( ADB) បានព្យាករកំណើនសេដ្ឋកិច្ចកម្ពុជា ជាថ្មី ដោយបានទម្លាក់ការព្យាកររបស់ខ្លួនពី ៤,១ភាគរយ មកនៅត្រឹម៣,៩ភាគរយ ។ ...
អគ្គនាយកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva បានព្រមានដល់បណ្តាប្រទេសនៅអឺរ៉ុបថា ប្រសិនបើអឺរ៉ុបអាក់ខាន ឬបង្អាក់ល្បឿនក្នុងកា...
ភ្នំពេញ ៖ សមាគមមីក្រូហិរញ្ញវត្ថុកម្ពុជា (CMA) នៅថ្ងៃទី២២ ខែកញ្ញា ឆ្នាំ២០២៦ បានសហការជាមួយ សាកលវិទ្យាល័យឯកទេសនៃកម្ពុជា (CUS) រៀបចំកម្មវិធីសិក្ខាសាលាស...
សហភាពអឺរ៉ុប និងហ្វីលីពីនព្រមព្រៀងជាបឋមលើកិច្ចព្រមព្រៀងពាណិជ្ជកម្មសេរីថ្មីមួយ ហើយកិច្ចព្រមព្រៀងពេញលេញជាផ្លូវការកំពុងរង់ចាំការចរចាបន្ថែមទៀត
កោះរ៉ុងនៅតែទទួលបានភ្ញៀវទេសចរជាមធ្យមប្រមាណ ៤០០ នាក់ក្នុងមួយថ្ងៃ ដែលផ្តល់ចំណូលបានរហូតដល់ ១៨ ០០០ ដុល្លារប្រចាំថ្ងៃ ទោះបីការធ្វើដំណើរទៅកាន់កោះមានការចំ...
កម្មវិធីពិសេសរបស់ AMS ECONOMY
