AMS Economyវិភាគ ៖ តើលោក ស៊ី ជីនភីង អាចធ្វើឱ្យគណបក្សកុម្មុយនិស្តចិនគង់វង្សទេ ក្រោយពីខួប ១០០ឆ្នាំ?
បរទេស ៖ គណបក្សកុម្មុយនិស្តចិនមានអាយុ ១០០ឆ្នាំហើយ នៅក្នុងឆ្នាំ២០២១នេះ។ គណបក្សនេះត្រូវបានបង្កើតឡើង ១០ឆ្នាំ ក្រោយពីរបបរាជានិយមនៅប្រទេសចិនត្រូវបានរំលាយ ហើយស្ថានភាពចិននៅពេលនោះស្ថិតក្នុងភាពជ្រួលច្របល់ ដោយមានការបែងចែកទឹកដី និងគ្រប់គ្រងដោយក្រុមផ្សេងៗគ្នា។
សង្គ្រាមស៊ីវិលចិនអូសបន្លាយរាប់ទសវត្សរ៍នៅពេលនោះ ហើយប្រទេសនេះរងគ្រោះមួយជាន់ទៀតនៅសង្គ្រាមលោកលើកទី២ រហូតមកដល់ឆ្នាំ១៩៤៩ កងទ័ពក្រហមរបស់បក្សកុម្មុយនិស្តចិនបានកាន់កាប់ចិនដីគោកស្ទើរតែទាំងស្រុង ហើយនៅពេលនោះមេដឹកនាំកុម្មុយនិស្តដ៏ល្បីឈ្មោះ ម៉ៅ សេទុង បានប្រកាសបង្កើតសាធារណរដ្ឋប្រជាមានិតចិន ដែលមានវត្តមានរហូតមកដល់សព្វថ្ងៃនេះ។
ចាប់តាំងពីពេលនោះមក ចិនប្រជាមានិតឆ្លងកាត់ព្រឹត្តិការណ៍ជាច្រើនទាំងភាពសោកសៅ និងភាពរុងរឿង ចំណែកឯកំណែទម្រង់នានារាប់ភ្លេចក៏បានកើតឡើងទៅផងដែរ។ កំណែទម្រង់ដែលត្រូវបានគេចងចាំជាងគេគឺ ការបើកចំហប្រទេសចិន ដោយស្វាគមន៍រាល់ការវិនិយោគ និងទំនាក់ទំនងសេដ្ឋកិច្ចជាមួយពិភពលោក ដោយមិនប្រកាន់របបនយោបាយអ្វីនោះទេ នៅអំឡុងទសវត្សឆ្នាំ១៩៨០ ដោយមេដឹកនាំចិន តេង ស៊ាវភីង។ នេះគឺជាកំណែទម្រង់ដ៏ធំ ដោយកាលនោះប្លុកកុម្មុយនិស្ត និងប្លុកសេរីគឺមិនធ្វើពាណិជ្ជកម្មជាមួយគ្នាទេ។
«ឆ្មាស ឬ ឆ្មាខ្មៅមិនសំខាន់នោះទេ ដរាបណាឆ្មាអាចចាប់កណ្ដុរបាន»។ នេះជាសម្ដីរបស់អគ្គមគ្គុទ្ទេសក៍ចិន តេង ស៊ាវភីង នៅអំឡុងទសវត្សរ៍ ១៩៦០ ដែលជាមេរៀនសម្រាប់អ្នកនយោបាយ និងអ្នកសេដ្ឋកិច្ចរហូតដល់សព្វថ្ងៃនេះ។
លុះមកដល់ពេលបច្ចុប្បន្ននេះ គណបក្សកុម្មុយនិស្តចិនកំពុងស្ថិតក្នុងយុគសម័យថ្មី ដែលដឹកនាំដោយលោក ស៊ី ជីនភីង។ យុគសម័យថ្មីរបស់គណបក្សកុម្មុយនិស្តចិន ក៏ដូចជាប្រទេសចិនទាំងមូល គឺពោរពេញទៅដោយមហិច្ឆតាខ្ពស់ និងឆន្ទៈចង់លុបលាងនូវប្រវត្តិសាស្ត្រដ៏អាម៉ាស់ នៃជិះជាន់ដោយបរទេសកាលពី ១០០-២០០ឆ្នាំមុន។
«យើងដាច់ខាតនឹងមិនអនុញ្ញាតឱ្យកម្លាំងបរទេសមកជិះជាន់ មើលងាយ យើងទៀតឡើយ។ នរណាក៏ដោយ ដែលព្យាយាមធ្វើបែបនេះ នឹងត្រូវបំបែកក្បាលច្រាបឈាមនឹងមហាកំពែងដែកថែប ដែលកសាងឡើងដោយប្រជាជនចិន ១,៤ពាន់លាននាក់»។ នេះជាការថ្លែងរបស់លោក ស៊ី អំឡុងពេលពិធីគម្រប់ខួប ១០០ឆ្នាំនៃគណបក្សកុម្មុយនិស្តចិន។
យ៉ាងណាមិញ នៅក្នុងកិច្ចការផ្ទៃក្នុងរបស់គណបក្សកុម្មុយនិស្តចិនយុគសម័យថ្មីរបស់លោក ស៊ី ជីនភីង នេះ កំពុងតែប្រាសចាកឆ្ងាយពីគន្លងរបស់ផ្នត់គំនិតកំណែទម្រង់របស់លោក តេង ស៊ាវភីង ហើយងាកទៅរកលទ្ធិបុគ្គលនិយមរបស់លោកប្រធាន ម៉ៅ សេទុង ទៅវិញ។ នេះបើតាមការយល់ឃើញរបស់អ្នកវិភាគមួយចំនួន។
លោក ស៊ី ឡើងកាន់តំណែងកាលពីឆ្នាំ២០១២។ តាមពិតទៅ លោកមានខ្សែស្រឡាយជាមន្ត្រីជាន់ខ្ពស់ ដោយឪពុករបស់លោកជាអ្នកបដិវត្តន៍បក្សកុម្មុយនិស្តចិនជំនាន់ដំបូងៗ ហើយក៏ជាមន្ត្រីជាន់ខ្ពស់នៅក្នុងរដ្ឋចិនផងដែរ។
នៅពេលលោក ស៊ី ក្លាយជាមេដឹកនាំកំពូលចិននៅអាណត្តិទី១ លោកបានចាប់អនុវត្តនូវយុទ្ធនាការប្រឆាំងអំពើពុករលួយ ដែលត្រូវបានគេយល់ឃើញថាជាសកម្មភាពមួយ ដើម្បីតភ្ជាប់រដ្ឋាភិបាលកណ្ដាល និងប្រជាជនតាមមូលដ្ឋានឡើងវិញ។ គិតមកទល់ពេលនេះ មន្ត្រីជាន់ខ្ពស់ចំនួន ៣៩២រូប និងសមាជិកគណបក្សកុម្មុយនិស្តរាប់លាននាក់ជាប់ក្រោមការស៊ើបអង្កេតករណីអំពើពុករលួយ។ នេះបើតាមការចុះផ្សាយរបស់ CNN។ យ៉ាងណាមិញ បើមើលពីមួយជ្រុងទៀត មន្ត្រីដែលជាប់ក្រោមការចោទប្រកាន់បទល្មើសអំពើពុករលួយ ក៏ជាសត្រូវនយោបាយរបស់លោកផងដែរ។
ក្រៅពីរឿងបង្ក្រាបអំពើពុករលួយរចនាសម្ព័ន្ធនៅក្នុងការដឹកនាំរដ្ឋចិនមានការប្រែប្រួល ដោយលោក ស៊ី បង្កើត «ក្រុមការងារដឹកនាំមជ្ឈិម» ជាច្រើន ដែលត្រួតពិនិត្យលើការងារអនុវត្តគោលនយោបាយនានាតាំងពីកំណែទម្រង់យោធា ហិរញ្ញវត្ថុ និងកិច្ចការបរទេស។ គេមើលឃើញថា លោក ស៊ី ជីនភីង ដឹកនាំក្រុមការងារនេះដោយផ្ទាល់ ហើយអ្នកស្មោះស្ម័គ្រនឹងលោកបានកាន់កាប់តំណែងសំខាន់ៗនៅក្នុងនោះដែរ។
បើតាមការយល់ឃើញរបស់លោកស្រី Cai Xia អតីតសាស្ត្រាចារ្យនៅសាលាបង្រៀនមន្ត្រីគណបក្សកុម្មុយនិស្តចិនបានឱ្យដឹងថា «ក្រុមដឹកនាំទាំងនេះតាមពិតទៅ បានធ្វើការតាមយន្តការ និងស្ថាប័នដែលមានស្រាប់នៅក្នុងបក្ស និងក្នុងរដ្ឋាភិបាល»។ នេះបើតាមការលើកឡើងរបស់ស្ត្រី ដែលរិះគន់ប្រព័ន្ធនយោបាយបក្សកុម្មុយនិស្តចិន ដែលពេលនេះនិរទេសនៅក្រៅប្រទេសប្រាប់សារព័ត៌មាន CNN។
ជំហាននយោបាយដ៏ធំមួយរបស់លោក ស៊ី ជីនភីង គឺលោកបានលុបការកំណត់អាណត្តិដឹកនាំរបស់ប្រធានាធិបតី អគ្គលេខាធិការបក្ស និងគណៈកម្មការយោធាមជ្ឈិម នៅក្នុងរដ្ឋធម្មនុញ្ញចិនកាលពីឆ្នាំ២០១៨។ តំណែងទាំង ៣ នេះជាប្រពៃណីស្ថិតក្រោមមនុស្សតែម្នាក់ តែចាប់ពីជំនាន់លោក តេង ស៊ាវភីង មក ត្រូវបានកំណត់ឱ្យកាន់ដោយបុគ្គលផ្សេងគ្នាត្រឹមពីរ ២ អាណ្ណត្តិ ដើម្បីទប់ស្កាត់ការរំលោភអំណាចណាមួយរបស់មេដឹកនាំ។
មួយវិញទៀត ជាប្រពៃណី តែមិនចារក្នុងច្បាប់ មេដឹកនាំចិននីមួយៗតែងតែប្រសិទ្ធិនាមអ្នកបន្តវេន បន្ទាប់ពីបញ្ចប់អាណត្តិទី១ ហើយលាលែងពីតំណែងនៅអាយុ ៦៨ឆ្នាំ ឬ ក្នុងវ័យចំណាស់ជាងនេះបន្តិចបន្តួចនៅពេលមហាសន្និបាតបក្ស ដែលធ្វើឡើងក្នុង ៥ ឆ្នាំម្ដង។ លោក ស៊ី ជីនភីង មិនទាន់ធ្វើទាំងអស់ គិតមកទល់ពេលនេះ។
អ្នកវិភាគជាច្រើនយល់ថា ការប្រាសចាកពីទម្លាប់ផ្ទេរតំណែងដោយសន្តិវិធីបែបនេះ អាចធ្វើឱ្យមាន «បញ្ហាអ្នកស្នងតំណែង» ដែលបណ្ដាលឱ្យមានភាពមិនប្រាកដប្រជានាពេលអនាគត។
ទោះជាយ៉ាងណាក៏ដោយ គណបក្សកុម្មុយនិស្តចិនទំនងជាមិនទាន់មានបញ្ហាភ្លាមៗអំឡុងពេលលោក ស៊ី នៅកាន់តំណែងនោះទេ។ មូលហេតុចម្បងនោះគឺ អំណាចក្នុងបក្សរបស់លោកនៅក្ដាប់ជាប់ ខណៈវាជាសមត្ថភាពដឹកនាំរបស់លោកពិត ហើយមិនអាចប្រកែកបានថា ធ្វើឱ្យចិនរីកចម្រើនជាងពេលណាៗទាំងអស់ ចាប់តាំងពីការកកើតនៃរបបចិនប្រជាមានិតនៅឆ្នាំ១៩៤៩មក។
យ៉ាងណាមិញ បញ្ហាធំៗជាច្រើននឹងអាចកើតឡើងសម្រាប់ជំនាន់ក្រោយពី លោក ស៊ី ជីនភីង។ នេះបើតាមការយល់ឃើញរបស់អ្នកតាមដាននយោបាយចិនមួយចំនួន។
នៅឆ្នាំ២០២២ ខាងមុខនេះ គណបក្សកុម្មុយនិស្តចិននឹងរៀបចំមហាសន្និបាតគណបក្សលើកទី២០ ដែលក្នុងមហាសន្និបាតនេះ គេនឹងសង្កេតមើលពីការផ្លាស់ប្ដូរតំណែងធំៗមួយចំនួននៅក្នុងបក្ស ក៏ដូចជារដ្ឋាភិបាលចិន៕
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
Hyundai Cambodia បង្ហាញរថយន្តអគ្គិសនីស៊េរីថ្មី Hyundai ELEXIO នៅលើទីផ្សារប្រទេសកម្ពុជា
ព្រឹត្តិការណ៍, អត្ថបទពាណិជ្ជកម្ម
• 27/09/2026
ក្រុមហ៊ុន Hyundai Cambodia បានបង្ហាញរថយន្តស៊េរីថ្មីជាប្រភេទរថយន្តអគ្គិសនី គឺ Hyundai ELEXIO នៅលើទីផ្សារប្រទេសកម្ពុជា ដោយរំពឹងថារថយន្តប្រភេទថ្មីនឹងអាចទទួលបានការគាំទ្រពីអ្នកប្រើប្រាស់នៅក្នុងប្រទេសកម្ពុជាពីព្រោះតែលក្ខណៈពិសេសជាច្រើនរបស់រថយន្តមួយនេះ
មហាយក្សចិន-អាម៉េរិក បង្ហាញពីកិច្ចទំនាក់ទំនងដ៏ស៊ីជម្រៅមិនអាចកាត់ផ្ដាច់គ្នាបាន
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្តែប្រសិនបើគេក្រឡេកទៅមើលតួលេខជាក់ស្តែងនៃកិច្ចសហប្រតិបត្តិការវិញ បានបង្ហាញយ៉ាងច្បាស់ថា ប្រទេសទាំងពីរមានទំនាក់ទំនងទាំងផ្នែកសេដ្ឋកិច្ច ទាំងប្រជាជាតិយ៉ាងស៊ីជម្រៅដែលមិនអាចកាត់ផ្តាច់ពីគ្នាបានឡើយ។ ចុងក្រោយនេះ ក្រោមការសម្របសម្រួលតាមរយៈការទូតរបស់ប្រមុខរដ្ឋនៅក្នុងដំណើរទស្សនកិច្ចកំពូលទៅវិញទៅមកភាគីទាំងពីរបានបញ្ជាក់ជាថ្មីនូវការប្តេជ្ញាចិត្តក្នុងការកសាងទំនាក់ទំនងទ្វេភាគីក្នុងន័យស្ថាបនា ដើម្បីរក្សាស្ថិរភាពជាយុទ្ធសាស្ត្រ។ សារព័ត៌មាន China Daily បានចេញផ្សាយថា ទំហំពាណិជ្ជកម្មរវាងចិន និងអាមេរិក
ចិន កំពុងស្ថិតក្នុងការសង្ស័យថា លួចសិក្សាពីបច្ចេកវិទ្យាទំនើបនៃយន្តហោះចម្បាំង F-35 របស់អាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អាម៉េរិក។ ហេតុការណ៍នេះបានកើតឡើងកាលពីដើមឆ្នាំ២០២៦នេះ ប៉ុន្តែទើបតែត្រូវបានយកចេញផ្សាយកាលពីពេលថ្មីៗនេះ។ ដោយដកស្រង់ចេញពី Bloomberg និង Politico បានឱ្យដឹងថា ឧប្បទេវហេតុខាងលើនេះបានកើតឡើងនៅក្នុងពេលដែលការដឹកជញ្ជូនគ្រឿងបន្លាស់យន្តហោះដែលមានបញ្ហាយកមកពីប្រទេសអូស្ត្រាលីត្រូវបញ្ជូនទៅសហរដ្ឋអាមេរិក ប៉ុន្តែចៃដន្យបែរជាបង្វែរទិសដៅដោយគ្មានការគ្រោងទុកទៅកាន់ក្រុងហុងកុងទៅវិញ។ សមាសភាគបំណែកយន្តហោះចម្បាំងបំបាំងកាយ F-35 ដែលត្រូវបានដឹកជញ្ជូនដោយក្រុមហ៊ុន UPS រួមមានដូចជា ដំបូលកញ្ចក់កាប៊ីន
ហេតុផលនៅពីក្រោយតម្លៃប្រេងនៅកម្ពុជាបន្តឡើងថ្លៃ ខណៈតម្លៃប្រេងឆៅលើទីផ្សារអន្តរជាតិធ្លាក់ចុះ
Top News, ព្រឹត្តិការណ៍, សេដ្ឋកិច្ច
• 25/09/2026
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូងសមុទ្របានធូរស្រាលក្រោយកិច្ចចរចារវាងអុីរ៉ង់ ជាមួយនឹងសហរដ្ឋអាមេរិក ក៏ប៉ុន្តែ នៅឯកម្ពុជាវិញ នៅមិនទាន់អាចរក្សាកំណត់ត្រាវិជ្ជមានរបស់ខ្លួនបានឡើយដោយសារខ្លួនពឹងផ្អែកទាំងស្រុកលើការនាំចូលប្រេងចម្រាញ់រួចពីទីផ្សារសិង្ហបុរី ដែលអ្នកផ្គត់ផ្គង់នៅទីនោះ មិនទាន់អាចទិញប្រេងឆៅទៅតាមតម្លៃដែលបានប្រកាសចុះបានភ្លាមៗ។ ដូច្នេះហើយ អ្នកប្រើប្រាស់នៅកម្ពុជាត្រូវប្រឈមនឹងការឡើងថ្លៃយ៉ាងគំហុកនៅតាមស្ថានីយប្រេងឥន្ធនៈ ស្របតាមតារាងកំណត់តម្លៃថ្មីរបស់ក្រសួងពាណិជ្ជកម្ម។ យោងតាមតារាងកំណត់តម្លៃថ្មីរបស់ក្រសួងពាណិជ្ជកម្មបានបង្ហាញថា តម្លៃប្រេងសាំងធម្មតាបានកើនឡើង ៤៥០ រៀល ដល់ ៥,២៥០
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ក្រុមហ៊ុន Hyundai Cambodia បានបង្ហាញរថយន្តស៊េរីថ្មីជាប្រភេទរថយន្តអគ្គិសនី គឺ Hyundai ELEXIO នៅលើទីផ្សារប្រទេសកម្ពុជា ដោយរំពឹងថារថយន្តប្រភេទថ...
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្ត...
គាំទ្រជីវភាពពលរដ្ឋ ក្នុងពេលតម្លៃប្រេងសកលឡើងថ្លៃខ្ពស់
(បាត់ដំបង/ប៉ៃលិន)៖ ក្នុងគោលបំណងបន្តជួយលើកកម្ពស់ជីវភាពរស់នៅរបស់ប្រជាពលរដ្ឋ ជាពិសេសសម្រាប់អតីតពលករពីប្រទេសថៃ និងយុវជនរកការងារធ្វើ ក្រសួងការងារ និងបណ្...
ទីក្រុងសៀងហៃ៖ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជួបពិភាក្សាការងារជាមួយលោកជំទាវ វ៉ាង ស៊ាវភីង (Wang Xiaoping) រដ្ឋមន្រ្តីធនធ...
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អា...
បរទេស៖ សហភាពអឺរ៉ុប និងបណ្តាប្រទេសរបស់អាស៊ានមួយចំនួនកំពុងឈានចូលដល់ដំណាក់កាលចុងក្រោយនៃកិច្ចព្រមព្រៀងពាណិជ្ជកម្មទ្វេភាគី ខណៈដែលអឺរ៉ុប កំពុងព្យាយាមកាត់...
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូង...
កម្មវិធីពិសេសរបស់ AMS ECONOMY
