AMS Economyស្វែងយល់ពីបុគ្គលដែលមានលុយច្រើនជាងគេក្នុងប្រវត្តិសាស្រ្តមនុស្សជាតិ
បរទេស ៖ នាពេលបច្ចុប្បន្ននេះ លោក Elon Musk ត្រូវបានជាប់កំណត់ត្រាជាអ្នកមានលុយច្រើនបំផុតក្នុងពិភពលោកដែលមានទ្រព្យសម្បត្តិសរុបប្រមាណ ៣០០ពាន់លាន់ដុល្លារអាមេរិកគិតត្រឹមដើមខែវិច្ឆិកាឆ្នាំ២០២១។ នេះបើយោងតាមបញ្ជីមហាសេដ្ឋីមានបំផុតក្នុងលោកនៅលើគេហទំព័រ Forbes ។
តើគេអាចចាត់ទុកលោក Elon Musk ជាបុគ្គលមានជាងគេក្នុងប្រវត្តិសាស្រ្តមនុស្សជាតិបានដែរឬទេ?
បើយើងក្រឡេកមើលទំព័រប្រវត្តិសាស្រ្តមនុស្សជាតិ គេឃើញមានបុគ្គលគ្រប់គ្រងទ្រព្យសម្បិត្តិច្រើនមហាសាលជាច្រើននាក់ ដូចជាស្តេចដែលគ្រប់គ្រងប្រទេស ឬអាណាចក្រតាមសម័យកាលនីមួយៗ និងតាមទ្វីបនីមួយៗ ហើយបើយើងប្រៀបធៀបលោក Elon Musk ទៅនឹងព្រះរាជានៃអាណាចក្រណាមួយក្នុងប្រវត្តិសាស្រ្តដែលអ្នកស្គាល់ តើអ្នកគិតថានរណាមានទ្រព្យសម្បិត្តិច្រើនជាង?
ជាការពិតណាស់ វាមានការលំបាកនៅក្នុងការប្រៀបធៀបគ្នាអំពីតម្លៃទ្រព្យសម្បត្តិរបស់មនុស្សដែលរស់នៅខុសសម័យកាលគ្នា ជាពិសេសអត្ថន័យនៃទ្រព្យសម្បត្តិមានភាពខុសប្លែកគ្នាពីសម័យកាលមួយទៅសម័យកាលមួយ។ ដោយឡែកវិធីមួយដែលគេប្រើសម្រាប់វាយតម្លៃទ្រព្យសម្បត្តិនរណាម្នាក់គឺ គេមើលលើផលប៉ះពាល់នៃការចំណាយរបស់បុគ្គលណាម្នាក់ទៅលើសេដ្ឋកិច្ចនៅក្នុងសម័យកាលដែលបុគ្គលនោះរស់នៅ។
តាមវិធីនេះ គេបានផ្តល់តំណែងបុគ្គលមានជាងគេក្នុងប្រវត្តិសាស្រ្តមនុស្សជាតិ ទៅលើស្តេចគ្រប់គ្រងអាហ្វ្រិកខាងលិចក្នុងសតវត្សរ៍ទី14 ឈ្មោះ Mansa Musa ។ ស្តេច Mansa Musa គឺជាអធិរាជគ្រប់គ្រងអាណាចក្រម៉ាលីពីឆ្នាំ1312 ដល់ឆ្នាំ1337។ ក្នុងរជ្ជកាលរបស់ព្រះអង្គ អាណាចក្រម៉ាលីជារាជាណាចក្រដ៏មានបំផុតមួយនៃទ្វីបអាហ្វ្រិក ដែលសម្បូរទៅដោយធនធានធម្មជាតិជាពិសេសគឺរ៉ែមាស។ ទ្រព្យសម្បត្តិរបស់អាណាចក្រម៉ាលីនេះបានមកពីការផលិតមាស និងអំបិល ដែលអាណាចក្រម៉ាលីមានមាសចំនួនជិតពាក់កណ្តាលនៃមាសរបស់ពិភពលោកកាលសម័យនោះ នេះបើយោងតាមសារមន្ទីរអង់គ្លេស។ អ្នកប្រវត្តិសាស្រ្តសេដ្ឋកិច្ចយល់ស្របថា ទ្រព្យសម្បត្តិរបស់ស្តេច Mansa Musa មិនអាចកំណត់ជាលេខបានឡើយ។
ថ្វីត្បិតតែអាណាចក្រម៉ាលីមានមាសច្រើនយ៉ាងក៏ដោយ ក៏អាណាចក្រនេះមិនមានភាពល្បីល្បាញនោះទេ មុនពេលព្រឹត្តិការណ៍មួយបានកើតឡើង។ ព្រឹត្តិការណ៍នោះគឺនៅពេលស្តេច Mansa Musa ដែលជាមហាក្សត្រគោរពសាសនាឥស្លាម បានសម្រេចចិត្តទៅធ្វើធម្មយាត្រាទៅកាន់ទីក្រុង Mecca ដោយឆ្លងកាត់វាលខ្សាច់សាហារ៉ា និងប្រទេសអេហ្ស៊ីប។
ដំណើរនោះអមជាមួយមានទាហានចំនួន ៦០ ០០០ នាក់ មន្ត្រី អ្នកកំដរ អ្នកជំនួញ និងទាសករចំនួន ១២ ០០០ នាក់ ព្រមទាំងរទេះពពែនិងចៀម សម្រាប់ជាអាហារដែលប្រៀបបាននឹងការបំលាស់ទី ទីក្រុងឆ្លងកាត់វាលខ្សាច់ ជាមួយនឹងហ្វូងសត្វអូដ្ឋរាប់រយក្បាលតជាប់គ្នាដោយសត្វអូដ្ឋនីមួយៗដឹកមាសសុទ្ធរាប់ផោន។
ព្រះអង្គបានចំណាយពេលបីខែនៅទីក្រុងមួយនៃប្រទេសអេហ្ស៊ីប ហើយព្រះអង្គបានចាយមាស ធ្វើសប្បុរសធម៌ សាងសង់វិហារឥស្លាម និងចំណាយផ្សេងៗ ។ ការចំណាយរបស់ព្រះអង្គបានបណ្តាលឲ្យមានវិបត្តិអតិផរណាខ្ពស់នៅប្រទេសអេហ្ស៊ីប ដែលតម្លៃមាសមានការធ្លាក់ចុះយ៉ាងគំហុក។ គេអាចនិយាយបានថា ការចាយវាយរបស់ស្តេច Mansa Musa អាចបំផ្លាញសេដ្ឋកិច្ចរបស់ប្រទេសមួយទាំងមូល។ នៅតាមផ្លូវត្រលប់មកវិញ ស្តេច Mansa Musa បានឆ្លងកាត់ប្រទេសអេហ្ស៊ីបម្តងទៀត ហើយព្រះអង្គបានជួយសេដ្ឋកិច្ចរបស់ប្រទេសអេហ្ស៊ីបវិញ ដោយប្រមូលខ្ចីមាសពីឈ្មួញអេហ្ស៊ីបមកវិញក្នុងអត្រាការប្រាក់ខ្ពស់។ ទាំងនេះបញ្ចាក់ថា ស្តេច Mansa Musa អាចគ្រប់គ្រងម៉ាក្រូសេដ្ឋកិច្ចដោយអំណាចទ្រព្យសម្បត្តិរបស់ព្រះអង្គឯង៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
