AMS Economyអ្នកជំនាញសេដ្ឋកិច្ច ៖ តម្លៃប្រេងនៅកម្ពុជាឡើងខ្ពស់ ដោយសារតម្រូវការទីផ្សារអន្តរជាតិកើនឡើង
ភ្នំពេញ៖ បន្ទាប់ពីមានចម្ងល់ជាច្រើនពីសំណាក់ប្រជាពលរដ្ឋពាក់ព័ន្ធទៅនឹងការឡើងតម្លៃប្រេងនៅកម្ពុជាជាបន្តបន្ទាប់នាពេលបច្ចុប្បន្ននេះ អ្នកជំនាញសេដ្ឋកិច្ចបានបកស្រាយពីមូលហេតុដែលជំរុញឲ្យតម្លៃប្រេងឡើងថ្លៃ ជាមួយនឹងការបញ្ជាក់យ៉ាងច្បាស់អំពីការពឹងផ្អែកលើតម្លៃប្រេងទីផ្សារអន្តរជាតិ។
លោកបណ្ឌិត ហុង វណ្ណៈ អ្នកជំនាញសេដ្ឋកិច្ចអន្តរជាតិនៃរាជបណ្ឌិត្យសភាកម្ពុជា បានថ្លែងប្រាប់ AMS ថា ជាទូទៅ ប្រជាជនមានការយល់ច្រឡំ រហូតដល់មានការដាក់បន្ទុកទៅលើរាជរដ្ឋាភិបាលថា ដាក់លក់ប្រេងសាំងក្នុងតម្លៃខ្ពស់ អំឡុងពេលដែលទើបតែបើកប្រទេសឡើងវិញ ធ្វើឱ្យប្រជាជនមានការលំបាកចំពោះការចំណាយលើប្រេង។ នេះគឺព្រួយបារម្ភរបស់ប្រជាជន។
លោកបណ្ឌិតបានថ្លែងដូច្នេះថា ៖
«កាពិត ការកំណត់តម្លៃប្រេង ផ្អែកលើតម្លៃប្រេងលើទីផ្សារអន្តរជាតិ ព្រោះយើងដឹងគ្រប់គ្នាហើយថា ប្រទេសកម្ពុជាមិនមែនជាប្រទេសផលិតប្រេងបានទេ តែជាប្រទេសដែលនាំប្រេងចូលដើម្បីប្រើប្រាស់សម្រាប់ដំណើរការផលិតកម្ម និងឧស្សាហកម្មផ្សេងៗ។ ប៉ុន្មានទសវត្សរ៍កន្លងមកនេះ គឺប្រទេសកម្ពុជានាំចូលប្រេងទាំងស្រុងតែម្តង»
លោកបណ្ឌិតបានថ្លែងបន្តថា ការកំណត់អត្រាលក់ ឬតម្លៃប្រេងនៅកម្ពុជា គឺផ្អែកទៅតាមតម្លៃប្រេងនៅលើទីផ្សារអន្តរជាតិ និងទៅលើតម្លៃផលិតកម្មនៃការផលិតប្រេង ជាពិសេស ប្រទេសដែលជាអ្នកផលិតប្រេង ឬអ្នកនាំប្រេងចេញរបស់ពិភពលោក ដែលយើងហៅ OPEC ឬ OPEC+។
លោកបណ្ឌិតបានឱ្យដឹងទៀតថា ៖
«ប្រេង គឺជាផលិតផលមួយដែរ ដូច្នេះកាលណាមានតម្រូវការនៅលើទីផ្សារកាន់តែច្រើន តម្លៃប្រេងហក់ឡើងទៅតាមហ្នឹងដែរ។ ក្នុងរយៈពេល ២ ឬ៣ខែចុងក្រោយនេះ ប្រទេសដែលមានសេដ្ឋកិច្ចធំៗ ដូចជា សហរដ្ឋអាមេរិក ឬប្រទេសនៅអឺរ៉ុបមួយចំនួនធំចាប់ផ្តើមប្រកាសថា រោងចក្រធំៗចាប់ផ្តើមដំណើរការឡើងវិញ ដែលធ្វើឱ្យមានតម្រូវការប្រេងខ្ពស់ ពិសេសប្រទេសចិន ដូច្នេះវាធ្វើឱ្យតម្លៃប្រេងហក់ឡើង»
លោកបណ្ឌិតបានបញ្ជាក់ទៀតថា បញ្ហានៅ OPEC គឺរងគ្រោះដោយសារការញាំញីពីវិបត្តិកូវីដ-១៩។ កាលពីឆ្នាំ២០១៨ និង២០១៩ OPEC ផលិតប្រេងទៅតាមស្តង់របស់ពួកគេតាមធម្មតា ដោយផលិតទៅតាមតម្រូវការលើពិភពលោក ប៉ុន្តែដល់សម័យវិបត្តិកូវីដ-១៩ ការផលិតរបស់ OPEC បានបន្សល់ទុកប្រេងចាស់របស់ខ្លួនជាច្រើន ហើយរហូតដល់ខាតបង់ទាំងតម្លៃ និងកន្លែងជួលសម្រាប់ស្តុកប្រេង។
នៅឆ្នាំ២០២០ ការផលិតប្រេងនៅតែមានដំណើរការ ប៉ុន្តែផលិតក្នុងបរិមាណតិច ហើយប្រេងក្នុងស្តុកមានច្រើន ដូច្នេះហើយ OPEC ចាប់ផ្តើមបំពេញការខាតបង់របស់ខ្លួនជាងមួយឆ្នាំ លុះនៅពេលប្រទេសជាច្រើនចាប់ផ្តើមបើកប្រទេសឡើងវិញ ហើយរោចចក្រ ឧស្សាហកម្មធំៗចាប់ផ្តើមដំណើរការឡើងវិញ នៅឆមាសទី២ ឆ្នាំ២០២១ ដែលធ្វើឱ្យមានតម្រូវការប្រេងហក់ឡើងខ្ពស់។ មួយវិញទៀត UN បាន និងកំពុងកំហិតលើការប្រើប្រាស់ធ្យូងថ្ម ដែលជាមូលហេតុមួយក្នុងការធ្វើឱ្យតម្លៃប្រេងមានការឡើងថ្លៃផងដែរ។
គួរឲ្យដឹងដែរថា គិតត្រឹមថ្ងៃពុធ ក្នុងសប្តាហ៍នេះ តម្លៃប្រេងនៅលើទីផ្សារអន្តរជាតិ នៅតែបន្តកើនឡើងខ្លាំងនៅឡើយ ដោយសារតែកម្លាំងតម្រូវការប្រើប្រាស់ដ៏ខ្លាំងក្លា ហើយក្រុមអ្នកជំនាញជឿជាក់ថា បណ្តាប្រទេសទាំងឡាយដែលជាអ្នកផលិតប្រេងនៅមិនទាន់រួចរាល់នៅឡើយ ដើម្បីអាចជួយដល់ការខាតបង់ ជាពិសេសការបញ្ចេញស្តុកប្រេង ឬប្រេងបម្រុង និងថាមពលផ្សេងទៀតរបស់ចិនដែលជាអតិថិជនធំបំផុតលើសកលលោក ដើម្បីផ្គត់ផ្គង់តម្រូវការដែលកើតមាននៅពេលនេះ។
តម្លៃប្រេងរបស់ក្រុមហ៊ុន Brent បានកើនឡើងតម្លៃប្រហែលជា ៩៩ សេន ឬក្នុងអត្រាប្រមាណជា ១,១ភាគរយ ស្មើនឹងប្រមាណ ៨៤,៧១ ដុល្លារក្នុងមួយបារ៉ែល ខណៈដែលក្រុមហ៊ុន West Texas Intermediate (WTI) របស់អាមេរិកបានកើនឡើងប្រមាណជា ៨៤សេន ឬអត្រាកំណើន ០,៦ភាគរយ ក្នុងតម្លៃប្រហែលជា ៨៤,០៥ដុល្លារក្នុងមួយបារ៉ែល។
យោងតាមអ្នកវិភាគបានដាក់ការរំពឹងទុកថា ក្រុមប្រទេស OPEC+ ដែលមានដូចជា អាស៊ែបៃហ្សង់ បារ៉ែន ប្រ៊ុយណេ កាហ្សាស្ថាន ម៉ាឡេស៊ី មិកស៊ិចកូ អូម៉ង់ រុស្សី ស៊ូដង់ខាងត្បូង និងស៊ូដង់ខាងជើង ជាដើម នឹងបង្កើនចំនួនបារ៉ែលដល់ទៅ ៤០០ ០០០ ក្នុងមួយថ្ងៃនៅឯកិច្ចប្រជុំថ្ងៃទី៤ខែវិច្ឆិកាឆ្នាំនេះ ដោយក្នុងនោះសមាជិករបស់ OPEC ដូចជា គុយវ៉ែត និងអ៊ីរ៉ាក់ផងដែរ ក៏បានបង្ហាញពីសម្លេងគាំទ្រចំពោះផែនការនេះផងដែរ ហើយអះអាងថា ទំហំនេះនឹងគ្រប់គ្រាន់សម្រាប់តម្រូវជាក់ស្ដែង។ ទោះបីជាយ៉ាងក៏ដោយ លោកបណ្ឌិត ហុង វណ្ណៈ បានបង្ហាញពីក្ដីរំពឹងថា តម្លៃប្រេងលើទីផ្សារអន្តរជាតិអាចធ្លាក់ចុះទៅវិញនៅចុងឆ្នាំនេះ ឬដើមឆ្នាំក្រោយ ដោយសារផលិតកម្មប្រេងនឹងដំណើរការកើនឡើងវិញស្របតាមកំណើននៃតម្រូវការទីផ្សារ៕
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
Hyundai Cambodia បង្ហាញរថយន្តអគ្គិសនីស៊េរីថ្មី Hyundai ELEXIO នៅលើទីផ្សារប្រទេសកម្ពុជា
ព្រឹត្តិការណ៍, អត្ថបទពាណិជ្ជកម្ម
• 27/09/2026
ក្រុមហ៊ុន Hyundai Cambodia បានបង្ហាញរថយន្តស៊េរីថ្មីជាប្រភេទរថយន្តអគ្គិសនី គឺ Hyundai ELEXIO នៅលើទីផ្សារប្រទេសកម្ពុជា ដោយរំពឹងថារថយន្តប្រភេទថ្មីនឹងអាចទទួលបានការគាំទ្រពីអ្នកប្រើប្រាស់នៅក្នុងប្រទេសកម្ពុជាពីព្រោះតែលក្ខណៈពិសេសជាច្រើនរបស់រថយន្តមួយនេះ
មហាយក្សចិន-អាម៉េរិក បង្ហាញពីកិច្ចទំនាក់ទំនងដ៏ស៊ីជម្រៅមិនអាចកាត់ផ្ដាច់គ្នាបាន
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្តែប្រសិនបើគេក្រឡេកទៅមើលតួលេខជាក់ស្តែងនៃកិច្ចសហប្រតិបត្តិការវិញ បានបង្ហាញយ៉ាងច្បាស់ថា ប្រទេសទាំងពីរមានទំនាក់ទំនងទាំងផ្នែកសេដ្ឋកិច្ច ទាំងប្រជាជាតិយ៉ាងស៊ីជម្រៅដែលមិនអាចកាត់ផ្តាច់ពីគ្នាបានឡើយ។ ចុងក្រោយនេះ ក្រោមការសម្របសម្រួលតាមរយៈការទូតរបស់ប្រមុខរដ្ឋនៅក្នុងដំណើរទស្សនកិច្ចកំពូលទៅវិញទៅមកភាគីទាំងពីរបានបញ្ជាក់ជាថ្មីនូវការប្តេជ្ញាចិត្តក្នុងការកសាងទំនាក់ទំនងទ្វេភាគីក្នុងន័យស្ថាបនា ដើម្បីរក្សាស្ថិរភាពជាយុទ្ធសាស្ត្រ។ សារព័ត៌មាន China Daily បានចេញផ្សាយថា ទំហំពាណិជ្ជកម្មរវាងចិន និងអាមេរិក
ចិន កំពុងស្ថិតក្នុងការសង្ស័យថា លួចសិក្សាពីបច្ចេកវិទ្យាទំនើបនៃយន្តហោះចម្បាំង F-35 របស់អាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អាម៉េរិក។ ហេតុការណ៍នេះបានកើតឡើងកាលពីដើមឆ្នាំ២០២៦នេះ ប៉ុន្តែទើបតែត្រូវបានយកចេញផ្សាយកាលពីពេលថ្មីៗនេះ។ ដោយដកស្រង់ចេញពី Bloomberg និង Politico បានឱ្យដឹងថា ឧប្បទេវហេតុខាងលើនេះបានកើតឡើងនៅក្នុងពេលដែលការដឹកជញ្ជូនគ្រឿងបន្លាស់យន្តហោះដែលមានបញ្ហាយកមកពីប្រទេសអូស្ត្រាលីត្រូវបញ្ជូនទៅសហរដ្ឋអាមេរិក ប៉ុន្តែចៃដន្យបែរជាបង្វែរទិសដៅដោយគ្មានការគ្រោងទុកទៅកាន់ក្រុងហុងកុងទៅវិញ។ សមាសភាគបំណែកយន្តហោះចម្បាំងបំបាំងកាយ F-35 ដែលត្រូវបានដឹកជញ្ជូនដោយក្រុមហ៊ុន UPS រួមមានដូចជា ដំបូលកញ្ចក់កាប៊ីន
ហេតុផលនៅពីក្រោយតម្លៃប្រេងនៅកម្ពុជាបន្តឡើងថ្លៃ ខណៈតម្លៃប្រេងឆៅលើទីផ្សារអន្តរជាតិធ្លាក់ចុះ
Top News, ព្រឹត្តិការណ៍, សេដ្ឋកិច្ច
• 25/09/2026
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូងសមុទ្របានធូរស្រាលក្រោយកិច្ចចរចារវាងអុីរ៉ង់ ជាមួយនឹងសហរដ្ឋអាមេរិក ក៏ប៉ុន្តែ នៅឯកម្ពុជាវិញ នៅមិនទាន់អាចរក្សាកំណត់ត្រាវិជ្ជមានរបស់ខ្លួនបានឡើយដោយសារខ្លួនពឹងផ្អែកទាំងស្រុកលើការនាំចូលប្រេងចម្រាញ់រួចពីទីផ្សារសិង្ហបុរី ដែលអ្នកផ្គត់ផ្គង់នៅទីនោះ មិនទាន់អាចទិញប្រេងឆៅទៅតាមតម្លៃដែលបានប្រកាសចុះបានភ្លាមៗ។ ដូច្នេះហើយ អ្នកប្រើប្រាស់នៅកម្ពុជាត្រូវប្រឈមនឹងការឡើងថ្លៃយ៉ាងគំហុកនៅតាមស្ថានីយប្រេងឥន្ធនៈ ស្របតាមតារាងកំណត់តម្លៃថ្មីរបស់ក្រសួងពាណិជ្ជកម្ម។ យោងតាមតារាងកំណត់តម្លៃថ្មីរបស់ក្រសួងពាណិជ្ជកម្មបានបង្ហាញថា តម្លៃប្រេងសាំងធម្មតាបានកើនឡើង ៤៥០ រៀល ដល់ ៥,២៥០
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ក្រុមហ៊ុន Hyundai Cambodia បានបង្ហាញរថយន្តស៊េរីថ្មីជាប្រភេទរថយន្តអគ្គិសនី គឺ Hyundai ELEXIO នៅលើទីផ្សារប្រទេសកម្ពុជា ដោយរំពឹងថារថយន្តប្រភេទថ...
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្ត...
គាំទ្រជីវភាពពលរដ្ឋ ក្នុងពេលតម្លៃប្រេងសកលឡើងថ្លៃខ្ពស់
(បាត់ដំបង/ប៉ៃលិន)៖ ក្នុងគោលបំណងបន្តជួយលើកកម្ពស់ជីវភាពរស់នៅរបស់ប្រជាពលរដ្ឋ ជាពិសេសសម្រាប់អតីតពលករពីប្រទេសថៃ និងយុវជនរកការងារធ្វើ ក្រសួងការងារ និងបណ្...
ទីក្រុងសៀងហៃ៖ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជួបពិភាក្សាការងារជាមួយលោកជំទាវ វ៉ាង ស៊ាវភីង (Wang Xiaoping) រដ្ឋមន្រ្តីធនធ...
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អា...
បរទេស៖ សហភាពអឺរ៉ុប និងបណ្តាប្រទេសរបស់អាស៊ានមួយចំនួនកំពុងឈានចូលដល់ដំណាក់កាលចុងក្រោយនៃកិច្ចព្រមព្រៀងពាណិជ្ជកម្មទ្វេភាគី ខណៈដែលអឺរ៉ុប កំពុងព្យាយាមកាត់...
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូង...
កម្មវិធីពិសេសរបស់ AMS ECONOMY
