AMS Economyការបង្កើតតំបន់កម្សាន្តនៅជាយក្រុងបានចូលរួមជួយលើកកម្ពស់វិស័យទេសចរណ៍នៅក្នុងប្រទេស
ភ្នំពេញ ៖ ប្រតិបត្តិករ និងអ្នកជំនាញក្នុងវិស័យទេសចរណ៍ បានលើកឡើងថា ការបង្កើតរមណីយដ្ឋាន ឬកន្លែងកម្សាន្តនៅជាយក្រុងមិនត្រឹមតែជួយលើកកម្ពស់វិស័យទេសចរណ៍ក្នុងស្រុកបណ្ណោះទេ ប៉ុន្តែវាថែមជួយបង្កើតការងារជូនប្រជាជន និងជួយជំរុញកំណើនសេដ្ឋកិច្ចជាតិ។
លោកស្រី ច័ន្ទ ដាវី អគ្គនាយិកាក្រុមហ៊ុន ដាវីត្រា គ្រុប និងជាម្ចាស់ រីសត កោះស្លាកែត ស្ទូឌីយោ បានថ្លែងប្រាប់កាលពីថ្ងៃចុងសប្ដាហ៍កន្លងទៅនេះថា ការបង្កើតកន្លែងទេសចរណ៍ និងវប្បធម៌នៅតំបន់ជាយក្រុង បានចូលរួមជួយដល់វិស័យទេសចរណ៍យ៉ាងប្រសើរ ដែលក្រៅពីជួយពង្រឹងវិស័យមួយនេះ ថែមទាំងបានជួយបង្កើនការងារដល់ពលរដ្ឋនៅក្នុងតំបន់ផងដែរ។
លោកស្រីបានថ្លែងថា ៖
“នៅក្នុងអំឡុងពេលមានវិបត្តិកូវីដ១៩ គ្រួសារបានសាងសង់កន្លែងតូចសម្រាប់រស់នៅនាតំបន់ជាយក្រុង ហើយក្រោយមកដោយសង្កេតឃើញថា នៅអំឡុងពេលនោះ បងប្អូនអ្នកភូមិ មិនមានការងារធ្វើ មិនមានចំណូលដោយសារតែវិបត្តិមួយនេះ ខ្ញុំ និងគ្រួសារបានសម្រេចបង្កើតជាតំបន់កម្សាន្ត ដោយដាក់ឈ្មោះថា កោះស្លាកែត ស្ទូឌីយោ ដែលជាកន្លែងទេសចរណ៍ វប្បធម៌ដ៏មនោរម្យ ដើម្បីជួយបង្កើតការងារជូនប្រជាជនក្នុងតំបន់នេះ”
លោកថ្លែងបន្តថា ៖
“បច្ចុប្បន្ននៅកន្លែងយើងនេះ មានបុគ្គលិកជិត ១០០ នាក់ ដែលបុគ្គលិកមួយចំនួនគឺជាអ្នកភូមិ និងបុគ្គលិកជំនាញមួយចំនួនទៀតមកពីទីក្រុងភ្នំពេញ រួមទាំងតាមបណ្តាខេត្តនានាផងដែរ”
លោស្រីបានឱ្យដឹងថា កោះស្លាកែតស្ទូឌីយោ ដែលមានទីតាំងនៅភូមិដីឥដ្ធកោះផុស ឃុំដីឥដ្ធ ស្រុកកៀនស្វាយ ខេត្តកណ្ដាល មានចម្ងាយប្រហែល ៣ គីឡូម៉ែត្រពីទីរមណីយដ្ឋានកៀនស្វាយក្រៅ ដែលជាកន្លែងសំរាកលំហែកាយបែបធម្មជាតិ និងសមស្រមសម្រាប់អ្នកដែលធ្វើដំណើរកម្សាន្តវិលល្ងាច ដែលមិនចង់ចំណាយពេលវេលាយូរ ដោយគ្រាន់តែធ្វើដំណើររយៈពេល ១ ម៉ោងចេញមកក្រៅក្រុង ក៏បានមកលេងកម្សាន្តនៅទីកន្លែងដែលមានទេសភាពបែបស្រុកភូមិ មានចំការដំណាំ ជាមួយខ្យល់អាកាសត្រជាក់នៃដងទន្លេ។
លោកស្រីបានថ្លែងបន្តថា កោះស្លាកែតស្ទូឌីយោ មានហាងកាហ្វេ ទីធ្លាធំទូលាយភ្ជាប់គ្នា និងអាងហែលទឹកទំនើប និងមានផ្ទះលំហែដែលសាងសង់បែបរចនាបថខ្មែរនៅផ្នែកខាងក្រៅ ហើយផ្នែកខាងក្នុងមានតុបតែងជាលក្ខណៈទំនើបទាន់សម័យតាមបែបរចនាបថបរទេសដូចជា ប្រទេសថៃ ជប៉ុន អាមេរិក និងឈីក(ម៉ូរ៉ុកកូ)។
លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា ការបង្កើតអាជីវកម្មទេសចរណ៍ ឬជារមណីយដ្ឋាននៅតាមជាយទីក្រុងភ្នំពេញ គឺជាការចូលរួមចំណែកក្នុងការជំរុញទេសចរណ៍ក្នុងស្រុក ព្រោះការបង្កើតកន្លែងកម្សាន្ត ឬកន្លែងទទួលអាហារនឹងជួយបម្រើឱ្យអ្នកទេសចរក្នុងស្រុកដែលមិនចង់ចេញឆ្ងាយពីទីក្រុង អាចទៅទស្សនា ឬកម្សាន្តនាចុងសបា្តហ៍។
លោកជំទាវបានលើកឡើងថា ៖
“ជាធម្មតា អ្នកទេសចរក្នុងស្រុកភាគច្រើនចេញទៅក្រៅក្រុង ដើម្បីធ្វើដំណើរកម្សាន្តលក្ខណៈគ្រួសារនាចុងសប្តាហ៍ ដូច្នេះការបង្កើតរមណីយដ្ឋាន ឬកន្លែងកម្សាន្តនៅតំបន់ជាយៗក្នុងក្រុងភ្នំពេញនឹងជួយជំរុញដល់វិស័យទេសចរណ៍ក្នុងស្រុក ក៏ដូចជាបង្កើតការងារជូនដល់ប្រជាជនក្នុងតំបន់ ដែលរមណីយដ្ឋាន ឬកន្លែងកម្សាន្តដែលបានបង្កើតឡើងនោះ ហើយវាក៏ស្របទៅតាមគោលនយោបាយរាជរដ្ឋាភិបាលក្នុងការជំរុញទេសចរក្នុងស្រុក ដែលអាចជួយដល់ការស្តារវិស័យទេសចរណ៍ឡើងវិញផងដែរ”
លោកស្រីបានថ្លែងបន្តថា ការបង្កើតរមណីយដ្ឋាន ឬកន្លែងកម្សាន្តបម្រើឱ្យវិស័យទេសចរណ៍គឺត្រូវទាមទារឱ្យផ្តោតលើអនាម័យ សោភ័ណភាព និងការរចនាទាក់ទាញ ដើម្បីស្រូបទាញយកភ្ញៀវទេសចរក្នុងស្រុក និងអន្តរជាតិ។ គួររំលឹកផងដែរថា យោងតាមតារាងសូចនាករគន្លឹះទេសចរណ៍ និងស្ថិតិទេសចរណ៍ផ្លូវការក្រសួងទេសចរណ៍បានបង្ហាញថា នៅក្នុងឆ្នាំ២០២១ កម្ពុជាទទួលបានភ្ញៀវទេសចរអន្តរជាតិសរុប ១៩៦ ៤៩៥ នាក់ ថយចុះ ៨៥ ភាគរយ ធៀបឆ្នាំ២០២០ ខណៈចំណូលបានពីទេសចរជាតិ-អន្តរជាតិមាន ១៨៤ លានដុល្លារធ្លាក់ចុះ ៨២ ភាគរយពីចំនួន ១ ០២៣ លានដុល្លារ កាលពីឆ្នាំ ២០២០៕
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
មហាយក្សចិន-អាម៉េរិក បង្ហាញពីកិច្ចទំនាក់ទំនងដ៏ស៊ីជម្រៅមិនអាចកាត់ផ្ដាច់គ្នាបាន
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្តែប្រសិនបើគេក្រឡេកទៅមើលតួលេខជាក់ស្តែងនៃកិច្ចសហប្រតិបត្តិការវិញ បានបង្ហាញយ៉ាងច្បាស់ថា ប្រទេសទាំងពីរមានទំនាក់ទំនងទាំងផ្នែកសេដ្ឋកិច្ច ទាំងប្រជាជាតិយ៉ាងស៊ីជម្រៅដែលមិនអាចកាត់ផ្តាច់ពីគ្នាបានឡើយ។ ចុងក្រោយនេះ ក្រោមការសម្របសម្រួលតាមរយៈការទូតរបស់ប្រមុខរដ្ឋនៅក្នុងដំណើរទស្សនកិច្ចកំពូលទៅវិញទៅមកភាគីទាំងពីរបានបញ្ជាក់ជាថ្មីនូវការប្តេជ្ញាចិត្តក្នុងការកសាងទំនាក់ទំនងទ្វេភាគីក្នុងន័យស្ថាបនា ដើម្បីរក្សាស្ថិរភាពជាយុទ្ធសាស្ត្រ។ សារព័ត៌មាន China Daily បានចេញផ្សាយថា ទំហំពាណិជ្ជកម្មរវាងចិន និងអាមេរិក
ចិន កំពុងស្ថិតក្នុងការសង្ស័យថា លួចសិក្សាពីបច្ចេកវិទ្យាទំនើបនៃយន្តហោះចម្បាំង F-35 របស់អាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អាម៉េរិក។ ហេតុការណ៍នេះបានកើតឡើងកាលពីដើមឆ្នាំ២០២៦នេះ ប៉ុន្តែទើបតែត្រូវបានយកចេញផ្សាយកាលពីពេលថ្មីៗនេះ។ ដោយដកស្រង់ចេញពី Bloomberg និង Politico បានឱ្យដឹងថា ឧប្បទេវហេតុខាងលើនេះបានកើតឡើងនៅក្នុងពេលដែលការដឹកជញ្ជូនគ្រឿងបន្លាស់យន្តហោះដែលមានបញ្ហាយកមកពីប្រទេសអូស្ត្រាលីត្រូវបញ្ជូនទៅសហរដ្ឋអាមេរិក ប៉ុន្តែចៃដន្យបែរជាបង្វែរទិសដៅដោយគ្មានការគ្រោងទុកទៅកាន់ក្រុងហុងកុងទៅវិញ។ សមាសភាគបំណែកយន្តហោះចម្បាំងបំបាំងកាយ F-35 ដែលត្រូវបានដឹកជញ្ជូនដោយក្រុមហ៊ុន UPS រួមមានដូចជា ដំបូលកញ្ចក់កាប៊ីន
ហេតុផលនៅពីក្រោយតម្លៃប្រេងនៅកម្ពុជាបន្តឡើងថ្លៃ ខណៈដែលតម្លៃប្រេងឆៅនៅលើទីផ្សារពិភពលោកបានធ្លាក់ចុះ
Top News, ព្រឹត្តិការណ៍, សេដ្ឋកិច្ច
• 25/09/2026
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូងសមុទ្របានធូរស្រាលក្រោយកិច្ចចរចារវាងអុីរ៉ង់ ជាមួយនឹងសហរដ្ឋអាមេរិក ក៏ប៉ុន្តែ នៅឯកម្ពុជាវិញ នៅមិនទាន់អាចរក្សាកំណត់ត្រាវិជ្ជមានរបស់ខ្លួនបានឡើយដោយសារខ្លួនពឹងផ្អែកទាំងស្រុកលើការនាំចូលប្រេងចម្រាញ់រួចពីទីផ្សារសិង្ហបុរី ដែលអ្នកផ្គត់ផ្គង់នៅទីនោះ មិនទាន់អាចទិញប្រេងឆៅទៅតាមតម្លៃដែលបានប្រកាសចុះបានភ្លាមៗ។ ដូច្នេះហើយ អ្នកប្រើប្រាស់នៅកម្ពុជាត្រូវប្រឈមនឹងការឡើងថ្លៃយ៉ាងគំហុកនៅតាមស្ថានីយប្រេងឥន្ធនៈ ស្របតាមតារាងកំណត់តម្លៃថ្មីរបស់ក្រសួងពាណិជ្ជកម្ម។ យោងតាមតារាងកំណត់តម្លៃថ្មីរបស់ក្រសួងពាណិជ្ជកម្មបានបង្ហាញថា តម្លៃប្រេងសាំងធម្មតាបានកើនឡើង ៤៥០ រៀល ដល់ ៥,២៥០
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្ត...
គាំទ្រជីវភាពពលរដ្ឋ ក្នុងពេលតម្លៃប្រេងសកលឡើងថ្លៃខ្ពស់
(បាត់ដំបង/ប៉ៃលិន)៖ ក្នុងគោលបំណងបន្តជួយលើកកម្ពស់ជីវភាពរស់នៅរបស់ប្រជាពលរដ្ឋ ជាពិសេសសម្រាប់អតីតពលករពីប្រទេសថៃ និងយុវជនរកការងារធ្វើ ក្រសួងការងារ និងបណ្...
ទីក្រុងសៀងហៃ៖ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជួបពិភាក្សាការងារជាមួយលោកជំទាវ វ៉ាង ស៊ាវភីង (Wang Xiaoping) រដ្ឋមន្រ្តីធនធ...
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អា...
បរទេស៖ សហភាពអឺរ៉ុប និងបណ្តាប្រទេសរបស់អាស៊ានមួយចំនួនកំពុងឈានចូលដល់ដំណាក់កាលចុងក្រោយនៃកិច្ចព្រមព្រៀងពាណិជ្ជកម្មទ្វេភាគី ខណៈដែលអឺរ៉ុប កំពុងព្យាយាមកាត់...
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូង...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦ តំបន់សេដ្ឋកិច្ចពិសេសរបស់ក្រុមហ៊ុនរ៉ូយ៉ាល់គ្រុបចំនួនពីរ រួមមានតំបន់សេដ្ឋកិច្ចពិសេសរ៉ូយ...
កម្មវិធីពិសេសរបស់ AMS ECONOMY
