AMS Economyមន្ត្រីជំនាញរំពឹងថា បុណ្យសមុទ្រឆ្នាំនេះនឹងមានភ្ញៀវទេសចរច្រើនចូលរួមកម្សាន្តសប្បាយច្រើន
ព្រះសីហនុ ៖ មន្ត្រីជាន់ខ្ពស់ក្រសួងទេសចរណ៍បានបង្ហាញពីក្ដីរំពឹងថា ការរៀបចំបុណ្យសមុទ្រនៅឆ្នាំនេះនៅខេត្តព្រះសីហនុ អាចនឹងមានភ្ញៀវទេសចរទៅកម្សាន្តច្រើន ខណៈដែលអាជ្ញាធរកំពុងត្រៀមរៀបចំការងារទាំងអស់ជាមុនសិន ដើម្បីឱ្យបុណ្យសមុទ្រប្រព្រឹត្តទៅដោយរលូន និងសុវត្ថិភាព។
ឯកឧត្តម តុប សុភ័ក្រ អ្នកនាំក្រសួងទេសចរណ៍ បានប្រាប់ថា ពិធីបុណ្យសមុទ្រឆ្នាំនេះ គឺគ្រោងធ្វើឡើងពីថ្ងៃទី៩ ដល់ថ្ងៃទី១២ ខែធ្នូ ប៉ុន្តែមានលក្ខណៈជាពិសេស ព្រោះតែការរៀបចំកម្មវិធីធំៗចំនួន៣ដូចជា កម្មវិធីសម្ដែងសិល្បៈប្រពៃណីជាតិ និងអន្តរជាតិ កម្មវិធីពិព័រណ៍ផលិតផលខ្មែរ និងការបង្ហាញម្ហូបអាហារ កម្មវិធីកីឡា រួមមានកីឡាលើឆ្នេរ និងកីឡាលើទឹក ។
ឯកឧត្តមបានលើកឡើងថា ៖
“យើងបានត្រៀមលក្ខណៈរៀបចំបុណ្យសមុទ្រនេះឲ្យទទួលបានជោគជ័យ និងការចូលរួមពីមហាជនឲ្យបានច្រើនកុះករ គឺផ្ដោតសំខាន់ទៅលើការរៀបចំសម្រាប់កម្មវិធី៣ធំៗដែលបានជម្រាបជូនខាងលើហ្នឹង។ ក្រៅពីនេះទៀត គឺយើងបានត្រៀមលក្ខណៈដើម្បីសោភ័ណភាព និងការរៀបចំឲ្យមានការរក្សាសណ្ដាប់ធ្នាប់ ជាពិសេស សុវត្ថិភាព ហើយហ្នឹងសេវាកម្ម ក្នុងកំឡុងពេលបុណ្យសមុទ្រហ្នឹង”
ឯកឧត្តមបានបន្តថា បុណ្យសមុទ្រឆ្នាំនេះ គឺខុសប្លែកបន្តិចពីឆ្នាំមុន ដោយសារមានកម្មវិធីដ៏ធំមួយទៀត គឺមហាសន្និបាតក្លឹបឆ្នេរសមុទ្រដែលស្អាតជាងគេលើពិភពលោក ដែលប្រទេសកម្ពុជាធ្វើជាម្ចាស់ផ្ទះ ហើយក៏ស្របជាមួយបុណ្យសមុទ្រនេះផងដែរ។
លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា បានប្រាប់ថា បុណ្យសមុទ្រនេះនឹងជួយទៅដល់វិស័យទេសចរណ៍តាមរយៈការផ្សព្វផ្សាយ និងជួយទៅដល់អាជីវកម្មស្នាក់នៅ អាជីវកម្មម្ហូបអាហារ សេវាកម្មដឹកជញ្ជូន ហើយក៏អាចទាក់ទាញភ្ញៀវទេសចរបរទេសបន្ថែមទៀតដែរ។
លោកជំទាវបញ្ជាក់យ៉ាងដូច្នេះថា ៖
“ខ្ញុំគិតថា មានភ្ញៀវទេសចរចូលរួមទាំងក្នុងស្រុក និងក្រៅស្រុក ក៏ដូចជាតាំងផលិតផលនានា មានការសម្ដែងកីឡា ជាពិសេសនៅពេលដែលប្រទេសយើងទើបតែបើកពេញលេញបែបនេះ មួយទៀតកត្តាដែលជំរុញឲ្យមានការចូលរួមបែបនេះគឺផ្លូវល្បឿនលឿន ដែលមិនមានការកកស្ទះក្នុងការធ្វើដំណើរ ហើយការចំណាយពេលធ្វើដំណើរទៅកំពង់សោមត្រឹមតែ ២ ម៉ោងប៉ុណ្ណោះ”
សូមបញ្ជាក់ថា ប្រទេសកម្ពុជាត្រូវបានជ្រើសរើសធ្វើជាម្ចាស់ផ្ទះក្នុងការរៀបចំមហាសន្និបាតក្លឹបឆ្នេរសមុទ្រស្អាតបំផុតលើសកលលោក ដែលនឹងត្រូវធ្វើឡើងរយៈពេល៦ថ្ងៃ ចាប់ពីថ្ងៃទី៩ ដល់ទី១៤ ខែធ្នូ។ ចំណែកឯពិធីបុណ្យសមុទ្រ នឹងធ្វើចាប់ពីថ្ងៃទី៩ ដល់ថ្ងៃទី១២ ខែធ្នូ ឆ្នាំ២០២២។ អត្ថបទដោយ ៖ ជា សុខនី និង ហោ សុវិទ្យា
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ធនាគារអភិវឌ្ឍន៍អាស៊ី ទាញទម្លាក់ការព្យាករកំណើនសេដ្ឋកិច្ចកម្ពុជាមកនៅត្រឹម ៣,៩ភាគរយក្នុងឆ្នាំ២០២៦
Top News, ព្រឹត្តិការណ៍, សេដ្ឋកិច្ច
• 23/09/2026
ភ្នំពេញ ៖ ធនាគារអភិវឌ្ឍន៍អាស៊ី ( ADB) បានព្យាករកំណើនសេដ្ឋកិច្ចកម្ពុជា ជាថ្មី ដោយបានទម្លាក់ការព្យាកររបស់ខ្លួនពី ៤,១ភាគរយ មកនៅត្រឹម៣,៩ភាគរយ ។ នេះបើតាមសេចក្ដីប្រកាសព័ត៌មានរបស់ធនាគារអភិវឌ្ឍន៍អាស៊ី ចេញផ្សាយថ្ងៃទី ២៣ ខែកញ្ញា ឆ្នាំ២០២៦ ។ ការព្យាកររបស់ធនាគារអន្តរជាតិមួយនេះ ដោយយោងលើកត្តាមួយចំនួន ជាក់ស្ដែងដូចជាការធ្លាក់ចុះនៃវិស័យទេសចរណ៍ដើមឆ្នាំ២០២៦នេះ
IMF ព្រមានថា អឺរ៉ុបនឹងធ្លាក់ខ្លួនទទួលរងគ្រោះធ្ងន់ធ្ងរ បើឈប់រត់ប្រណាំងវិស័យ AI
ព្រឹត្តិការណ៍, អាជីវកម្មថ្មី និងនវានុវត្ត
• 23/09/2026
អគ្គនាយកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva បានព្រមានដល់បណ្តាប្រទេសនៅអឺរ៉ុបថា ប្រសិនបើអឺរ៉ុបអាក់ខាន ឬបង្អាក់ល្បឿនក្នុងការអភិវឌ្ឍបច្ចេកវិទ្យាបញ្ញាសិប្បនិម្មិត (AI) នោះអឺរ៉ុបនឹងធ្លាក់ខ្លួនទទួលរងគ្រោះធ្ងន់ធ្ងរ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បរទេស ៖ ក្រោយពេលមានជម្លោះផ្ទុះឡើងជាមួយនឹងអ៊ុយក្រែន រុស្ស៊ី បានទទួលរងនូវសម្ពាធពាណិជ្ជកម្មពីបណ្តាប្រទេសធំៗមួយចំនួនដែលជាដៃគូអភិវឌ្ឍន៍ជាមួយសហរដ្ឋអាម៉េរ...
កសិករនៅតំបន់ឆ្នេរខេត្តកំពតកំពុងត្រឡប់មកដាំសារាយសមុទ្រឡើងវិញ បន្ទាប់ពីបានជួបប្រទះការធ្លាក់ចុះតម្លៃ និងការរំខានដល់ទីផ្សារអស...
ខេត្តព្រះសីហនុ៖ ការស្ដារ និងបង្កើនផលស្តុកធនធានជលផលសមុទ្រ នៅតែជាអាទិភាពសេដ្ឋកិច្ចដ៏សំខាន់សម្រាប់សហគមន៍នេសាទឆ្នេរ និងសន្តិសុខស្បៀងកម្ពុជា។ ក្នុងស្មារ...
អាស៊ាន និងចក្រភពអង់គ្លេសប្តេជ្ញាលើកកម្ពស់កិច្ចសហប្រតិបត្តិការសេដ្ឋកិច្ច ក្នុងអំឡុងកិច្ចពិភាក្សារដ្ឋមន្ត្រីសេដ្ឋកិច្ចអាស៊ាន-ចក្រភពអង់គ្លេសលើកទី ៦ ដែ...
ភ្នំពេញ ៖ ធនាគារអភិវឌ្ឍន៍អាស៊ី ( ADB) បានព្យាករកំណើនសេដ្ឋកិច្ចកម្ពុជា ជាថ្មី ដោយបានទម្លាក់ការព្យាកររបស់ខ្លួនពី ៤,១ភាគរយ មកនៅត្រឹម៣,៩ភាគរយ ។ ...
អគ្គនាយកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva បានព្រមានដល់បណ្តាប្រទេសនៅអឺរ៉ុបថា ប្រសិនបើអឺរ៉ុបអាក់ខាន ឬបង្អាក់ល្បឿនក្នុងកា...
ភ្នំពេញ ៖ សមាគមមីក្រូហិរញ្ញវត្ថុកម្ពុជា (CMA) នៅថ្ងៃទី២២ ខែកញ្ញា ឆ្នាំ២០២៦ បានសហការជាមួយ សាកលវិទ្យាល័យឯកទេសនៃកម្ពុជា (CUS) រៀបចំកម្មវិធីសិក្ខាសាលាស...
សហភាពអឺរ៉ុប និងហ្វីលីពីនព្រមព្រៀងជាបឋមលើកិច្ចព្រមព្រៀងពាណិជ្ជកម្មសេរីថ្មីមួយ ហើយកិច្ចព្រមព្រៀងពេញលេញជាផ្លូវការកំពុងរង់ចាំការចរចាបន្ថែមទៀត
កម្មវិធីពិសេសរបស់ AMS ECONOMY
