AMS Economyអ្នកជំនាញបង្ហាញពីដំណោះស្រាយ ដើម្បីជួយកាត់បន្ថយការចំណាយក្នុងអំឡុងពេលប្រេងសាំងឡើងថ្លៃ
ភ្នំពេញ ៖ ក្នុងរយៈពេលចុងក្រោយនេះ តម្លៃប្រេងសាំងនៅលើពិភពលោកមានការកើនឡើងជាបន្តបន្ទាប់ ក្រោយការផ្ទុះឡើងនៃសង្គ្រាមនៅអ៊ុយក្រែន ហើយក៏ធ្វើឱ្យតម្លៃប្រេងសាំងនៅកម្ពុជាកើនឡើងថ្លៃ ដែលប្រជាជនមានការព្រួយបារម្ភចំពោះការកើនឡើងនៃការចំណាយដោយសារការឡើងថ្លៃតម្លៃប្រេងសាំងនេះផងដែរ។
ដូច្នេះ ថ្ងៃនេះ AMS នឹងបង្ហាញដំណោះស្រាយមួយចំនួន ដើម្បីរួមចំណែកកាត់បន្ថយការចំណាយក្នុងអំឡុងពេលតម្លៃប្រេងសាំងឡើងថ្លៃ តាមរយៈអ្នកជំនាញសេដ្ឋកិច្ច និងវាគ្មិនល្បីនៅកម្ពុជា។
លោក ហុង សុហួរ អគ្គនាយកនៃក្រុមហ៊ុនផ្សារមូលបត្រកម្ពុជា បានលើកឡើងថា ការកើនឡើងនៃតម្លៃប្រេងសាំងនេះបានធ្វើឱ្យប៉ះពាល់អាជីវកម្ម និងការវិនិយោគ ពិសេសអាជីវកម្មដឹកជញ្ជូន និងអាជីវកម្ម ដែលប្រើប្រាស់ប្រេងសាំងដើម្បីផលិតទំនិញ សេវាកម្ម ដែលវាធ្វើឱ្យថ្លៃដើមកើនឡើង។
លោកបញ្ជាក់ថា ៖
“សម្រាប់ម្ចាស់អាជីវកម្ម ប្រេងសាំងឡើងថ្លៃគឺធ្វើឱ្យការចំណាយក្នុងអាជីវកម្មរបស់គាត់កើនឡើង ដូច្នេះដើម្បីកាត់លើការចំណាយ គាត់អាចមានជម្រើសជាច្រើនតាមរយៈការប្រើប្រាស់ប្រភពថាមពលផ្សេងៗដូចជាសូឡាជាដើម។ យ៉ាងណាក៏ដោយ បើទោះបីជា ត្រូវចំណាយច្រើនលើសូឡា បន្ទាប់មកការចំណាយលើថាមពលសឹងតែលែងមាននោះ ដូច្នេះការប្រើប្រាស់ប្រភពថាមពលនេះ អាចជួយកាត់ប្រើប្រាស់អគ្គិសនី និងម៉ាស៊ីនអគ្គិសនីដែលដើរដោយប្រេងសាំង”
លោក ហុង សុហួរ បានថ្លែងថា ប្រជាជនកម្ពុជាភាគច្រើនចូលចិត្តធ្វើដំណើរតាមរយៈការជិះម៉ូតូ ឬយានយន្តបើទោះបីជាទីតាំងដែលត្រូវទៅមានចម្ងាយជិតក៏ដោយ។ ឧទាហរណ៍ ទីតាំងដំណើរប្រហែល ១០០ ម៉ែត្រ ឬ ២០០ ម៉ែត្រ នៅតែប្រើប្រាស់ម៉ូតូ ឬយានយន្ត។ ក្នុងករណីមិនចាំបាច់ ឬមិនបន្ទាន់ណាមួយ យើងគួរកែទម្លាប់មកថ្មើរជើងវិញ ដើម្បីជួយសន្សំសំចៃ ហើយថែមទាំងជួយដល់សុខភាពទៀតផង។
លោកស្រី ប៉ែន បុប្ផា នាយិកាក្រុមហ៊ុន ឬទ្ធិពល បានថ្លែងថា ផលប៉ះពាល់ដោយសារឡើងថ្លៃប្រេសាំងប្រាកដជាកើតមាន ហើយបញ្ហាតែងតែកើតឡើង ដូច្នេះពេលវាកើតឡើងហើយ ថាតើត្រូវបណ្តោយឱ្យកើតឡើង ឬត្រូវរកដំណោះស្រាយ ដើម្បីកាត់បន្ថយផលប៉ះពាល់។
លោកស្រីបានថ្លែងបន្តថា ៖
“បើទោះបីប្រេងសាំងមិនទាន់ឡើងថ្លៃខ្លាំង ក៏យើងគួរតែរៀបចំខ្ទង់ថវិកាក្នុងការចាយវាយឱ្យបានត្រឹមត្រូវដែរ ព្រោះធម្មតា យើងដឹងហើយថា តើយើងមានប្រភពចំណូលមកពីណា ហើយចំណូលនេះ អាចជាចំណូលទៀងទាត់ ឬមិនទៀងទាត់ មានចំនួនប៉ុន្មាន”
លោកស្រីបានថ្លែងថា យ៉ាងណាក៏ដោយ បើសិនមិនមានការរៀបចំការចាយវាយបានល្អទេ វានឹងមានបញ្ហាកើតឡើង ដោយសារប្រេងសាំងឡើងថ្លៃ ការសន្សំសំចៃក៏មិនមាន ដូច្នេះ គួរពិនិត្យមើលឡើងវិញទៅលើរបៀបចាយវាយ និងរៀបចំទុកដាក់ប្រាក់កាសនៅក្នុងក្រុមគ្រួសារ។
ដោយឡែក លោកបណ្ឌិត ហុង វណ្ណៈ អ្នកស្រាវជ្រាវសេដ្ឋកិច្ចអន្តរជាតិនៃវិទ្យាស្ថានទំនាក់ទំនងអន្តរជាតិរាជបណ្ឌិត្យសភាកម្ពុជា បានថ្លែងថា បច្ចុប្បន្ន បន្ទាប់ពីកម្ពុជាអាចគ្រប់គ្រងវិបត្តកូវីដ-១៩ បានយ៉ាងប្រសើរ និងបើកប្រទេសឡើងវិញបានយ៉ាងពេញលេញ ធ្វើឱ្យសកម្មភាពដំណើរ ក៏ដូចជាកម្មពិធីកម្សាន្តនានារបស់ប្រជាជនមានសភាពដូចប្រក្រតីឡើងវិញ ប៉ុន្តែការឡើងថ្លៃសាំងអាចធ្វើឱ្យមានផលប៉ះពាល់ជីវភាពប្រចាំថ្ងៃរបស់ប្រជាជន ដូច្នេះប្រជាជនគួរកាត់បន្ថយសកម្មភាពមិនសូវសំខាន់នានា ដើម្បីសន្សំសំចៃថវិកាក្នុងអំឡុងពេលអន្តរកាលនេះ។
លោកបណ្ឌិតបានបន្តទៀតថា ប្រជាជនគួរពិចារណាលើការចំណាយដោយមានផែនការចាយវាយប្រចាំថ្ងៃ ប្រចាំខែ និងប្រចាំឆ្នាំ ដើម្បីចៀសវាងការចំណាយលើសខ្ទង់។ លោកសង្ឃឹមថា ការឡើងថ្លៃប្រេងសាំងនឹងមិនឡើងរហូតនោះទេ ហើយវាធ្លាក់ចុះក្នុងពេលណាមួយ ប៉ុន្តែយើងគួរចេះសន្សំសំចៃថវិកាលើការចំណាយនានាមិនចាំបាច់ តាមរយៈការកាត់បន្ថយការជួបជុំជប់លៀងមិនចាំបាច់ និងផ្អាកការធ្វើដំណើរកម្សាន្តនានា ដើម្បីបញ្ចៀសការចំណាយលើសខ្ទង់។ យោងតាមតាមការជូនដំណឹងពីក្រសួងពាណិជ្ជកម្មនៅថ្ងៃទី១ ខែមិថុនា ឆ្នាំ២០២២ ប្រេងនៅលើទីផ្សារអន្តរជាតិជាមធ្យមក្នុងរយៈពេល៧ថ្ងៃ គិតចាប់ពីថ្ងៃទី ២៣ ដល់ថ្ងៃទី ៣១ ខែឧសភា) មានតម្លៃ ១៤៤ ដុល្លារក្នុងមួយបារ៉ែល ដែលធ្វើឱ្យតម្លៃប្រេងលក់រាយពីថ្ងៃទី ១ ដល់ថ្ងៃទៅ១០ខែមិថុនា មានតម្លៃ៥៩១៤រៀល និងប្រេងម៉ាស៊ូត ៥៨១៤រៀល។ ជាមួយគ្នានេះ តាមរយៈការឧបត្ថម្ភធនរបស់រដ្ឋាភិបាល ប្រេងសាំងធម្មតាលក់រាយនៅកម្ពុជាចាប់ពីថ្ងៃទី ០១ ដល់ថ្ងៃទី ១០ ខែមិថុនា ឆ្នាំ២០២២ មានតម្លៃ ៥ ៦៥០ រៀលក្នុង១លីត្រ កើនឡើង៥០រៀល បើធៀបនឹងកាលពី១០ថ្ងៃមុន ខណៈប្រេងម៉ាស៊ូតបានឡើងដល់ ៥ ៥៥០ រៀលក្នុង១លីត្រ កើនឡើង១៥០ រៀល៕
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
មហាយក្សចិន-អាម៉េរិក បង្ហាញពីកិច្ចទំនាក់ទំនងដ៏ស៊ីជម្រៅមិនអាចកាត់ផ្ដាច់គ្នាបាន
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្តែប្រសិនបើគេក្រឡេកទៅមើលតួលេខជាក់ស្តែងនៃកិច្ចសហប្រតិបត្តិការវិញ បានបង្ហាញយ៉ាងច្បាស់ថា ប្រទេសទាំងពីរមានទំនាក់ទំនងទាំងផ្នែកសេដ្ឋកិច្ច ទាំងប្រជាជាតិយ៉ាងស៊ីជម្រៅដែលមិនអាចកាត់ផ្តាច់ពីគ្នាបានឡើយ។ ចុងក្រោយនេះ ក្រោមការសម្របសម្រួលតាមរយៈការទូតរបស់ប្រមុខរដ្ឋនៅក្នុងដំណើរទស្សនកិច្ចកំពូលទៅវិញទៅមកភាគីទាំងពីរបានបញ្ជាក់ជាថ្មីនូវការប្តេជ្ញាចិត្តក្នុងការកសាងទំនាក់ទំនងទ្វេភាគីក្នុងន័យស្ថាបនា ដើម្បីរក្សាស្ថិរភាពជាយុទ្ធសាស្ត្រ។ សារព័ត៌មាន China Daily បានចេញផ្សាយថា ទំហំពាណិជ្ជកម្មរវាងចិន និងអាមេរិក
ចិន កំពុងស្ថិតក្នុងការសង្ស័យថា លួចសិក្សាពីបច្ចេកវិទ្យាទំនើបនៃយន្តហោះចម្បាំង F-35 របស់អាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អាម៉េរិក។ ហេតុការណ៍នេះបានកើតឡើងកាលពីដើមឆ្នាំ២០២៦នេះ ប៉ុន្តែទើបតែត្រូវបានយកចេញផ្សាយកាលពីពេលថ្មីៗនេះ។ ដោយដកស្រង់ចេញពី Bloomberg និង Politico បានឱ្យដឹងថា ឧប្បទេវហេតុខាងលើនេះបានកើតឡើងនៅក្នុងពេលដែលការដឹកជញ្ជូនគ្រឿងបន្លាស់យន្តហោះដែលមានបញ្ហាយកមកពីប្រទេសអូស្ត្រាលីត្រូវបញ្ជូនទៅសហរដ្ឋអាមេរិក ប៉ុន្តែចៃដន្យបែរជាបង្វែរទិសដៅដោយគ្មានការគ្រោងទុកទៅកាន់ក្រុងហុងកុងទៅវិញ។ សមាសភាគបំណែកយន្តហោះចម្បាំងបំបាំងកាយ F-35 ដែលត្រូវបានដឹកជញ្ជូនដោយក្រុមហ៊ុន UPS រួមមានដូចជា ដំបូលកញ្ចក់កាប៊ីន
ហេតុផលនៅពីក្រោយតម្លៃប្រេងនៅកម្ពុជាបន្តឡើងថ្លៃ ខណៈដែលតម្លៃប្រេងឆៅនៅលើទីផ្សារពិភពលោកបានធ្លាក់ចុះ
Top News, ព្រឹត្តិការណ៍, សេដ្ឋកិច្ច
• 25/09/2026
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូងសមុទ្របានធូរស្រាលក្រោយកិច្ចចរចារវាងអុីរ៉ង់ ជាមួយនឹងសហរដ្ឋអាមេរិក ក៏ប៉ុន្តែ នៅឯកម្ពុជាវិញ នៅមិនទាន់អាចរក្សាកំណត់ត្រាវិជ្ជមានរបស់ខ្លួនបានឡើយដោយសារខ្លួនពឹងផ្អែកទាំងស្រុកលើការនាំចូលប្រេងចម្រាញ់រួចពីទីផ្សារសិង្ហបុរី ដែលអ្នកផ្គត់ផ្គង់នៅទីនោះ មិនទាន់អាចទិញប្រេងឆៅទៅតាមតម្លៃដែលបានប្រកាសចុះបានភ្លាមៗ។ ដូច្នេះហើយ អ្នកប្រើប្រាស់នៅកម្ពុជាត្រូវប្រឈមនឹងការឡើងថ្លៃយ៉ាងគំហុកនៅតាមស្ថានីយប្រេងឥន្ធនៈ ស្របតាមតារាងកំណត់តម្លៃថ្មីរបស់ក្រសួងពាណិជ្ជកម្ម។ យោងតាមតារាងកំណត់តម្លៃថ្មីរបស់ក្រសួងពាណិជ្ជកម្មបានបង្ហាញថា តម្លៃប្រេងសាំងធម្មតាបានកើនឡើង ៤៥០ រៀល ដល់ ៥,២៥០
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្ត...
គាំទ្រជីវភាពពលរដ្ឋ ក្នុងពេលតម្លៃប្រេងសកលឡើងថ្លៃខ្ពស់
(បាត់ដំបង/ប៉ៃលិន)៖ ក្នុងគោលបំណងបន្តជួយលើកកម្ពស់ជីវភាពរស់នៅរបស់ប្រជាពលរដ្ឋ ជាពិសេសសម្រាប់អតីតពលករពីប្រទេសថៃ និងយុវជនរកការងារធ្វើ ក្រសួងការងារ និងបណ្...
ទីក្រុងសៀងហៃ៖ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជួបពិភាក្សាការងារជាមួយលោកជំទាវ វ៉ាង ស៊ាវភីង (Wang Xiaoping) រដ្ឋមន្រ្តីធនធ...
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អា...
បរទេស៖ សហភាពអឺរ៉ុប និងបណ្តាប្រទេសរបស់អាស៊ានមួយចំនួនកំពុងឈានចូលដល់ដំណាក់កាលចុងក្រោយនៃកិច្ចព្រមព្រៀងពាណិជ្ជកម្មទ្វេភាគី ខណៈដែលអឺរ៉ុប កំពុងព្យាយាមកាត់...
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូង...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦ តំបន់សេដ្ឋកិច្ចពិសេសរបស់ក្រុមហ៊ុនរ៉ូយ៉ាល់គ្រុបចំនួនពីរ រួមមានតំបន់សេដ្ឋកិច្ចពិសេសរ៉ូយ...
កម្មវិធីពិសេសរបស់ AMS ECONOMY
