AMS Economyដើរតាមចិត្តស្រឡាញ់ និងទទួលបានចំណូលពីការគូរគំនូរបែបតុក្កតា
ភ្នំពេញ ៖ ដោយមានចិត្តស្រឡាញ់ទៅលើសិល្បៈនៃការគូរគំនូរ និងមានទេពកោសល្យក្នុងការរចនាស្រាប់ផងនោះ យុវតីខ្មែរពីររូបបានសហការគ្នាបើកផេកអាជីវកម្មមួយសម្រាប់ទទួលគូរគំនូរដោយអតិថិជនអាចធ្វើការកម្ម៉ង់បានតាមរយៈបណ្តាញសង្គម Online។
ផេក Double២ ដែលជាគណនីហ្វេសប៊ុកមួយមានទទួលគូររូបមនុស្សបែបតុក្កតាសម្រាប់ទុកជាវត្ថុអនុស្សាវរីយ៍ក្នុងឱកាសផ្សេងៗដែលអតិថិជនអាចកម្ម៉ង់បានតាមតម្រូវការ។
កញ្ញា ស៊ាង ម៉ារ៉ាឌី ជាស្ថាបនិកម្នាក់នៃផេកខាងលើបានប្រាប់ AMS ថា ៖
« ខ្ញុំ និងមិត្តភក្ដិខ្ញុំម្នាក់ទៀតរៀនខាង Design ស្រាប់ ហើយក៏មានមុខវិជ្ជាគំនូរនេះខ្លះដែរ។ យើងស្រឡាញ់ខាងគំនូរនេះ ហើយក៏បានអនុវត្តជាបន្តបន្ទាប់។ ដោយគិតថាវាប្លែក និងអាចរកកម្រៃបាន យើងក៏ចាប់ផ្ដើមបង្កើតផេកតែម្ដង ដោយស្នាដៃគំនូរតុក្កតាប្លែកៗដែលត្រូវបានលក់ចេញអាចមានតម្លៃចាប់ពី ១៥ដុល្លារឡើងទៅ អាស្រ័យតាមទំហំ និងចំនួនតួអង្គក្នុងរូប»
កញ្ញាបានប្រាប់ឲ្យដឹងថា បន្ទាប់ពីមានការផ្ដួចផ្ដើមគំនិតក្នុងការបង្កើតអាជីវកម្មខ្នាតតូចតាមរយៈរូបគំនូរនេះ កាលដើមឡើយគឺធ្វើត្រឹមតែរូបភាពបកបិត ឬហៅថា Sticker បែបតួអង្គតុក្កតាប៉ុណ្ណោះ ប៉ុន្តែក្រោយមកទើបចាប់ផ្ដើមគូរគំនូរផ្ទាំងដែលទទួលបានការគាំទ្រ និងពេញចិត្តពីអតិថិជនជាច្រើន ជាពិសេសពីសំណាក់យុវវ័យក៏ដូចជាអ្នកធ្វើការនៅតាមបណ្តាក្រុមហ៊ុនឯកជនទូទៅ ហើយក៏បន្តអាជីវកម្មមួយនេះរហូតមកដល់បច្ចុប្បន្ន ដែលមានអាយុកាលជិត ៧ឆ្នាំមកហើយ។
គំនូរដែលត្រូវបានគូរចេញពីទឹកដៃដ៏ប៉ិនប្រសប់របស់កញ្ញាទាំង២នាក់ ដែលជាម្ចាស់ផេក Double២ ត្រូវបានបែងចែកជា៣ប្រភេទផ្សេងគ្នា ទី១គំនូរបែបតុក្កតា (Cartoon) ដែលគេច្នៃរូបមនុស្សមកជាតុក្កតា និងមានពណ៌ដិត ទី២ គំនូរបែបតុក្កតាឈីប៊ី (Chibi) ដែលគេគូររូបមនុស្សជាតុក្កតាដោយមានក្បាល ឬក៏ភ្នែកធំៗនិងប្រើពណ៌ស្រាល ហើយទី៣ចុងក្រោយគឺគំនូរបែប Aqua-portrait ដែលមានសណ្ឋានស្រដៀងមនុស្សវិញ។ ក្រៅពីនេះ ក៏មានការគូរគំនូរជាលក្ខណៈឌីជីថលផងដែរ អាស្រ័យតាមការចង់បានរបស់អតិថិជន ។
កញ្ញាបញ្ជាក់ទៀតថា គ្រប់ប្រភេទគំនូរទាំងអស់សុទ្ធតែត្រូវបានយកចិត្តទុកដាក់ខ្ពស់ក្នុងការគូររំលេចចេញយ៉ាងរស់រវើកនៅលើផ្ទាំងក្រដាស ដោយប្រើពណ៌ផាត់យ៉ាងស្រស់ស្អាតល្អវិចិត្រដោយដៃផ្ទាល់ ដើម្បីប្រាកដមានសោភ័ណភាពគួរជាទីទាក់ទាញបំផុត។
កញ្ញា ម៉ារ៉ាឌី បានប្ញជាក់ថា ប្រសិនបើមានពេលទំនេរច្រើនសម្រាប់តែការងារគំនូរ ក្នុងមួយថ្ងៃកញ្ញាអាចមានលទ្ធភាពគូរបានប្រមាណ ៥ផ្ទាំង ហើយជាធម្មតាភ្ញៀវដែលកម្ម៉ង់ត្រូវចាំរយៈពេលមួយសប្ដាហ៍។ ចំណែកការលក់វិញ គឺមិនមានភាពទៀតទាត់នោះទេ ហើយអតិថិជនភាគច្រើនដែលកម្ម៉ង់គឺសម្រាប់ធ្វើជាវត្ថុអនុស្សាវរីយ៍ និងធ្វើជាអំណោយក្នុងពីធីខួបកំណើត ឬថ្ងៃបញ្ចប់ការសិក្សាជាដើម។
អាជីវកម្មខ្នាតតូច និងស្រាលនៅនឹងផ្ទះមួយនេះ អាចរកចំណូលបានគួរសម ប៉ុន្តែមិនចំណាយទុនខ្ពស់ទៅលើវត្ថុធាតុដើមនោះទេ ពោលគឺត្រូវការតែរបស់របរសម្ភារងាយៗដូចជា ក្រដាស ខ្មៅដៃ ទឹកថ្នាំពណ៌ និងជក់តែប៉ុណ្ណោះ។ ប៉ុន្តែអ្វីដែលចាំបាច់បំផុតនោះគឺ ជំនាញ ទេពកោសល្យ គំនិតច្នៃប្រឌិត និងពេលវេលាក្នុងការផលិតរូបនីមួយៗឱ្យបានល្អស្អាត មានភាពទាក់ទាញ ត្រូវចំណូលចិត្តរបស់អតិថិជន។
យ៉ាងណាក៏ដោយ កញ្ញា ស៊ាង ម៉ារ៉ាឌី បានលើកឡើងពីបញ្ហាប្រឈមមួយចំនួននៅក្នុងអាជីវកម្មខ្នាតតូចដែលចេញពីទេពកោសល្យមួយនេះថា មិនគ្រប់អតិថិជនទាំងអស់សុទ្ធតែពេញចិត្ត និងស្រឡាញ់ផ្ទាំងគំនូរដែលគូរឡើងដោយដៃទាំងអស់នោះទេ ប៉ុន្តែក្នុងនាមជាអ្នកប្រកបអាជីវកម្មគំនូរដោយទឹកចិត្តស្រឡាញ់មួយនេះ នៅតែបន្តកិច្ចព្យាយាម អត់ធ្មត់ និងយកចិត្តទុកដាក់ទៅលើផ្ទាំងគំនូរ ដើម្បីធ្វើឲ្យរតូបគំនូរស្រ់ស្អាត មានភាពរស់រវើកតាមដែលលទ្ធភាពអាចធ្វើទៅបាន៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
មេដឹកនាំប៊ុលហ្គារី ៖ អឺរ៉ុបអាចរស់បានដោយគ្មានរុស្ស៊ី គ្រាន់តែលំបាកខ្លាំងបើធ្វើសត្រូវជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 07/09/2026
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
អាល្លឺម៉ង់ ផ្តើមផលិតដ្រូន AI ជាង ៥ ពាន់គ្រឿងឱ្យអ៊ុយក្រែន អាចហោះបាន ១ ៥០០ គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សហភាពអឺរ៉ុបគ្រោងបង្កើនទុនវិនិយោគនៅកោះហ្រ្គីនឡែន និង ពង្រឹងទំនាក់ទំនងនយោបាយឱ្យកាន់តែជិតស្និទ្ធ ខណៈដែលលោក ដូណាល់ ត្រាំ ទាមទារចង់បានកោះនេះបញ្ចូលជាដែនដ...
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
ចិនគ្រោងនឹងបញ្ចេញថវិកាប្រមាណ ៣៦០ ពាន់លានយន់ ឬស្មើប្រមាណ ៥៤ ពាន់លានដុល្លារ ដើម្បីចាក់បញ្ចូលទៅក្នុងវិស័យហិរញ្ញវត្ថុរបស់ខ្លួន...
ការសិក្សាស្រាវជ្រាវលើកដំបូងនៅកម្ពុជា ស្តីពី «សហគមន៍កសិកម្មទំនើប» បានបង្ហាញថា កសិករដែលចូលរួមក្នុងសហគមន៍ប្រភេទនេះទទួលបានល...
ចាប់ផ្តើមពីអាជីវកម្មគ្រួសារកាលពីឆ្នាំ២០១៦ សិប្បកម្មកែច្នៃសាច់ស្រស់ក្នុងស្រុក «ជីលីណា» (Chilyna) បានវិវត្តខ្លួនក្លាយជាសិប្...
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
