AMS Economyរដ្ឋាភិបាលទទួលបានចំណូល ២៦៨០លានដុល្លារពីប្រាក់ចំណូលពន្ធរយៈពេល៩ខែ ឆ្នាំ២០២២
ភ្នំពេញ ៖ នៅក្នុងរយៈពេល៩ខែ ឆ្នាំ២០២២នេះ អគ្គនាយកដ្ឋានពន្ធដារប្រមូលចំណូលពន្ធបានជាង ២ ៦៨០លានដុល្លារ ស្មើនឹងប្រមាណ៩៥ភាគរយនៃផែនការប្រមូលពន្ធប្រចាំឆ្នាំ ខណៈច្បាប់ពន្ធដារថ្មីនឹងត្រូវអនុម័តពេលខាងមុខនេះ។
ឯកឧត្តម គង់ វិបុល រដ្ឋមន្ដ្រីប្រតិភូអមនាយករដ្ឋមន្ដ្រី នៅក្នុងឱកាសកម្មវិធីស្ដីពី «បច្ចុប្បន្នភាពសារពើពន្ធ និងសវនកម្មរបស់សភាពាណិជ្ជកម្មអាមេរិក» ថ្ងៃទី២៨ ខែកញ្ញា ឆ្នាំ២០២២ បានលើកឡើងថា ក្នុងរយៈពេល៩ខែ ឆ្នាំ២០២២នេះ ប្រាក់ចំណូលពន្ធបានប្រមូលជាង៩៥ភាគរយហើយ ស្មើនឹងជាង ២៦៨០លានដុល្លារ ដោយអគ្គនាយកដ្ឋានពន្ធដារនៅសល់ពេល៣ខែទៀតក្នុងការប្រមូលពន្ធ ខណៈដែលផែនការនៅក្នុងច្បាប់ថវិកាជាតិ ការប្រមូលចំណូលពន្ធនៅក្នុងឆ្នាំ២០២២ បានកំណត់ចំនួន ២ ៨០០លានដុល្លារ ដែលនៅសល់ចំនួនប្រមាណ១២០លានទៀតតែប៉ុណ្ណោះ នឹងគំរប់ផែនការប្រមូលពន្ធក្នុងឆ្នាំ២០២២។
ឯកឧត្តម គង់ វិបុល ថ្លែងបញ្ជាក់ថា ៖
“នៅឆ្នាំ២០២២នេះ អគ្គនាយកដ្ឋានពន្ធដារ នឹងអាចប្រមូលចំណូលពន្ធ បានលើសពីផែនការ ប្រមាណ១០ ទៅ១៥ភាគរយ ដោយមិនមានបញ្ហាអ្វី នោះឡើយ។ ដោយឡែក ទាក់ទិនទៅនឹងសេចក្តីព្រាងច្បាប់ស្តីពីពន្ធដារនឹងត្រូវអនុម័តដោយរដ្ឋាភិបាល និងសភាជាតិនៅចុងឆ្នាំនេះ ឬឆ្នាំក្រោយ ត្រូវបានធ្វើឡើងឱ្យស្របទៅនឹងបរិបទសេដ្ឋកិច្ចប្រទេស តំបន់ និងពិភពលោក ដើម្បីទាក់ទាញវិនិយោគថ្មីៗដ៏មានសក្តានុពលឱ្យមកវិនិយោគនៅប្រទេសកម្ពុជា”
ឯកឧត្តមបានបញ្ជាក់ថា ៖
“សេចក្តីព្រាងច្បាប់នេះ ត្រូវបានក្រុមការងារច្បាប់របស់អគ្គនាយកដ្ឋានពន្ធដារ (GDT) បានធ្វើជាយូរឆ្នាំមកហើយ ដោយផ្អែកលើការអភិវឌ្ឍនៃវិស័យសេដ្ឋកិច្ចកម្ពុជា និងស្របតាមកំណើនសេដ្ឋកិច្ច ឬការប្រែប្រួលនៃសេដ្ឋកិច្ចក្នុងពេលបច្ចុប្បន្ន។ ការតាក់តែងសេចក្តីព្រាងច្បាប់នេះ គឺផ្អែកលើធាតុចូលពីវិស័យឯកជនផងដែរ និងតាមរយៈក្រុមការងារពន្ធដារ ក្រុម «ឃ» ដែលដឹកនាំដោយរដ្ឋមន្ត្រីក្រសួងសេដ្ឋកិច្ច និងវិស័យឯកជន”
គួរបញ្ជាក់ផងដែរថា នៅក្នុងសេចក្តីព្រាងច្បាប់នេះ ត្រូវបានរៀបចំឡើងសំដៅធ្វើយ៉ាងណាឱ្យមានលក្ខណៈងាយស្រួលសម្រាប់អ្នកជាប់ពន្ធ និងសមស្របជាមួយច្បាប់ស្តីពីការវិនិយោគដោយសង្ឃឹមថានៅចុងឆ្នាំនេះ ឬនៅចុងអាណត្តិនេះច្បាប់ពន្ធដារថ្មីនឹងអាចអនុម័តដោយរដ្ឋាភិបាល និងរដ្ឋសភា ខណៈដែលបច្ចុប្បន្នសេចក្តីព្រាងច្បាប់នេះស្ថិតក្នុងដៃរបស់ក្រសួងសេដ្ឋកិច្ច និងហិរញ្ញវត្ថុ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
