AMS Economyជំនួយគំនិត ៖ វិធីសាស្ត្រជំរុញការដាក់លក់ផ្ទះឲ្យឆាប់ដាច់ក្នុងសម័យកូវីដ
អចលនទ្រព្យ៖ បញ្ហាកូវីដបានធ្វើឲ្យសេដ្ឋកិច្ចមិនថាបុគ្គល ឬប្រទេសជាតិឡើយសុទ្ធតែប៉ះពាល់ដូចគ្នា ដោយមនុស្សគ្រប់រូបត្រូវតែប្រឹងឲ្យអស់ពីលទ្ធភាពខ្លួនឯងតាមរយៈគ្រប់វិធីគ្រប់ច្រកល្ហកដើម្បីអាចមានចំណូលទប់ទល់នឹងស្ថានការដ៏អាក្រក់នេះ រាប់ទាំងបញ្ហាបំណុលធនាគារឯកជន និងការចំណាយប្រចាំថ្ងៃដែលជារឿងសំខាន់បំផុត ។
ដំណាក់កាលចុងក្រោយនៅពេលនេះអ្វីដែលយើងអាចដឹងនោះគឺថាមនុស្សមួយចំនួននឹងអាចឈានទៅដល់ការប្រកាសលក់ទ្រព្យសម្បតិ្តមួយចំនួនដូចជារថយន្ត ឬលក់ផ្ទះជាមិនខានដើម្បីសំរួលបញ្ហាហិរញ្ញវត្ថុទាំងពីរខាងលើនេះ ប៉ុន្តែប្រសិនបើអ្នកចង់ឆាប់លក់ផ្ទះឲ្យឆាប់ដាច់ក្នុងពេលកូវីដដោយគ្រាន់តែដាក់ស្លាកលក់ផ្ទះនោះលទ្ធភាពក្នុងការលក់ចេញគឺមានអត្រាតិចបំផុត។ មាន័យថា អ្នកត្រូវតែប្រើប្រាស់នូវវិធីសាស្ត្រផ្សេងបន្ថែម។
ទិចនិកខាងក្រោមនេះអ្នកអាចសាកល្បងយកទៅប្រើប្រាស់បានបើចង់លក់ផ្ទះឲ្យឆាប់ដាច់ ៖
១.ធ្វើវីដេអូ និងរូបភាពពណ៌នាពីផ្ទះរបស់អ្នក ៖ មនុស្សភាគច្រើនដាក់លក់ផ្ទះមានបង្ហាញត្រឹមតែថតរូបមួយសន្លឹក ឬ២សន្លឹកមកប្រកាសលក់ ប៉ុន្តែទោះបីជាមានអ្នកមកសុំមើលផ្ទះ ១០០ ឬ ២០០ដងក្តី ក៏ផ្ទះរបស់អ្នកនឹងមិនអាចរកម្ចាស់ថ្មីបានឡើយ ពីព្រោះរូបភាពមិនអាចបង្ហាញស្ថានភាពជាក់ស្តែងឡើយ។ វីដេអូពីផ្ទះរបស់អ្នកនឹងអាចជួយឲ្យអ្នកកំណត់បាននូវអតិថិជនដែលពេញចិត្តពិតប្រាកដទោះបីជាមានតែ ១ ឬ ២នាក់ក្តី ដែលនឹងមកសុំមើលផ្ទះរបស់អ្នក។
២.ត្រៀមឯកសារដែលចាំបាច់ឲ្យបានរួចរាល់ ៖ កូវីដមិនត្រឹមតែផ្តល់ផលលំបាកសម្រាប់សេដ្ឋកិច្ចអ្នកនោះទេ សូម្បីតែការជួបជុំគ្នាក៏ត្រូវបានធ្វើឡើងដោយមានកំណត់ផងដែរ។ ការជួបគ្នាច្រើនដងខាតពេលវេលា និងប្រឈមមុខទៅហានិភ័យផង ដូចនេះការត្រៀមឯកសាររួចជាស្រេចគឺជារឿងល្អ ព្រោះថានៅពេលដែលអ្នកអាចកំណត់បានអតិថិជនរួចហើយពិនិត្យមើលឯកសារតែម្តងពិតជារឿងល្អបំផុត។
៣.យកចិត្តទុកដាក់បន្ថែមអំឡុងពេលមានអតិថិជនចង់មើលផ្ទះរបស់អ្នក ៖ អតិថិជនដែលមកសុំមើលផ្ទះរបស់អ្នក ពួកគេជាអ្នកដែលបានទទួលព័ត៌មានស្ទើរតែ ១០០ ភាគរយទៅហើយតាមរយៈវីដេអូលម្អិតខាងលើ ដូចនេះភាគរយលក់គឺស្ទើរតែសម្រេចទៅហើយប្រសិនបើពួកគេសម្រេចចិត្តមកសុំមើលផ្ទះនោះ។ ដូចនេះរឿងដែលត្រូវធ្វើបន្ទាប់គឺយកចិត្តទុកដាក់ចំពោះរាល់អ្វីដែលអតិថិជនបាននិយាយជាមួយគ្នា។
៤.ពិភាក្សាបន្ថែមជាមួយនឹងអ្នកជំនាញ ៖ ភ្នាក់ងារលក់ផ្ទះ និងក្រុមហ៊ុនអចលនទ្រព្យជាមនុស្សដែលអ្នកមិនគួរមើលរំលងនោះទេ ពីព្រោះថាពួកគេមានជំនាញមូលដ្ឋានច្បាស់ជាងអ្នក។ ពួកគេមានទិចនិកក្នុងការនិយាយ និងដឹងច្បាស់ពីអ្វីដែលអតិថិជនចង់បាន ដូចនេះត្រូវបង្កើនការទំនាក់ទំនងជាមួយនឹងក្រុមនេះគឺជាការបង្កើនឱកាសក្នុងការលក់ផ្ទះរបស់អ្នកឲ្យកាន់តែឆាប់ដូចគ្នា។
៥.ការផ្សព្វផ្សាយតាមបែបឌីជីថល ៖ បច្ចុប្បន្ន ការផ្សព្វផ្សាយលក់ផ្ទះពិតជាងាយខ្លាំងមែនទែន និងមិនចំណាយលុយច្រើននោះទេ។ គេហទំព័រលក់ផ្ទះ និងបណ្តាញសង្គមអាចជួយឲ្យការព័ត៌មានប្រកាសលក់ផ្ទះរបស់អ្នកទៅដល់មនុស្សរាប់ពាន់នាក់ក្នុងមួយថ្ងៃដែលវាមានប្រសិទ្ធភាពជាងការព្យួរស្លាកនៅផ្ទះតែមួយកន្លែង ហើយរង់ចាំសម្លេងទូរស័ព្ទហៅចូលរបស់ភ្ញៀវ។ សូមសាកល្បងតាមការបង្ហាញជូនខាងលើនេះ នោះប្រសិទ្ធភាពនៃការលក់ផ្ទះក្នុងសម័យកាលកូវីដរបស់អ្នកអាចនឹងមានអត្រាខ្ពស់ជាមិនខាន៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ...
ធនាគារជាតិនៃកម្ពុជា (NBC) បានអំពាវនាវឱ្យសាធារណជនមានការប្រុងប្រយ័ត្នខ្ពស់ មុននឹងតភ្ជាប់ ឬចូលប្រើប្រាស់សេវាទូទាត់សងប្រាក់ណា...
ប្រធានាធិបតីចិន លោក Xi Jinping នឹងអញ្ជើញចូលរួមកិច្ចប្រជុំកំពូល BRICS នៅប្រទេសឥណ្ឌា ដែលដំណើរទស្សនកិច្ចលើកដំបូងក្នុងរយៈពេល ៧ ឆ្នាំ ខណៈដែលបញ្ហាជម្លោះព...
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ ពិធី...
ផ្សារមូលបត្រកម្ពុជា (CSX) បានកត់សម្គាល់ថា សកម្មភាពជួញដូរភាគហ៊ុនកើនឡើងខ្លាំង ខណៈក្រុមហ៊ុនចុះបញ្ជីសរុបចំនួន ២៨ បានកៀរគរទុ...
កម្មវិធីពិសេសរបស់ AMS ECONOMY
