AMS EconomyIMF ព្រមានឱ្យបង្កើនការប្រុងប្រយ័ត្នយ៉ាងខ្ពស់ ចំពោះហានិភ័យអតិផរណាដែលកំពុងកើនឡើង
មូលនិធិរូបិយវត្ថុអន្តរជាតិ (IMF) បានព្រមានថា សេដ្ឋកិច្ចពិភពលោកកំពុងឈានចូលដំណាក់កាលហានិភ័យអតិផរណា ដោយអំពាវនាវឱ្យធនាគារកណ្តាលមានការប្រុងប្រយ័ត្នយ៉ាងខ្ពស់ និងចាត់វិធានការដំបូងដើម្បីរឹតបន្តឹងគោលនយោបាយរូបិយវត្ថុប្រសិនបើសម្ពាធតម្លៃនៅតែបន្ត។
អ្នកស្រី Gita Gopinath ប្រធានសេដ្ឋវិទូរបស់ IMF និយាយថា កម្លាំងនៃការស្ទុះងើបឡើងវិញនៃសេដ្ឋកិច្ចមានន័យថា វាឆាប់ពេកក្នុងការនិយាយអំពីអតិផរណាខ្ពស់ រួមនឹងដំណើរមិនចម្រើនខាងសេដ្ឋកិច្ច (Stagflation) ថ្វីបើការខ្វះខាតការផ្គត់ផ្គង់ជាកត្តាមួយជួយជំរុញអតិផរណាក៏ដោយ។
ការព្យាករណ៍កណ្តាលរបស់ IMF ក្នុងរបាយការណ៍កាលពីថ្ងៃដើមសប្ដាហ៍បានបង្ហាញថា អតិផរណានឹងកើនឡើងយ៉ាងខ្លាំងនៅចុងឆ្នាំ២០២១ ហើយថយមកកម្រិតមធ្យមនៅពាក់កណ្តាលឆ្នាំ២០២២ បន្ទាប់មកត្រឡប់ទៅកម្រិតមុនពេលមានជំងឺរាតត្បាត។ ប៉ុន្តែរបាយការណ៍របស់ខ្លួនក៏កត់សម្គាល់ផងដែរថា ហានិភ័យអតិផរណាត្រូវបានស្ទុះងើបឡើងវិញ ហើយណែនាំឱ្យធនាគារកណ្តាលចាត់វិធានការ ប្រសិនបើសម្ពាធតម្លៃបង្ហាញពីសញ្ញានៃភាពស្ថិតស្ថេរ។
មូលនិធិហិរញ្ញវត្ថុនេះលើកឡើងថា ជាទូទៅធនាគារកណ្តាលគួរតែមិនអើពើនឹងតម្លៃខ្ពស់ជាងដែលបណ្តាលមកពីការប៉ះទង្គិចតម្លៃថាមពល ឬការលំបាកបណ្តោះអាសន្នក្នុងការនាំផលិតផលមកទីផ្សារ។ ប៉ុន្តែវាគួរតែធ្វើសកម្មភាពប្រសិនបើមានសញ្ញាបង្ហាញថា ក្រុមហ៊ុន ក្រុមគ្រួសារ ឬកម្មករចាប់ផ្តើមរំពឹងថាអតិផរណាខ្ពស់នឹងបន្ត។
អ្នកស្រី Gopinath និយាយថា ៖
«អ្វីដែលធនាគារកណ្តាលត្រូវប្រយ័ត្នចំពោះផលប៉ះពាល់នៅជុំទី២ ជាមួយនឹងការកើនឡើងនៃតម្លៃថាមពលទាំងនេះ គឺមានឥទ្ធិពលទៅលើប្រាក់ឈ្នួល ហើយបន្ទាប់មកមានឥទ្ធិពលទៅលើតម្លៃស្នូល នោះហើយជាកន្លែងដែលត្រូវមានការប្រុងប្រយ័ត្នខ្ពស់»
IMF ព្រមានថា ៖
«ភាពមន្ទិលសង្ស័យ អាចរារាំងការវិនិយោគឯកជន និងនាំឱ្យមានការយឺតយ៉ាវនៃការងើបឡើងវិញនៃវិស័យការងារ ដែលធនាគារកណ្តាលស្វែងរកដើម្បីចៀសវាងនៅពេលរឹតបន្តឹងគោលនយោបាយ។ មូលនិធិរំពឹងថា ប្រសិនបើធនាគារកណ្តាលដឹកនាំហានិភ័យអតិផរណាដោយជោគជ័យទៅមុខ ប្រទេសជឿនលឿននឹងងើបឡើងវិញពីជំងឺរាតត្បាត ដោយវិលត្រឡប់មករកផ្លូវដែលពួកគេមានមុនពេលមេរោគឆ្លង»
តាមការព្យាករណ៍ថ្មីរបស់ IMF សេដ្ឋកិច្ចពិភពលោកនឹងកើនឡើង ៥,៩ ភាគរយនៅឆ្នាំ២០២១ ធ្លាក់ចុះដល់ ៤,៩ ភាគរយនៅឆ្នាំ២០២២ ដែលប្រហែល ០,១ ភាគរយទាបជាងការព្យាករណ៍កាលពីខែកក្កដា សម្រាប់ឆ្នាំ២០២១។ មូលនិធិរូបិយវត្ថុអន្តរជាតិ (IMF) បញ្ជាក់ថា ភាពច្របូកច្របល់នៅក្នុងប្រទេសអភិវឌ្ឍចាប់ផ្តើមថ្លឹងថ្លែងពីទស្សនវិស័យពិភពលោកក្នុងរយៈពេលប៉ុន្មានខែចុងក្រោយនេះ។ តាមការព្យាករណ៍កំណើនសេដ្ឋកិច្ចសហរដ្ឋអាមេរិកធ្លាក់ចុះមកត្រឹម ៦ ភាគរយ ពីកំណើន ៧ ភាគរយតាមការព្យាករណ៍ក្នុងខែកក្កដា ដោយសារតែការប្រើប្រាស់ និងការធ្លាក់ចុះយ៉ាងច្រើននៃសារពើភ័ណ្ឌដែលបណ្តាលមកពីការជាប់គាំងខ្សែសង្វាក់ផ្គត់ផ្គង់។ នៅប្រទេសអាឡឺម៉ង់ ទិន្នផលផលិតកម្មទទួលផលប៉ះពាល់ដោយសារទំនិញសំខាន់ៗពិបាករក។ ហើយវិធានការបិទប្រទេសនៅរដូវក្តៅ ធ្វើឱ្យកំណើនសេដ្ឋកិច្ចធ្លាក់ចុះនៅប្រទេសជប៉ុន។
អតិផរណានៅក្នុងប្រទេសជឿនលឿនត្រូវបានគេរំពឹងថា នឹងមានជាមធ្យម ២,៨ ភាគរយនៅឆ្នាំ២០២១ ហើយបន្ទាប់មកធ្លាក់ចុះមកនៅត្រឹម ២,៣ ភាគរយនៅឆ្នាំ២០២២។ ទោះយ៉ាងណា ការព្យាករណ៍អតិផរណាទាំងនេះត្រូវបានកែសម្រួលឡើង ១,២ ភាគរយ និង ០,៦ ភាគរយរៀងគ្នាពីការព្យាករណ៍នៅខែមេសា ដែលបង្ហាញពីទំហំថ្មីនៃការគំរាមកំហែងអតិផរណា។ IMF ក៏កត់សម្គាល់ផងដែរថា សូម្បីតែនៅពេលដែលជំងឺរាតត្បាតត្រូវបានបញ្ចប់ក៏ដោយ ប្រទេសដែលមានសេដ្ឋកិច្ចកំពុងរីកចម្រើន និងប្រទេសមានប្រាក់ចំណូលទាប នឹងត្រូវរងផលប៉ះពាល់យ៉ាងខ្លាំងក្នុងរយៈពេលវែង។
អ្នកស្រី Gopinath និយាយថា ៖
«កង្វះការផ្គត់ផ្គង់ជាសកលនៅចំពោះមុខតម្រូវការដែលកំពុងងើបឡើងវិញ កំពុងបង្កអតិផរណាតម្លៃទំនិញដែលប៉ះពាល់ដល់អ្នកប្រើប្រាស់។ តម្លៃម្ហូបអាហារកើនឡើងខ្ពស់បំផុតនៅក្នុងប្រទេសដែលមានប្រាក់ចំណូលទាបដែលមានអសន្ដិសុខស្បៀងលក្ខណៈស្រួចស្រាវបំផុត។ បញ្ហានេះបានបន្ថែមបន្ទុកដល់គ្រួសារក្រីក្រ និងបង្កើនហានិភ័យនៃភាពចលាចលសង្គម»
ដោយការពារសុចរិតភាពនៃការព្យាករណ៍របស់ IMF ទាក់ទងនឹងរឿងរបស់អ្នកស្រី Kristalina Georgieva ដែលបច្ចុប្បន្នជាប្រធានមូលនិធិពាក់ព័ន្ធនឹងការចាត់ថ្នាក់នៃការធ្វើអាជីវកម្មរបស់ធនាគារពិភពលោកកាលអ្នកស្រីនៅជានាយកប្រតិបត្តិនៃស្ថាប័ននេះ អ្នកស្រី Gopinath និយាយថា ការលំបាករបស់ធនាគារពិភពលោក មិនពាក់ព័ន្ធនឹង IMF ទេ។
អ្នកស្រីនិយាយថា៖
«យើងមានដំណើរការពិនិត្យឡើងវិញយ៉ាងល្អិតល្អន់ និងហ្មត់ចត់ទៅលើទិន្នន័យ និងការព្យាករណ៍របស់យើង ដែលយើងមានអ្នកសេដ្ឋកិច្ចនៅក្នុងនាយកដ្ឋានជាច្រើនដែលពិនិត្យ និងផ្តល់យោបល់លម្អិត»
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
