AMS Economyលោកបណ្ឌិត អ៊ិន ចាន់នី លើកឡើងពីកត្តាសំខាន់ដែលកម្ពុជានៅតែទាក់ទាញក្រុមហ៊ុនហិរញ្ញវត្ថុពីក្រៅប្រទេស
ភ្នំពេញ៖ វិស័យធនាគារ និងមីក្រូហិរញ្ញវត្ថុនៅកម្ពុជា បានរួមចំណែកសំខាន់ដល់កំណើនសេដ្ឋកិច្ច តាមរយៈការគាំទ្រផ្នែកហិរញ្ញវត្ថុដល់ក្រុមហ៊ុន និងប្រពលរដ្ឋ ក្នុងការជួយដល់ការពង្រីកអាជីវកម្ម ឬមុខរបររបស់ពួកគេបន្ថែម ស្របពេលដែលសេដ្ឋកិច្ចកម្ពុជាកំពុងមានការរីកចម្រើន កម្ពុជានៅតែបង្ហាញសក្តានុពលទាក់ក្រុមហ៊ុនវិនិយោគលើវិស័យធនាគារ និងហិរញ្ញវត្ថុជាបន្តបន្ទាប់ ទោះស្ថិតក្នុងវិបត្តិកូវីដ១៩។
លោកបណ្ឌិត អ៊ិន ចាន់នី ប្រធានសមាគមធនាគារនៅកម្ពុជា បានថ្លែងប្រាប់ថា កម្ពុជានៅតែមានសក្តានុពលវិនិយោគសម្រាប់វិនិយោគិននៅគ្រប់វិស័យ ជាពិសេសវិស័យធនាគារ ខណៈចំនួនធនាគារ (គ្រឹះស្ថានហិរញ្ញវត្ថុ) នៅតែកើនហូរហែ។
យោងតាមលោកបណ្ឌិត អ៊ិន ចាន់នី បានឱ្យដឹងថា ប្រជាពលរដ្ឋរបស់យើងមានចំនួនជិត ១៦ លាននាក់ ហើយចំនួនធនាគារមិនតិចជាង ៦០ និងចំនួនគ្រឹះស្ថានមីក្រូហិរញ្ញវត្ថុមានជាង ១០០ ប៉ុន្តែតម្រូវការហិរញ្ញវត្ថុនៅតែមាន ដោយសារតែវិស័យធនាគារគឺជាវិស័យគ្រាំសេដ្ឋកិច្ច ពោលគឺសេដ្ឋកិច្ចកម្ពុជានៅស្ថិតក្នុងកម្រិតមួយខ្លាំងក្នុងចំណោមប្រទេសក្នុងតំបន់អាស៊ាន។
លោកបណ្ឌិតបានលើកឡើថា ការិនិយោគហេដ្ឋារចនាសម្ព័ន្ធថ្នាក់ជាតិបានបង្កលក្ខណៈងាយស្រួលសម្រាប់ការវិនិយោគ និងការបោះទីតាំងសម្រាប់ទីចាត់ការធំ (headquarters) របស់សហគ្រាសធំៗ ដោយយកកម្ពុជាជាទីចាត់ការធំរបស់គេ ដើម្បីផលិត និងនាំចេញ ដោយសារតែគេមើលឃើញពីច្បាប់វិនិយោគរបស់កម្ពុជា ហើយថ្មីៗនេះ រាជរដ្ឋាភិបាលបានធ្វើការកែសម្រួល និងធ្វើឱ្យឡើងនូវច្បាប់វិនិយោគថ្មី និងរឹតតែមានការទាក់ទាញដល់ការវិនិយោគ។
លោកបណ្ឌិត អ៊ិន ចាន់នី បានបញ្ជាក់ដូច្នេះថា ៖
«យើងដឹងហើយថា ច្បាប់វិនិយោគថ្មីនៅកម្ពុជាអនុញ្ញាតឱ្យក្រុមហ៊ុនបរទេសកាន់កាប់ភាគហ៊ុនបាន ១០០ ភាគរយ ប៉ុន្តែបើពួគគេទៅប្រកបអាជីវកម្មនៅប្រទេសផ្សេងទៀតនៅក្នុងតំបន់អាស៊ាន គាត់មិនអាចកាន់កាប់បានភាគហ៊ុនធំនោះទេ ឬ ១០០ភាគរយ ដូចដែលកម្ពុជាបានអនុញ្ញាតនោះទេ លើកលែងតែដីធ្លី»
លោកបណ្ឌិតបានបន្តថា ការធ្វើអាជីវកម្មនៅកម្ពុជា មិនក្រុមហ៊ុនក្នុងស្រុក ឬបរទេសនោះទេ ស្ថិតនៅក្រោមច្បាប់ដូចគ្នា និងស្មើភាពគ្នា។ កន្លែងនេះហើយដែលជាចំណុចសក្តានុពល។ លោកបន្តថា ជាមួយគ្នានេះដែរ គេ (វិនិយោគិន) មិនខ្វល់ពីការបាត់បង់អត្រាប្តូរប្រាក់បរទេស (Foreign Exchange Loss) ព្រោះគេអាចប្រតិបត្តិការជារូបិយប័ណ្ណ (Foreign Currency) ។
លោកបណ្ឌិត បានឱ្យដឹងទៀថា សក្តានុពលមួយទៀត យើងមានកិច្ចព្រមព្រៀងពាណិជ្ជកម្មសេរីជាមួយប្រទេសចិន និងបណ្តាប្រទេសមួយចំនួនទៀត។ កម្ពុជាមានទីផ្សារនាំចេញធំៗជាច្រើនទៀត ដូចជាសហរដ្ឋអាមេរិក និងអឺរ៉ុបជាដើម ហើយទោះស្ថិតក្នុងដំណាក់កាលដែលមានវិបត្តិកូវីដ១៩ កម្ពុជានៅតែអាចនាំចេញក្នុងអត្រាមួយខ្ពស់។
លោកបណ្ឌិត បានបន្តថា ចំណុចសក្តានុពលបន្ទាប់មកទៀត កម្ពុជាបានជំរុញការចាក់វ៉ាក់សាំងបានលឿនជាងគេ ដោយស្ថិតក្នុងចំណាត់ថ្នាក់ទី២ ក្នុងតំបន់អាស៊ាន បន្ទាប់ពីសិង្ហបុរី។ ជាមួយរាជរដ្ឋាភិបាលក៏បានដាក់ចេញនូវផែនការចាក់វ៉ាក់សាំងដូសជំរុញ បន្ថែមទៀត។ ដូច្នេះហើយ នៅពេលដែលយើងមានវ៉ាក់សាំង គឺបង្កាការឆ្លង ប៉ុន្តែបើមានការឆ្លង គឺងាយក្នុងការព្យាបាល ហើយវាគឺកត្តាលើកទឹកចិត្ត ដែលអាចឈានទៅដល់ការជំរុញអាជីវកម្មទៅរកភាពប្រក្រតីឡើងវិញ។
លោកបណ្ឌិត បានលើកឡើងបន្តថា កម្ពុជាមានគោលនយោបាយជាតិមួយដែលហៅថា គោលនយបាយសេដ្ឋកិច្ចឌីជីថល (Digital Economy) ហើយថ្មីៗនេះ កាលពីថ្ងៃដើមខែកញ្ញា នេះ ក្រសួងសេដ្ឋកិច្ច និងហិរញ្ញវត្ថុ បានដាក់ឱ្យដំណើរការនូវ ចុះបញ្ជីអាជីវកម្មតាមប្រព័ន្ធថ្នាលបច្ចេកវិទ្យា ដូច្នេះយើងកំពុងតែរត់ទៅរបត់ឌីជីថល។
លោកបណ្ឌិត បានឱ្យដឹងទៀតថា ទោះស្ថិតក្នុងវិបត្តិកូវីដ១៩ រាជរដ្ឋាភិបាលបានបង្កើនវិនិយោគលើប្រព័ន្ធហេដ្ឋារចនាសម្ព័ន្ធកាន់ច្រើន ជាក់ស្តែងដូចជាវិនិយោគលើប្រព័ន្ធហេដ្ឋារចនាសម្ព័ន្ធនៅខេត្តព្រះសីហនុ សៀមរាប និងប៉ូលសេដ្ឋកិច្ចសំខាន់ៗទៀត។
លោកបណ្ឌិតបានឱ្យដឹងដូច្នេះថា ៖
«កម្ពុជាគឺប្រទេសដែលមានវិនិយោគការវិនិយោគច្រើនលើវិស័យរដ្ឋ ឬសាធារណៈ ដើម្បីគាំទ្រដល់វិស័យឯកជន ហើយសក្តានុពលធំៗទាំងនោះឯង ដែលលើកទឹកចិត្តដល់វិនិយោគិនបរទេស ពិសេសវិស័យធនាគារចូលមកវិនិយោគនៅកម្ពុជា។ ទោះបីធនាគារនៅកម្ពុជា មានចំនួនច្រើន ធនាគារ ឬគ្រឹះស្ថានហិរញ្ញវត្ថុទាំងនោះ នៅតែចាប់យកចាប់យកទីចំណែកទីផ្សារខុសគ្នា ដូចជាចាប់យកចំណែកទីផ្សារកសិកម្ម ប្រព័ន្ធទូទាត់ និងលក់រាយ (retail) ជាដើម»
កាលពីថ្មីៗនេះ មានការបង្កើតធនាគារថ្មី និងការបង្កើនទុនជាច្រើនពីធនាគារក្រៅប្រទេស ចូលមកក្នុងវិស័យហិរញ្ញវត្ថុនៅកម្ពុជា។ ឧទាហរណ៍ដូចជា ការបង្កើតធនាគារថ្មី Oriental Bank Plc និងបង្កើនដើមទុនវិនិយោគពីធនាគារផ្សេងៗនៅក្នុង គ្រឹះស្ថានមីក្រូហិរញ្ញវត្ថុ ប្រាសាក់។ ប្រាសាក់ ដែលជាគ្រឹះស្ថានលំដាប់ទី ១ ក្នុងវិស័យមីក្រូហិរញ្ញវត្ថុ និងជាស្ថាប័នមួយក្នុងចំណោមធនាគារធំៗ ៥ នៅកម្ពុជា បានបង្កើនដើមទុនបន្ថែម ៧០ លាន ដុល្លាអាមេរិក លើដើមទុនស្រាប់ ២៣០ លានដុល្លារអាមេរិក ដើម្បីគាំទ្រប្រតិបត្តិការ និងពង្រីកបន្ថែមទំនើបកម្មសេវាហិរញ្ញវត្ថុដ៏សម្បូរបែបរបស់ខ្លួនជូនដល់អតិថិជន។
ដើមទុនចុះបញ្ជីចំនួន ១ ២០០ ប៊ីលានរៀល សមមូលនឹង ៣០០ លានដុល្លារអាមរិកនេះ បានមកពីការចូលរួមមូលនិធិវិនិយោគរបស់ភាគទុនិកចំនួន ៤ រួមមាន៖ ធនាគារ KB Kookmin Bank នៅប្រទេសកូរ៉េខាងត្បូង ធនាគារ Bank of East Asia (BEA) នៅទីក្រុងហុងកុង ក្រុមហ៊ុន Lanka Orix Leasing Company នៅប្រទេសស្រីលង្កា និងក្រុមហ៊ុនបុគ្គលិកប្រាសាក់ (PSCo) ។
កាលពីពេលថ្មីៗកន្លងទៅនេះ លោក សាយ សូនី អនុប្រធាននាយកប្រតិបត្តិនៃគ្រឹះស្ថានមីក្រូហិរញ្ញវត្ថុប្រាសាក់ ម.ក ក៏បានមានប្រសាសន៍ក្នុងសេចក្តីប្រកាសព័ត៌មានរបស់ខ្លួនថា ប្រាសាក់ ពិតជាមានសេចក្ដីរីករាយជាខ្លាំងបន្ទាប់ពីទទួលបានការអនុញ្ញាតជាផ្លូវការពី ធនាគារជាតិនៃកម្ពុជា និងក្រសួងពាណិជ្ជកម្ម អំពីការបង្កើនដើមទុនចុះបញ្ជីបន្ថែមទៀតនេះ។ ការបង្កើនដើមទុននេះ គឺជាការចាំបាច់ក្នុងកសាងទំនុកចិត្តបន្ថែមពីសាធារណជន និងដោយសារតែអាជីវកម្មរបស់ប្រាសាក់មានការរីកចម្រើនលូតលាស់យ៉ាងខ្លាំង តាមរយៈការផ្តល់សេវាហិរញ្ញវត្ថុដែលឆ្លើយតបនឹងតម្រូវការរបស់អតិថិជន ព្រមទាំងមានភាពទន់ភ្លន់នៃផលិតផលនិងសេវាដែលបានផ្តល់ជូនអតិថិជន និងសេវាហិរញ្ញវត្ថុឌីជីថល។
លោកបន្ថែមថា ៖
«យើងខ្ញុំសង្ឃឹមថា អតិថិជននឹងមានភាពកក់ក្តៅ និងមានទំនុកចិត្តកាន់តែច្រើនបន្ថែមទៀតមកលើប្រាសាក់។ ស្ថានភាពដ៏រឹងមាំផ្នែកសន្ទនីយភាពនិងមូលធន គឺធានាបានថា ប្រាសាក់ នឹងឆ្លងកាត់ដោយជោគជ័យលើបញ្ហាទាំងឡាយដែលកើតពីការផ្លាស់ប្ដូរក្នុងបរិយាកាសប្រតិបត្តិការ ដូចជាស្ថានភាពជំងឺកូវីដដែលកំពុងបន្តកើតមាននេះជាដើម»
យោងតាមរបាយការណ៍ប្រចាំឆមាសទី១ របស់ធនាគារជាតិនៃកម្ពុជា បានឱ្យដឹងថា ភាពទន់ខ្សោយនៃសកម្មភាពសេដ្ឋកិច្ចបានដាក់សម្ពាធមកលើប្រព័ន្ធធនាគារ។ ទោះយ៉ាងណា ប្រព័ន្ធធនាគារកម្ពុជាបន្តរក្សាបានភាពធន់ និងបានបំពេញតម្រូវការហិរញ្ញប្បទានរបស់សេដ្ឋកិច្ច។ ទ្រព្យសកម្មប្រព័ន្ធធនាគារបានកើនឡើង ១៨%, ឥណទានអតិថិជនមានកំណើន ២៣,៤%, ប្រាក់បញ្ញើអតិថិជនកើន ២០,៧%, ស្ថានភាពដើមទុនមានភាពរឹងមាំ (អនុបាតសាធនភាពមានកម្រិត ២៤,៤% សម្រាប់វិស័យធនាគារ និង ២២,៧% សម្រាប់វិស័យមីក្រូហិរញ្ញវត្ថុ), សន្ទនីយភាពមានកម្រិតខ្ពស់ (១៥៩,៨% សម្រាប់គ្រឹះស្ថានធនាគារពាណិជ្ជ និង ១៧២,៦% សម្រាប់គ្រឹះស្ថានមីក្រូហិរញ្ញវត្ថុទទួល ប្រាក់បញ្ញើ) និងអនុបាតឥណទានមិនដំណើរការបន្តមានកម្រិតទាប (២,៤% សម្រាប់វិស័យធនាគារ និង ២% សម្រាប់វិស័យមីក្រូហិរញ្ញវត្ថុ)។
ក្នុងស្ថានភាពមិនប្រាកដប្រជានៃសេដ្ឋកិច្ច វិធានការម៉ាក្រូនិង មីក្រូប្រុងប្រយ័ត្នដែលមានលក្ខណៈបុរសកម្មត្រូវបានអនុវត្តជាបន្តបន្ទាប់ ដើម្បីពង្រឹងភាពធន់នៃ វស័យធនាគារនិងហិរញ្ញវត្ថុ ស្របតាមគោលនយោបាយរបស់រាជរដ្ឋាភិបាលក្នុងការរក្សានិរន្តរភាព នៃសកម្មភាពសេដ្ឋកិច្ច។ អត្រាប្រាក់បម្រុងកាតព្វកិច្ចត្រូវបានបន្តរក្សាឱ្យស្ថិតក្នុងកម្រិតទាប ៧% ទាំងចំពោះប្រាក់រៀលនិងរូបិយប័ណ្ណ។
លើសពីនេះ ដើម្បីសម្រាលបន្ទុកប្រជាពលរដ្ឋដែលរងផលប៉ះពាល់ គ្រឹះស្ថានធនាគារនិងហិរញ្ញវត្ថុបានរៀបចំឥណទានឡើងវិញចំនួន ៣៦៧.២៣៩ គណនី ស្មើនឹង ២២,២ ទីលានរៀល (៥,៥ ប៊ីលានដុល្លារអាមេរិក)។ បរិយាបន្នហិរញ្ញវត្ថុក៏ត្រូវបានលើកកម្ពស់ ជាប្រចាំ ជាមួយនឹងការពង្រឹងការយល់ដឹងលើសេវាហិរញ្ញវត្ថុនិងកិច្ចការពារអតិថិជន។ ជាក់ស្ដែង ចំនួនគណនីប្រាក់បញ្ញើអតិថិជនកើនដល់ ៩,៧ លានគណនី ហើយគណនីឥណទានអតិថិជនកើន ដល់ ៣,៣ លានគណនី៕
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រាប់ស្វាយចន្ទី និងម្រេចកំពត ត្រៀមអង្រួនវេទិកាជំរុញផលិតផលខ្មែរទៅកាន់ទីផ្សារអឺរ៉ុប នៅសប្ដាហ៍ក្រោយ
អាម៉េរិកត្រៀមបញ្ចប់កញ្ចប់ជំនួយយោធា ៤ ពាន់លានដុល្លារដល់អ៊ីស្រាអែល
ព្រឹត្តិការណ៍, អាជីវកម្មថ្មី និងនវានុវត្ត
• 04/11/2026
ប្រធានាធិបតីអាម៉េរិក លោក Donald Trump បានប្រកាសថា សហរដ្ឋអាម៉េរិកនឹងបញ្ឈប់ការផ្ដល់ជំនួយយោធាប្រចាំឆ្នាំចំនួន ៤ ពាន់លានដុល្លារដល់ប្រទេសអ៊ីស្រាអែល ដោយគ្រោងចាប់ផ្តើមអនុវត្តចាប់ពីឆ្នាំក្រោយ
ហ្វាំងឡង់ ចូលរួមគំនិតផ្ដួចផ្ដើមការពារនុយក្លេអ៊ែររបស់បារាំង ចំពេលអឺរ៉ុបចង់ពង្រឹងសន្តិសុខ
ព្រឹត្តិការណ៍, អាជីវកម្មថ្មី និងនវានុវត្ត
• 04/11/2026
ប្រទេសហ្វាំងឡង់បានសម្រេចចូលរួមគំនិតផ្ដួចផ្ដើមសំណាញ់ការពារនុយក្លេអ៊ែររបស់ប្រទេសបារាំង ដោយប្រទេសទាំងពីរបានចាប់ផ្ដើមកិច្ចសហប្រតិបត្តិការនៅកម្រិតបច្ចេកទេសជាផ្លូវការហើយ
និស្សិតសាកលវិទ្យាល័យរាប់ពាន់នាក់ ប្រកួតប្រជែងក្នុងវគ្គផ្តាច់ព្រ័ត្រនៅលើឆាកជាតិក្នុងកម្មវិធី សហគ្រិនមហាវិទ្យាល័យ (UniPreneur) របស់សហគ្រិនខ្មែរ
ព្រឹត្តិការណ៍, អត្ថបទពាណិជ្ជកម្ម
• 03/11/2026
ភ្នំពេញ — ថ្ងៃទី០២ ខែវិច្ឆិកា ឆ្នាំ២០២៦ – ដោយនាំយកភាពរំភើប និងស្មារតីប្រកួតប្រជែងនៃការប្រកួត កីឡាថ្នាក់ជាតិ មកបញ្ចូលក្នុងវិស័យសហគ្រិនភាព សហគ្រិនខ្មែរ បានបញ្ចប់ដោយជោគជ័យនូវការប្រកួត វគ្គផ្តាច់ព្រ័ត្រនៃកម្មវិធី ប្រកួតប្រជែងសហគ្រិនមហាវិទ្យាល័យថ្នាក់ជាតិ (UniPreneur National Challenge) រដូវកាលទី៤។ វគ្គផ្តាច់ព្រ័ត្រនេះបាននាំនវានុវត្តជនសក្តានុពលផ្នែកសហគ្រិនភាពមក ពីទូទាំងប្រទេស
ការវិនិយោគច្រើនហួសហេតុលើវិស័យបច្ចេកវិទ្យា AI ក្នុងរយៈពេលខ្លី និងហានិភ័យចំពោះសេដ្ឋកិច្ចសកល
ព្រឹត្តិការណ៍, អាជីវកម្មថ្មី និងនវានុវត្ត
• 03/11/2026
បរទេស ៖ ពិភពលោកកំពុងព្រួយបារម្ភថា ការផ្ទុះឡើងនូវវិបត្តិដូចពពុះសាប៊ូនៃបច្ចេកវិទ្យា AI (AI Bubble Burst)អាចនឹងកើតមានឡើងនៅពេលដែលការចំណាយទុនយ៉ាងសន្ធឹកសន្ធាប់លើបច្ចេកវិទ្យាបញ្ញាសិប្បនិម្មិតមានទំហំធំលើសលប់ធៀបនឹងប្រាក់ចំណេញអាជីវកម្មជាក់ស្តែង ដែលវាប្រាកដណាស់នឹងបង្ខំឱ្យទីផ្សារហិរញ្ញវត្ថុជួបបញ្ហាយ៉ាងធ្ងន់ធ្ងរ។ ក្រុមហ៊ុន Amazon ជាអ្នកនាំមុខគេក្នុងការវិនិយោគលើហេដ្ឋារចនាសម្ព័ន្ធបច្ចេកវិទ្យាបញ្ញាសិប្បនិម្មិត ជាមួយនឹងផែនការចំណាយទុនប្រមាណ ២០០ ពាន់លានដុល្លារ, ក្រុមហ៊ុន Alphabet គ្រោងកញ្ចប់ថវិកាប្រមាណ ១៩៥ពាន់លាន ទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ ស្របតាមចក្ខុវិស័យរបស់ប្រមុខរាជរដ្ឋាភិបាលកម្ពុជា ដែលជំរុញ និងគាំទ្រដល់វិស័យសហគ្រាសធុនតូច និងមធ្យម SME បង្កើនការផលិត ពង្រឹងគុណភាពផលិតផល ដើម...
លោក Vladislav Sviblov មហាសេដ្ឋីប្រាក់ពាន់លាននៅក្នុងវិស័យរ៉ែរបស់រុស្ស៊ី និងជាប្រធានក្រុមហ៊ុន Areal Group ជួបពិភាក្សាជាមួយមេដឹកនាំ លោក Min Aung Hlain...
បរទេស៖ ប្រធានាធិបតីអាម៉េរិក លោក ដូណាល់ ត្រាំ នឹងដកប្រទេសអាហ្វ្រិកខាងត្បូង និងរ៉្វាន់ដា ចេញពីកម្មវិធីអនុគ្រោះពាណិជ្ជកម្មពិសេសចាប់ពីឆ្នាំ២០២៧ តទៅ ដោយ...
គ្រាប់ស្វាយចន្ទី និងម្រេចកំពត ជំរុញទៅកាន់ទីផ្សារអ៉ឺរ៉ុប
ប្រធានាធិបតីអាម៉េរិក លោក Donald Trump បានប្រកាសថា សហរដ្ឋអាម៉េរិកនឹងបញ្ឈប់ការផ្ដល់ជំនួយយោធាប្រចាំឆ្នាំចំនួន ៤ ពាន់លានដុល្លារ...
ទោះបីជាប្រទេសកម្ពុជាបញ្ចេញឧស្ម័នផ្ទះកញ្ចក់តិចជាង ១% នៃការបំភាយសរុបនៅទូទាំងពិភពលោកក៏ដោយ ក៏កម្ពុជាកំពុងប្រឈមនឹងផលប៉ះពាល់ធ...
ប្រទេសហ្វាំងឡង់បានសម្រេចចូលរួមគំនិតផ្ដួចផ្ដើមសំណាញ់ការពារនុយក្លេអ៊ែររបស់ប្រទេសបារាំង ដោយប្រទេសទាំងពីរបានចាប់ផ្ដើមកិច្ចសហប្រតិប...
វិស័យដីធ្លីសម្រាប់បម្រើការវិនិយោគក្នុងវិស័យកសិកម្ម កសិ-ឧស្សាហកម្ម និងឧស្សាហកម្មនៅកម្ពុជានៅតែមានតម្រូវការពីវិនិយោគិនក្នុងនិងក...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
