AMS Economyឥណ្ឌា មានពលរដ្ឋជាង១ពាន់លាននាក់អនុវត្តយុទ្ធនាការក្តៅលុបបំបាត់ការប្រើប្រាស់ប្លាស្ទិកទាំងស្រុង
បញ្ហាកាកសំណល់ គឺជាវិបត្តិដ៏រ៉ាំរ៉ៃរបស់ពិភពលោកអស់រយៈពេលជាច្រើនទសវត្សរ៍មកហើយ ខណៈដែលប្លាស្ទិកដែលត្រូវបានប្រើប្រាស់មានការកើនឡើងឥតឈប់ឈរទោះបីជាមានការប្តេជ្ញាចិត្តពីសំណាក់បណ្តាប្រទេសទាំងអស់នៅលើពិភពលោកក៏ដោយ។
គិតត្រឹមឆ្នាំ២០២១កន្លងមកនេះ កាកសំណល់ប្លាស្ទិកនៅទូទាំងសកលលោកមានទៅដល់៥៨៣ពាន់លានគិតត្រឹមតែសំបកប្លាស្ទិកប៉ុណ្ណោះពោលគឺចំនួនដែលធ្លាប់បានប្រើប្រាស់កាលពី៥ឆ្នាំមុនកើនដល់ទៅ១០០ពាន់លានដប ខណៈដែលក្នុងឆ្នាំ២០២២នេះថង់ប្លាស្ទិកអាចមានទៅដល់៥ទ្រីលានត្រូវបានប្រើប្រាស់ និងបោះបង់ចោល។
ដោយឡែកក្នុងប្រទេសឥណ្ឌាដែលមានប្រជាពលរដ្ឋសរុបប្រមាណជាង ១ ៣៩០លាននាក់នោះកំពុងបន្តបោះបង់ចោលផលិតផលពីប្លាស្ទិកសរុបប្រមាណជា១៤លានតោនជារៀងរាល់ឆ្នាំ និងកំពុងបង្កបញ្ហាប៉ះពាល់ដល់បរិស្ថានយ៉ាងធ្ងន់ធ្ងរ។
ជាការឆ្លើយតបឥណ្ឌាបានអនុវត្តកម្មវិធី និងគម្រោងការងារជាច្រើនមកហើយដើម្បីបង្ការ និងទប់ស្កាត់សកម្មភាពនេះបន្តទៀត ហើយចុងក្រោយនេះរដ្ឋាភិបាលទីក្រុងញុវដេលីបានប្រកាសធ្វើយុទ្ធនាការដ៏ក្តៅមួយដោយអនុម័តច្បាប់បញ្ឈប់រាល់ការប្រើប្រាស់ផលិតផលប្លាស្ទិកគ្រប់ប្រភេទទាំងអស់នៅទូទាំងប្រទេសចាប់រាប់ពីទុយោរហូតទៅដល់សំបកប្លាស្ទិក លើកលែងតែថង់ប្លាស្ទិក ប៉ុន្តែទាមទារឲ្យអ្នកផលិតធ្វើយ៉ាងណាឲ្យមានលក្ខណៈក្រាស់បំផុតតាមដែលអាចធ្វើទៅបានដើម្បីអាចយកវាមកប្រើប្រាស់បានឡើងវិញ និងបានច្រើនដង។
ការប្រកាសអនុវត្តត្រូវបានធ្វើឡើងតាំងតែពីខែកក្កដាមកម្ល៉េះ ហើយក៏ទទួលបានរងនូវពាក្យរិះគន់ជាច្រើនមកដែរថាគឺជាកិច្ចការងារដែលលំបាកក្នុងការគ្រប់គ្រង ប៉ុន្តែរដ្ឋាភិបាលឥណ្ឌាបានលើកឡើងថានឹងរៀបចំគណៈកម្មការត្រួតពិនិត្យនៅគ្រប់ទីកន្លែងទូទាំងប្រទេសក្នុងការតាមដានការអនុវត្តទាំងការលក់ទាំងការប្រើប្រាស់។
ឥណ្ឌាមិនមែនជាប្រទេសដំបូងដែលបានប្រកាសធ្វើបេសកកម្មលុបបំបាត់កាកសំណល់ប្លាស្ទិកឡើយ ដោយកន្លងមកគេសង្កេតឃើញមានរដ្ឋាភិបាលនៃបណ្តាប្រទេសផ្សេងទៀតជាច្រើនដូចជា ប្រទេសកូឡំប៊ី ដែលនឹងចូលជាធរមាន១០០ភាគរយនៅឆ្នាំ២០២៥ក្នុងការបញ្ចប់ការប្រើប្រាស់ប្លាស្ទិកទាំងស្រុង ខណៈដែលប្រទេសបារាំងបានប្រកាសហាមប្រាមថង់ប្លាស្ទិកសម្រាប់ខ្ចប់បន្លែ និងផ្លែឈើកាលពីឆ្នាំកន្លងទៅជាដើម។ គួរឲ្យដឹងដែរថា យោងតាមការស្រាវជ្រាវដោយ Reuters នាពេលចុងក្រោយនេះបានបង្ហាញថា ពលរដ្ឋប្រមាណដល់ទៅ៧៥ភាគរយគឺជាអ្នកគាំទ្រ និងចង់ឲ្យមានការអនុវត្តការហាមប្រាមការប្រើប្រាស់សំភារៈផលិតពីប្លាស្ទិក ប៉ុន្តែក្នុងឆ្នាំនេះកាកសំណល់ប្លាស្ទិកដែលកំពុងអណ្តែតតែលតោលក្នុងសមុទ្រគឺមានរហូតទៅដល់ពី៧៥លានតោនទៅ១៩៩លានតោនរួចទៅហើយ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ឥណ្ឌា ពីប្រទេសនាំចូល ក្លាយជាអ្នកនាំចេញផ្នែកសព្វាវុធដ៏សំខាន់មួយក្នុងទីផ្សារពិភពលោក
ព្រឹត្តិការណ៍, អាជីវកម្មថ្មី និងនវានុវត្ត
• 14/09/2026
បរទេស ៖ ជាប្រវត្តិសាស្ត្រ ឥណ្ឌា ត្រូវបានគេស្គាល់ថា ជាប្រទេសនាំចូលសម្ភារៈយុទ្ធភណ្ឌយោធាដ៏ធំបំផុតមួយក្នុងពិភពលោក ប៉ុន្តែបច្ចុប្បន្ន ទីក្រុងញូវដេលី បាន និងកំពុងកែប្រែប្រវត្តិសាស្ត្រក្នុងវិស័យការពារជាតិរបស់ខ្លួនយ៉ាងឆាប់រហ័ស ដោយក្លាយខ្លួនទៅជាប្រទេសនាំចេញសព្វាវុធដ៏សំខាន់នៅលើឆាកអន្តរជាតិទៅវិញ។ ទិដ្ឋភាពនៃការផលិតក្នុងវិស័យការពារជាតិរបស់ប្រទេសឥណ្ឌា កំពុងមានការផ្លាស់ប្តូរទម្រង់យ៉ាងជ្រាលជ្រៅ គិតតាំងពីការផ្លាស់ប្តូរគោលនយោបាយយុទ្ធសាស្ត្រ ការជំរុញផលិតកម្មក្នុងស្រុកយ៉ាងសកម្ម កំណើនវិនិយោគពីវិស័យឯកជន ជាពិសេស ឧស្សាហកម្មនៃការផលិតក្នុងវិស័យការពារជាតិសរុបរបស់ឥណ្ឌាបានកើនឡើងដល់ជិត ១៨,៦ ពាន់លានដុល្លារនៅក្នុងផែនការថវិកាឆ្នាំជាតិ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បរទេស ៖ ជាប្រវត្តិសាស្ត្រ ឥណ្ឌា ត្រូវបានគេស្គាល់ថា ជាប្រទេសនាំចូលសម្ភារៈយុទ្ធភណ្ឌយោធាដ៏ធំបំផុតមួយក្នុងពិភពលោក ប៉ុន្តែបច្ចុប្បន្ន ទីក្រុងញូវដេលី បាន...
កម្ពុជា និងម៉ាឡេស៊ីកំពុងជំរុញការពង្រឹងកិច្ចសហប្រតិបត្តិការធុរកិច្ច ពាណិជ្ជកម្ម និងការវិនិយោគ ខណៈទំហំពាណិជ្ជកម្មទ្វេភាគីបានកើ...
ភ្នំពេញ ៖ ក្រសួងពាណិជ្ជកម្ម បានរៀបចំកម្មវិធីជជែកដេញដោលមួយ ដើម្បីជំរុញយុវជនជំនាន់ក្រោយឱ្យមានកិច្ចសន្ទនា ផ្លាស់ប្តូរគំនិត និងពង្រីកការយល់ដឹងស៊ីជម្រៅ ...
ម្លៃប្រេងឆៅបានកើនឡើងជាង ២ ភាគរយនៅថ្ងៃចន្ទនេះ ដោយតម្លៃប្រេង Brent ឡើងដល់ជាង ១០៧ ដុល្លារក្នុងមួយបារ៉ែល ក្រោយភាពតានតឹងនៅម...
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
កម្មវិធីពិសេសរបស់ AMS ECONOMY
