AMS Economyប្រជាពលរដ្ឋខ្មែរកាន់តែច្រើន ចាប់ផ្ដើមគាំទ្រកសិផលសរីរាង្គក្នុងស្រុក
ភ្នំពេញ ៖ ជាសកម្មភាពចូលរួមចំណែកក្នុងការលើកស្ទួយកសិផលរបស់បងប្អូនប្រជាកសិករខ្មែរដែលមានគុណភាព គ្មានសារធាតុគីមី រសជាតិឆ្ងាញ់ និងមានសុវត្ថិភាពសម្រាប់អ្នកបរិភោគ ប្រជាពលរដ្ឋខ្មែរ រាប់ទាំងអាជីវករដែលជាអ្នកលក់ ក៏ដូចជាអតិថិជន ចាប់ផ្ដើមបង្កើនការគាំទ្រច្រើនគួរឱ្យកត់សម្គាល់។ ជាក់ស្ដែង បច្ចុប្បន្នគេឃើញមានការបង្កើតហាងលក់បន្លែសុវត្ថិភាពក៏ដូចជាបន្លែសរីរាង្គ និងនៅតាមផ្សារទំនើប ពិសេសនៅតាមផ្សារកសិផលនានា ឃើញមានការដាក់លក់បន្លែដែលជាកសិផលចម្រុះល្អៗ ស្រស់ៗ ដែលនាំយកមកពីតាមបណ្ដាខេត្តផ្សេងគ្នា។
អ្នកស្រី នី ធាវី ម្ចាស់ហាងលក់បន្លែស្រស់ កសិផលសរីរាង្គជម្មជាតិ La La Garden ដែលមានទីតាំងនៅសង្កាត់ទំនប់ទឹក ខណ្ឌបឹងកេងកង បានប្រាប់ AMS ឲ្យដឹងថា បច្ចុប្បន្ន អតិថិជនមានការយល់ដឹងច្រើន ហើយងាកមកគាំទ្របន្លែសុវត្ថិភាព ដែលដាំដុះក្នុងស្រុកច្រើនជាងមុន ហើយថែមទាំងចេះពិនិត្យសម្គាល់មើលប្រភេទបន្លែណាដែលជាបន្លែក្នុងស្រុក បន្លែណានាំចូល និងជាបន្លែធម្មជាតិ មិនមានសារធាតុគីមី។
ម្ចាស់អាជីវកម្មខាងលើបានបន្តទៀតថា ៖
“ហាងរបស់ខ្ញុំមានទាំងលក់រាយទៅកាន់អតថិជន និងបោះដុំទៅឱ្យហាងផ្សេងៗទៀត ហើយបន្លែដែលយើងលក់មានច្រើនមុខដែលចែកជាពីរស្តង់ដារ គឺស្តង់ដារសរីរាង្គ និងស្តង់ដារសុវត្ថិភាព។ បន្លែទាំងនេះយើងទទួលទិញពីកសិរកផ្ទាល់ ហើយមានទទួលទិញពីអង្គការ ក៏ដូចជាសហគមន៍ផ្សេងទៀតដែលនាំយកមកស្ទើរគ្រប់ខេត្តទូទាំងប្រទេស។ ក្រៅពីបន្លែដែលទិញពីកសិករហើយ La La Garden ក៏មានកសិដ្ឋានផ្ទាល់ខ្លួន ជាកន្លែងបង្ហាញបច្ចេកទេសដាំដុះ លក់គ្រាប់ពូជ និងសម្ភារៈកសិកម្មផងដែរ”
ដោយឡែកទាក់ទងនឹងគុណភាពបន្លែ ត្រូវបានអាជីវកររូបនេះអះអាងថា មានប្រភពច្បាស់លាស់ និងការធានាពីសហគមន៍ ឬក៏អ្នកដាំត្រឹមត្រូវ ពួកគាត់ដាំដុះគោរពតាមស្តង់ដារ ហើយជាបន្លែស្រស់ល្អ ថ្មីៗមានរសជាតិឆ្ងាញ់ និងមិនប៉ះពាល់ដល់សុខភាពអ្នកបរិភោគ។ យ៉ាងណាមិញ គេក៏អាចសម្គាល់បន្លែធម្មជាតិ និងប្រភេទបន្លែដែលមានជាតិគីមីតាមរយៈក្លិន រូបភាពខាងក្រៅ ពណ៌សម្បុរ ហើយបើចង់ពិនិត្យឲ្យកាន់តែច្បាស់គឺគេមានឧបករណ៍សម្រាប់តេស្តតែម្ដង។
អ្នកស្រីបញ្ជាក់ដែរថា ជាទូទៅបន្លែត្រូវបានចែកចេញជា ៤ គឺ បន្លែសុវត្ថិភាព បន្លែសរីរាង្គ បន្លែធម្មជាតិ និងបន្លែធម្មតា។ ចំណែកពាក្យថា បន្លែធម្មជាតិ គឺសំដៅលើបន្លែដែលដុះដោយខ្លួនឯង គ្មានការថែទាំដូចជាដុះនៅតាមព្រៃភ្នំជាដើម មិនមែនឱ្យតែបន្លែគ្មានជាតិគីមីសុទ្ធតែជាបន្លែធម្មជាតិនោះទេ។
អ្នកនាង ម៉ាន់ ម៉ារី ដែលជាអតិថិជនប្រចាំនៅហាងខាងលើក៏បានបញ្ចាក់ដែរថា ស្ទើរតែរាល់ថ្ងៃអ្នកនាងតែងទិញបន្លែពី La La Garden ដោយសារការទុកចិត្តទៅលើហាងមួយនេះ។
អ្នកនាងបានបន្តថា ៖
“ខ្ញុំទិញបន្លែនៅហាងនេះស្ទើររាល់ខែ ដោយសារតែបន្លែមើលទៅស្រស់ៗល្អ ណាមួយជាបន្លែគ្មានជាតិគីមី ញ៉ាំទៅអត់ដែលធ្វើទុក្ខ ពិសេសខ្ញុំបានចូលរួមគាំទ្រដល់កសិករក្នុងស្រុកតាមរយៈការទិញជាប្រចាំនេះតែម្ដង។ ខ្ញុំទិញបន្លែគ្មានជាតិគីមី ដែលជាកសិផលក្នុងស្រុក ខ្ញុំបានគាំទ្រកសិករខ្មែរ ហើយក៏អាចថែទាំសុខភាពខ្ញុំ និងគ្រួសារបានល្អដែរ៕”
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
