AMS Economyវត្តមានថ្មីនៃគម្រោងរោងចក្រកាន់តែច្រើននៅកម្ពុជានឹងផ្ដល់ផលដ៏ធំធេងលើសេដ្ឋកិច្ចជាតិ
ភ្នំពេញ ៖ ស្របពេលដែលបណ្តាប្រទេសភាគច្រើននៅអាស៊ីកំពុងធ្លាក់ចូលទៅក្នុងវិបត្តិនយោបាយក្នុងស្រុក ក៏ដូចជាវិបត្តិជំងឺផ្លូវដង្ហើមដែលចេះតែបំប្លែងខ្លួនថ្មីៗនោះ សេដ្ឋកិច្ចនៃប្រទេសទាំងនោះក៏កំពុងធ្លាក់ចុះយ៉ាងគំហុកផងដែរដោយសារការផ្អាកអាជីវកម្ម និងការបម្រើការងារផ្សេងៗ ដើម្បីបង្វែរមកដោះស្រាយបញ្ហាចំពោះមុខជាអាទិភាពមុនសិន។
ដោយសារការមើលឃើញពីហានិភ័យទាំងនោះ បណ្តាក្រុមហ៊ុនអន្តរជាតិមួយចំនួនបានបង្វែរទិសដៅវិនិយោគរបស់ខ្លួនបណ្ដើរៗទៅកាន់ទីតាំងដែលមានសុវត្ថិភាព ដោយក្នុងនោះកម្ពុជាបានក្លាយទីតាំងអាទិភាពសម្រាប់ពួកគេ ជាក់ស្ដែងមួយរយៈចុងក្រោយនេះកម្ពុជាទទួលបាននូវគម្រោងបង្កើតរោងចក្រជាច្រើន ដែលភាគច្រើនជារោងចក្រកាត់ដេរ។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានសម្ដែងការសាទរចំពោះគម្រោងថ្មីៗដែលកំពុងហូរចូលមកកាន់កម្ពុជាដូចទឹកបាក់ទំនប់នេះ ដោយលោកបានគូសបញ្ជាក់ថា កម្ពុជានឹងទទួលបានប្រយោជន៍ច្រើនពីគម្រោងទាំងនោះ។
លោកឧកញ៉ាបានមានប្រសាសន៍ថា ៖
«នេះជាផលប្រយោជន៍នៃការវិនិយោគសម្រាប់វិស័យឧស្សាហកម្មទាំងមូល មិនថាតែវិស័យកាត់ដេរតែមួយមុខនោះទេ នៅមានវិស័យឧស្សាហកម្មកែច្នៃទាំងអស់ ទាំងផ្នែកកសិកម្ម ទាំងកសិឧស្សាហកម្ម និងឧស្សាហកម្មកែច្នៃធនតូច និងមធ្យម ពោលគឺទាំងនេះជាផលប្រយោជន៍របស់ជាតិយើងតែម្ដង»
លោកឧកញ៉ាបន្ថែមថា ៖
«ផលប្រយោជន៍លើផ្នែកសំខាន់ៗ៣សម្រាប់សេដ្ឋកិច្ចកម្ពុជានោះគឺ ទី១បានទៅលើថ្លៃពលកម្ម ទី២ទៅលើវិស័យដឹកជញ្ជូន និងសេវាកម្មផ្សេងទៀតដែលផ្គត់ផ្គង់ឲ្យរោងចក្រកាត់ដេរ និងទី៣ ទៅលើចំណូលពន្ធចូលទៅវិស័យពន្ធដារ។ និយាយជារួម ផ្នែកទាំង៣នេះជាផ្នែកគោលដែលនឹងទទួលបាននូវផលប្រយោជន៍ដោយផ្ទាល់ពីបណ្ដារោងចក្រកាត់ដេរទាំងនោះ»
គួរបញ្ជាក់ថា កាលពីខែកក្កដាកន្លងទៅ កម្ពុជាបានអនុម័តលើគម្រោងបង្កើតរោងចក្រចំនួន៨ ដោយភាគច្រើនជារោងចក្រកាត់ដេរ ដែលជាសញ្ញាមួយកាន់តែប្រសើរសម្រាប់វិស័យឧស្សាហកម្មកម្ពុជាក្នុងការរួមចំណែកជួយស្រោចស្រង់ ទ្រទ្រង់កំណើនសេដ្ឋកិច្ចជាតិឲ្យបានកាន់តែប្រសើរជាងមុន ស្របពេលដែលវិស័យដទៃកំពុងឈរលើភាពមិនច្បាស់លាស់នៃការក្រោកឡើងវិញរបស់ខ្លួននៅឡើយ។ ក្រៅពីគម្រោងរោងចក្រដែលទើបត្រូវបានទទួលការគាំទ្រ និងអនុម័តពីសំណាក់រាជរដ្ឋាភិបាលទាំងនេះ នៅមានក្រុមហ៊ុនអន្តរជាតិផ្សេងៗទៀតដែលបង្ហាញពីគម្រោងត្រៀមខ្លួនចូលមកវិនិយោគនៅកម្ពុជាបន្ថែមទៀត ដែលសុទ្ធតែជាដំណឹងល្អនៃចំណុចចាប់ផ្ដើមងើបឡើងវិញបណ្ដើរៗនៃវិស័យសេដ្ឋកិច្ចកម្ពុជាទាំងមូលក្រោយឥទ្ធិពលវិបត្តិសកល៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
មេដឹកនាំប៊ុលហ្គារី ៖ អឺរ៉ុបអាចរស់បានដោយគ្មានរុស្ស៊ី គ្រាន់តែលំបាកខ្លាំងបើធ្វើសត្រូវជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 07/09/2026
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
អាល្លឺម៉ង់ ផ្តើមផលិតដ្រូន AI ជាង ៥ ពាន់គ្រឿងឱ្យអ៊ុយក្រែន អាចហោះបាន ១ ៥០០ គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សហភាពអឺរ៉ុបគ្រោងបង្កើនទុនវិនិយោគនៅកោះហ្រ្គីនឡែន និង ពង្រឹងទំនាក់ទំនងនយោបាយឱ្យកាន់តែជិតស្និទ្ធ ខណៈដែលលោក ដូណាល់ ត្រាំ ទាមទារចង់បានកោះនេះបញ្ចូលជាដែនដ...
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
ចិនគ្រោងនឹងបញ្ចេញថវិកាប្រមាណ ៣៦០ ពាន់លានយន់ ឬស្មើប្រមាណ ៥៤ ពាន់លានដុល្លារ ដើម្បីចាក់បញ្ចូលទៅក្នុងវិស័យហិរញ្ញវត្ថុរបស់ខ្លួន...
ការសិក្សាស្រាវជ្រាវលើកដំបូងនៅកម្ពុជា ស្តីពី «សហគមន៍កសិកម្មទំនើប» បានបង្ហាញថា កសិករដែលចូលរួមក្នុងសហគមន៍ប្រភេទនេះទទួលបានល...
ចាប់ផ្តើមពីអាជីវកម្មគ្រួសារកាលពីឆ្នាំ២០១៦ សិប្បកម្មកែច្នៃសាច់ស្រស់ក្នុងស្រុក «ជីលីណា» (Chilyna) បានវិវត្តខ្លួនក្លាយជាសិប្...
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
