AMS Economyធនាគារជាតិនៃកម្ពុជា និងធនាគារអភិវឌ្ឍន៍អាស៊ីរួមគ្នាបង្កើតមូលដ្ឋានទិន្នន័យហិរញ្ញវត្ថុ និងសេដ្ឋកិច្ច
ភ្នំពេញ ៖ ធនាគារជាតិនៃកម្ពុជា បានសហការជាមួយធនាគារអភិវឌ្ឍន៍អាស៊ី(ADB) លើការងារប្រព័ន្ធទិន្នន័យតាមអ៊ិនធឺណេតដើម្បីតាមដានស្ថានភាពហិរញ្ញវត្ថុនៅក្នុងព្រះរាជាណាចក្រកម្ពុជា ខណៈដែលប្រព័ន្ធទិន្នន័យតាមដានម៉ាក្រូសេដ្ឋកិច្ច (Macroeconomic Surveillance Database System – MSDS) នឹងត្រូវបានសាកល្បងតាមអ៊ិនធឺណេតក្នុងពេលដ៏ខ្លី។
កិច្ចព្រមព្រៀងរវាងធនាគារជាតិនៃកម្ពុជា(NBC) និងធនាគារអភិវឌ្ឍន៍អាស៊ី (ADB) ត្រូវបានរៀបចំពិធីដាក់ឱ្យដំណើរការសាកល្បងប្រព័ន្ធទិន្នន័យតាមដានម៉ាក្រូសេដ្ឋកិច្ច (Macroeconomic Surveillance Database System – MSDS) តាមរយៈប្រព័ន្ធអនឡាញ ក្រោមវត្តមានរបស់លោក ឃូ វុឌ្ឍី អគ្គនាយករងបច្ចេកទេសធនាគារជាតិនៃកម្ពុជា និងជាប្រធានផ្នែកស្រាវជ្រាវសេដ្ឋកិច្ចនៅនាយកដ្ឋានសហប្រតិបត្តិការអន្តរជាតិប្រចាំ NBC និងលោក Anthony Robert Gill ប្រធានបេសកកម្មរបស់ធនាគារអភិវឌ្ឍន៍អាស៊ីប្រចាំនៅកម្ពុជា។
លោក ឃូ វុឌ្ឍី បានមានប្រសាសន៍ប្រាប់ឲ្យដឹងថា ប្រព័ន្ធទិន្នន័យនេះនឹងក្លាយជាឧបករណ៍ដ៏សំខាន់សម្រាប់សម្រួលដល់ការវិភាគ និងការតាមដានស្ថានភាពដំណើរការនៃវិស័យម៉ាក្រូសេដ្ឋកិច្ច និងប្រព័ន្ធហិរញ្ញវត្ថុ ព្រមទាំងគាំទ្រដល់ការរៀបចំគោលនយោបាយយុទ្ធសាស្រ្តនានា សំដៅធានាឱ្យបាននូវស្ថិរភាពតម្លៃ និងរក្សាកំណើនសេដ្ឋកិច្ចប្រកបដោយចីរភាព។
លើសពីនេះ ក្រៅពីការរំលេចនូវការវិវឌ្ឍ អ្នកប្រើប្រាស់មូលដ្ឋានទិន្នន័យក៏នឹងអាចតាមដាន និងវាយតម្លៃវឌ្ឍនភាពសេដ្ឋកិច្ច និងហិរញ្ញវត្ថុតាមរយៈសូចនាករគន្លឹះទាំង ៧០ ប្រព័ន្ធទិន្នន័យអនឡាញថ្មីនេះក៏ផ្ទុកនូវព័ត៌មាន និងទិន្នន័យសំខាន់ៗផ្សេងទៀត ដូចជាតារាងសូចនាករសង្ខេបក្រាហ្វិក និងទិន្នន័យបែងចែកតាមវិស័យម៉ាក្រូសេដ្ឋកិច្ចប្រមាណ ៣០០មុខ ដែលត្រូវបានចងក្រង ។
លោក ឃូ វុឌ្ឍី បានបញ្ជាក់ថា ៖ ការដាក់ឱ្យដំណើរការទិន្នន័យនេះ គឺជាជំហានមួយទៀតក្នុងដំណើរការផ្សព្វផ្សាយព័ត៌មានដែលមានប្រសិទ្ធភាពខ្ពស់ និងទាន់ពេលវេលា ស្របតាមបេសកកម្មរបស់ធនាគារ។
លោក Anthony Robert Gill បានមានប្រសាសន៍ប្រាប់ឲ្យដឹងថា មូលដ្ឋានទិន្នន័យនេះនឹងមានប្រយោជន៍ជាច្រើន ជាពិសេសក្នុងពេលមានជំងឺរាតត្បាត និងរីករាលដាលដូចពេលពេលបច្ចុប្បន្នស្រាប់។
លោកបន្តថា ធនាគារអភិវឌ្ឍន៍អាស៊ី មានកិត្តិយសបំផុតដែលបានចូលរួមជួយដល់ធនាគារជាតិនៃកម្ពុជាក្នុងការបង្កើតប្រព័ន្ធទិន្នន័យតាមដានម៉ាក្រូសេដ្ឋកិច្ចនេះ។ ប្រព័ន្ធដែលត្រូវនឹងលក្ខណៈ និងលក្ខខណ្ឌប្រទេសរបស់ប្រទេសកម្ពុជានឹងជួយដល់ការយល់ដឹង និងវាយតម្លៃផលប៉ះពាល់ម៉ាក្រូសេដ្ឋកិច្ចនៃជំងឺកូវីដ-១៩ ។
សូមបញ្ជាក់ថា ធនាគារអភិវឌ្ឍន៍អាស៊ីនឹងផ្តល់ជំនាញបច្ចេកទេសរបស់ខ្លួនជាមួយនឹងការគាំទ្រផ្នែកហិរញ្ញវត្ថុពីរដ្ឋាភិបាលជប៉ុន ហើយមូលដ្ឋានទិន្នន័យនឹងរួមបញ្ចូលព័ត៌មានដែលបានចងក្រងជារៀងរាល់ខែ ត្រីមាស និងប្រចាំឆ្នាំ និងចែកជា ៦ ផ្នែកម៉ាក្រូសេដ្ឋកិច្ចសំខាន់ៗគឺ ៖ ការផ្លាស់ប្តូរសេដ្ឋកិច្ចពិភពលោក ស្ថិរភាពម៉ាក្រូសេដ្ឋកិច្ច ទិន្នន័យពីក្រៅវិស័យសារពើពន្ធ វិស័យហិរញ្ញវត្ថុ និងចុងក្រោយប្រៀបធៀបទិន្នន័យជាមួយបណ្តាប្រទេសដែលស្រដៀងគ្នា ព្រមទាំងស្ថានភាពសេដ្ឋកិច្ចដល់ប្រទេសកម្ពុជា៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
មេដឹកនាំប៊ុលហ្គារី ៖ អឺរ៉ុបអាចរស់បានដោយគ្មានរុស្ស៊ី គ្រាន់តែលំបាកខ្លាំងបើធ្វើសត្រូវជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 07/09/2026
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
អាល្លឺម៉ង់ ផ្តើមផលិតដ្រូន AI ជាង ៥ ពាន់គ្រឿងឱ្យអ៊ុយក្រែន អាចហោះបាន ១ ៥០០ គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សហភាពអឺរ៉ុបគ្រោងបង្កើនទុនវិនិយោគនៅកោះហ្រ្គីនឡែន និង ពង្រឹងទំនាក់ទំនងនយោបាយឱ្យកាន់តែជិតស្និទ្ធ ខណៈដែលលោក ដូណាល់ ត្រាំ ទាមទារចង់បានកោះនេះបញ្ចូលជាដែនដ...
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
ចិនគ្រោងនឹងបញ្ចេញថវិកាប្រមាណ ៣៦០ ពាន់លានយន់ ឬស្មើប្រមាណ ៥៤ ពាន់លានដុល្លារ ដើម្បីចាក់បញ្ចូលទៅក្នុងវិស័យហិរញ្ញវត្ថុរបស់ខ្លួន...
ការសិក្សាស្រាវជ្រាវលើកដំបូងនៅកម្ពុជា ស្តីពី «សហគមន៍កសិកម្មទំនើប» បានបង្ហាញថា កសិករដែលចូលរួមក្នុងសហគមន៍ប្រភេទនេះទទួលបានល...
ចាប់ផ្តើមពីអាជីវកម្មគ្រួសារកាលពីឆ្នាំ២០១៦ សិប្បកម្មកែច្នៃសាច់ស្រស់ក្នុងស្រុក «ជីលីណា» (Chilyna) បានវិវត្តខ្លួនក្លាយជាសិប្...
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
