AMS Economyប្រតិបត្តិការផ្ទេរប្រាក់រៀលជូនឪពុកម្តាយ ឬចាស់ទុំមុនពេលបុណ្យភ្ជុំបិណ្ឌកើនឡើងច្រើនជាងប្រាក់ដុល្លារ
ភ្នំពេញ៖ នៅក្នុងអំឡុងពេល ឬមុនពិធីបុណ្យជាតិធំៗម្តងៗ ពិសេសពិធីភ្ជុំបិណ្ឌ ការជូនប្រាក់កាសដល់ឪពុកម្តាយ ឬចាស់ទុំ ដោយផ្ទាល់សម្រាប់ធ្វើបុណ្យ ឬប្រើប្រាស់ផ្ទាល់ខ្លួនក្នុងពេលមានពិធីបុណ្យ គឺជារឿងចាំបាច់ខ្លាំងសម្រាប់កូនៗ ប៉ុន្តែសម្រាប់អ្នកដែលមកធ្វើការងារ ឬប្រកបអាជីវកម្មផ្សេងៗនៅរាជធានីភ្នំពេញដែលមិនអាចទៅស្រុកកំណើតរបស់ខ្លួន បានជ្រើសរើសការផ្ទេរប្រាក់តាមក្រុមហ៊ុនភ្នាក់ងារ ហើយភាគច្រើនជាការផ្ទេរប្រាក់ ឬផ្ញើជាប្រាក់រៀល។
អ្នកនាង ស្រីមុំ ដែលជាគ្រូបង្រៀនមួយរូប បានប្រាប់ AMS ដឹងឱ្យថា ឆ្នាំនេះ ដោយសារវិបត្តិកូវីដ១៩ និងការបង្កើនការប្រុងប្រយ័ត្នផងនោះ អ្នកនាងមិនបានទៅស្រុកកំណើតនៅឯខេត្តសៀមរាបនោះទេ ប៉ុន្តែបើទោះជាមិនបានទៅស្រុកកំណើតក៏ដោយ ក៏អ្នកនាងនៅតែជូនប្រាក់កាសដល់ឪពុកម្តាយ និងចាស់ទុំដែលជាសាច់ញាតិតាមរយៈការផ្ញើប្រាក់តាមក្រុមហ៊ុនភ្នាក់ងារវេរលុយ។
អ្នកនាងបានបញ្ជាក់ថា ៖
«ជាធម្មតា នៅពេលមានបុណ្យទានម្តងៗ ខ្ញុំវេរលុយទៅជូនឪពុកម្តាយខ្ញុំជាលុយរៀល ព្រោះខ្ញុំគិតថា ការវេរលុយជាលុយរៀល គឺងាយស្រួលសម្រាប់ពួកគាត់យកទៅប្រើប្រាស់ផ្ទាល់ខ្លួន ឬយកទៅធ្វើបុណ្យទាន។ ពេលផ្ញើជាលុយរៀលទៅជូនពួកគាត់ ដូច្នេះគាត់មិនពិបាកដូចលុយដុល្លារ ដែលត្រូវការយកទៅប្ដូរនោះទេ»
លោក យ៉ន សោភារ៉ា អ្នកបម្រើការនៅភោជនីយដ្ឋានមួយកន្លែងនៅភ្នំពេញ បានឱ្យដឹងថា បច្ចុប្បន្ន លោកប្រើប្រាស់ធនាគារ ABA ហើយមានភាពងាយស្រួលក្នុងការផ្ទេរប្រាក់ទៅស្រុកជូនឪពុកម្តាយ ដែលរស់នៅខេត្តក្រចេះ។
លោកបានថ្លែងថា ៖
«ពេលមានបុណ្យទានអីម្តងៗ ដោយសារខ្ញុំប្រើប្រាស់ ABA ការផ្ទេរប្រាក់របស់ខ្ញុំទៅស្រុកជូនឪពុកម្តាយគឺជាប្រាក់ដុល្លារ ហើយពួកគាត់អាចងាយស្រួលទៅដកតាម ATM ដែលនៅជិតពួកគាត់។ ពួកគាត់អាចយកលុយទៅប្រើប្រាស់ អំឡុងពេលមានបុណ្យភ្ជុំបិណ្ឌនេះ»
ដោយឡែក លោក ពិសិដ្ឋ ដែលជាអាជីវករបើកភ្នាក់ងារ Wing វេរលុយ ស្ថិតក្នុងសង្កត់វាលវង់ ខណ្ឌ៧មករា រាជធានីភ្នំពេញ បានថ្លែងប្រាប់ថា អំឡុងពេលជិតចូលដល់ពិធីបុណ្យភ្ជុំបិណ្ឌនេះ អ្នកផ្ទេរប្រាក់ទៅស្រុកភាគច្រើនជាប្រាក់រៀល ហើយក្នុងអំឡុងពេលនេះ តម្រូវការប្រាក់រៀលកើនឡើងច្រើន ព្រោះការជូនប្រាក់រៀលដល់ចាស់ទុំធ្វើឱ្យពួកគាត់ងាយស្រួលប្រាស់ ក៏ដូចជាការប្រគេនបច្ច័យ និងទិញម្ហូបចំណីសម្រាប់ទៅវត្ត។
លោកបានថ្លែងបន្តថា ក្នុងមួយថ្ងៃៗ ភាគច្រើន ប្រតិបត្តិការផ្ទេរ និងដកប្រាក់ត្រូវបានធ្វើឡើងជាប្រាក់រៀល ប៉ុន្តែប្រតិបត្តិការនៃការផ្ទេរ ក៏ដូចជាដកប្រាក់រៀលមានទំហំទឹកប្រាក់តូច បើធៀបនឹងប្រាក់ដុល្លារ។ នៅកន្លែងផ្ទេរប្រាក់របស់លោក ការផ្ទេរប្រាក់រៀលមានទំហំទឹកប្រាក់ចាប់ពី ៥ ម៉ឺនរៀលឡើងទៅ ហើយប្រាក់ដុល្លារអាចផ្ទេរបានរហូតទៅ ១ ០០០ ដុល្លារ ក្នុងមួយប្រតិបត្តិការ។
លោកបញ្ជាក់ថា ៖
« អំឡុងពេលពិធីបុណ្យភ្ជុំបិណ្ឌ ការផ្ទេរប្រាក់ទៅស្រុកជាប្រាក់ប្រាក់រៀលមានចំនួនប្រតិបត្តិការច្រើនជាងប្រាក់ដុល្លារ ដោយសារអ្នកចាំទទួលប្រាក់នៅស្រុកមានភាពងាយស្រួលដកប្រាក់ជាប្រាក់រៀល ហើយងាយស្រួលក្នុងការចំណាយលើការទិញម្ហូប និងនំចំណី ដើម្បីទៅវត្តតែម្តង»
យោងតាមធនាគារជាតិនៃកម្ពុជា បានឱ្យដឹងថា ការប្រើប្រាស់ប្រាក់រៀលគឺពិតជាមានសារៈសំខាន់ណាស់ ពីព្រោះប្រាក់រៀលបានជួយលើកស្ទួយអត្តសញ្ញាណជាតិ ។ ប្រាក់រៀលកសាងជំនឿទុកចិត្ត ជំរុញសាមគ្គីភាព និងបណ្តុះការបង្រួបបង្រួម និងស្មារតីជាតិនិយមនៅក្នុងប្រទេស ។
ធនាគារជាតិបានឱ្យដឹងទៀតថា ក្នុងន័យសេដ្ឋកិច្ច ចរាចរប្រាក់រៀលកាន់តែច្រើននឹងជំរុញប្រសិទ្ធភាពគោលនយោបាយរូបិយវត្ថុ។ ធនាគារជាតិនៃកម្ពុជានឹងមានលទ្ធភាពកាន់តែច្រើនក្នុងការគ្រប់គ្រងគោលនយោបាយ ម៉ាក្រូសេដ្ឋកិច្ច និងអភិវឌ្ឍសេដ្ឋកិច្ចជាតិប្រកបដោយចីរភាព ដោយសារការផ្គត់ផ្គង់រូបិយវត្ថុមានទំនាក់ទំនងយ៉ាងជិតស្និទ្ធទៅនឹងផលិតកម្ម និងអត្រាអ្នកមានការងារ។ ធនាគារជាតិបានបន្តថា ការពឹងផ្អែកលើការប្រើប្រាស់ប្រាក់ដុល្លារអាមេរិកបណ្តាលឲ្យកម្ពុជាងាយទទួលរងការប៉ះទង្គិចពីសេដ្ឋកិច្ចសហរដ្ឋអាមេរិក។ ប្រសិនបើប្រាក់រៀលជារូបិយវត្ថុចម្បង ធនាគារកណ្តាលអាចដើរតួនាទីជាអ្នកឱ្យខ្ចីចុងក្រោយ។ ម្យ៉ាងវិញទៀត ការប្រើប្រាស់ ប្រាក់រៀល ក៏នឹងជួយឲ្យរដ្ឋាភិបាលទទួលបានប្រាក់ចំណេញក្នុងការបោះផ្សាយរូបិយវត្ថុផងដែរ។ លើសពីនេះ ប្រសិនបើប្រាក់រៀលតែមួយមុខត្រូវបានប្រើប្រាស់ក្នុងទីផ្សារ នោះតម្លៃប្រតិបត្តិការក្នុងការប្តូរប្រាក់នឹងត្រូវបានកាត់បន្ថយ៕
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
Hyundai Cambodia បង្ហាញរថយន្តអគ្គិសនីស៊េរីថ្មី Hyundai ELEXIO នៅលើទីផ្សារប្រទេសកម្ពុជា
ព្រឹត្តិការណ៍, អត្ថបទពាណិជ្ជកម្ម
• 27/09/2026
ក្រុមហ៊ុន Hyundai Cambodia បានបង្ហាញរថយន្តស៊េរីថ្មីជាប្រភេទរថយន្តអគ្គិសនី គឺ Hyundai ELEXIO នៅលើទីផ្សារប្រទេសកម្ពុជា ដោយរំពឹងថារថយន្តប្រភេទថ្មីនឹងអាចទទួលបានការគាំទ្រពីអ្នកប្រើប្រាស់នៅក្នុងប្រទេសកម្ពុជាពីព្រោះតែលក្ខណៈពិសេសជាច្រើនរបស់រថយន្តមួយនេះ
មហាយក្សចិន-អាម៉េរិក បង្ហាញពីកិច្ចទំនាក់ទំនងដ៏ស៊ីជម្រៅមិនអាចកាត់ផ្ដាច់គ្នាបាន
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្តែប្រសិនបើគេក្រឡេកទៅមើលតួលេខជាក់ស្តែងនៃកិច្ចសហប្រតិបត្តិការវិញ បានបង្ហាញយ៉ាងច្បាស់ថា ប្រទេសទាំងពីរមានទំនាក់ទំនងទាំងផ្នែកសេដ្ឋកិច្ច ទាំងប្រជាជាតិយ៉ាងស៊ីជម្រៅដែលមិនអាចកាត់ផ្តាច់ពីគ្នាបានឡើយ។ ចុងក្រោយនេះ ក្រោមការសម្របសម្រួលតាមរយៈការទូតរបស់ប្រមុខរដ្ឋនៅក្នុងដំណើរទស្សនកិច្ចកំពូលទៅវិញទៅមកភាគីទាំងពីរបានបញ្ជាក់ជាថ្មីនូវការប្តេជ្ញាចិត្តក្នុងការកសាងទំនាក់ទំនងទ្វេភាគីក្នុងន័យស្ថាបនា ដើម្បីរក្សាស្ថិរភាពជាយុទ្ធសាស្ត្រ។ សារព័ត៌មាន China Daily បានចេញផ្សាយថា ទំហំពាណិជ្ជកម្មរវាងចិន និងអាមេរិក
ចិន កំពុងស្ថិតក្នុងការសង្ស័យថា លួចសិក្សាពីបច្ចេកវិទ្យាទំនើបនៃយន្តហោះចម្បាំង F-35 របស់អាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អាម៉េរិក។ ហេតុការណ៍នេះបានកើតឡើងកាលពីដើមឆ្នាំ២០២៦នេះ ប៉ុន្តែទើបតែត្រូវបានយកចេញផ្សាយកាលពីពេលថ្មីៗនេះ។ ដោយដកស្រង់ចេញពី Bloomberg និង Politico បានឱ្យដឹងថា ឧប្បទេវហេតុខាងលើនេះបានកើតឡើងនៅក្នុងពេលដែលការដឹកជញ្ជូនគ្រឿងបន្លាស់យន្តហោះដែលមានបញ្ហាយកមកពីប្រទេសអូស្ត្រាលីត្រូវបញ្ជូនទៅសហរដ្ឋអាមេរិក ប៉ុន្តែចៃដន្យបែរជាបង្វែរទិសដៅដោយគ្មានការគ្រោងទុកទៅកាន់ក្រុងហុងកុងទៅវិញ។ សមាសភាគបំណែកយន្តហោះចម្បាំងបំបាំងកាយ F-35 ដែលត្រូវបានដឹកជញ្ជូនដោយក្រុមហ៊ុន UPS រួមមានដូចជា ដំបូលកញ្ចក់កាប៊ីន
ហេតុផលនៅពីក្រោយតម្លៃប្រេងនៅកម្ពុជាបន្តឡើងថ្លៃ ខណៈតម្លៃប្រេងឆៅលើទីផ្សារអន្តរជាតិធ្លាក់ចុះ
Top News, ព្រឹត្តិការណ៍, សេដ្ឋកិច្ច
• 25/09/2026
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូងសមុទ្របានធូរស្រាលក្រោយកិច្ចចរចារវាងអុីរ៉ង់ ជាមួយនឹងសហរដ្ឋអាមេរិក ក៏ប៉ុន្តែ នៅឯកម្ពុជាវិញ នៅមិនទាន់អាចរក្សាកំណត់ត្រាវិជ្ជមានរបស់ខ្លួនបានឡើយដោយសារខ្លួនពឹងផ្អែកទាំងស្រុកលើការនាំចូលប្រេងចម្រាញ់រួចពីទីផ្សារសិង្ហបុរី ដែលអ្នកផ្គត់ផ្គង់នៅទីនោះ មិនទាន់អាចទិញប្រេងឆៅទៅតាមតម្លៃដែលបានប្រកាសចុះបានភ្លាមៗ។ ដូច្នេះហើយ អ្នកប្រើប្រាស់នៅកម្ពុជាត្រូវប្រឈមនឹងការឡើងថ្លៃយ៉ាងគំហុកនៅតាមស្ថានីយប្រេងឥន្ធនៈ ស្របតាមតារាងកំណត់តម្លៃថ្មីរបស់ក្រសួងពាណិជ្ជកម្ម។ យោងតាមតារាងកំណត់តម្លៃថ្មីរបស់ក្រសួងពាណិជ្ជកម្មបានបង្ហាញថា តម្លៃប្រេងសាំងធម្មតាបានកើនឡើង ៤៥០ រៀល ដល់ ៥,២៥០
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ក្រុមហ៊ុន Hyundai Cambodia បានបង្ហាញរថយន្តស៊េរីថ្មីជាប្រភេទរថយន្តអគ្គិសនី គឺ Hyundai ELEXIO នៅលើទីផ្សារប្រទេសកម្ពុជា ដោយរំពឹងថារថយន្តប្រភេទថ...
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្ត...
គាំទ្រជីវភាពពលរដ្ឋ ក្នុងពេលតម្លៃប្រេងសកលឡើងថ្លៃខ្ពស់
(បាត់ដំបង/ប៉ៃលិន)៖ ក្នុងគោលបំណងបន្តជួយលើកកម្ពស់ជីវភាពរស់នៅរបស់ប្រជាពលរដ្ឋ ជាពិសេសសម្រាប់អតីតពលករពីប្រទេសថៃ និងយុវជនរកការងារធ្វើ ក្រសួងការងារ និងបណ្...
ទីក្រុងសៀងហៃ៖ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជួបពិភាក្សាការងារជាមួយលោកជំទាវ វ៉ាង ស៊ាវភីង (Wang Xiaoping) រដ្ឋមន្រ្តីធនធ...
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អា...
បរទេស៖ សហភាពអឺរ៉ុប និងបណ្តាប្រទេសរបស់អាស៊ានមួយចំនួនកំពុងឈានចូលដល់ដំណាក់កាលចុងក្រោយនៃកិច្ចព្រមព្រៀងពាណិជ្ជកម្មទ្វេភាគី ខណៈដែលអឺរ៉ុប កំពុងព្យាយាមកាត់...
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូង...
កម្មវិធីពិសេសរបស់ AMS ECONOMY
