AMS Economyសម្ដេចតេជោ ហ៊ុន សែន ៖ ព្រឹត្តិការណ៍ឆ្លងកូវីដក្នុងសហគមន៍ ២០កុម្ភៈ បានឈានដល់ទីបញ្ចប់ហើយ
សម្ដេចតេជោ ហ៊ុន សេន នាយករដ្ឋមន្ត្រីនៃកម្ពុជា បានប្រកាសបញ្ចប់ព្រឹត្តិការណ៍ឆ្លងកូវីដក្នុងសហគមន៍ ២០កុម្ភៈ បន្ទាប់ពីកម្ពុជាបានយកឈ្នះ និងកាត់បន្ថយការឆ្លងរីករាលដាលបានយ៉ាងជោគជ័យ។
សម្ដេចតេជោ ហ៊ុន សែន នៅថ្ងៃទី២០ ខែធ្នូ ឆ្នាំ២០២១ តាមរយៈសារជាសម្លេងបានបញ្ជាក់ថា ចាប់តាំងពីមានការឆ្លងជំងឺកូវីដ-១៩ក្នុងសហគមន៍កាលពីថ្ងៃទី២០ ខែកុម្ភៈ រហូតមកដល់ថ្ងៃទី២០ ខែធ្នូ ឆ្នាំ២០២១នេះ មានរយៈពេល១០ខែ ដែលបានធ្វើឲ្យប្រជាពលរដ្ឋកម្ពុជាបានឆ្លងកូវីដ-១៩ សរុបចំនួន ១២ម៉ឺន ៤ពាន់ ២៣នាក់ ដោយក្នុងនោះមួយថ្ងៃមានអ្នកឆ្លងរាប់រយនាក់ ហើយមានកអ្នកស្លាប់រាប់សិបនាក់ ហើយមានឆ្លងរហូតដល់ជាង១០០០នាក់ក្នុងមួយថ្ងៃក៏មាន ប៉ុន្តែក្រោមការអនុវត្តនូវវិធានការនានា ចំនួនអ្នកឆ្លងបានធ្លាក់ចុះជាបន្តបន្ទាប់ ជាពិសេសនៅថ្ងៃនេះចំនួនអ្នកឆ្លងបានធ្លាក់ចុះមកនៅក្រោម២ខ្ទង់ បានន័យថា ក្រោយ១០នាក់ក្នុងមួយថ្ងៃ។
សម្ដេចតេជោ បានបន្តថា ៖
«នៅថ្ងៃនេះចំនួនអ្នកឆ្លងបានបន្តធ្លាក់ចុះក្រោម១០នាក់ និងមិនមានអ្នកស្លាប់ដោយសារជំងឺកូវីដ-១៩នោះទេ។ ការកាត់បន្ថយនេះវាមិនធំ គឺយើងមិនមានជោគជ័យទេនៅលើជំងឺនេះ តែក៏អាចនិយាយបានថាជាជោគជ័យនៃការទប់ស្កាត់មិនឲ្យយើងធ្លាក់ទៅក្នុងជ្រោះមរណៈ ដែលយើងមានការបារម្ភខ្លាំងក្នុងពេលចូលឆ្នាំប្រពៃណីជាតិរបស់យើង ដែលនាំទៅដល់ការបិទខ្ទប់នៅទីក្រុងភ្នំពេញ និងនៅទីក្រុងតាខ្មៅ ព្រមទាំងការបិទខ្ទប់ រារាំងការធ្វើដំណើរពីខេត្តមួយទៅកាន់ខេត្តមួយ ដែលពេលនោះបង្ករការលំបាកជាខ្លាំងសម្រាប់ទាំងរដ្ឋ ទាំងប្រជាពលរដ្ឋរបស់យើង»
សម្ដេចបានបន្តថា ៖
«ជាមួយនឹងការខិតខំប្រយុទ្ធនឹងជំងឺនេះ យើងបានស្វះស្វែងដើម្បីរកបានវ៉ាក់សាំងចាក់ជូនប្រជាពលរដ្ឋរបស់យើងឲ្យទាន់ពេលវេលា។ វ៉ាក់សាំងបានជួយជីវិតរបស់ប្រជាពលរដ្ឋយើង ដែលខ្ញុំ ព្រះករុណាខ្ញុំពិតជាអរគុណ ជាមួយនឹងការខិតខំប្រឹងប្រែងទាំងអស់របស់មន្ត្រីរាជការ កងកម្លាំងប្រដាប់អាវុធ អជ្ញាធរដែនដីគ្រប់លំដាប់ថ្នាក់គ្រប់ស្ថាប័ន ជាពិសេសស្ថាប័នសុខាភិបាល ក៏ដូចជាក្រុមគ្រូពេទ្យដែលចូលរួមប្រយុទ្ធជាមួយនឹងជំងឺកូវីដ-១៩ដែលបងប្អូនប្រជាពលរដ្ឋយើងប្រសិទ្ធនាមហៅថា «កងទ័ពអាវស»។ ខ្ញុំ ព្រះករុណាខ្ញុំពិតជាមានមោទនភាពជាមួយនឹងស្ថាប័នសេនាធិការទាំងអស់ដែលចូលរួមជ្រោមជ្រែងជាមួយខ្ញុំក្នុងការដឹកនាំ នូវយុទ្ធនាការនៃការប្រយុទ្ធក្នុងព្រឹត្តិការណ៍២០កុម្ភៈនេះ។ ខ្ញុំ ព្រះករុណាខ្ញុំក៏សុំយកឱកាសនេះថ្លែងចំពោះប្រទេសជាមិត្ត ជាពិសេសសាធារណៈរដ្ឋប្រជាមានិតចិនដែលជាបង្អែកយុទ្ធសាស្ត្រសម្រាប់ការផ្គត់ផ្គង់វ៉ាក់សាំងចំពោះយើង»
សម្ដេចបន្តថា ៖
«ខ្ញុំ ព្រះករុណាខ្ញុំ សូមអរគុណចំពោះសហរដ្ឋអាមេរិក ចំពោះប្រទេសជប៉ុន ចំពោះប្រទេសអង់គ្លេស និងប្រទេសហូឡង់ ដែលបានបញ្ជូនវ៉ាក់សាំងមកជួយដល់កម្ពុជា ហើយសង្ឃឹមថា នៅថ្ងៃអាទិត្យខាងមុខនេះ វ៉ាក់សាំងរបស់ប្រទេសអូស្ត្រាលី នឹងបញ្ជូនមកដល់កម្ពុជា…យប់ថ្ងៃទី២៦ និងថ្ងៃទី២៨ ប្រមានជា ២លាន ៣សែនដូសថែមទៀត។ ធាតុផ្សំក្នុងសហគមន៍នោះឯងដែលកាត់បន្ថយបាននូវការឆ្លង និងការស្លាប់ ព្រោះដោយសារឥទ្ធិពលនៃវ៉ាក់សាំងនេះហើយ ទើបយើងកាត់បន្ថយបាននូវចំនួនឆ្លង ហើយបើឆ្លងហើយមិននាំទៅដល់ភាពធ្ងន់ធ្ងរ និងឈានទៅដល់ការស្លាប់នោះទេ។ ដោយឡែកសម្រាប់អ្នកដែលបានមរណៈទៅ ខ្ញុំ ព្រះករុណាខ្ញុំសូមសម្ដែងនូវមរណៈទុក្ខ ចំពោះគ្រួសារសព វាជាការគួរឲ្យសោកស្តាយ តែយើងសង្កេតឃើញថា អ្នកដែលបានស្លាប់ ភាគច្រើនជាអ្នកដែលមានជំងឺរាំរ៉ៃ មនុស្សចាស់ ហើយបន្ថែមទៅដោយជំងឺកូវីដ-១៩ ទើបធ្វើឲ្យពួកគាត់លាចាកលោកនេះទៅ»
ជាមួយគ្នានេះ សម្ដេចក៏បានថ្លែងការកោតសរសើរចំពោះប្រជាពលរដ្ឋកម្ពុជាដែលបានគាំទ្រចំពោះយុទ្ធនាការទាំងឡាយក្នុងការការពារ វិធានការសុខាភិបាល ជាពិសេស ៣កុំ និង៣ការពារ ហើយកាន់តែពិសេសទៅទៀត គឺការចូលរួមទទួលយកវ៉ាក់សាំង ដើម្បីការពារខ្លួន ដែលរហូតមកដល់ពេលនេះ ចាក់បានរហូតដល់ជាង១៤លាននាក់ ដែលគិតជាភាគរយជិត៨៩ភាគរយនៅទូទាំងប្រទេស ហើយចំនួននេះនៅមិនទាន់គិតបញ្ចូលចំនួនប្រជាពលរដ្ឋកម្ពុជាដែលបានទទួលចាក់វ៉ាក់សាំងនៅក្នុងប្រទេសថៃ នៅសាធារណៈរដ្ឋកូរ៉េ នៅជប៉ុន និងនៅប្រទេសមួយចំនួនទៀតនៅឡើយ។
សម្ដេចតេជោ ហ៊ុន សែន បានបញ្ជាក់ទៀតថា ៖
«ថ្ងៃនេះ ខ្ញុំ ព្រះករុណាខ្ញុំ សូមប្រកាសបិទបញ្ចប់ព្រឹត្តិការណ៍២០កុម្ភៈ មិនមែនមានន័យថា ប្រកាសបញ្ចប់ការប្រយុទ្ធប្រឆាំងនឹងជំងឺកូវីដ-១៩នោះទេ យើងគ្រាន់តែប្រកាសបញ្ចប់នូវព្រឹត្តិការណ៍២០កុម្ភៈ ក៏ប៉ុន្តែការប្រយុទ្ធនឹងជំងឺកូវីដ-១៩ នៅតែជាកិច្ចការបន្តទៀត ដែលកិច្ចការនេះមិនអាចធ្វេសប្រហែសបាននោះទេ សូមកុំឲ្យកើតមាននូវព្រឹត្តិការណ៍ដទៃទៀត សុំឲ្យការធ្លាក់ចុះនូវការឆ្លង ធ្លាក់ចុះនូវការស្លាប់ និងឈានទៅរកអត្រាសូន្យនៃការស្លាប់នេះឲ្យបានបន្តទៀត»
តាមរយៈសារជាសម្លេងពិសេសផ្ញើជូនជនរួមជាតិដដែលនេះ សម្តេចតេជោ ហ៊ុន សែន ក៏បានក្រើនរំលឹកដល់ប្រជាពលរដ្ឋផងដែរថា ទោះបីព្រឹត្តិការណ៍សហគមន៍២០កុម្ភៈ ត្រូវបានប្រកាសបិទបញ្ចប់ទៅហើយក្តី តែការប្រយុទ្ធប្រឆាំងនឹងជំងឺកូវីដ-១៩ នៅតែជាកិច្ចការបន្តទៅមុខជានិច្ចតាមរយៈការអនុវត្តន៍វិធានសុខាភិបាល និងជំរុញការចាក់វ៉ាក់សាំង។
សម្តេចតេជោនាយករដ្ឋមន្ត្រី បានគូសបញ្ជាក់បែបនេះ
«យើងគ្រាន់តែប្រកាសបិទបញ្ចប់ព្រឹត្តិការណ៍២០កុម្ភៈ ក៏ប៉ុន្តែការប្រយុទ្ធនឹងជំងឺកូវីដ-១៩ នៅតែជាកិច្ចការបន្តតទៅទៀត។ កិច្ចការនេះមិនអាចធ្វេសប្រហែសបានទេ សូមកុំឱ្យកើតមាននូវព្រឹត្តិការណ៍ដទៃទៀត សូមឱ្យការធ្លាក់ចុះនៃការឆ្លង ធ្លាក់ចុះនៃការស្លាប់ នឹងឈានទៅរកអត្រាសូន្យនៃការស្លាប់នេះនឹងនៅបន្តទៀត តាមរយៈការខិតខំរបស់ប្រជាជនម្នាក់ៗ គ្រួសារនីមួយៗ សហគមន៍នីមួយៗក្នុងការអនុវត្តន៍វិធានការសុខាភិបាល ជាមួយនឹងការខិតខំរបស់ក្រសួងសុខាភិបាល ក្នុងការចាក់វ៉ាក់សាំងបន្តសម្រាប់អ្នកមិនទាន់បានចាក់»
សម្តេចតេជោ ហ៊ុន សែន បានស្នើលោកឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ព្រមទាំងលោក ម៉ម ប៊ុនហេង រដ្ឋមន្ត្រីក្រសួងសុខាភិបាល ព្រមទាំងគណៈកម្មការចំពោះកិច្ចពិនិត្យលទ្ធភាពនានា ជំរុញការចាក់វ៉ាក់សាំងដូសជំរុញ ឬដូសទី៣ ឱ្យបានសម្រេចតាមការកំណត់។
សម្តេចតេជោ ហ៊ុន សែន ក៏បានអំពាវនាវជាថ្មីម្តងទៀតដល់ប្រជាពលរដ្ឋឱ្យបង្កើនការប្រុងប្រយ័ត្នខ្ពស់ការពារអាយុជីវិតខ្លួនឯង គ្រួសារ និងរួមចំណែកការពារសហគមន៍ ក៏ដូចជាការពារប្រទេស ដើម្បីធ្វើឱ្យការបើកដំណើរការសេដ្ឋកិច្ចសង្គមឡើងវិញប្រព្រឹត្តទៅដោយរលូនដូចរយៈពេលកន្លងទៅ៕
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
មហាយក្សចិន-អាម៉េរិក បង្ហាញពីកិច្ចទំនាក់ទំនងដ៏ស៊ីជម្រៅមិនអាចកាត់ផ្ដាច់គ្នាបាន
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្តែប្រសិនបើគេក្រឡេកទៅមើលតួលេខជាក់ស្តែងនៃកិច្ចសហប្រតិបត្តិការវិញ បានបង្ហាញយ៉ាងច្បាស់ថា ប្រទេសទាំងពីរមានទំនាក់ទំនងទាំងផ្នែកសេដ្ឋកិច្ច ទាំងប្រជាជាតិយ៉ាងស៊ីជម្រៅដែលមិនអាចកាត់ផ្តាច់ពីគ្នាបានឡើយ។ ចុងក្រោយនេះ ក្រោមការសម្របសម្រួលតាមរយៈការទូតរបស់ប្រមុខរដ្ឋនៅក្នុងដំណើរទស្សនកិច្ចកំពូលទៅវិញទៅមកភាគីទាំងពីរបានបញ្ជាក់ជាថ្មីនូវការប្តេជ្ញាចិត្តក្នុងការកសាងទំនាក់ទំនងទ្វេភាគីក្នុងន័យស្ថាបនា ដើម្បីរក្សាស្ថិរភាពជាយុទ្ធសាស្ត្រ។ សារព័ត៌មាន China Daily បានចេញផ្សាយថា ទំហំពាណិជ្ជកម្មរវាងចិន និងអាមេរិក
ចិន កំពុងស្ថិតក្នុងការសង្ស័យថា លួចសិក្សាពីបច្ចេកវិទ្យាទំនើបនៃយន្តហោះចម្បាំង F-35 របស់អាម៉េរិក
ព្រឹត្តិការណ៍, អាជីវកម្មថ្មី និងនវានុវត្ត
• 25/09/2026
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អាម៉េរិក។ ហេតុការណ៍នេះបានកើតឡើងកាលពីដើមឆ្នាំ២០២៦នេះ ប៉ុន្តែទើបតែត្រូវបានយកចេញផ្សាយកាលពីពេលថ្មីៗនេះ។ ដោយដកស្រង់ចេញពី Bloomberg និង Politico បានឱ្យដឹងថា ឧប្បទេវហេតុខាងលើនេះបានកើតឡើងនៅក្នុងពេលដែលការដឹកជញ្ជូនគ្រឿងបន្លាស់យន្តហោះដែលមានបញ្ហាយកមកពីប្រទេសអូស្ត្រាលីត្រូវបញ្ជូនទៅសហរដ្ឋអាមេរិក ប៉ុន្តែចៃដន្យបែរជាបង្វែរទិសដៅដោយគ្មានការគ្រោងទុកទៅកាន់ក្រុងហុងកុងទៅវិញ។ សមាសភាគបំណែកយន្តហោះចម្បាំងបំបាំងកាយ F-35 ដែលត្រូវបានដឹកជញ្ជូនដោយក្រុមហ៊ុន UPS រួមមានដូចជា ដំបូលកញ្ចក់កាប៊ីន
ហេតុផលនៅពីក្រោយតម្លៃប្រេងនៅកម្ពុជាបន្តឡើងថ្លៃ ខណៈតម្លៃប្រេងឆៅលើទីផ្សារអន្តរជាតិធ្លាក់ចុះ
Top News, ព្រឹត្តិការណ៍, សេដ្ឋកិច្ច
• 25/09/2026
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូងសមុទ្របានធូរស្រាលក្រោយកិច្ចចរចារវាងអុីរ៉ង់ ជាមួយនឹងសហរដ្ឋអាមេរិក ក៏ប៉ុន្តែ នៅឯកម្ពុជាវិញ នៅមិនទាន់អាចរក្សាកំណត់ត្រាវិជ្ជមានរបស់ខ្លួនបានឡើយដោយសារខ្លួនពឹងផ្អែកទាំងស្រុកលើការនាំចូលប្រេងចម្រាញ់រួចពីទីផ្សារសិង្ហបុរី ដែលអ្នកផ្គត់ផ្គង់នៅទីនោះ មិនទាន់អាចទិញប្រេងឆៅទៅតាមតម្លៃដែលបានប្រកាសចុះបានភ្លាមៗ។ ដូច្នេះហើយ អ្នកប្រើប្រាស់នៅកម្ពុជាត្រូវប្រឈមនឹងការឡើងថ្លៃយ៉ាងគំហុកនៅតាមស្ថានីយប្រេងឥន្ធនៈ ស្របតាមតារាងកំណត់តម្លៃថ្មីរបស់ក្រសួងពាណិជ្ជកម្ម។ យោងតាមតារាងកំណត់តម្លៃថ្មីរបស់ក្រសួងពាណិជ្ជកម្មបានបង្ហាញថា តម្លៃប្រេងសាំងធម្មតាបានកើនឡើង ៤៥០ រៀល ដល់ ៥,២៥០
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បរទេស ៖ ថ្វីបើស្ថានភាពនយោបាយ និងកម្ដៅនៃភាពតានតឹងផ្នែកពាណិជ្ជកម្ម រវាងមហាយក្សចិន និងសហរដ្ឋអាមេរិក ហាក់កើនឡើងដោយប្រយោលនៅលើឆាកអន្តរជាតិក៏ពិតមែន ប៉ុន្ត...
គាំទ្រជីវភាពពលរដ្ឋ ក្នុងពេលតម្លៃប្រេងសកលឡើងថ្លៃខ្ពស់
(បាត់ដំបង/ប៉ៃលិន)៖ ក្នុងគោលបំណងបន្តជួយលើកកម្ពស់ជីវភាពរស់នៅរបស់ប្រជាពលរដ្ឋ ជាពិសេសសម្រាប់អតីតពលករពីប្រទេសថៃ និងយុវជនរកការងារធ្វើ ក្រសួងការងារ និងបណ្...
ទីក្រុងសៀងហៃ៖ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជួបពិភាក្សាការងារជាមួយលោកជំទាវ វ៉ាង ស៊ាវភីង (Wang Xiaoping) រដ្ឋមន្រ្តីធនធ...
បរទេស ៖ មានការភ័ន្តច្រឡំក្នុងការដឹកជញ្ជូនដ៏ធំមួយដែលបណ្តាលឱ្យអាជ្ញាធរចិនទទួលបានសមាសភាគមួយចំនួននៃបំណែកយន្តហោះចម្បាំងបំបាំងកាយ F-35 ដ៏ទំនើបបំផុតរបស់អា...
បរទេស៖ សហភាពអឺរ៉ុប និងបណ្តាប្រទេសរបស់អាស៊ានមួយចំនួនកំពុងឈានចូលដល់ដំណាក់កាលចុងក្រោយនៃកិច្ចព្រមព្រៀងពាណិជ្ជកម្មទ្វេភាគី ខណៈដែលអឺរ៉ុប កំពុងព្យាយាមកាត់...
ភ្នំពេញ ៖ តម្លៃប្រេងឆៅនៅលើទីផ្សារពិភពលោកក្នុងរយៈពេលប៉ុន្មានថ្ងៃចុងក្រោយនេះបានធ្លាក់ចុះ ជាពិសេសនៅក្នុងសប្តាហ៍ទី៤ នៃខែកញ្ញា ដោយសារភាពតានតឹងនៅតំបន់ឈូង...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦ តំបន់សេដ្ឋកិច្ចពិសេសរបស់ក្រុមហ៊ុនរ៉ូយ៉ាល់គ្រុបចំនួនពីរ រួមមានតំបន់សេដ្ឋកិច្ចពិសេសរ៉ូយ...
កម្មវិធីពិសេសរបស់ AMS ECONOMY
