AMS Economyកូរ៉េខាងត្បូងពិន័យGoogle១៧៧លានដុល្លារពីបទរារាំងការអភិវឌ្ឍន៍កម្មវិធីប្រព័ន្ធប្រតិបត្តិការ Android
បរទេស ៖ រដ្ឋាភិបាលប្រទេសកូរ៉េខាងត្បូងពិន័យក្រុមហ៊ុន Google ជាទឹកប្រាក់ចំនួន ១៧៧ លានដុល្លារអាមេរិក ពីបទរារាំងបង្អាក់ការអភិវឌ្ឍន៍កម្មវិធីរបស់គូប្រជែងក្នុងប្រព័ន្ធប្រតិបត្តិការ Android ដោយគាំទ្រដល់យុទ្ធនាការមួយផ្តោតលើភាពលេចធ្លោរបស់ខ្លួនលើកម្មវិធី (សូហ្វហ្វ៊ែរ)របស់ស្មាតហ្វូន។
ក្រុមនិយ័តករបានចោទប្រកាន់ក្រុមហ៊ុនបច្ចេកវិទ្យា Google ដែលធ្វើប្រព័ន្ធប្រតិបត្តិការ Android លើទូរស័ព្ទស្មាតហ្វូនជាង ៨០ ភាគរយនៅជុំវិញពិភពលោកពីបទប្រើប្រាស់អំណាចចរចារបស់ខ្លួនដើម្បីកំចាត់ការប្រកួតប្រជែង ក្រោយចាប់ផ្តើមស៊ើបអង្កេតលើការអនុវត្តដោយមិនស្មើភាពគ្នាដែលពាក់ព័ន្ធនឹងក្រុមហ៊ុនអាមេរិកមួយនេះចាប់តាំងពីឆ្នាំ ២០១៦មក។
គណៈកម្មការពាណិជ្ជកម្មយុត្តិធម៌កូរ៉េ (KFTC) រកឃើញថា ក្រុមហ៊ុន Google ប្រើកិច្ចព្រមព្រៀងប្រឆាំងការបែកបាក់ (AFA) ដើម្បីបង្កើនភាពលេចធ្លោនៃទីផ្សាររបស់ខ្លួនចាប់តាំងពីឆ្នាំ ២០១១មក ដោយរារាំងអ្នកផលិតឧបករណ៍ពីការអភិវឌ្ឍន៍កម្មវិធី ឬប្រើកម្មវិធីដែលបានកែប្រែរបស់ប្រព័ន្ធប្រតិបត្តិការ Android ។ ក្រុមអ្នកឃ្លាំមើលនេះ ហាមឃាត់ Google ពីការបង្ខំឱ្យក្រុមហ៊ុនផលិតដូចជា Samsung Electronics Co និង LG Electronics Inc ចុះហត្ថលេខាលើកិច្ចសន្យា AFA និងបញ្ជាឱ្យកែប្រែអ្វីដែលមានស្រាប់។
កាលពីខែសីហា កូរ៉េខាងត្បូងក្លាយជាប្រទេសដំបូងគេ ដែលអនុម័តច្បាប់ដើម្បីដាក់កំហិតលើគោលនយោបាយទូទាត់ប្រាក់របស់ Apple Inc និង Google ដែលបង្ខំឱ្យអ្នកអភិវឌ្ឍន៍កម្មវិធីប្រើតែប្រព័ន្ធទូទាត់ប្រាក់តាមក្រុមហ៊ុនរបស់ខ្លួន។ ច្បាប់នេះចូលជាធរមាននៅថ្ងៃ ១៤ កញ្ញានេះ អនុញ្ញាតឱ្យអ្នកអភិវឌ្ឍន៍កម្មវិធីចៀសវាងការបង់កម្រៃជើងសារដល់ប្រតិបត្តិករធំៗទាំងនេះ និងអាចឱ្យអ្នកប្រើប្រាស់បង់ប្រាក់តាមរយៈប្រព័ន្ធផ្សេងៗវិញ។ ការបញ្ជាឱ្យបង់ប្រាក់ពីនិយតករកាលពីថ្ងៃអង្គារនេះ គឺជាការពិន័យខ្ពស់បំផុតមួយនៅក្នុងប្រទេសពីការរំលោភបំពានលើការត្រួតត្រាទីផ្សារ ដោយមានតែក្រុមហ៊ុនផលិតឈីបសឺម៉ីកុងឌុចទ័រ Qualcomm Inc ប៉ុណ្ណេះដែលធ្លាប់រងទណ្ឌកម្មខ្ពស់ជាងនេះ។
អ្នកស្រី Kim Min-jeong មន្រ្តីម្នាក់របស់ KFTC និយាយថា ចំនួនទឹកប្រាក់ដែលប្រកាសដោយគណៈកម្មការរបស់អ្នកស្រី គឺផ្អែកលើការរកប្រាក់ចំណូលដែល Google រកបាននៅកូរ៉េខាងត្បូងចាប់តាំងពីឆ្នាំ ២០១១ ដល់ខែមេសា។ អ្នកស្រីថា ការផាកពិន័យដែលអាចប្រកាសនៅខែតុលា ឬខែវិច្ឆិកា អាចខ្ពស់ជាងនេះបន្តិច។
ក្រុមហ៊ុន Google ឆ្លើយតបវិញដោយនិយាយថា ប្រព័ន្ធប្រតិបត្តិការ Android បានពន្លឿនការច្នៃប្រឌិតរួមទាំងក្នុងចំណោមក្រុមហ៊ុនកូរ៉េ និងធ្វើឱ្យបទពិសោធន៍អ្នកប្រើប្រាស់កាន់តែប្រសើរឡើង ហើយថាខ្លួននឹងប្តឹងឧទ្ធរណ៍ចំពោះការសម្រេចចិត្តនេះ។ ក្រុមហ៊ុននិយាយនៅក្នុងសេចក្ដីថ្លែងការណ៍ថា៖
«សេចក្តីសម្រេចរបស់ KFTC មិនអើពើនឹងអត្ថប្រយោជន៍ទាំងនេះ ហើយនឹងធ្វើឱ្យខូចគុណប្រយោជន៍ដែលអ្នកប្រើប្រាស់»
តែយ៉ាងណាមិញ អ្នកស្រី Joh Sung-wook ប្រធានគណៈកម្មការពាណិជ្ជកម្មយុត្តិធម៌កូរ៉េ ហៅកាត់ថា KFTC និយាយថា៖
«សកម្មភាពរបស់គណៈកម្មការពាណិជ្ជកម្មយុត្តិធម៌ មិនត្រូវបានកំណត់ចំពោះតែឧបករណ៍ចល័តនោះទេ ប៉ុន្តែវិធានការកែតម្រូវនេះរួមមានទាំងឧបករណ៍ឆ្លាតវៃផ្សេងទៀតដូចជានាឡិកាឆ្លាតវៃ និងទូរទស្សន៍ឆ្លាតវៃជាដើម»
លោកស្រីបន្តថា៖
«ដូច្នេះ យើងរំពឹងថាការបង្កើតថ្មីនឹងកើតឡើងនៅពេលដែលសម្ពាធប្រកួតប្រជែងនៅក្នុងវិស័យនេះត្រូវបានធ្វើឱ្យសកម្ម»
និយតករកូរ៉េបានបង្កើនការត្រួតពិនិត្យលើក្រុមហ៊ុនបច្ចេកវិទ្យាយក្សនៅឆ្នាំនេះ រួមទាំងក្រុមហ៊ុនក្នុងស្រុកផងដែរ។ ការការពារអ្នកប្រើប្រាស់ គឺជាចំណុចប្រសព្វនៃវិធានការដែលត្រូវបានរចនាឡើងដើម្បីទប់ស្កាត់អំណាចគ្រប់គ្រងទីផ្សាររបស់ក្រុមហ៊ុនធំៗ ជាពិសេសក្នុងការអភិវឌ្ឍន៍វិស័យដូចជាសេវាកម្មបច្ចេកវិទ្យាហិរញ្ញវត្ថុ (Fintech Services)ជាដើម។
ថ្មីៗនេះ ក្រុមហ៊ុន Kakao Corp និងបុត្រសម្ព័ន្ធរបស់ខ្លួនផ្សេងទៀត ខាតបង់តម្លៃទីផ្សារជាទឹកប្រាក់ជាង ១៦ ពាន់លានដុល្លារ ក្រោយវិនិយោគិនស្ថាប័នបរទេសនិងក្នុងស្រុកបោះចោលភាគហ៊ុនរបស់ខ្លួន បន្ទាប់ពីសមាជិកសភាល្បីៗហៅក្រុមហ៊ុនធ្វើប្រតិបត្តិការផ្ដល់សេវាកម្មផ្ញើសារ និងបណ្តាញសង្គមធំបំផុតរបស់ប្រទេសមួយនេះថាជា «និមិត្តសញ្ញានៃការលោភលន់»។
និយតករកូរ៉េនិយាយថា ភាពលេចធ្លោនៃទីផ្សាររបស់ Google នៅក្នុងសង្វៀនទូរស័ព្ទចល័តត្រូវបានពង្រឹងដោយសារតែការរាំងស្ទះដៃគូប្រកួតប្រជែងរបស់ខ្លួន។ ក្រុមហ៊ុន Amazon.com Inc និង Alibaba Group Holding Ltd បរាជ័យក្នុងការបើកដំណើរការអាជីវកម្មទូរស័ព្ទចល័ត ខណៈពេលដែល Samsung និង LG មិនអាចបញ្ចេញឧបករណ៍ដូចជានាឡិកាឆ្លាតវៃ និងឧបករណ៍បំពងសម្លេងជាមួយសេវាកម្មថ្មីទាន់ពេលវេលា ដោយសារតែការរាំងស្ទះរបស់ Google។
ក្រៅពីនេះ KFTC កំពុងស៊ើបអង្កេតករណី ៣ ផ្សេងទៀតដែលទាក់ទងនឹង Google និងការរឹតត្បិតការប្រកួតប្រជែងនៅក្នុងទីផ្សារកម្មវិធី Play Store ការទិញក្នុងកម្មវិធី និងទីផ្សារផ្សាយពាណិជ្ជកម្ម។
ប្រភព៖
- South Korea fines Google over Android smartphone dominance and anti-fragmentation agreements with smartphone makers https://www.scmp.com/tech/big-tech/article/3148668/south-korea-fines-google-over-android-smartphone-dominance-and-anti?utm_source=Twitter&utm_medium=Social&utm_content=article
- S. Korea to fine Google US$177 million for forcing software on devices https://www.shine.cn/biz/tech/2109145035/
- South Korea passes bill limiting Apple and Google control over app store payments https://www.cnbc.com/2021/08/31/south-korea-first-country-to-curb-google-apples-in-app-billing-policies.html
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋមន្ត្រីពាណិជ្ជកម្ម ៖ កិច្ចព្រមព្រៀង DEFA រំពឹងជួយជំរុញទំហំសេដ្ឋកិច្ចឌីជីថលអាស៊ានកើនឡើង ២ទ្រីលានដុល្លារអាម៉េរិក ក្នុងឆ្នាំ២០៣០
ជំនួញ, ព្រឹត្តិការណ៍, សេដ្ឋកិច្ច
• 14/09/2026
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទៅលើការជួយសម្រួល និងពង្រឹងពាណិជ្ជកម្មតាមប្រព័ន្ធឌីជីថល និងសេដ្ឋកិច្ចឌីជីថលរវាងប្រទេសសមាជិកអាស៊ានទាំង១០ ។ កិច្ចព្រមព្រៀងនេះ គ្រោងនឹងចុះហត្ថលេខានៅអំឡុងខែវិច្ឆិកាខាងមុខនេះក្នុងកិច្ចប្រជុំកំពូលអាស៊ាននៅប្រទេសហ្វីលីពីន ដោយរំពឹងថា វានឹងជំរុញការធ្វើសេដ្ឋកិច្ចអនឡាញកើនឡើងទ្វេដង។ លោកជំទាវ
ចិន បង្ហាញគោលបំណងពង្រឹងតួនាទីមាស និងប្រាក់យ័នរបស់ខ្លួន នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS
ព្រឹត្តិការណ៍, អាជីវកម្មថ្មី និងនវានុវត្ត
• 14/09/2026
បរទេស ៖ នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS ដែលប្រព្រឹត្តទៅនៅក្នុងប្រទេសឥណ្ឌាកាលពីថ្ងៃចុងសប្តាហ៍កន្លងទៅនេះ រដ្ឋាភិបាលក្រុងប៉េកាំង បានបង្ហាញពីគោលបំណងពង្រឹងនូវតួនាទីរបស់មាសនៅក្នុងពិភពលោក ខណៈដែលខ្លួនកំពុងបង្កើនស្តុកទុកមាសដ៏សន្ធឹកសន្ធាប់ និងចង់ជំរុញការប្រើប្រាស់រូបិយប័ណ្ណជាតិ(លុយយ័ន)ឱ្យកាន់តែច្រើនឡើង ព្រមទាំងទទួលយកប្រព័ន្ធទូទាត់ប្រាក់ជម្រើសថ្មីៗផងដែរសម្រាប់សមាជិក និងដៃគូពាណិជ្ជកម្មដែលបានចូលរួម។ អត្ថបទមួយដែលបានចេញផ្សាយដោយកាសែតប៊ុលហ្គារី Novinata បានសរសេរថា ប្រទេសចិន នៅតែបន្តបង្កើនការស្តុកទុកមាសរបស់ខ្លួន ព្រមទាំងខិតខំពង្រីកឥទ្ធិពលទីផ្សារនៃការប្រើប្រាស់ប្រាក់យ័ននៅលើឆាកអន្តរជាតិឱ្យកាន់តែទូលាយ ដើម្បីអាចកាត់បន្ថយការពឹងផ្អែកលើប្រាក់ដុល្លារអាមេរិក ដែលកំពុងក្ក្លាយជាប្រធានបទដ៏សំខាន់មួយសម្រាប់បណ្តាប្រទេសកំពុងអភិវឌ្ឍន៍ ជាពិសេសគឺ
ក្រសួងរៀបចំដែនដីបង្ហាញទិសដៅថ្មីក្នុងការគ្រប់គ្រងតំបន់អង្គរ ដើម្បីពលរដ្ឋងាយស្រួលរស់នៅ និងប្រកបរបរចិញ្ចឹមជីវិត
Top News, ព្រឹត្តិការណ៍, សេដ្ឋកិច្ច
• 14/09/2026
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និងផ្តល់ភាពកក់ក្តៅដល់ពលរដ្ឋក្នុងការរស់នៅ និងប្រកបមុខរបរចិញ្ចឹមជីវិតឱ្យប្រសើរ។ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវទស្សនទាន និងយុទ្ធសាស្ត្រគន្លឹះថ្មីក្នុងការគ្រប់គ្រង និងអភិវឌ្ឍតំបន់អង្គរ តាមរយៈការថ្លឹងថ្លែងឱ្យមានតុល្យភាពរវាង «ការអភិរក្សមរតកដូនតា» និង «សុខុមាលភាព
ឥណ្ឌា ពីប្រទេសនាំចូល ក្លាយជាអ្នកនាំចេញផ្នែកសព្វាវុធដ៏សំខាន់មួយក្នុងទីផ្សារពិភពលោក
ព្រឹត្តិការណ៍, អាជីវកម្មថ្មី និងនវានុវត្ត
• 14/09/2026
បរទេស ៖ ជាប្រវត្តិសាស្ត្រ ឥណ្ឌា ត្រូវបានគេស្គាល់ថា ជាប្រទេសនាំចូលសម្ភារៈយុទ្ធភណ្ឌយោធាដ៏ធំបំផុតមួយក្នុងពិភពលោក ប៉ុន្តែបច្ចុប្បន្ន ទីក្រុងញូវដេលី បាន និងកំពុងកែប្រែប្រវត្តិសាស្ត្រក្នុងវិស័យការពារជាតិរបស់ខ្លួនយ៉ាងឆាប់រហ័ស ដោយក្លាយខ្លួនទៅជាប្រទេសនាំចេញសព្វាវុធដ៏សំខាន់នៅលើឆាកអន្តរជាតិទៅវិញ។ ទិដ្ឋភាពនៃការផលិតក្នុងវិស័យការពារជាតិរបស់ប្រទេសឥណ្ឌា កំពុងមានការផ្លាស់ប្តូរទម្រង់យ៉ាងជ្រាលជ្រៅ គិតតាំងពីការផ្លាស់ប្តូរគោលនយោបាយយុទ្ធសាស្ត្រ ការជំរុញផលិតកម្មក្នុងស្រុកយ៉ាងសកម្ម កំណើនវិនិយោគពីវិស័យឯកជន ជាពិសេស ឧស្សាហកម្មនៃការផលិតក្នុងវិស័យការពារជាតិសរុបរបស់ឥណ្ឌាបានកើនឡើងដល់ជិត ១៨,៦ ពាន់លានដុល្លារនៅក្នុងផែនការថវិកាឆ្នាំជាតិ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្តេជ្ញាដើរតួនាទីនាំមុខក្នុងការជំរុញកិច្ចសហប្រតិបត្តិការ និងការអភិវឌ្ឍបញ្ញាសិប្បនិម្មិត (AI) ក្នុងចំណោមប្រទេសកំពុងអភិវឌ្ឍន៍ ខណៈទីក្រុងប៉េកាំងកំព...
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទ...
ក្រសួងទេសចរណ៍កំពុងជំរុញឱ្យអាជីវកម្មទេសចរណ៍នៅខេត្តសៀមរាបចូលរួមកាន់តែច្រើនក្នុងយុទ្ធនាការបញ្ចុះតម្លៃសេវាកម្មទេសចរណ៍ ដើម្បីពង្រ...
បរទេស ៖ នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS ដែលប្រព្រឹត្តទៅនៅក្នុងប្រទេសឥណ្ឌាកាលពីថ្ងៃចុងសប្តាហ៍កន្លងទៅនេះ រដ្ឋាភិបាលក្រុងប៉េកាំង បា...
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និ...
បរទេស ៖ ជាប្រវត្តិសាស្ត្រ ឥណ្ឌា ត្រូវបានគេស្គាល់ថា ជាប្រទេសនាំចូលសម្ភារៈយុទ្ធភណ្ឌយោធាដ៏ធំបំផុតមួយក្នុងពិភពលោក ប៉ុន្តែបច្ចុប្បន្ន ទីក្រុងញូវដេលី បាន...
កម្ពុជា និងម៉ាឡេស៊ីកំពុងជំរុញការពង្រឹងកិច្ចសហប្រតិបត្តិការធុរកិច្ច ពាណិជ្ជកម្ម និងការវិនិយោគ ខណៈទំហំពាណិជ្ជកម្មទ្វេភាគីបានកើ...
ភ្នំពេញ ៖ ក្រសួងពាណិជ្ជកម្ម បានរៀបចំកម្មវិធីជជែកដេញដោលមួយ ដើម្បីជំរុញយុវជនជំនាន់ក្រោយឱ្យមានកិច្ចសន្ទនា ផ្លាស់ប្តូរគំនិត និងពង្រីកការយល់ដឹងស៊ីជម្រៅ ...
កម្មវិធីពិសេសរបស់ AMS ECONOMY
