AMS Economyគម្រោងអភិវឌ្ឍន៍អចលនទ្រព្យចម្រុះលើកដំបូងតម្លៃជាង៦០លានដុល្លារនឹងបង្ហាញខ្លួននៅជើងគីរីរម្យ ខេត្តកំពង់ស្ពឺ
កំពង់ស្ពឺ ៖ គម្រោងអភិវឌ្ឍន៍អចលនទ្រព្យចម្រុះដែលមានតម្លៃសរុបជាង៦០លានដុល្លារ នឹងបង្ហាញខ្លួននៅតំបន់ជើងភ្នំគីរីរម្យ ខេត្តកំពង់ស្ពឺ ដែលកាន់តែជួយលើកសក្ដានុពលតំបន់ និងទាក់ទាញគម្រោងវិនិយោគបន្ថែមទៀត ក្រោមកិច្ចសហការវិនិយោគរួមគ្នារវាងក្រុមហ៊ុនក្នុងស្រុកចំនួន៣ ។
ជាគម្រោងអភិវឌ្ឍន៍ខ្នាតយក្សមិនធ្លាប់មានពីមុនមក ដែលលាតសន្ធឹងលើផ្ទៃដីទំហំជាង៤០ហិចតា ជាមួយនឹងការបោះទុនវិនិយោគសរុបជាង ៦០លានដុល្លារក្នុងការអភិវឌ្ឍន៍នៅក្នុងវិស័យអចលនទ្រព្យចម្រុះ រួមមានតំបន់ទេសចរណ៍កម្សាន្តធម្មជាតិបែបកែច្នៃ ទីតាំងស្ទូចត្រី ផ្ទះលំហែរកាយកម្រិតមធ្យម និងលំដាប់ខ្ពស់ (វីឡាលំហែរ) កន្លែងវាយកូនហ្គោល ផ្សារកសិផលធម្មជាតិ អាងហែលទឹក កន្លែងហាត់ប្រាណ ភោជនីយដ្ឋាន សណ្ឋាគារ បន្ទប់សំណាក់ រួមជាមួយនឹងទីធ្លាបោះតង់ដ៏មានសុវត្ថិភាព។
លោកឧកញ៉ាបណ្ឌិត តេង រិទ្ធី អគ្គនាយកក្រុមហ៊ុនអចលនទ្រព្យ R Investment Group ដែលជាភាហ៊ុនិកមួយក្នុងចំណោម៣ បានមានប្រសាសន៍ថា គម្រោងអភិវឌ្ឍន៍ដ៏ធំមិនធ្លាប់មានមួយនេះមានទីតាំងស្ថិតនៅផ្លូវលេខ៤៦ ឡើងទៅកាន់ឧទ្យានជាតិគិរីរម្យ និងមានឈ្មោះថា « Family Kirirom Resident» នឹងក្លាយជាគម្រោងដ៏ទាក់ទាញលើកដំបូងប្រចាំតំបន់គីរីរម្យ ភូមិថ្មី ឃុំចំបក់ ស្រុកភ្នំស្រួច ខេត្តកំពង់ស្ពឺ។
លោកឧកញ៉ាបានបន្តថា ៖
“ការបណ្ដាក់ទុនខ្នាតធំសម្បើមមួយនេះជាការសហវិនិយោគរួមគ្នារបស់វិនិយោគិនក្នុងស្រុក ជាមួយនឹងក្ដីជឿជាក់ទៅលើភាពល្អប្រសើរនៃផ្សារអចលនទ្រព្យបែបលំហែរដែលនឹងមានភាពពុះកញ្ច្រោលនៅពេលខាងមុខនេះ ខណៈដែលរាជរដ្ឋាភិបាល បាន និងកំពុងយកចិត្តទុកដាក់ក្នុងការបង្កើនភាពទាក់ទាញទេសចរជាតិ និងអន្តរជាតិ ជាមួយនឹងគោលដៅឲ្យបានប្រមាណ ១៥-២០លាននាក់”
លោក សៅ សុវណ្ណារិទ្ធ អគ្គនាយកក្រុម Master Concept និងជាម្ចាស់គម្រោងដ៏ធំនៅគីរីរម្យនេះ បានលើកឡើងថា បន្ទាប់ពីឆ្លងកាត់ការពិភាក្សាជាច្រើនដំណាក់កាល នៅទីបំផុតអគ្គនាយកក្រុមហ៊ុនធំ៣ បានឈានដល់ការចុះកិច្ចព្រមព្រៀងគ្នាជាផ្លូវការហើយ ដើម្បីរួមគ្នាបង្កើតគម្រោងអភិវឌ្ឍន៍ធំមួយ។
លោកបានបន្តថា ៖
“ការចុះហត្ថលេខាព្រៀមព្រៀងសហការវិនិយោគនេះ គឺដើម្បីជំរុញឲ្យគម្រោងនៅគីរីរម្យបង្ហាញខ្លួនឆាប់ៗ និងទទួលបានការគាំទ្រពីសំណាក់សាធារណជន ក៏ដូចជាក្រុមហ៊ុនដៃគូ ស្របពេលដែលគម្រោងក៏មានការប្រកាសដាក់លក់ដីឡូតិ៍ចម្ការលម្ហែកាយ និងដីសម្រាប់គម្រោងវីឡាដ៏ប្រណិត និងអភិវឌ្ឍន៍ឲ្យក្លាយជាតំបន់លម្ហែកាយតែមួយគ្មានពីរនៅច្រកចូលគីរីរម្យ”
លោកថា ៖
“គម្រោងអភិវឌ្ឍនៅលើផ្ទៃដីទំហំជាង៤០ហិកតារនេះ ក្រុមហ៊ុនទាំង៣ បានរួមគ្នាបង្កើតយុទ្ធសាស្ត្រ និងកែប្រែតំបន់នោះឲ្យក្លាយជា ផ្សារកសិផលធ្មជាតិ, ស្រះស្ទួចត្រី, ផ្ទះលំហែសម្រាប់ទទួលអ្នកទេសចរណ៍, ផ្ទះលម្ហែកាយសម្រាប់លក់, ទីតាំងវាយកូនហ្គោល (Golf Driving Range),ក្លឹបហាត់ប្រាណ, អាងហែលទឹក, ប៉មកម្ពស់ ៣៥ម៉ែត្រ ដែលអាចឃើញទិដ្ឋភាពភ្នំគីរីរម្យ និងតំបន់ជំវិញ ដែលមានជណ្ដើរយន្ត ហើយអាចមើលព្រះចន្ទ និងហ្វូងតារា នាពេលរាត្រីផងដែរ“
គួរជម្រាបផងដែរថា គម្រោងយក្សមួយនេះធ្វើឡើងដោយមានការចូលរួមពីក្រុមហ៊ុនធំៗចំនួន៣ គឺក្រុមហ៊ុន R’ Investment Groups ក្រុមហ៊ុន Chhay Hong Co Ltd. និង ក្រុមហ៊ុនMaster Concept ។ នៅក្នុងគម្រោងអភិវឌ្ឍន៍មួយនេះក្រៅមានការអភិវឌ្ឍដូចបានជម្រាបខាងលើក៏មានការបោះទុនបន្ថែមសម្រាប់សាងសង់ស្កាយបារ ,ភោជនីយដ្ឋាន, ហាងកាហ្វេ និងទីធ្លាសម្រាប់រៀបចំកម្មវិធីលម្ហែកាយផ្សេងៗ ដែលកាន់តែបង្កើនការចាប់អារម្មណ៍ និងទាក់ទាញយ៉ាងខ្លាំង៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
ទីផ្សារការងារកម្ពុជា ឆ្នាំ២០២៥ រក្សាភាពរឹងមាំ ខណៈប្រជាជនក្នុងវ័យធ្វើការមានចំនួនប្រមាណ ១៣,១លាននាក់
Top News, ព្រឹត្តិការណ៍, សេដ្ឋកិច្ច
• 04/09/2026
ឆ្នាំ២០២៥ ប្រជាជនក្នុងវ័យធ្វើការមានចំនួនប្រមាណ ១៣,១លាននាក់ (ស្រី ៦,៨លាននាក់ និងប្រុស ៦,៣លាននាក់) ក្នុងនោះរស់នៅតំបន់ជនបទ ៧,៨លាននាក់ និងតំបន់ទីប្រជុំជន ៥,៣លាននាក់
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សហភាពអឺរ៉ុបគ្រោងបង្កើនទុនវិនិយោគនៅកោះហ្រ្គីនឡែន និង ពង្រឹងទំនាក់ទំនងនយោបាយឱ្យកាន់តែជិតស្និទ្ធ ខណៈដែលលោក ដូណាល់ ត្រាំ ទាមទារចង់បានកោះនេះបញ្ចូលជាដែនដ...
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
ចិនគ្រោងនឹងបញ្ចេញថវិកាប្រមាណ ៣៦០ ពាន់លានយន់ ឬស្មើប្រមាណ ៥៤ ពាន់លានដុល្លារ ដើម្បីចាក់បញ្ចូលទៅក្នុងវិស័យហិរញ្ញវត្ថុរបស់ខ្លួន...
ការសិក្សាស្រាវជ្រាវលើកដំបូងនៅកម្ពុជា ស្តីពី «សហគមន៍កសិកម្មទំនើប» បានបង្ហាញថា កសិករដែលចូលរួមក្នុងសហគមន៍ប្រភេទនេះទទួលបានល...
ចាប់ផ្តើមពីអាជីវកម្មគ្រួសារកាលពីឆ្នាំ២០១៦ សិប្បកម្មកែច្នៃសាច់ស្រស់ក្នុងស្រុក «ជីលីណា» (Chilyna) បានវិវត្តខ្លួនក្លាយជាសិប្...
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
