AMS Economyអ្នកដឹកជញ្ជូននិយាយពីផលលំបាកក្នុងការបញ្ចូនបន្លែ ផ្លែឈើចូលទីផ្សារក្នុងរាជធានីភ្នំពេញ
ក្រោមការអនុវត្តវិធានការសុវត្ថិភាពរបស់រាជរដ្ឋាភិបាលក្នុងការទប់ស្កាត់ការរីករាលដាលជំងឺឆ្លងកូវីដ-19 ដោយតម្រូវបិទខ្ទប់រាជធានីភ្នំពេញ និងក្រុងតាខ្មៅ នៃខេត្តកណ្ដាល រាល់ការដឹកជញ្ជូនកសិផលដូចជា បន្លែបង្ការ នាំចូលទីផ្សារក្នុងទ្រង់ទ្រាយតូច និងមធ្យមត្រូវបានរឹតត្បិត និងកំពុងបង្កផលលំបាកដល់កសិករមួយចំនួន។
ជាមួយនឹងផលលំបាកក្នុងការដឹកជញ្ជូនបន្លែបង្ការចេញពីបណ្ដាខេត្តមួយចំនួនដែលស្ថិតនៅជុំវិញរាជធានីភ្នំពេញនៅពេលនេះ តំណាងកសិករដែលស្ថិតនៅក្នុងសហគមន៍កសិករបានលើកឡើងថា ក្នុងរយៈពេលកន្លងទៅនេះ បើទោះជាមានការអនុគ្រោះដល់ការដឹកជញ្ជូនក៏ពិតមែន ប៉ុន្តែកម្លាំងសមត្ថកិច្ចដែលស្ថិតនៅតំបន់គោលដៅមួយចំនួនហាក់អនុវត្តលើសពីគោលការណ៍។
ប្រធានសហគមន៍កសិកម្មសំបូរមានជ័យខេត្តកំពង់ចាម លោក អេង ថុង បានមានប្រសាសន៍ថា ការធ្វើចរាចរណ៍លើការដឹកបន្លែ ផ្លែឈើទៅកាន់ទីផ្សារក្នុងរាជធានីផ្នំពេញគឺពិតជាមានភាពលំបាក។ ពេលទៅដល់ភ្នំពេញ ជាពិសេសនៅខណ្ឌឬស្សីកែវ និងខណ្ឌសែនសុខ ដែលគោលដៅរបស់សហគមន៍នោះលោកត្រូវដឹកបន្លែបង្ការទៅទីតាំងទាំងនោះគឺមានការរឹតត្បិតខ្លាំង។
លោក អេង ថុង បានមានប្រសាសន៍ថា ៖
“នៅគោលដៅខ្លះ ទោះជាយើងមានលិខិតបញ្ជាក់ពីការដឹកជញ្ជូនដែលចេញដោយផ្សារម៉ាក្រូ និងកន្លែងចិញ្ចឹមសត្វ safari ក៏នៅតែមានភាពតឹងតែងក្នុងការដឹកជញ្ជូនចូលក្រុងភ្នំពេញដែរ។ ប៉ុន្តែយើងចេះតែខំព្យាយាមដើម្បីអាចទទួលបានចំណូលពីសេវាលើការដឹកជញ្ជូន ហើយអាចដាក់បន្លែ និងផ្លែឈើសម្រាប់លក់ផ្ទាល់ខ្លួនខ្លះគ្រាន់បានចំណូលបន្ថែម”
លោកថា បើគិតទៅវាក៏ជាឱកាសមួយដែរដែលអាចរកប្រាក់ចំណូលពីការលក់បន្លែ ផ្លែឈើ ក្នុងស្ថានភាពកូវីដបែបនេះ ហើយអាចលក់បានថ្លៃជាងថ្ងៃធម្មតា។ ប៉ុន្តែទោះជាយ៉ាងណា បើតាមសភាពលំបាកជាក់ស្ដែងដែលត្រូវនិយាយស្នើសុំ និងអង្វរដល់សមត្ថកិច្ចដើម្បីបានដឹកចូលផ្សារក្នុងរាជធានីភ្នំពេញគឺលោកមិនចង់នោះទេ ដោយសារមានផលលំបាកពេក បើទោះជាមានឯកសារបញ្ជាក់ពីការដឹកជញ្ជូនក៏ដោយ។
លោក អេង ថុង បានបញ្ជាក់ថា ៖
“ឥលូវទាល់តែលិខិតចេញចូលថ្មីចេញពី (គបខ) ទើបគេឱ្យចូល។ ការដឹកជញ្ជូនមកចំនួន 2លើក ចុងក្រោយនេះ មិនពិបាកទេនៅពេលចេញពីខេត្ត ប៉ុន្តែជាឧបសគ្កគឺនៅពេលមកដល់ភ្នំពេញតែម្ដង ព្រោះជាតំបន់ហាមឃាត់ ដល់ពេលចឹងទៅ បន្ថែមពីលើខិតស្នាមដែលចេញដោយខាងផ្សារម៉ាក្រូ និងកន្លែងចិញ្ចឹមសត្វ safari គឺត្រូវអង្វរករ និយាយល្អជាមួយសមត្ថកិច្ច បើមិនដូច្នេះទេ ទំនិញនឹងយឺតពេលក្នុងការនាំទៅកាន់ទីផ្សារ”
យ៉ាងណាក៏ដោយ លោក អេង ថុង ក៏បានបញ្ជាក់ថា ចំពោះការដឹកជញ្ជូនទំនិញដូចជា បន្លែ ផ្លែឈើ ដែលដាក់នៅផ្សារម៉ាក្រូ និងនៅកន្លែងសួនសត្វ គឺនៅរក្សាតម្លៃដដែលទេមិនមានឡើងថ្លៃសេវាដឹកនោះទេ ហើយលោកសង្ឃឹមថាអ្វីៗនឹងឈានទៅរកភាពប្រសើរឡើង និងវិលទៅរកភាពប្រក្រតីវិញក្នុងពេលឆាប់ៗខាងមុខនេះ។
អ្នកនាំពាក្យសាលារាធានីភ្នំពេញ លោក ម៉េត មាសភក្ដី ធ្លាប់បានមានប្រសាសន៍ថា ពាក់ព័ន្ធទៅនឹងការបិទខ្ទប់ភូមិសាស្ត្ររាជធានីភ្នំពេញ គឺសង្កត់ធ្ងន់ទៅលើការផ្អាកចរាចរណរបស់បងប្អូនប្រជាពលរដ្ឋឱ្យនៅក្នុងផ្ទះរយៈពេល14ថ្ងៃ ដោយឡែកសម្រាប់ការដឹកជញ្ជូនទំនិញដែលមានលិខិតបញ្ជាក់ត្រឹមត្រូវពីក្រុមហ៊ុនគឺនៅតែអនុញ្ញាតឱ្យចរាចរណ៍ លើកលែងស្ថិតនៅក្នុងតំបន់ក្រហមដែលត្រូវបានហាមឃាត់ជាចាំបាច់។
លោកបន្តថា បច្ចុប្បន្ននៅក្នុងរាជធានីភ្នំពេញមានការផ្អាកដំណើរការផ្សារជាច្រើនទីតាំង ដែលអាចបង្កផលលំបាកដល់ប្រជាពលរដ្ឋក្នុងការស្វែងរកទិញទំនិញ និងចំណីអាហារប្រចាំថ្ងៃខ្លះ ប៉ុន្តែរដ្ឋាភិបាល តាមរយៈក្រសួងពាណិជ្ជកម្មក៏បានគិតគូរ និងជួយសម្រួលដល់ការលក់ទំនិញយុទ្ធសាស្ត្រចាំបាច់មួយចំនួនក្នុងតម្លៃទាបជូនពលរដ្ឋក្នុងតំបន់ផងដែរ។
ជាមួយគ្នានេះ លោក ម៉េត មាសភក្ដី ក៏បានស្នើសុំការយោគយល់ពីសំណាក់បងប្អូនប្រជាពលរដ្ឋដែលកំពុងរស់នៅក្នុងភូមិសាស្ត្របិទខ្ទប់នៃរាជធានីភ្នំពេញមេត្តាយោគយល់ និងចូលរួមជាមួយរាជរដ្ឋាភិបាលទាំងអស់គ្នា។ យើងស៊ូលំបាកក្នុងពេលខ្លី ប៉ុន្តែមិនដឹកភ័យជាមួយគ្រោះមហន្តរាយរយៈពេលយូរ៕
[ads-global layout_id=6 position_id=1 ads_size=2]
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
[ads-global layout_id=6 position_id=2 ads_size=2]
កម្មវិធីពិសេសរបស់ AMS ECONOMY
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
