AMS EconomyUN តួកគី និងអ៊ុយក្រែនបន្តកិច្ចព្រមព្រៀងនាំចេញគ្រាប់ធញ្ញជាតិនៅសមុទ្រខ្មៅ ទោះបីរុស្ស៊ីដកខ្លួន
បរទេស ៖ អង្គការសហប្រជាជាតិ តួកគី និងអ៊ុយក្រែន បានជំរុញទៅមុខលើការអនុវត្តកិច្ចព្រមព្រៀងនាំចេញគ្រាប់ធញ្ញជាតិតាមសមុទ្រខ្មៅ និងបានយល់ព្រមលើផែនការដឹកជញ្ជូនតាមនាវាចំនួន ១៦ សម្រាប់ថ្ងៃចន្ទ ទី៣១ ខែតុលា បើទោះបីជារុស្ស៊ីបានដកខ្លួនចេញពីកិច្ចព្រមព្រៀង ដែលអនុញ្ញាតឱ្យនាំចេញផលិតផលកសិកម្មអ៊ុយក្រែនទៅកាន់ទីផ្សារពិភពលោកក៏ដោយ។
រុស្ស៊ីដែលកំពុងឈ្លានពានអ៊ុយក្រែន បានបញ្ឈប់តួនាទីរបស់ខ្លួននៅក្នុងកិច្ចព្រមព្រៀងសមុទ្រខ្មៅ ហើយកាត់បន្ថយការនាំចេញ ដោយអះអាងថា ខ្លួនមិនអាចធានាសុវត្ថិភាពនៃនាវាស៊ីវិល ដែលធ្វើដំណើរនៅក្រោមកិច្ចព្រមព្រៀង បន្ទាប់ពីកងនាវាសមុទ្រខ្មៅរបស់ខ្លួនរងការវាយប្រហារ។
សកម្មភាពបែបនេះ បង្កឱ្យមានការតវ៉ាពីអ៊ុយក្រែន អង្គការណាតូ សហភាពអឺរ៉ុប និងសហរដ្ឋអាមេរិក ខណៈអង្គការសហប្រជាជាតិ និងតួកគី ដែលជាអាជ្ញាកណ្តាលសំខាន់នៃកិច្ចព្រមព្រៀង បានប៉ះទង្គិចគ្នាកាលពីថ្ងៃអាទិត្យ ឱ្យគ្រប់ភាគីបន្តធ្វើតាមកិច្ចព្រមព្រៀង។
អគ្គលេខាធិការអង្គការសហប្រជាជាតិ លោក អត់តូនីញ៉ូ ហ្គូតទែរ៉ែស មានការព្រួយបារម្ភយ៉ាងខ្លាំងចំពោះចំណាត់ការរបស់រុស្ស៊ី ហើយលោកបានពន្យារពេលដំណើរកម្សាន្តទៅក្រៅប្រទេស ដើម្បីព្យាយាមស្រោចស្រង់កិច្ចព្រមព្រៀងឡើងវិញ ក្នុងគោលបំណងបន្ធូរបន្ថយវិបត្តិស្បៀងអាហារពិភពលោក។
សូមបញ្ជាក់ថា ពោត ស្រូវសាលី ផ្កាឈូករ័ត្ន និងសណ្តែកសៀង ក្នុងចំណោមគ្រាប់ធញ្ញជាតិផ្សេងទៀត ជាង ៩,៥ លានតោន ត្រូវបាននាំចេញតាមរយៈសមុទ្រខ្មៅ ចាប់តាំងពីកិច្ចព្រមព្រៀងសម្រេចឡើងក្នុងខែកក្កដា។ ក្រោមកិច្ចព្រមព្រៀងនេះ មជ្ឈមណ្ឌលសម្របសម្រួលរួម (JCC) ដែលបង្កើតឡើងដោយមន្ត្រីអង្គការសហប្រជាជាតិ តួកគី រុស្ស៊ី និងអ៊ុយក្រែន យល់ព្រមលើការបំលាស់ទី និងត្រូតពិនិត្យនាវាដឹកជញ្ជូន។
កិច្ចព្រមព្រៀងនេះ បានបើកផ្លូវឱ្យមានការនាំចេញគ្រាប់ធុញ្ញជាតិ ដែលជាប់គាំងដោយសារសង្រ្គាម ពីអ៊ុយក្រែនឡើងវិញ ដោយអនុញ្ញាតឱ្យមានការជញ្ជូនទៅលើទីផ្សារពិភពលោក ក្នុងកម្រិតដូចមុនសង្រ្គាម ចំនួន ៥ លានតោនក្នុងមួយខែ។
ប៉ុន្តែខណៈកិច្ចព្រមព្រៀងនេះផុតកំណត់នៅថ្ងៃទី ១៩ ខែវិច្ឆិកាខាងមុខ រុស្ស៊ីបាននិយាយថា មានបញ្ហាធ្ងន់ធ្ងរ ហើយអ៊ុយក្រែនអះអាងថា ទីក្រុងម៉ូស្គូបានរារាំងនាវាជិត ២០០ គ្រឿង ពីការប្រមូលទំនិញគ្រាប់ធញ្ញជាតិ។ បន្ថែមពីនេះ ដោយសារតែការដកខ្លួនរបស់រុស្ស៊ី គ្មាននាវាដឹកជញ្ជូនគ្រាប់ធញ្ញជាតិណាមួយ ហ៊ានធ្វើដំណើរឆ្លងកាត់ច្រករបៀងមនុស្សធម៌ដែលបង្កើតឡើងតាមកិច្ចព្រមព្រៀង នៅថ្ងៃអាទិត្យទី ៣០ ខែតុលា នោះទេ។ យ៉ាងណាមិញ UNបានអះអាងក្នុងសេចក្តីថ្លែងការណ៍ថា ខ្លួនបានយល់ព្រមជាមួយអ៊ុយក្រែន និងតួកគី លើផែនការដឹកជញ្ជូនសម្រាប់នាវាចំនួន ១៦ នៅថ្ងៃចន្ទ ដោយមាននាវាចំនួន ១៦ ត្រូវចេញ និង ៤ ត្រូវចូល។ UN បញ្ជាក់ទៀតថា មន្រ្តីរុស្ស៊ីនៅ JCC ក៏បានដឹងពីអំពីផែនការនេះ ហើយកត់សម្គាល់ថា គ្រប់ភាគីទាំងអស់ សម្របសម្រួលជាមួយយោធារៀងៗខ្លួន និងអាជ្ញាធរពាក់ព័ន្ធផ្សេងទៀត ដើម្បីធានានូវការឆ្លងកាត់ប្រកបដោយសុវត្ថិភាព នៃនាវាពាណិជ្ជកម្មក្រោមកិច្ចព្រមព្រៀង។
UNអះអាងទៀតថា ក្នុងអំឡុងសម័យប្រជុំកាលពីថ្ងៃអាទិត្យ ក្នុងចំណោមគណៈប្រតិភូនៃកិច្ចព្រមព្រៀងនាំចេញគ្រាប់ធញ្ញជាតិ មន្ត្រីរុស្ស៊ីបានបញ្ជាក់ថា ទីក្រុងម៉ូស្គូនឹងបន្តកិច្ចសន្ទនាជាមួយអង្គការសហប្រជាជាតិ និងគណៈប្រតិភូតួកគីលើបញ្ហាសំខាន់ៗ។ យ៉ាងណាមិញ រុស្ស៊ីមិនបានប្រតិកម្មយ៉ាងណាទេចំពោះផែនការសម្រាប់ថ្ងៃចន្ទ។ បន្ថែមពីលើនេះ ក្រសួងការពារជាតិតួកគី បាននិយាយថា រដ្ឋមន្ត្រីការពារជាតិតួកគី លោក Hulusi Akar បានទាក់ទងជាមួយសមភាគីរុស្ស៊ី និងអ៊ុយក្រែន ដើម្បីព្យាយាម និងសង្គ្រោះកិច្ចព្រមព្រៀងនេះ ហើយបានស្នើឱ្យភាគីទាំងសងខាងជៀសវាងការបង្កហេតុណាមួយ។
ជុំវិញបញ្ហានេះ អង្គការណាតូ និងសហភាពអឺរ៉ុប បានជំរុញឱ្យរុស្ស៊ីពិចារណាឡើងវិញនូវការសម្រេចចិត្តរបស់ខ្លួន។ ចំណែកប្រធានាធិបតីអាមេរិក លោក ចូ បៃដិន បានថ្លែងកាលពីថ្ងៃសៅរ៍ថា ទង្វើរបស់រុស្ស៊ីគឺជាការគួរឱ្យខឹងសម្បារដាច់ខាត ហើយវានឹងបង្កើនភាពអត់ឃ្លានលើពិភពលោក។
បន្ថែមពីលើនេះ រដ្ឋមន្ត្រីការបរទេសអាមេរិក លោក អង់ថូនី ប្ល៊ីងកែន បានថ្លែងក្នុងសេចក្តីថ្លែងការណ៍មួយនៅល្ងាចថ្ងៃសៅរ៍ថា៖
“ទង្វើណាមួយរបស់រុស្ស៊ី ដើម្បីរំខានដល់ការនាំចេញគ្រាប់ធញ្ញជាតិសំខាន់ៗទាំងនេះ គឺជាសារដ៏សំខាន់មួយថា ប្រជាជន និងក្រុមគ្រួសារជុំវិញពិភពលោក គួរតែចំណាយប្រាក់បន្ថែមដើម្បីស្បៀងអាហារ បើមិនអញ្ចឹងទេ គឺត្រូវអត់ឃ្លាន ។ រុស្ស៊ីកំពុងកំពុងយកស្បៀងធ្វើជាអាវុធ ក្នុងសង្រ្គាមដែលខ្លួនឯងចាប់ផ្ដើម”
ទោះយ៉ាងណាក៏ដោយ ឯកអគ្គរដ្ឋទូតរុស្ស៊ីប្រចាំទីក្រុងវ៉ាស៊ីនតោន បានឆ្លើយតបវិញថា អាមេរិកធ្វើការអះអាងមិនពិតអំពីចំណាត់ការរបស់ទីក្រុងម៉ូស្គូ។ រុស្ស៊ីដែលបង្កើនការវាយប្រហារដោយមីស៊ីលលើហេដ្ឋារចនាសម្ព័ន្ធស៊ីវិលអ៊ុយក្រែន ក្នុងរយៈពេលប៉ុន្មានសប្ដាហ៍ចុងក្រោយនេះ បានអះអាងថាថា អ៊ុយក្រែនបានវាយប្រហារកងនាវាចរសមុទ្រខ្មៅក្បែរទីក្រុង Sevastopol ដោយប្រើដ្រូនចំនួន ១៦ ហើយថា អ្នកជំនាញពីកងទ័ពជើងទឹកអង់គ្លេសបានជួយសម្របសម្រួលនូវអ្វីដែលរុស្ស៊ីហៅថាការវាយប្រហារភេរវកម្ម។ អង់គ្លេសបដិសេធការចោទប្រកាន់ អ៊ុយក្រែនមិនបានបញ្ជាក់ ឬបដិសេធថាខ្លួននៅពីក្រោយការវាយប្រហារទាំងនោះនោះទេ ហើយយោធាអ៊ុយក្រែនបានស្នើឡើងថា រុស្ស៊ីខ្លួនឯងប្រហែលជាទទួលខុសត្រូវចំពោះការផ្ទុះ។
រដ្ឋមន្ត្រីការបរទេសអ៊ុយក្រែន លោក ឌ្មីត្រូ គូឡេបា បានអះអាងថា ទីក្រុងម៉ូស្គូបានប្រើការបំផ្ទុះនៅចម្ងាយ ២២០ គីឡូម៉ែត្រ ពីច្រករបៀងនាំចេញគ្រាប់ធញ្ញជាតិ ដើម្បីជាលេស ទម្លាក់កំហុសឱ្យអ៊ុយក្រែន។ កន្លងមក អ៊ុយក្រែនតែងតែចោទប្រកាន់រុស្ស៊ី ថាបានប្រើប្រាស់កងនាវាចរសមុទ្រខ្មៅ ដើម្បីបាញ់មីស៊ីលទៅកាន់គោលដៅស៊ីវិលក្នុងប្រទេសអ៊ុយក្រែន ដែលការចោទប្រកាន់នេះ ក៏មានការគាំទ្រពីអ្នកវិភាគយោធាមួយផងដែរ ដោយថា កងនាវានេះក្លាយជាគោលដៅយោធាស្របច្បាប់៕ អត្ថបទដោយ ៖ ហួន ឌីណា
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ធនាគារអភិវឌ្ឍន៍អាស៊ី ទាញទម្លាក់ការព្យាករកំណើនសេដ្ឋកិច្ចកម្ពុជាមកនៅត្រឹម ៣,៩ភាគរយក្នុងឆ្នាំ២០២៦
Top News, ព្រឹត្តិការណ៍, សេដ្ឋកិច្ច
• 23/09/2026
ភ្នំពេញ ៖ ធនាគារអភិវឌ្ឍន៍អាស៊ី ( ADB) បានព្យាករកំណើនសេដ្ឋកិច្ចកម្ពុជា ជាថ្មី ដោយបានទម្លាក់ការព្យាកររបស់ខ្លួនពី ៤,១ភាគរយ មកនៅត្រឹម៣,៩ភាគរយ ។ នេះបើតាមសេចក្ដីប្រកាសព័ត៌មានរបស់ធនាគារអភិវឌ្ឍន៍អាស៊ី ចេញផ្សាយថ្ងៃទី ២៣ ខែកញ្ញា ឆ្នាំ២០២៦ ។ ការព្យាកររបស់ធនាគារអន្តរជាតិមួយនេះ ដោយយោងលើកត្តាមួយចំនួន ជាក់ស្ដែងដូចជាការធ្លាក់ចុះនៃវិស័យទេសចរណ៍ដើមឆ្នាំ២០២៦នេះ
IMF ព្រមានថា អឺរ៉ុបនឹងធ្លាក់ខ្លួនទទួលរងគ្រោះធ្ងន់ធ្ងរ បើឈប់រត់ប្រណាំងវិស័យ AI
ព្រឹត្តិការណ៍, អាជីវកម្មថ្មី និងនវានុវត្ត
• 23/09/2026
អគ្គនាយកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva បានព្រមានដល់បណ្តាប្រទេសនៅអឺរ៉ុបថា ប្រសិនបើអឺរ៉ុបអាក់ខាន ឬបង្អាក់ល្បឿនក្នុងការអភិវឌ្ឍបច្ចេកវិទ្យាបញ្ញាសិប្បនិម្មិត (AI) នោះអឺរ៉ុបនឹងធ្លាក់ខ្លួនទទួលរងគ្រោះធ្ងន់ធ្ងរ
ចិន ពង្រីកពាណិជ្ជកម្មតាមរយៈប្រព័ន្ធស្រាវជ្រាវអវកាស BeiDou ទៅទីផ្សារអន្តរជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 23/09/2026
បរទេស ៖ បច្ចុប្បន្ន ក្រុងប៉េកាំង កំពុងផ្តោតយកចិត្តទុកដាក់លើការប្រើប្រាស់បច្ចេកវិទ្យាអវកាសដែលមានឈ្មោះថា BeiDou ឱ្យកាន់តែទូលំទូលាយ ជាពិសេស ការបង្កើតប្រព័ន្ធអេកូឡូស៊ីជាអន្តរជាតិឲ្យបានកាន់តែធំនៅជុំវិញវិស័យប្រព័ន្ធផ្កាយរណបរបស់ចិន។ អត្ថបទមួយដែលត្រូវបានចេញផ្សាយដោយកាសែត Novinata បានសរសេរថា ប្រទេសចិនកំពុងរុញច្រានយ៉ាងឆាប់រហ័សនូវការដាក់ឱ្យប្រើប្រាស់ប្រព័ន្ធរុករកតាមបណ្តាញរណប BeiDou របស់ខ្លួនទៅទីផ្សារអន្តរជាតិ តាមរយៈការបង្កើនទំហំផ្គត់ផ្គង់ផលិតផល បច្ចេកវិទ្យា និងកម្មវិធីដែលពាក់ព័ន្ធទៅក្នុងពាណិជ្ជកម្មជួញដូរ។ យោងតាមទិន្នន័យដែលបានបង្ហាញ សេវាកម្មរបស់ប្រព័ន្ធ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កសិករនៅតំបន់ឆ្នេរខេត្តកំពតកំពុងត្រឡប់មកដាំសារាយសមុទ្រឡើងវិញ បន្ទាប់ពីបានជួបប្រទះការធ្លាក់ចុះតម្លៃ និងការរំខានដល់ទីផ្សារអស...
ខេត្តព្រះសីហនុ៖ ការស្ដារ និងបង្កើនផលស្តុកធនធានជលផលសមុទ្រ នៅតែជាអាទិភាពសេដ្ឋកិច្ចដ៏សំខាន់សម្រាប់សហគមន៍នេសាទឆ្នេរ និងសន្តិសុខស្បៀងកម្ពុជា។ ក្នុងស្មារ...
អាស៊ាន និងចក្រភពអង់គ្លេសប្តេជ្ញាលើកកម្ពស់កិច្ចសហប្រតិបត្តិការសេដ្ឋកិច្ច ក្នុងអំឡុងកិច្ចពិភាក្សារដ្ឋមន្ត្រីសេដ្ឋកិច្ចអាស៊ាន-ចក្រភពអង់គ្លេសលើកទី ៦ ដែ...
ភ្នំពេញ ៖ ធនាគារអភិវឌ្ឍន៍អាស៊ី ( ADB) បានព្យាករកំណើនសេដ្ឋកិច្ចកម្ពុជា ជាថ្មី ដោយបានទម្លាក់ការព្យាកររបស់ខ្លួនពី ៤,១ភាគរយ មកនៅត្រឹម៣,៩ភាគរយ ។ ...
អគ្គនាយកាមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva បានព្រមានដល់បណ្តាប្រទេសនៅអឺរ៉ុបថា ប្រសិនបើអឺរ៉ុបអាក់ខាន ឬបង្អាក់ល្បឿនក្នុងកា...
ភ្នំពេញ ៖ សមាគមមីក្រូហិរញ្ញវត្ថុកម្ពុជា (CMA) នៅថ្ងៃទី២២ ខែកញ្ញា ឆ្នាំ២០២៦ បានសហការជាមួយ សាកលវិទ្យាល័យឯកទេសនៃកម្ពុជា (CUS) រៀបចំកម្មវិធីសិក្ខាសាលាស...
សហភាពអឺរ៉ុប និងហ្វីលីពីនព្រមព្រៀងជាបឋមលើកិច្ចព្រមព្រៀងពាណិជ្ជកម្មសេរីថ្មីមួយ ហើយកិច្ចព្រមព្រៀងពេញលេញជាផ្លូវការកំពុងរង់ចាំការចរចាបន្ថែមទៀត
កោះរ៉ុងនៅតែទទួលបានភ្ញៀវទេសចរជាមធ្យមប្រមាណ ៤០០ នាក់ក្នុងមួយថ្ងៃ ដែលផ្តល់ចំណូលបានរហូតដល់ ១៨ ០០០ ដុល្លារប្រចាំថ្ងៃ ទោះបីការធ្វើដំណើរទៅកាន់កោះមានការចំ...
កម្មវិធីពិសេសរបស់ AMS ECONOMY
