AMS Economyធ្លាប់ដឹងទេថា ម៉ាស៊ីនដាក់ដកប្រាក់ស្វ័យប្រវត្តិ (ATM) មានដើមកំណើតនៅពេលណា ?
ភ្នំពេញ ៖ ម៉ាស៊ីនប្រាប់លុយស្វ័យប្រវត្តិ ឬ ATM ( Automate Teller Machine) គឺជាបច្ចេកវិទ្យាមានភាពស្មុគស្មាញមួយដែលlកើតឡើងពីការរួមបញ្ចូលបច្ចេកវិទ្យានៃគំនិតរបស់អ្នកបង្កើតជាច្រើនរូបផ្សេងៗគ្នា ដូចជាបច្ចេកវិទ្យាដាក់ប្រាក់ និងបច្ចេកវិទ្យាដកប្រាក់ជាដើម ។ បច្ចេកវិទ្យាដាក់ប្រាក់ និងបច្ចេកវិទ្យាដកប្រាក់នេះត្រូវបានអភិវឌ្ឍដោយក្រុមមនុស្សផ្សេងគ្នា បន្ទាប់មករួមបញ្ចូលគ្នាបង្កើតបានជាម៉ាស៊ីន ATM ទំនើបសព្វថ្ងៃដែលមានសមត្ថភាពធ្វើការងារច្រើននៅក្នុងយុគសម័យថ្មីនៃសេវាកម្មវិស័យធនាគារនេះ។
មានអ្នកជំនាញជាច្រើនជឿជាក់ថា ម៉ាស៊ីនធនាគារស្វ័យប្រវត្តិដំបូងគេបង្កើតឡើងដោយអ្នកជំនួញមានជំនាញផ្នែកបច្ចេកទេសជនជាតិអាមេរិកម្នាក់ឈ្មោះ Luther Simjian ។ លោក Simjian ជាម្ចាស់ប្រកាសនីយបត្រតក្កកម្មនៃបច្ចេកវិទ្យាជាច្រើនដែលមានការងារល្បីជាងគេមួយគឺម៉ាស៊ីន Bankograph ដែលអាចទទួលប្រាក់ ឬមូលប្បទានប័ត្រគ្រប់ពេលវេលាមិនថាថ្ងៃ ឬយប់នោះទេ។
នៅឆ្នាំ ១៩៦០ លោក Simjian បានបញ្ចុះបញ្ចូលធនាគារនៅទីក្រុងញូវយ៉កឱ្យដាក់ប្រើម៉ាស៊ីនដាក់ប្រាក់ស្វ័យប្រវត្តិមួយចំនួនរបស់លោក។ អតិថិជនដែលជាអ្នកប្រើប្រាស់អាចជឿទុកចិត្តដោយមានកាមេរ៉ាតូចមួយនៅខាងក្នុងម៉ាស៊ីនដែលអាចថតបានរាល់ការដាក់ប្រាក់ ហើយអតិថិជនទទួលបានច្បាប់ថតចម្លងរូបថតជាបង្កាន់ដៃដាក់ប្រាក់របស់ពួកគេ។ ទោះយ៉ាងណា ម៉ាស៊ីននេះមិនទាន់មានអ្នកប្រើច្រើនទេគឺអ្នកប្រើមានតែស្រីពេស្យា និងអ្នកលេងល្បែងដែលមិនចង់ជួបផ្ទាល់ជាមួយបុគ្គលិកធនាគារ។ រហូតដល់ចុងទសវត្សរ៍ឆ្នាំ១៩៦០ ទើបប្រជាជនកាន់តែច្រើនទុកចិត្តលើម៉ាស៊ីនដាក់ប្រាក់នេះដែលជាការផ្តល់សេវាកម្មធនាគារស្វ័យប្រវត្តិ។
នៅឆ្នាំ១៩៦៧ អ្នកច្នៃប្រឌិតជនជាតិស្កុតឡែនម្នាក់ឈ្មោះ Shepherd-Barron បានគិតថា ប្រសិនបើម៉ាស៊ីនលក់នំអាចបែកចែកនំសូកូឡាបាន ហេតុអ្វីបានជាមិនអាចបែកចែកក្រដាសប្រាក់បាន? ធនាគារ Barclays នៅទីក្រុងឡុងបានគាំទ្រគំនិតនេះ ហើយម៉ាស៊ីន ATM ដំបូងរបស់លោក Shepherd-Barron ត្រូវបានដំឡើងនៅសាខាមួយ។ ម៉ាស៊ីន ATM នោះប្រើប័ណ្ណទូទាត់ដែលបោះពុម្ពដោយទឹកខ្មៅដោយមានជាតិវិទ្យុសកម្មដែលម៉ាស៊ីនអាចអានវាបាន។ អតិថិជនបានបញ្ចូលលេខកូដអត្តសញ្ញាណផ្ទាល់ខ្លួន ហើយអាចដកលុយអតិបរមា១០ផោនក្នុងមួយដង។
នៅអាមេរិក ម៉ាស៊ីនធនាគារស្វ័យប្រវត្តិដំបូងគេត្រូវបានបង្កើតឡើងដោយវិស្វករម្នាក់ដែលជាអតីតកីឡាករបេស្បលអាជីពឈ្មោះ Donald Wetzel ។ ម៉ាស៊ីនរបស់ Wetzel ប្រើកាតប្លាស្ទិកដូចអ្វីដែលយើងប្រើសព្វថ្ងៃនេះ(ជំនួសឱ្យទឹកថ្នាំដែលមានជាតិវិទ្យុសកម្ម កាតបានរក្សាទុកព័ត៌មានគណនីនៅក្នុងបន្ទះម៉ាញ៉េទិច)។ នៅខែកញ្ញាឆ្នាំ១៩៦៩ សាខាធនាគារមួយនៅលើកោះ Long បានតំឡើងម៉ាស៊ីនដំបូងរបស់ Wetzel ។
នៅឆ្នាំ១៩៧០ ធនាគារអាមេរិកជាច្រើនចាប់ផ្តើមដាក់ប្រើម៉ាស៊ីន ATM។ ដើម្បីណែនាំម៉ាស៊ីនថ្មីនេះដល់អ្នកប្រើប្រាស់ធនាគារបានប្រើការផ្សព្វផ្សាយពាណិជ្ជកម្មគ្រប់ប្រភេទក្នុងការបង្ហាញពីគុណសម្បត្តិនៃម៉ាស៊ីនដាក់ប្រាក់ថ្មីរបស់ខ្លួន។ ទោះយ៉ាងណា ទំនុកចិត្តរបស់អ្នកប្រើប្រាស់អាមេរិកលើម៉ាស៊ីន ATM កើតចេញពីការប្រើប្រាស់ក្នុងបនល្បែង។ នៅឆ្នាំ១៩៧៧ ប្រធានធនាគារ Citibank បានសម្រេចចំណាយប្រាក់ជាង ១០០លានដុល្លារដើម្បីដំឡើងម៉ាស៊ីន ATM ទូទាំងទីក្រុងញូវយ៉ក។ បន្ទាប់មកមានព្យុះព្រិលដ៏ធំមួយបានវាយប្រហារទីក្រុងញូវយ៉ក។ ធនាគារត្រូវបានបិទអស់ជាច្រើនថ្ងៃ ដែលធ្វើឲ្យការប្រើប្រាស់ម៉ាស៊ីន ATM ចាប់ផ្តើមមានកំណើនគួរឲ្យកត់សម្គាល់។ ក្រោយមកធនាគារស្ទើរតែទាំងអស់ចាប់ផ្តើមដំឡើងម៉ាស៊ីន ATM តាម Citibank ដែរ។
សព្វថ្ងៃនេះមានម៉ាស៊ីន ATM ជាង២លានគ្រឿងនៅជុំវិញពិភពលោក។ ទោះបីជាការប្រើប្រាស់ម៉ាស៊ីន ATM បានធ្លាក់ចុះក្នុងរយៈពេលប៉ុន្មានឆ្នាំចុងក្រោយនេះក៏ដោយសារតែមនុស្សផ្ញើលុយឲ្យគ្នាតាមទូរសព្ទជំនួសឱ្យការប្រើប្រាស់ក្រដាសប្រាក់ ប៉ុន្តែម៉ាស៊ីន ATM នៅតែបន្តប្រើប្រាស់យ៉ាងទូលំទូលាយជុំវិញពិភពលោក។ ម៉ាស៊ីនស្រដៀងនឹង ATM សព្វថ្ងៃអាចលក់ទំនិញច្រើនតាំងពីសំបុត្រយន្តហោះ សំបុត្រកុន និងថ្នាំឱសថជាដើម៕
ប្រភព៖ History.com
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គ្រាប់ស្វាយចន្ទី និងម្រេចកំពត ត្រៀមអង្រួនវេទិកាជំរុញផលិតផលខ្មែរទៅកាន់ទីផ្សារអឺរ៉ុប នៅសប្ដាហ៍ក្រោយ
អាម៉េរិកត្រៀមបញ្ចប់កញ្ចប់ជំនួយយោធា ៤ ពាន់លានដុល្លារដល់អ៊ីស្រាអែល
ព្រឹត្តិការណ៍, អាជីវកម្មថ្មី និងនវានុវត្ត
• 04/11/2026
ប្រធានាធិបតីអាម៉េរិក លោក Donald Trump បានប្រកាសថា សហរដ្ឋអាម៉េរិកនឹងបញ្ឈប់ការផ្ដល់ជំនួយយោធាប្រចាំឆ្នាំចំនួន ៤ ពាន់លានដុល្លារដល់ប្រទេសអ៊ីស្រាអែល ដោយគ្រោងចាប់ផ្តើមអនុវត្តចាប់ពីឆ្នាំក្រោយ
ហ្វាំងឡង់ ចូលរួមគំនិតផ្ដួចផ្ដើមការពារនុយក្លេអ៊ែររបស់បារាំង ចំពេលអឺរ៉ុបចង់ពង្រឹងសន្តិសុខ
ព្រឹត្តិការណ៍, អាជីវកម្មថ្មី និងនវានុវត្ត
• 04/11/2026
ប្រទេសហ្វាំងឡង់បានសម្រេចចូលរួមគំនិតផ្ដួចផ្ដើមសំណាញ់ការពារនុយក្លេអ៊ែររបស់ប្រទេសបារាំង ដោយប្រទេសទាំងពីរបានចាប់ផ្ដើមកិច្ចសហប្រតិបត្តិការនៅកម្រិតបច្ចេកទេសជាផ្លូវការហើយ
និស្សិតសាកលវិទ្យាល័យរាប់ពាន់នាក់ ប្រកួតប្រជែងក្នុងវគ្គផ្តាច់ព្រ័ត្រនៅលើឆាកជាតិក្នុងកម្មវិធី សហគ្រិនមហាវិទ្យាល័យ (UniPreneur) របស់សហគ្រិនខ្មែរ
ព្រឹត្តិការណ៍, អត្ថបទពាណិជ្ជកម្ម
• 03/11/2026
ភ្នំពេញ — ថ្ងៃទី០២ ខែវិច្ឆិកា ឆ្នាំ២០២៦ – ដោយនាំយកភាពរំភើប និងស្មារតីប្រកួតប្រជែងនៃការប្រកួត កីឡាថ្នាក់ជាតិ មកបញ្ចូលក្នុងវិស័យសហគ្រិនភាព សហគ្រិនខ្មែរ បានបញ្ចប់ដោយជោគជ័យនូវការប្រកួត វគ្គផ្តាច់ព្រ័ត្រនៃកម្មវិធី ប្រកួតប្រជែងសហគ្រិនមហាវិទ្យាល័យថ្នាក់ជាតិ (UniPreneur National Challenge) រដូវកាលទី៤។ វគ្គផ្តាច់ព្រ័ត្រនេះបាននាំនវានុវត្តជនសក្តានុពលផ្នែកសហគ្រិនភាពមក ពីទូទាំងប្រទេស
ការវិនិយោគច្រើនហួសហេតុលើវិស័យបច្ចេកវិទ្យា AI ក្នុងរយៈពេលខ្លី និងហានិភ័យចំពោះសេដ្ឋកិច្ចសកល
ព្រឹត្តិការណ៍, អាជីវកម្មថ្មី និងនវានុវត្ត
• 03/11/2026
បរទេស ៖ ពិភពលោកកំពុងព្រួយបារម្ភថា ការផ្ទុះឡើងនូវវិបត្តិដូចពពុះសាប៊ូនៃបច្ចេកវិទ្យា AI (AI Bubble Burst)អាចនឹងកើតមានឡើងនៅពេលដែលការចំណាយទុនយ៉ាងសន្ធឹកសន្ធាប់លើបច្ចេកវិទ្យាបញ្ញាសិប្បនិម្មិតមានទំហំធំលើសលប់ធៀបនឹងប្រាក់ចំណេញអាជីវកម្មជាក់ស្តែង ដែលវាប្រាកដណាស់នឹងបង្ខំឱ្យទីផ្សារហិរញ្ញវត្ថុជួបបញ្ហាយ៉ាងធ្ងន់ធ្ងរ។ ក្រុមហ៊ុន Amazon ជាអ្នកនាំមុខគេក្នុងការវិនិយោគលើហេដ្ឋារចនាសម្ព័ន្ធបច្ចេកវិទ្យាបញ្ញាសិប្បនិម្មិត ជាមួយនឹងផែនការចំណាយទុនប្រមាណ ២០០ ពាន់លានដុល្លារ, ក្រុមហ៊ុន Alphabet គ្រោងកញ្ចប់ថវិកាប្រមាណ ១៩៥ពាន់លាន ទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ ស្របតាមចក្ខុវិស័យរបស់ប្រមុខរាជរដ្ឋាភិបាលកម្ពុជា ដែលជំរុញ និងគាំទ្រដល់វិស័យសហគ្រាសធុនតូច និងមធ្យម SME បង្កើនការផលិត ពង្រឹងគុណភាពផលិតផល ដើម...
លោក Vladislav Sviblov មហាសេដ្ឋីប្រាក់ពាន់លាននៅក្នុងវិស័យរ៉ែរបស់រុស្ស៊ី និងជាប្រធានក្រុមហ៊ុន Areal Group ជួបពិភាក្សាជាមួយមេដឹកនាំ លោក Min Aung Hlain...
បរទេស៖ ប្រធានាធិបតីអាម៉េរិក លោក ដូណាល់ ត្រាំ នឹងដកប្រទេសអាហ្វ្រិកខាងត្បូង និងរ៉្វាន់ដា ចេញពីកម្មវិធីអនុគ្រោះពាណិជ្ជកម្មពិសេសចាប់ពីឆ្នាំ២០២៧ តទៅ ដោយ...
គ្រាប់ស្វាយចន្ទី និងម្រេចកំពត ជំរុញទៅកាន់ទីផ្សារអ៉ឺរ៉ុប
ប្រធានាធិបតីអាម៉េរិក លោក Donald Trump បានប្រកាសថា សហរដ្ឋអាម៉េរិកនឹងបញ្ឈប់ការផ្ដល់ជំនួយយោធាប្រចាំឆ្នាំចំនួន ៤ ពាន់លានដុល្លារ...
ទោះបីជាប្រទេសកម្ពុជាបញ្ចេញឧស្ម័នផ្ទះកញ្ចក់តិចជាង ១% នៃការបំភាយសរុបនៅទូទាំងពិភពលោកក៏ដោយ ក៏កម្ពុជាកំពុងប្រឈមនឹងផលប៉ះពាល់ធ...
ប្រទេសហ្វាំងឡង់បានសម្រេចចូលរួមគំនិតផ្ដួចផ្ដើមសំណាញ់ការពារនុយក្លេអ៊ែររបស់ប្រទេសបារាំង ដោយប្រទេសទាំងពីរបានចាប់ផ្ដើមកិច្ចសហប្រតិប...
វិស័យដីធ្លីសម្រាប់បម្រើការវិនិយោគក្នុងវិស័យកសិកម្ម កសិ-ឧស្សាហកម្ម និងឧស្សាហកម្មនៅកម្ពុជានៅតែមានតម្រូវការពីវិនិយោគិនក្នុងនិងក...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
