AMS EconomyUN ៖ សំណង់អគារបែបបៃតងតាមទីក្រុងជាកក្តាសំខាន់ក្នុងការដោះស្រាយបម្រែបម្រួលអាកាសធាតុ
របាយការណ៍ស្រាវជ្រាវដែលត្រូវបានបង្ហាញជាសាធារណៈដោយកម្មវិធីបរិស្ថានរបស់អង្គការសហប្រជាជាតិ ឬ UN Environment Programme បានរៀបរាប់ថា មកដល់បច្ចុប្បន្ននេះហេដ្ឋារចនាសម្ព័ន្ធជាសំណង់អគារនៅតាមបណ្តាទីក្រុងទាំងអស់លើសកលលោកដើម្បីបំពេញតម្រូវការស្នាក់នៅស្របតាមកំណើននៃពលរដ្ឋក្នុងចំនួនដល់ទៅ៧០ភាគរយទៀតគឺមិនទាន់អាចបញ្ចប់ការសាងសង់នៅឡើយ។
សកម្មភាពនៅក្នុងវិស័យសាងសង់ត្រូវបានយូអិនកំណត់ថាជាកត្តាដែលនាំឲ្យមានការបញ្ចេញឧស្ម័នពុលកាបូនឌីអុកស៊ីត CO2 ដល់ទៅ ៣៧ភាគរយរបស់ពិភពលោក ដែលចំណុចនេះបានក្លាយទៅជាក្តីកង្វល់យ៉ាងខ្លាំងសម្រាប់អង្គការសហប្រជាជាតិ ជាពិសេសនៅក្រោយពេលដែលបានស្រាវជ្រាវរកឃើញថា ២ ភាគ ៣ នៃបណ្តាប្រទេសទាំងអស់លើសកលលោកដែលអនុញ្ញាតឲ្យមានការសាងសង់អគារថ្មីៗគឺធ្វើឡើងដោយមិនបានអនុវត្តតាមគោលការណ៍ច្បាប់ចាំបាច់សម្រាប់សំណង់អគារឲ្យបានត្រឹមត្រូវនោះទេ។
ជាដំណោះស្រាយ យូអិន ធ្លាប់បានបញ្ជាក់រួចរាល់ទៅហើយថា បណ្តារដ្ឋាភិបាលនៃប្រទេសនានាត្រូវតែចាំបាច់អនុវត្តតាមគោលការណ៍ច្បាប់សម្រាប់វិស័យសាងសង់ដែលច្បាប់នោះត្រូវបានគេស្គាល់ថា Climate-Friendly Mandatory Regulations។
ច្បាប់ដែលជាដំណោះស្រាយនេះបានសរសេរថា ក្រុមបណ្តាក្រុមហ៊ុនវិស្វកម្ម ក្រុមហ៊ុនអ្នកអភិវឌ្ឍន៍ និងក្រុមហ៊ុនសាងសង់ទាំងអស់ ចាំបាច់ត្រូវតែគោរពតាមគោលការណ៍សាងសង់ដែលមានប្រសិទ្ធភាពបំផុតចំពោះវត្ថុធាតុដើមទាំងឡាយណាដែលមិនបញ្ចេញការបំពុល ឬ carbon footprint ។ ពួកគេចាំបាច់ផងដែរត្រូវធ្វើការវិនិយោគតែទៅលើសំណង់ណាដែលជាអគារបែបបៃតងប្រកបដោយហេដ្ឋារចនាសម្ព័ន្ធលាយឡំនឹងធម្មជាតិ ដូចជា ដើមឈើតាមផ្លូវ ដំបូលបែបបៃតង ដែលវានឹងអាចនាំមកនូវភាពស្រស់ស្រាយបែបធម្មជាតិដល់ទីក្រុង។
ដំណោះស្រាយនេះមិនត្រឹមតែបានជួយកាត់បន្ថយនូវការបញ្ចេញកាកសំណល់ចូលក្នុងបរិយាកាសប៉ុណ្ណោះទេ វាថែមទាំងអាចជួយដល់ការកាត់បន្ថយបម្រែបម្រួលអាកាសធាតុតាមកាលកំណត់ ហើយជួយបង្កើនឲ្យការប្រើប្រាស់ទឹកស្អាត និងខ្យល់ស្អាត ជាពិសេសសុខមាលភាពជូនពលរដ្ឋតាមទីក្រុងផងដែរ។ គួរឲ្យដឹងដែរថា វិស័យសំណង់ Construction គឺជាកត្តាសំខាន់បំផុតមួយក្នុងចំណោមកត្តាដំណោះស្រាយទាំង៦របស់អង្គការសហប្រជាជាតិដើម្បីអាចកាត់បន្ថយការបំពុលក្នុងអាកាស និងកាត់បន្ថយកំណើនអាកាសធាតុពិភពលោកឲ្យបាន ១,៥ អង្សារ ដែលក្រៅពីនោះមានវិស័យផ្សេងទៀត ដូចជា វិស័យដឹកជញ្ជូន Transport វិស័យឧស្សាហកម្ម Industry វិស័យថាមពល Energy វិស័យធម្មជាតិ Nature និងវិស័យអាហារ និងកសិកម្ម Food & Agriculture៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ ក្រសួងពាណិជ្ជកម្ម បានរៀបចំកម្មវិធីជជែកដេញដោលមួយ ដើម្បីជំរុញយុវជនជំនាន់ក្រោយឱ្យមានកិច្ចសន្ទនា ផ្លាស់ប្តូរគំនិត និងពង្រីកការយល់ដឹងស៊ីជម្រៅ ...
ម្លៃប្រេងឆៅបានកើនឡើងជាង ២ ភាគរយនៅថ្ងៃចន្ទនេះ ដោយតម្លៃប្រេង Brent ឡើងដល់ជាង ១០៧ ដុល្លារក្នុងមួយបារ៉ែល ក្រោយភាពតានតឹងនៅម...
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
កម្មវិធីពិសេសរបស់ AMS ECONOMY
