AMS Economyឯកឧត្តម សុខ ស៊ីផាន់ណា ៖ កម្ពុជាមិនអាចនៅតែពឹងផ្អែកលើវិស័យកាត់ដេរជារៀងរហូតនោះទេ
ភ្នំពេញ ៖ អ្នកជំនាញសេដ្ឋកិច្ចបានអះអាងថា កម្ពុជាសព្វថ្ងៃនៅតែបន្តរស់ដោយសារឧស្សាហកម្មកាត់ដេរ ដោយសារតែផ្នែកនេះមានការវិនិយោគច្រើន ក៏ដូចជាមានកម្លាំងពលកម្មច្រើនដើម្បីធ្វើការងារនេះ។ ដោយឡែក ប្រភេទរោងចក្រផលិតអគ្គិសនី និងរោងចក្រអេឡិចត្រូនិកជាដើមនៅមិនទាន់លេចចេញរូបរាងធំដុំនៅឡើយ ដែលបញ្ហានេះត្រូវបានអ្នកជំនាញលើកឡើងថាបណ្ដាលមកពីថ្លៃដើមក្នុងស្រុកខ្ពស់ពេក។
ឯកឧត្តមបណ្ឌិត សុខ ស៊ីផាន់ណា ទីប្រឹក្សាជាន់ខ្ពស់រាជរដ្ឋាភិបាលកម្ពុជាបានមានប្រសាសន៍បញ្ជាក់ពីស្ថានភាពសេដ្ឋកិច្ច និងការកៀរគរវិនិយោគិនអន្តរជាតិមកកាន់កម្ពុជាថា ដើម្បីឲ្យអ្នកវិនិយោគអន្តរជាតិឈានជើងចូលមកបណ្ដាក់ទុនលើវិស័យផ្សេងពីឧស្សាហកម្ម គឺត្រូវតែបន្ថយថ្លៃដើមក្នុងស្រុកជាមុន ទើបពួកគេអាចរកឃើញប្រាក់ចំណេញ។
ឯកឧត្តមបានបញ្ជាក់ថា ៖
«ដើម្បីកាត់បន្ថយថ្លៃដើមក្នុងស្រុកបាន កម្ពុជាត្រូវមានការផលិត និងបង្កើតថ្លៃដើមចាំបាច់ដោយខ្លួនឯង។ ក្នុងនោះ ការផលិតអគ្គិសនីដើម្បីប្រើប្រាស់ខ្លួនឯងគឺជារឿងសំខាន់ និងចាំបាច់បំផុត»
ឯកឧត្តមមានប្រសាសន៍ទៀតថា ៖
« ការវិនិយោគលើការផលិតអគ្គិសនី ជាការបញ្ចុះតម្លៃដើមមួយផ្នែក! ដរាបណាយើងមិនទាន់មាន Quality Energy ទេ យើងក៏ពិបាកនឹងទៅប្រកួតប្រជែងនៅក្នុងឆាកអន្តរជាតិក្នុងការដណ្ដើមយកវិនិយោគិនមកបណ្ដាក់ទុននៅស្រុកខ្មែរដែរ»
បច្ចុប្បន្ន កម្ពុជាមានការផលិតអគ្គិសនី និងមានប្រើប្រាស់ថាមពលកកើតឡើងវិញមួយចំនួនតូច ប៉ុន្តែថាមពលទាំងនេះនៅមិនទាន់គ្រប់គ្រាន់ក្នុងការផ្គត់ផ្គង់រោងចក្រសហគ្រាសទូទាំងប្រទេសនោះទេ ពោលគឺត្រូវតែចេញពីរោងចក្រផលិតអគ្គិសនីធំៗ ដែលមានថាមពលខ្លាំងក្លា ហើយដើម្បីបានថាមពលអគ្គិសនីដ៏ខ្លាំងក្លា ក៏ត្រូវតែមានការផលិតធំដូចគ្នា ដែលការផលិតក្នុងទ្រង់ទ្រាយធំនេះ ចង់មិនចង់គឺត្រូវតែមានផលប៉ះពាល់។ ប៉ះពាល់គឺ ចំពោះបងប្អូនប្រជាពលរដ្ឋដែលរស់នៅក្បែរតំបន់រោងចក្រផលិតអគ្គិសនី តាមរយៈរូបភាពជាច្រើនដូចជា សុខភាព សន្តិសុខ និងសេដ្ឋកិច្ចជាដើម។ យ៉ាងណាក៏ដោយ ផលប៉ះពាល់ក្នុងទ្រង់ទ្រាយតូចគឺនៅតែជាជម្រើសសម្រាប់ការផ្គត់ផ្គង់មនុស្សមួយចំណែកធំផ្សេងទៀត។
គួរបញ្ជាក់ថា សព្វថ្ងៃកម្ពុជាមានការផលិតអគ្គិសនីមួយចំនួនដែលអាចផ្គត់ផ្គង់អគ្គិសនីបានតាមផ្នែកជិតៗទីតាំងផលិតនោះ ក្រៅពីនោះកម្ពុជាក៏មានការទិញថាមពលអគ្គិសនីពីប្រទេសជិតខាងផងដែរដូចជា វៀតណាម ថៃ ឡាវ និងមួយផ្នែកតូចទៀត មានការទាញយកថាមពលកកើតឡើងវិញមកប្រើប្រាស់ផងដែរ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
មេដឹកនាំប៊ុលហ្គារី ៖ អឺរ៉ុបអាចរស់បានដោយគ្មានរុស្ស៊ី គ្រាន់តែលំបាកខ្លាំងបើធ្វើសត្រូវជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 07/09/2026
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
អាល្លឺម៉ង់ ផ្តើមផលិតដ្រូន AI ជាង ៥ ពាន់គ្រឿងឱ្យអ៊ុយក្រែន អាចហោះបាន ១ ៥០០ គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សហភាពអឺរ៉ុបគ្រោងបង្កើនទុនវិនិយោគនៅកោះហ្រ្គីនឡែន និង ពង្រឹងទំនាក់ទំនងនយោបាយឱ្យកាន់តែជិតស្និទ្ធ ខណៈដែលលោក ដូណាល់ ត្រាំ ទាមទារចង់បានកោះនេះបញ្ចូលជាដែនដ...
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
ចិនគ្រោងនឹងបញ្ចេញថវិកាប្រមាណ ៣៦០ ពាន់លានយន់ ឬស្មើប្រមាណ ៥៤ ពាន់លានដុល្លារ ដើម្បីចាក់បញ្ចូលទៅក្នុងវិស័យហិរញ្ញវត្ថុរបស់ខ្លួន...
ការសិក្សាស្រាវជ្រាវលើកដំបូងនៅកម្ពុជា ស្តីពី «សហគមន៍កសិកម្មទំនើប» បានបង្ហាញថា កសិករដែលចូលរួមក្នុងសហគមន៍ប្រភេទនេះទទួលបានល...
ចាប់ផ្តើមពីអាជីវកម្មគ្រួសារកាលពីឆ្នាំ២០១៦ សិប្បកម្មកែច្នៃសាច់ស្រស់ក្នុងស្រុក «ជីលីណា» (Chilyna) បានវិវត្តខ្លួនក្លាយជាសិប្...
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
