AMS Economyពាណិជ្ជកម្មទ្វេភាគីកម្ពុជា-ជប៉ុន កើនដល់ ១,៧ពាន់លានដុល្លារត្រឹមត្រីមាសទី៣
ភ្នំពេញ ៖ ពាណិជ្ជកម្មទ្វេភាគីរវាងកម្ពុជា និងជប៉ុន សម្រេចបាន ១ ៧៥៤ ពាន់លានដុល្លារក្នុងរយៈ៣ត្រីមាស កើនឡើង ៤,៤ ភាគរយ ដែលបង្ហាញថាបានកើនឡើងវិញបន្តិចបន្ទាប់ពីការធ្លាក់ចុះកាលពីឆ្នាំ២០២០ ធៀបនឹងរយៈពេលដូចគ្នា។ នេះបើយោងតាមទិន្នន័យពីអង្គការពាណិជ្ជកម្មក្រៅប្រទេសជប៉ុន (JETRO)។
គិតចាប់ពីខែមករា ដល់ខែកញ្ញា កម្ពុជាបាននាំចេញផលិតផលទៅកាន់ប្រជាជាតិអាស៊ីបូព៌ា មានតម្លៃ ១ ៣១៦ ពាន់លានដុល្លារ កើនឡើង ៨.៧ភាគរយ បើធៀបរយៈពេលដូចគ្នាកាលពីឆ្នាំ២០២០ ដែលឆ្លុះបញ្ចាំងពីការពិតនៃតម្រូវការទំនិញដែលផលិតក្នុងព្រះរាជាណាចក្រកម្ពុជាសម្រាប់ទីផ្សារជប៉ុនកំពុងកើនឡើង ។
កម្ពុជាបានចំណាយប្រាក់ចំនួន ៤៣៨ លានដុល្លារអាមេរិក ក្នុងការនាំចូលផលិតផលពីប្រទេសជប៉ុនក្នុងអំឡុងពេលដូចគ្នាដែលកើនឡើង ២៩,១ ភាគរយធៀបនឹងឆ្នាំ២០២០។ លទ្ធផលនេះធ្វើឱ្យអតិរេកពាណិជ្ជកម្មរបស់កម្ពុជាជាមួយជប៉ុនកើនដល់ ៨៧៨លានដុល្លារ ។ ការនាំចេញសំខាន់ៗពីកម្ពុជាទៅកាន់ប្រទេសជប៉ុន រួមមានដូចជា សម្លៀកបំពាក់ កាបូប ស្បែកជើង គ្រឿងសង្ហារឹម គ្រឿងសំអាង ក្រដាស និងសម្ភារៈការិយាល័យ និងស្បែក ។ ចំណែកកម្ពុជាបាននាំចូលគ្រឿងចក្រ រថយន្ត គ្រឿងអេឡិចត្រូនិក គ្រឿងសង្ហារឹម ក្រណាត់ និងប្លាស្ទិកពីប្រទេសជប៉ុន។
ជាមួយគ្នានេះ កម្ពុជាក៏កំពុងសម្លឹងមើលប្រទេសជប៉ុនក្នុងនាមជាដៃគូពាណិជ្ជកម្មអាទិភាពសម្រាប់ការពិភាក្សាលើកិច្ចព្រមព្រៀងពាណិជ្ជកម្មសេរីទ្វេភាគីដែលនឹងត្រូវបង្កើតឡើងក្នុងពេលខាងមុខ ដោយកិច្ចពិភាក្សាលើកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ជប៉ុននេះគ្រោងនឹងធ្វើឡើងក្នុងពេលឆាប់ៗនេះ ខណៈដែលព្រះរាជាណាចក្រកម្ពុជាបានចុះហត្ថលេខាលើកិច្ចព្រមព្រៀងពាណិជ្ជកម្មសេរីទ្វេភាគីចំនួន២រួចទៅហើយ ជាមួយប្រទេសចិន និងកូរ៉េខាងត្បូង ។
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានប្រាប់ AMS ថា ការនាំចេញទៅកាន់បរទេស រួមទាំងប្រទេសជប៉ុន បានបង្ហាញថា សកម្មភាពសេដ្ឋកិច្ចរបស់ប្រទេសកម្ពុជាយើងនៅតែមានភាពរឹងមាំ។
លោកឧកញ៉ា លឹម ហេង បានមានប្រសាសន៍ថា ៖
«វាជាសញ្ញាល្អចំពោះការមានការកើនឡើងពាណិជ្ជកម្ម ព្រោះក្នុងអំឡុងពេលកូវីដ-១៩ ទំហំពាណិជ្ជកម្មទ្វេភាគីមានការថយចុះ ដូច្នេះកំណើនការនាំចេញពាណិជ្ជកម្មនេះនឹងបង្ហាញពីការភ្ជាប់ការហោះហើរឡើងវិញ ហើយក៏ជាឱកាសសម្រាប់អ្នកវិនិយោគជប៉ុន ដែលគាត់កំពុងតែចង់មកកាន់កម្ពុជាស្រាប់»
លោកឧកញ៉ាបានបញ្ជាក់ដែរថា នៅខែមករាដើមឆ្នាំ២០២២ ខាងមុខនេះ យើងនឹងអនុវត្តកិច្ចព្រមព្រៀងតំបន់ RCEP ដែលនឹងមានភាគីជប៉ុនចូលរួមដែរ។ ស្របគ្នានេះកិច្ចការដ៏សំខាន់មួយទៀត ដែលទាក់ទងនឹងភាគីជប៉ុន គឺការបើកការិយាល័យសភាពាណិជ្ជកម្មកម្ពុជា Cambodia Chamber of Commerce CCC ដើម្បីបង្កើតទំនាក់ទំនងពាណិជ្ជកម្មនៅក្រៅប្រទេសផងដែរ ដោយរង់ចាំភ្លើងខៀវពីក្រសួងពាណិជ្ជកម្ម។
លោកឧកញ៉ា លឹម ហេង បានមានប្រសាសន៍ថា ៖
«ក្នុងនាមសភាពាណិជ្ជកម្មយើងព្យាយាមអនុវត្តកិច្ចព្រមព្រៀង និងអនុស្សរណៈជាមួយសភាពណិជ្ជកម្មជប៉ុន-កម្ពុជាឱ្យមានប្រសិទ្ធភាព ដើម្បីជំរុញពាណិជ្ជកម្មទ្វេភាគី ធ្វើយ៉ាងណាទាក់ទាញអ្នកវិនិយោគមកកាន់ប្រទេសយើងផងដែរ»
លោកឧកញ៉ាបានបញ្ជាក់ថា គម្រោងនេះនឹងមិនអូសបន្លាយពេលយូរទេ ហើយការដែល CCC គ្រោងនឹងបង្កើតការិយាល័យនៅប្រទេសជប៉ុន គឺដើម្បីជំរុញការវិនិយោគពីបរទេស ព្រោះថាជប៉ុនគឺជាប្រទេសមួយខ្លាំង ដែលមានសក្តានុពលផ្នែកវិនិយោគនៅក្រៅប្រទេស។
សូមបញ្ជាក់ថាក្នុងឆ្នាំ២០២០ ពាណិជ្ជកម្មទ្វេភាគីរវាងប្រទេសទាំងពីរមានតម្លៃ ២០៩៩ ពាន់លានដុល្លារ ធ្លាក់ចុះ៨ ភាគរយបើធៀបនឹងឆ្នាំ២០១៩។ ជប៉ុនជាទីផ្សារធំបំផុតមួយរបស់កម្ពុជា បន្ទាប់ពីអាមេរិក និងសហភាពអឺរ៉ុប៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីប
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ...
ធនាគារជាតិនៃកម្ពុជា (NBC) បានអំពាវនាវឱ្យសាធារណជនមានការប្រុងប្រយ័ត្នខ្ពស់ មុននឹងតភ្ជាប់ ឬចូលប្រើប្រាស់សេវាទូទាត់សងប្រាក់ណា...
ប្រធានាធិបតីចិន លោក Xi Jinping នឹងអញ្ជើញចូលរួមកិច្ចប្រជុំកំពូល BRICS នៅប្រទេសឥណ្ឌា ដែលដំណើរទស្សនកិច្ចលើកដំបូងក្នុងរយៈពេល ៧ ឆ្នាំ ខណៈដែលបញ្ហាជម្លោះព...
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ ពិធី...
ផ្សារមូលបត្រកម្ពុជា (CSX) បានកត់សម្គាល់ថា សកម្មភាពជួញដូរភាគហ៊ុនកើនឡើងខ្លាំង ខណៈក្រុមហ៊ុនចុះបញ្ជីសរុបចំនួន ២៨ បានកៀរគរទុ...
កម្មវិធីពិសេសរបស់ AMS ECONOMY
