AMS Economyកម្ពុជាជំរុញឱ្យ IMF បន្តគាំទ្រប្រទេសសមាជិកអាស៊ានកំឡុងពេលនៃការងើបឡើងវិញនៃសេដ្ឋកិច្ច
ភ្នំពេញ ៖ ថ្នាក់ដឹកនាំជាន់ខ្ពស់ធនាគារជាតិនៃកម្ពុជាបានបង្ហាញពីការគាំទ្រទៅលើរាល់សកម្មភាពជ្រោមជ្រែងរបស់មូលនិធិរូបិយវត្ថុអន្តរជាតិ (IMF) ជាមួយនឹងការជំរុញឲ្យមានការបន្តគាំទ្រដល់បណ្តាប្រទេសដែលជាសមាជិកអាស៊ានក្នុងកំឡុងពេលនៃការងើបឡើងវិញនៃសេដ្ឋកិច្ច។
ទេសាភិបាលធនាគារជាតិនៃកម្ពុជា ឯកឧត្តម ជា ចាន់តូ បានជំរុញឱ្យមូលនិធិរូបិយវត្ថុអន្តរជាតិ IMF បន្តគាំទ្រប្រទេសជាសមាជិកអាស៊ាន ក្នុងកំឡុងពេលនៃការងើបឡើងវិញនៃសេដ្ឋកិច្ច ដែលការលើកឡើងនេះត្រូវបានធ្វើឡើងនៅក្នុងឱកាសចូលរួមនៃកិច្ចប្រជុំតុមូលតាមរយៈប្រព័ន្ទវីដេអូពីចម្ងាយជាមួយ ថ្នាក់ដឹកនាំស្ថាប័ន IMF និងរដ្ឋមន្ត្រីហិរញ្ញវត្ថុអាស៊ាន។
ឯកឧត្តម ជា ចាន់តូ បានមានប្រសាសន៍ថា កិច្ចខិតខំប្រឹងប្រែងរបស់រាជរដ្ឋាភិបាលកម្ពុជាបានផ្តល់ផលផ្លែផ្កា ដោយសារការបង្កើនការចាក់វ៉ាក់សាំង និងអត្រានៃការចាក់វ៉ាក់សាំងបច្ចុប្បន្នមានច្រើនជាង ៨០ ភាគរយនៃចំនួនប្រជាជនសរុប ខ្ពស់ជាងកម្រិតដែលបានណែនាំដោយមូលនិធិរូបិយវត្ថុអន្តរជាតិ។
ឯកឧត្តមក៏បានកត់សម្គាល់ផងដែរថា ការចាក់វ៉ាក់សាំង គឺជាគន្លឹះក្នុងការស្តារឡើងវិញពីវិបត្តិសេដ្ឋកិច្ច ជាមួយនឹងការប្រើប្រាស់គោលនយោបាយដើម្បីគាំទ្រ និងគ្រប់គ្រងការរីករាលដាលនៃជំងឺកូវីដ-១៩។
ឯកឧត្តមទេសាភិបាលបានមានប្រសាសន៍បញ្ជាក់ថា ៖
«តួនាទីរបស់មូលនិធិរូបិយវត្ថុអន្តរជាតិមានសារៈសំខាន់ក្នុងការគាំទ្រដល់ប្រទេសជាសមាជិកអាស៊ាន តាមរយៈជំនួយបច្ចេកទេស ការកសាងសមត្ថភាព និងក្នុងវិបត្តិកូវីដ-១៩ IMF បានបង្កើនការបែងចែក SDR របស់ខ្លួន ដើម្បីពង្រឹងទំនុកចិត្ត និងបង្កើនលំហនៃការអនុវត្តគោលនយោបាយសេដ្ឋកិច្ច»
ជាមួយគ្នានេះ ក្នុងនាមរាជរដ្ឋាភិបាលកម្ពុជា ឯកឧត្តមជា ចាន់តូ បានបង្ហាញនូវការគាំទ្រចំពោះគោលនយោបាយស្តារសេដ្ឋកិច្ចរបស់ IMF តាមរយៈការប្រើប្រាស់គោលនយោបាយរួមបញ្ចូលគ្នា ដើម្បីកាត់បន្ថយផលប៉ះពាល់នៃវិបត្តិ និងគាំទ្រអ្វីដែលគេហៅថាក្របខ័ណ្ឌគោលនយោបាយរួម។
សូមបញ្ជាក់ដែរថា ធនាគារជាតិនៃកម្ពុជាបានធ្វើសកម្មភាពយ៉ាងសកម្មក្នុងការពង្រឹងប្រព័ន្ធធនាគារគាំទ្រនិរន្តរភាពនៃការផ្តល់ហិរញ្ញប្បទានដល់សេដ្ឋកិច្ច កាត់បន្ថយបន្ទុកលើប្រជាជន និងសេដ្ឋកិច្ចដែលរងផលប៉ះពាល់ ដោយអនុញ្ញាតឱ្យមានការរៀបចំរចនាសម្ព័ន្ធឡើងវិញ និងការលើកកម្ពស់ឥណទានបរិយាកាសហិរញ្ញវត្ថុ និងចំណេះដឹងផ្នែកហិរញ្ញវត្ថុ និងការការពារអតិថិជន។
ក្នុងនាមតំណាងរាជរដ្ឋាភិបាលកម្ពុជា ឯកឧត្តម ជា ចាន់តូ ក៏បានអំពាវនាវដល់មូលនិធិរូបិយវត្ថុអន្តរជាតិ (IMF) បន្តផ្តល់កិច្ចសហប្រតិបត្តិការគាំទ្របន្ថែមទៀតដល់បណ្តាប្រទេសជាសមាជិកអាស៊ាន ជាពិសេសក្នុងអំឡុងពេលនៃការងើបឡើងវិញនៃសេដ្ឋកិច្ចក្រោយវិបត្តិកូវីដ ជាមួយនឹងបញ្ហាប្រឈម ដែលអាចកើតមានដូចជាទំហំនៃការអនុវត្ត គោលនយោបាយ គាំទ្រតូចជាងមុន។ ជាពិសេសរាល់ការផ្លាស់ប្តូរការអនុវត្តគោលនយោបាយរូបិយវត្ថុ របស់ប្រទេសអភិវឌ្ឍន៍ធំៗ ដូចជាការធ្វើឱ្យមានលក្ខណៈប្រក្រតី នៃនយោបាយការបង្កើនអត្រាការប្រាក់មូលដ្ឋាន ឬការកាត់បន្ថយសាច់ប្រាក់ងាយស្រួលលើទីផ្សារ ដែលនាំឱ្យមានការផ្លាស់ប្តូរលំហូរមូលធនពីប្រទេសកំពុងអភិវឌ្ឍន៍ និងសម្ពាធលើអត្រាប្តូរប្រាក់៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Trump សន្យាចែកលុយឱ្យពលរដ្ឋម្នាក់ ៥០០០ ដុល្លារ ពេលឈ្នះឆ្នោតពាក់កណ្តាលអាណត្តិខាងមុខនេះ
ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
បរទេស ៖ ប្រធានាធិបតីអាមេរិក លោក Donald Trump បានសន្យាយ៉ាងភ្ញាក់ផ្អើលមួយដល់ពលរដ្ឋដោយថ្លែងថា លោកនឹងផ្តល់ប្រាក់លើកទឹកចិត្ត ដែលហៅថា «Trump Dividend» ចំនួន ៥០០០ ដុល្លារ ជូនដល់ប្រជាពលរដ្ឋអាមេរិកាំងពេញវ័យគ្រប់ៗរូបប្រសិនបើគណបក្សសាធារណៈ អាចបន្តគ្រប់គ្រង និងរក្សាកៅអីភាគច្រើនក្នុងសភាទាំងពីរនាពេលបោះឆ្នោតពាក់កណ្តាលអាណត្តិ អំឡុងខែវិច្ឆិកាខាងមុខនេះ។ យោងតាមការចេញផ្សាយរបស់ RT
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
បរទេស ៖ ប្រមុខរដ្ឋាភិបាលឥណ្ឌា កំពុងព្យាយាមរុញច្រានយុទ្ធសាស្ត្រផលិតបន្ទះឈីបរបស់ខ្លួនឱ្យកាន់តែធំជាងមុន ដោយមិនត្រឹមតែផ្តោតលើការផលិតឈីបប៉ុណ្ណោះទេ ប៉ុន្តែថែមទាំងគ្រប់គ្រងលើខ្សែច្រវាក់ផ្គត់ផ្គង់ទាំងមូលនៅក្នុងប្រទេសផងដែរ។ យោងតាមអត្ថបទដែលបានចេញផ្សាយដោយកាសែត Novinata បានឲ្យដឹងថា គោលដៅចម្បង គឺកាត់បន្ថយការពឹងផ្អែកលើការនាំចូលពីបរទេស និងប្រែក្លាយខ្លួនទៅជាប្រទេសនាំមុខគេមួយក្នុងវិស័យបច្ចេកវិទ្យាដ៏សំខាន់នេះ។ បច្ចុប្បន្ន បន្ទះឈីប គឺជាបេះដូងនៃបច្ចេកវិទ្យាទំនើបៗជាច្រើន ដូចជា ទូរស័ព្ទស្មាតហ្វូន រថយន្ត ប្រព័ន្ធបញ្ញាសិប្បនិម្មិត (AI)និងកុំព្យូទ័រដែលមានសមត្ថភាពខ្ពស់។
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បរទេស ៖ ប្រធានាធិបតីអាមេរិក លោក Donald Trump បានសន្យាយ៉ាងភ្ញាក់ផ្អើលមួយដល់ពលរដ្ឋដោយថ្លែងថា លោកនឹងផ្តល់ប្រាក់លើកទឹកចិត្ត ដែលហៅថា «Trump Dividend» ចំ...
ភ្នំពេញ ៖ អាមេរិក គឺជាទីផ្សារនាំចេញធំបំផុតមួយ និងជាដៃគូពាណិជ្ជកម្មដ៏សំខាន់របស់កម្ពុជា ដោយទំហំពាណិជ្ជកម្មទ្វេភាគីបានកើនឡើងជាលំដាប់គួរឲ្យកត់សម្គាល់។ ...
ប្រាក់ឈ្នួលអប្បបរមាសម្រាប់កម្មករនិយោជិតក្នុងវិស័យវាយនភណ្ឌ កាត់ដេរ ផលិតស្បែកជើង និងផលិតផលធ្វើដំណើរ និងកាបូបនៅកម្ពុជា ក្នុង...
វៀតណាម និងរុស្ស៊ីបានឯកភាពគ្នាដាក់គោលដៅបង្កើនទំហំពាណិជ្ជកម្មទ្វេភាគីឱ្យឈានដល់ ១៥ ពាន់លានដុល្លារក្នុងពេលឆាប់ៗខាងមុខ
បរទេស ៖ ប្រមុខរដ្ឋាភិបាលឥណ្ឌា កំពុងព្យាយាមរុញច្រានយុទ្ធសាស្ត្រផលិតបន្ទះឈីបរបស់ខ្លួនឱ្យកាន់តែធំជាងមុន ដោយមិនត្រឹមតែផ្តោតលើការផលិតឈីបប៉ុណ្ណោះទេ ប៉ុន្...
ភ្នំពេញ ៖ Cambodia Travel Match ២០២៦ (CTM) ជាកម្មវិធីដ៏សំខាន់មួយសម្រាប់ជំរុញការផ្សព្វផ្សាយវិស័យទេសចរណ៍កម្ពុជាទៅកាន់ពិភពលោក ព្រមទាំងពង្រឹងកិច្ចសហប្រ...
តម្លៃប្រេងឆៅ Brent ឡើងថ្លៃ ៣,៤ ភាគរយដែលកើនដល់ ១០១.២១ ដុល្លារ ក្នុងមួយបារ៉ែល ខណៈដែលតម្លៃប្រេងឆៅ West Texas Intermediate ឡើងថ្លៃ ៣,២៥ ភាគរយដែលកើនដល់ ...
ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ឯកឧត្តម សាយ សំអាល់ បានលើកឡើងថា ខេត្តទាំងអស់នៅទូទាំងប្រទេស...
កម្មវិធីពិសេសរបស់ AMS ECONOMY
