AMS Economyក្នុងមួយរដូវភ្លៀង ប្រជាជនខាតលុយទិញអាវភ្លៀងស្តើងៗគ្មានគុណភាពរាប់លានដុល្លារ
ភ្នំពេញ ៖ ជាទូទៅនៅក្នុងរដូវវស្សា ឬរដូវធ្លាក់ភ្លៀង គេសង្កេតឃើញប្រជាពលរដ្ឋដែលជាអ្នកធ្វើដំណើរតាមផ្លូវដោយជិះម៉ូតូ ឬកង់ តែងចំណាយលុយទិញអាវភ្លៀងប្លាស្ទិកសម្រាប់ប្រើប្រាស់ដើម្បីបញ្ជៀសការទទឹក ខណៈដែលការចំណាយលុយទិញអាវភ្លៀងស្ដើងៗប្រើមិនបានយូរទាំងនេះត្រូវបានអ្នកជំនាញសេដ្ឋកិច្ចលើកឡើងថា ជាការចំណាយខ្ជះខ្ជាយដែលមានទំហំសរុបរាប់លានដុល្លារក្នុងមួយរដូវកាលទៅឲ្យក្រុមហ៊ុនក្រៅស្រុកដែលជាអ្នកផលិត ហើយបានបន្សល់ទុកនូវសំណល់ប្លាស្ទិកយ៉ាងសន្ធឹកសន្ធាប់។
ភាគច្រើនអាវភ្លៀងប្រភេទស្ដើងៗ ដែលត្រូវបានដាក់លក់រាយនៅតាមទីតាំងលក់ដូរចំរុះនានា ជាពិសេសនៅជាប់ដងផ្លូវមានតម្លៃមួយ ២០០០រៀល ហើយនៅក្នុងរដូវភ្លៀងធ្លាក់មនុស្សម្នាក់អាចប្រើ ៣ ទៅ ៤ អាវ ឬច្រើនជាងនេះ ដោយសារតែអាវភ្លៀងទាំងនោះស្ដើង គុណភាពទាប និងងាយរហែក។
សម្រាប់តែអាជីវករលក់ដូរទំនិញចំរុះតាមដងផ្លូវសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ អ្នកស្រី ស៊ីនួន បានប្រាប់ឲ្យដឹងថា នៅពេលមានភ្លៀងធ្លាក់ម្ដង យ៉ាងហោចណាស់មានអ្នករកទិញអាវភ្លៀងជាហូរហែរដោយមិនអាចកំណត់ពីចំនួនពិតប្រាកដននោះទេ ប៉ុន្តែប្រសើនបើគិតមួយសប្ដាហ៍ក្នុងរដូវធា្លក់ភ្លៀងអាចលក់បានប្រមាណ១០-១៥ អាវភ្លៀង។
អ្នកស្រីបានបញ្ជាក់ថា ៖
«ពេលមានភ្លៀងធ្លាក់ គឺតែងមានអ្នកទិញអាវភ្លៀងប្រភេទស្ដើងៗច្រើនគួរសម ដែលមួយមានតម្លៃ ២ ០០០រៀល។ អាវភ្លៀងទាំងនេះមានម៉ូយដឹកយកមកលក់បោះដុំឲ្យដល់ផ្ទះ ហើយការលក់អាវភ្លៀងនេះ ទទួលបានចំណេញគួរសម ដោយក្នុងមួយសប្ដាហ៍ខ្ញុំលក់បានមិនក្រោម១០អាវនោះទេ»
ស្រដៀងគ្នានេះ ស្ត្រីម្នាក់ ដែលមានឈ្មោះហៅក្រៅ ចែរពៅ ដែលជាអាជីវករលក់ដូរទំនិញចំរុះច្រើនមុខស្ថិតបណ្តោយផ្លូវជាតិលេខ៦A ក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ បានប្រាប់ឲ្យដឹងថា គាត់លក់របស់ប្រើប្រាស់តិចតួចផ្សំគ្នារួមទាំងអាវភ្លៀងផងដែរ ដើម្បីជីវភាព ប៉ុន្តែនៅរដូវភ្លៀងធ្លាក់ការលក់អាវភ្លៀងដាច់មួយៗ ព្រោះគេលក់ច្រើនគ្នាតាមដងផ្លូវ ហើយតម្លៃលក់រាយមួយ ២ ០០០រៀល។
អ្នកស្រីបានបន្តថា ៖
«ខ្ញុំមិនដឹងច្បាស់ថាជាផលិតផលក្រៅប្រទេស ឬក្នុងស្រុកទេ តែបើមើលស្លាកប្រហែលជារបស់នាំចូលពីប្រទេសវៀតណាម ព្រោះមានអក្សរវៀតណាមនៅជាប់ថង់ស្រោបខាងក្រៅ។ ខ្ញុំលក់តែអាវភ្លៀងស្ដើងៗ ព្រោះស្រួលលក់ និងមានអ្នកទិញជាហូរហែ បើអាវភ្លៀងក្រាសៗដែលអាចប្រើបានយូរ មានតម្លៃថ្លៃ ហើយមិនសូវមានអ្នករកទិញនោះទេ»
ពាក់ព័ន្ធទៅនឹងការចំណាយទៅលើការប្រើប្រាស់អាវភ្លៀងនៅក្នុងរដូវកាលធ្លាក់ភ្លៀងប្លាស្ទិកដែលនាំចូលពីក្រៅប្រទេសទាំងនេះ អ្នកជំនាញសេដ្ឋកិច្ចបានលើកឡើងថា ជាការចំណាយខ្ជះខ្ជាយរបស់ពលរដ្ឋដែលជាអ្នកប្រើប្រាស់អាវភ្លៀងប្រភេទស្ដើងៗ ប៉ុន្តែចំណាយទៅលើការទិញអាវភ្លៀងដែលមានគុណភាព ក្រាស ប្រើបានយូរ ប្រសើរជាងការទិញប្រើ ឬពាក់ពេលមានភ្លៀងម្ដងៗ ហើយរហែក បោះចោល ដែលបង្កជាសំណល់ប្លាស្ទិកប៉ះពាលដល់បរិស្ថាននោះទេ។
លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃវិទ្យាស្ថានទំនាក់ទំនងអន្តរជាតិនៃរាជបណ្ឌិតសភាកម្ពុជា បានមានប្រសាសន៍ប្រាប់ AMS ថា ជាទឹកប្រាក់សរុបទៅលើការចំណាយដែលនាំចូលផលិតផលអាវភ្លៀងពីប្រទេសវៀតណាម ឬប្រទេសថៃ ទោះក្នុងតម្លៃណាក៏ដោយ មានន័យថាពលរដ្ឋកម្ពុជាបាននាំយកទឹកប្រាក់រាប់លានដុល្លារទៅឱ្យប្រទេសគេដែលជាអ្នកផលិត។
លោកបានបន្តថា ៖
«ដូច្នេះ បើយើងគិតថា យើងអាចផលិតបាននូវផលិតផលនេះដោយខ្លួនឯងបាន វាគឺជាកិច្ចការមួយល្អ ហើយអាចទាញបានផលចំណេញដល់សេដ្ឋកិច្ច ដល់ពលរដ្ឋធ្វើអាជីវកម្មទូទៅក្នុងសេដ្ឋកិច្ចក្រៅប្រព័ន្ធ ដែលយើងអាចទទួលបានផលចំណេញច្រើនជាងកាលដែលយើងនាំចូលនូវទំនិញផលិតផលនេះពីបរទេស»
លោកបណ្ឌិត ហុង វណ្ណៈ បានបញ្ជាក់ទៀតថា ៖
«និយាយពីតម្រូវការប្រើប្រាស់ គឺមិនអាចរង់ចាំបានទេ ព្រោះយើងមិនទាន់មានសមត្ថភាពផលិតគ្រប់គ្រាន់នៅក្នុងស្រុក ដូច្នេះយើងគួរគិតគូរស្វែងរកការផលិតសម្រាប់ប្រទេសរបស់យើង ពិសេស ធុរជនដែលអាចបង្កើតផលិតកម្មសិប្បកម្មនេះបាន ព្រោះថាបើយើងអាចបង្កើតសិប្បកម្មនេះបាននោះជាការល្អ ព្រោះអាវភ្លៀងជាសម្ភារៈប្រើប្រាស់តូចតាច ប៉ុន្តែនៅរដូវភ្លៀងយើងចាំបាច់ត្រូវចំណាយលើវាដើម្បីប្រើប្រាស់។ ជារួម ពលរដ្ឋខ្មែរយើងភាគច្រើនមិនបានគិតទៅលើទំហំរួមនោះទេ ព្រោះត្រឹមការចំណាយ ២ ០០០រៀល សម្រាប់ទិញអាវភ្លៀងពាក់ម្ដងមិនច្រើននោះទេ ប៉ុន្តែនៅពេលដែលគិតទៅលើទំហំសរុបនោះទើបដឹងថា ការចំណាយខ្ជះខ្ជាយទៅលើអាវភ្លៀវ ដែលបន្សល់ទុកនូវសំណល់ប្លាស្ទិករាប់តោនក្នុងមួយឆ្នាំមានតម្លៃរាប់លានដុល្លារ»
មានការធ្វើសន្ទស្សន៍ថា ប្រសិនបើគិតតាមប្រជាសាស្ត្រប្រជាជនខ្មែរមានប្រមាណ១៦លាននាក់ ហើយមានត្រឹម២លាននាក់ដែលបានចំណាយទៅលើការប្រើប្រាស់អាវភ្លៀងក្នុងរដូវធ្លាក់ភ្លៀងត្រឹមតែចំនួន៤អាវក្នុងម្នាក់ ដោយអាវមួយមានតម្លៃ ២ ០០០រៀល ឬស្មើនឹង ០,៥ដុល្លារ នោះតម្លៃនៃការចំណាយសរុបនឹងកើនឡើងដល់៤លានដុល្លារ។
គួររំលឹកផងដែរថា ទីលានចាក់សំរាមទំាងអស់ក្នុងប្រទេសកម្ពុជានឹងមិនអាចបន្តផ្ទុកសំណល់រឹងបានទេ ប្រសិនជាសំណល់រឹងបន្តកើនឡើងក្នុងល្បឿនដូចសព្វថ្ងៃជាពិសេសនៅទីក្រុងធំៗមួយចំនួនដូចជា ក្រុងភ្នំពេញ ដែលមានសំរាមជាមធ្យម ២,២១៦តោនជារៀងរាល់ថ្ងៃ។ សំរាមទាំងនោះ ភាគច្រើនអាចកែច្នៃដើម្បីប្រើប្រាស់ឡើងវិញ ប៉ុន្តែមានតែសំរាមជាង ២០% ប៉ុណ្ណោះដែលត្រូវបានកែច្នៃឡើងវិញ ខណៈដែលសំរាមក្នុងក្រុងប្រមាណជាង ៩០% ត្រូវបានរកឃើញថា មានផ្ទុកសម្ភារៈដែលអាចកែច្នៃបាន ដូចជាកាកសំណល់សេរីរាង្គ (៥៥%) ប្លាស្ទិក (២១%) និងសំណល់ផ្សេងៗ។ នេះបើយោងតាមរបាយការណ៍របស់ក្រសួងបរិស្ថានឆ្នាំ ២០១៨។ ទោះបីជាយ៉ាងណាក៏ដោយ ការប្រើប្រាស់អាវភ្លៀងប្លាស្ទិកនៅក្នុងរដូវភ្លៀងធ្លាក់ គឺជាប្រភពនៃការបង្កើនសំរាម និងសំណល់ប្លាស្ទិកជាច្រើនតោនក្នុងមួយឆ្នាំ ដែលអាចផ្តល់ផលប៉ះពាល់ទៅដល់បរិស្ថាន៕
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
និស្សិតសាកលវិទ្យាល័យរាប់ពាន់នាក់ ប្រកួតប្រជែងក្នុងវគ្គផ្តាច់ព្រ័ត្រនៅលើឆាកជាតិក្នុងកម្មវិធី សហគ្រិនមហាវិទ្យាល័យ (UniPreneur) របស់សហគ្រិនខ្មែរ
ព្រឹត្តិការណ៍, អត្ថបទពាណិជ្ជកម្ម
• 03/11/2026
ភ្នំពេញ — ថ្ងៃទី០២ ខែវិច្ឆិកា ឆ្នាំ២០២៦ – ដោយនាំយកភាពរំភើប និងស្មារតីប្រកួតប្រជែងនៃការប្រកួត កីឡាថ្នាក់ជាតិ មកបញ្ចូលក្នុងវិស័យសហគ្រិនភាព សហគ្រិនខ្មែរ បានបញ្ចប់ដោយជោគជ័យនូវការប្រកួត វគ្គផ្តាច់ព្រ័ត្រនៃកម្មវិធី ប្រកួតប្រជែងសហគ្រិនមហាវិទ្យាល័យថ្នាក់ជាតិ (UniPreneur National Challenge) រដូវកាលទី៤។ វគ្គផ្តាច់ព្រ័ត្រនេះបាននាំនវានុវត្តជនសក្តានុពលផ្នែកសហគ្រិនភាពមក ពីទូទាំងប្រទេស
ការវិនិយោគច្រើនហួសហេតុលើវិស័យបច្ចេកវិទ្យា AI ក្នុងរយៈពេលខ្លី និងហានិភ័យចំពោះសេដ្ឋកិច្ចសកល
ព្រឹត្តិការណ៍, អាជីវកម្មថ្មី និងនវានុវត្ត
• 03/11/2026
បរទេស ៖ ពិភពលោកកំពុងព្រួយបារម្ភថា ការផ្ទុះឡើងនូវវិបត្តិដូចពពុះសាប៊ូនៃបច្ចេកវិទ្យា AI (AI Bubble Burst)អាចនឹងកើតមានឡើងនៅពេលដែលការចំណាយទុនយ៉ាងសន្ធឹកសន្ធាប់លើបច្ចេកវិទ្យាបញ្ញាសិប្បនិម្មិតមានទំហំធំលើសលប់ធៀបនឹងប្រាក់ចំណេញអាជីវកម្មជាក់ស្តែង ដែលវាប្រាកដណាស់នឹងបង្ខំឱ្យទីផ្សារហិរញ្ញវត្ថុជួបបញ្ហាយ៉ាងធ្ងន់ធ្ងរ។ ក្រុមហ៊ុន Amazon ជាអ្នកនាំមុខគេក្នុងការវិនិយោគលើហេដ្ឋារចនាសម្ព័ន្ធបច្ចេកវិទ្យាបញ្ញាសិប្បនិម្មិត ជាមួយនឹងផែនការចំណាយទុនប្រមាណ ២០០ ពាន់លានដុល្លារ, ក្រុមហ៊ុន Alphabet គ្រោងកញ្ចប់ថវិកាប្រមាណ ១៩៥ពាន់លាន ទៅ
ពិធីចុះហត្ថលេខា ដៃគូហិរញ្ញប្បទានជាយុទ្ធសាស្ត្រ រវាងធនាគារ អ អេច ប៊ី និងក្រុមហ៊ុន គិរីសួគ៌
ព្រឹត្តិការណ៍, អត្ថបទពាណិជ្ជកម្ម
• 02/11/2026
ភ្នំពេញ ៖ នៅ ថ្ងៃទី ២៨ ខែតុលា ឆ្នាំ ២០២៦ – ធនាគារ RHB Bank (Cambodia) Plc. («ធនាគារ អ អេច ប៊ី») និងក្រុមហ៊ុន Khmer
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ — ថ្ងៃទី០២ ខែវិច្ឆិកា ឆ្នាំ២០២៦ – ដោយនាំយកភាពរំភើប និងស្មារតីប្រកួតប្រជែងនៃការប្រកួត កីឡាថ្នាក់ជាតិ មកបញ្ចូលក្នុងវិស័យសហគ្រិនភាព សហគ្រិនខ្ម...
បរទេស ៖ ពិភពលោកកំពុងព្រួយបារម្ភថា ការផ្ទុះឡើងនូវវិបត្តិដូចពពុះសាប៊ូនៃបច្ចេកវិទ្យា AI (AI Bubble Burst)អាចនឹងកើតមានឡើងនៅពេលដែលការចំណាយទុនយ៉ាងសន្ធឹកស...
ក្នុងឆ្នាំ២០២៦នេះ តម្លៃដីធ្លីនៅតំបន់មួយចំនួននៅកណ្ដាលក្រុងភ្នំពេញបន្តធ្លាក់ចុះបន្ថែមទៀតធៀបនឹងឆ្នាំ២០២៥កន្លងទៅ .....
បរទេស៖ ក្រុមហ៊ុនផលិតរថយន្តធំៗរបស់ជប៉ុនកំពុងរងសម្ពាធយ៉ាងធ្ងន់ធ្ងរនៅក្នុងទីផ្សារប្រទេសចិន ដែលជាទីផ្សាររថយន្តធំបំផុតនៅលើពិភពលោក បន្ទាប់ពីទិន្នផលផលិតកម...
មូលនិធិរូបិយវត្ថុអន្តរជាតិ (IMF) ព្យាករណ៍ថា ផលិតផលក្នុងស្រុកសរុបសម្រាប់មនុស្សម្នាក់របស់វៀតណាមនឹងយកឈ្នះលើឥណ្ឌូណេស៊ី ដែលអាចឈរនៅចំណាត់ថ្នាក់ទី ៥ ក្នុង...
កម្ពុជាត្រៀមផលិតប្រេង CNSL ដែលចម្រាញ់ចេញពីសំបកគ្រាប់ស្វាយចន្ទី ដើម្បីផ្គត់ផ្គង់ជាវត្ថុធាតុដើមសម្រាប់ប្រើប្រាស់ក្នុងវិស័យជាច្រ...
ស្ថាប័នសារព័ត៌មានកម្ពុជាចំនួន ៣ រួមមាន AMS, សារព័ត៌មានថ្មីៗ និងសារព័ត៌មានដើមអម្ពិល កំពុងចូលរួមក្នុងវេទិកាសហប្រតិបត្តិការប្រព័ន្...
មជ្ឈមណ្ឌលការពារអ្នកប្រើប្រាស់សេវាហិរញ្ញវត្ថុ (FCPC) បានដាក់ចេញយន្តការ និងនីតិវិធីសាមញ្ញ ងាយស្រួល និងឥតគិតកម្រៃ ដើម្បីជួយប្...
កម្មវិធីពិសេសរបស់ AMS ECONOMY
