AMS Economyចិនចាប់ផ្តើមឆ្ពោះទៅបច្ចេកវិទ្យា 6G ដែលមានល្បឿនលឿន ខណៈពិភពលោកនៅទន្ទឹង 5G នៅឡើយ
បរទេស ៖ ក្នុងពេលដែលបណ្តាប្រទេសនានាលើពិភពលោកទើបតែចាប់ផ្តើមដាក់ពាក្យស្នើសុំដំណើរការនូវបច្ចេកវិទ្យាអ៊ីនធឺណេត 5G នៅឡើយនោះ ក្រឡេកទៅមើលប្រទេសចិនឯណោះវិញ កំពុងចាប់ផ្តើមផ្តោតការយកចិត្តទុកដាក់ទៅលើកិច្ចការងារអភិវឌ្ឍន៍បច្ចេកវិទ្យាជំនាន់ថ្មីមួយទៀតគឺ 6G ដែលអាចមានសមត្ថភាពល្បឿនលឿនជាងបច្ចេកវិទ្យា 5G រាប់សិបដង។
កាលពីអំឡុងខែវិច្ឆិកាឆ្នាំ2020 ប្រទេសចិនបានធ្វើការបាញ់បង្ហោះផ្កាយរណបចំនួន 13 គ្រឿង ដែលក្នុងនោះមានផ្កាយរណបដំបូងបំផុតរបស់ពិភពលោកចំនួន1ដែលប្រើប្រាស់សម្រាប់ធ្វើតេស្ត និងសាកល្បងបច្ចេកវិទ្យា 6Gចេញពីស្ថានីយបង្ហោះផ្កាយរណប Taiyuan នៅក្នុងខេត្ត Shanxi។ ក្រៅពីនេះ ផែនការអាទិភាពរបស់ចិនលើកទី14 (2021-2025) គឺការយកចិត្តទុកសំខាន់ទៅលើកិច្ចការងារពង្រឹងបច្ចេកវិទ្យា និងសេដ្ឋកិច្ចដែលមានរួមទាំងផែនការពន្លឿនបច្ចេកវិទ្យា 6G នេះផងដែរ ។
ក្រុមហ៊ុនឯកជនជាច្រើនរបស់ចិនបានក្លាយទៅជាភាគីដ៏សំខាន់នៅក្នុងកិច្ចខំប្រឹងប្រែងរបស់រដ្ឋាភិបាលចិនដែលក្នុងនោះមានដូចជា Huawei ជាដើម កំពុងដំណើរការមជ្ឈមណ្ឌលស្រាវជ្រាវបច្ចេកវិទ្យា 6G របស់ខ្លួននៅក្នុងប្រទេសកាណាដា ចំណែកឯ Oppo បានប្រកាសពីទុនវិនិយោរហូតដល់ទៅ 50 ពាន់លានយ័ន ឬប្រមាណជា 7.7 ពាន់លានដុល្លារសម្រាប់តែកិច្ចការងារស្រាវជ្រាវ និងអភិវឌ្ឍន៍(R&D)បច្ចេកវិទ្យាផ្តោតសំខាន់ទៅលើ 6G ផងដែរ។
លើសពីនេះប្រទេសចិនក៏បានប្រើប្រាស់វិស័យឯកជន និងសាធារណៈជាច្រើនផ្សេងទៀតដើម្បីយកមកចូលរួមចំណែកកិច្ចសហប្រតិបត្តិការស្រាវជ្រាវទៅលើបច្ចេកវិទ្យានេះផងដែរ។ ជាក់ស្តែងកាលពីឆ្នាំ2020 សកលវិទ្យាល័យ Nanyang របស់ប្រទេសសិង្ហបុរី និងសកលវិទ្យាល័យ Osaka របស់ប្រទេសជប៉ុនបានប្រកាសអំពីភាពជោគជ័យក្នុងការផលិតបន្ទះឈីបម្យ៉ាងដែលអាចអនុញ្ញាតឲ្យរលកសញ្ញាទំហំ THz អាចឆ្លងកាត់បានដែលវាត្រូវបានគេដឹងថានឹងត្រូវប្រើប្រាស់សម្រាប់អ៊ីនធឺណេតកម្រិត 6G ។
ទោះបីជាយ៉ាងណាក្តី ចិននឹងមិនធ្វើដំណើរលើផ្លូវនេះតែម្នាក់ឯងឡើយ ដោយក្នុងនោះក្រុមហ៊ុនរបស់អាមេរិកជាច្រើនដូចជា Apple, AT&T និង Google ជាដើមក៏បានចូលរួមសហការគ្នាបង្កើតទៅជាបណ្តាញមួយដែលមានឈ្មោះថា Next G Alliance ផងដែរ ក្នុងគោលបំណងដូចគ្នាគឺការស្រាវជ្រាវ និងអភិវឌ្ឍន៍បច្ចេកវិទ្យា 6G រហូតអាចនិយាយបានថា បច្ចេកវិទ្យា 6G នឹងក្លាយទៅជាទីលានប្រយុទ្ធ ប្រកួតប្រជែងគ្នាថ្មីមួយទៀតរវាងមហាអំណាចយក្សចិន និងអាមេរិកនៅពេលអនាគតជាក់ជាមិនខាន។
គួរកត់សម្គាល់ថា មកដល់ពេលនេះនៅមិនមានអ្នកណាម្នាក់ហ៊ានអះអាងថា តើបច្ចេកវិទ្យា 6G នេះ អាចមានសមត្ថភាពប៉ុណ្ណានោះទេ ប៉ុន្តែគេអាចប៉ាន់ស្មានបានថាវានឹងមានទំហំរហូតទៅដល់ Terahetz (THz) ឬប្រហែល 100ដង លឿនជាងបច្ចេកវិទ្យាអ៊ីនធឺណេត 5G ដែលបណ្តាប្រទេសជាច្រើនមិនទាន់បានស្គាល់រសជាតិនៅឡើយផងនោះ។ មានន័យថា វីដេអូដែលយើងមើលក្នុងរយៈពេលជាច្រើនម៉ោង នឹងអាចយកមកដោនឡូតដោយប្រើពេលត្រឹមតែប៉ុន្មានវិនាទីប៉ុណ្ណោះ៕
[ads-global layout_id=6 position_id=1 ads_size=2]
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
មេដឹកនាំប៊ុលហ្គារី ៖ អឺរ៉ុបអាចរស់បានដោយគ្មានរុស្ស៊ី គ្រាន់តែលំបាកខ្លាំងបើធ្វើសត្រូវជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 07/09/2026
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
អាល្លឺម៉ង់ ផ្តើមផលិតដ្រូន AI ជាង ៥ ពាន់គ្រឿងឱ្យអ៊ុយក្រែន អាចហោះបាន ១ ៥០០ គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
[ads-global layout_id=6 position_id=2 ads_size=2]
កម្មវិធីពិសេសរបស់ AMS ECONOMY
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សហភាពអឺរ៉ុបគ្រោងបង្កើនទុនវិនិយោគនៅកោះហ្រ្គីនឡែន និង ពង្រឹងទំនាក់ទំនងនយោបាយឱ្យកាន់តែជិតស្និទ្ធ ខណៈដែលលោក ដូណាល់ ត្រាំ ទាមទារចង់បានកោះនេះបញ្ចូលជាដែនដ...
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
ចិនគ្រោងនឹងបញ្ចេញថវិកាប្រមាណ ៣៦០ ពាន់លានយន់ ឬស្មើប្រមាណ ៥៤ ពាន់លានដុល្លារ ដើម្បីចាក់បញ្ចូលទៅក្នុងវិស័យហិរញ្ញវត្ថុរបស់ខ្លួន...
ការសិក្សាស្រាវជ្រាវលើកដំបូងនៅកម្ពុជា ស្តីពី «សហគមន៍កសិកម្មទំនើប» បានបង្ហាញថា កសិករដែលចូលរួមក្នុងសហគមន៍ប្រភេទនេះទទួលបានល...
ចាប់ផ្តើមពីអាជីវកម្មគ្រួសារកាលពីឆ្នាំ២០១៦ សិប្បកម្មកែច្នៃសាច់ស្រស់ក្នុងស្រុក «ជីលីណា» (Chilyna) បានវិវត្តខ្លួនក្លាយជាសិប្...
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
