AMS Economy

ចិនគ្រោងចាក់បញ្ចូលថវិកា ៥៤ ពាន់លានដុល្លារ ពង្រឹងវិស័យហិរញ្ញវត្ថុ និងស្តារសេដ្ឋកិច្ច

សេដ្ឋកិច្ច ព្រឹត្តិការណ៍07/09/2026បញ្ចេញមតិយោបល់

បរទេស៖ ចិនគ្រោងនឹងបញ្ចេញថវិកាប្រមាណ ៣៦០ ពាន់លានយន់ ឬស្មើប្រមាណ ៥៤ ពាន់លានដុល្លារ ដើម្បីចាក់បញ្ចូលទៅក្នុងវិស័យហិរញ្ញវត្ថុរបស់ខ្លួន ស្របពេលរដ្ឋាភិបាលក្រុងប៉េកាំងកំពុងព្យាយាមពង្រឹងស្ថិរភាពរបស់ធនាគារ និងក្រុមហ៊ុនធានារ៉ាប់រង ចំពេលកំណើនសេដ្ឋកិច្ចមានភាពមិនច្បាស់លាស់។ នេះបើយោងតាមការរាយការណ៍របស់ The Guardian។

ស្ថាប័នហិរញ្ញវត្ថុជាច្រើនបានបង្ហើបថា ពួកគេនឹងទទួលបានដើមទុនរាប់ពាន់លានយ័នពីស្ថាប័នរដ្ឋ ដូចជា ក្រសួងហិរញ្ញវត្ថុ និងក្រុមហ៊ុនរដ្ឋដែលប្រកបអាជីវកម្មលើផលិតផលថ្នាំជក់ផ្តាច់មុខ។

កញ្ចប់ថវិកានេះត្រូវបានរៀបចំឡើងដើម្បីបង្កើនសមត្ថភាពរបស់វិស័យហិរញ្ញវត្ថុចិន ក្នុងការវិនិយោគលើទីផ្សារភាគហ៊ុន និងផ្តល់កម្ចីដល់អាជីវកម្មនានា ខណៈមានសញ្ញាបង្ហាញពីភាពខ្សោយនៃកំណើនសេដ្ឋកិច្ច។

ក្រុមហ៊ុនធានារ៉ាប់រងជីវិតធំបំផុតរបស់ចិន China Life Insurance នឹងទទួលបានថវិកាចំនួន ៣៥ ពាន់លានយន់ ឬប្រមាណ ៤,៨៣ ពាន់លានដុល្លារ ខណៈ China Taiping Insurance Group នឹងទទួលបាន ៧ ពាន់លានយន់ ឬប្រមាណ ៩៧០ លានដុល្លារ។

ជាមួយគ្នានេះ គ្រឹះស្ថានផ្តល់កម្ចីរបស់រដ្ឋចំនួន ៣ ទៀត ក៏បានប្រកាសថា ពួកគេនឹងទទួលបានដើមទុនសរុបចំនួន ២៩០ ពាន់លានយន់ ឬប្រមាណ ៤០ ពាន់លានដុល្លារ។

ផែនការនេះត្រូវបានប្រកាសជាលើកដំបូងនៅក្នុងកិច្ចប្រជុំសភាប្រចាំឆ្នាំកាលពីខែមីនា ក្នុងគោលបំណងពង្រីកឧបករណ៍ហិរញ្ញវត្ថុ ដើម្បីជួយពង្រឹង និងទប់ទល់ភាពរឹងមាំរបស់ធនាគាររដ្ឋធំៗផ្សេងទៀត។

បច្ចុប្បន្ន វិស័យធានារ៉ាប់រងរបស់ចិនកំពុងប្រឈមនឹងការធ្លាក់ចុះនៃប្រាក់ចំណេញ ដោយសារអត្រាការប្រាក់បន្តស្ថិតក្នុងកម្រិតទាប។ ទុនដែលទទួលបាន នឹងត្រូវប្រើប្រាស់ដើម្បីបំពេញសាច់ប្រាក់បម្រុងឡើងវិញ ព្រមទាំងជួយរក្សាការពង្រីកឥណទានសម្រាប់អាជីវកម្មនានា។

China Life Insurance បានគូសបញ្ជាក់ថា ការចាក់បញ្ចូលថវិកានេះ គឺជាជំហានដ៏សំខាន់មួយរបស់ប្រទេសក្នុងការលើកកម្ពស់សមត្ថភាពវិស័យហិរញ្ញវត្ថុ ដើម្បីបម្រើសេដ្ឋកិច្ចពិតប្រាកដ និងជំរុញការអភិវឌ្ឍឧស្សាហកម្មហិរញ្ញវត្ថុ និងធានារ៉ាប់រងប្រកបដោយគុណភាពខ្ពស់ ព្រមទាំងពង្រឹងសមត្ថភាពក្នុងការទប់ទល់នឹងហានិភ័យផ្សេងៗ។

ការប្រកាសនេះធ្វើឡើងចំពេលទីក្រុងប៉េកាំងកំពុងមានគោលបំណងកែទម្រង់រចនាសម្ព័ន្ធសេដ្ឋកិច្ច ដើម្បីដោះស្រាយបញ្ហាប្រឈមជាច្រើន ដូចជា ការថយចុះនៃកម្លាំងពលកម្ម វិបត្តិអចលនទ្រព្យដែលអូសបន្លាយរាប់ឆ្នាំ និងការប្រកួតប្រជែងផ្នែកពាណិជ្ជកម្ម និងបច្ចេកវិទ្យាជាមួយអាម៉េរិក។

កំណើនសេដ្ឋកិច្ចរបស់ចិនបានថយចុះយ៉ាងខ្លាំងនៅចន្លោះដើមខែមេសា និងចុងខែមិថុនា ដោយសារតម្រូវការក្នុងស្រុកមានកម្រិតទាប និងផលប៉ះពាល់ផ្សេងៗ។ សេដ្ឋកិច្ចចិនមានកំណើន ៤,៣ ភាគរយនៅក្នុងត្រីមាសទីពីរ ដែលទាបជាងគោលដៅប្រចាំឆ្នាំរបស់ទីក្រុងប៉េកាំង និងធ្លាក់ចុះពីកំណើន ៥ ភាគរយនៅក្នុងត្រីមាសទីមួយ៕

កញ្ញា យឿន ពុធធីតា | Ms. Yoeun Puththydaអ្នកសារព័ត៌មានអន្តរជាតិ

របាយការណ៍ថ្មីៗ

មើលទាំងអស់ ➧

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ

09/04/2026

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

16/10/2024

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

15/12/2023

ព័ត៌មានទូទៅ

មើលទាំងអស់ ➧

សហភាពអឺរ៉ុប គ្រោងបង្កើនទុនវិនិយោគនៅកោះហ្គ្រីនឡែន ស្របពេលលោក ដូណាល់ ត្រាំ ទាមទារចង់បានកោះនេះ

សេដ្ឋកិច្ច, ព្រឹត្តិការណ៍ · 07/09/2026

សហភាពអឺរ៉ុបគ្រោងបង្កើនទុនវិនិយោគនៅកោះហ្រ្គីនឡែន និង ពង្រឹងទំនាក់ទំនងនយោបាយឱ្យកាន់តែជិតស្និទ្ធ ខណៈដែលលោក ដូណាល់ ត្រាំ ទាមទារចង់បានកោះនេះបញ្ចូលជាដែនដ...