AMS Economyនាយករដ្ឋមន្រ្តី ៖ ក្នុងពេលប្រយុទ្ធនឹងកូវីដ កម្ពុជាមិនប្រឈមមុខការក្ស័យធនទេ
ភ្នំពេញ ៖ សម្តេចតេជោនាយករដ្ឋមន្រ្តី ហ៊ុន សែន បានច្រានចោលការអត្ថាធិប្បាយដោយគ្មានភាពច្បាស់លាស់របស់ជនអគតិមួយចំនួនដែលបាននិយាយថា ប្រទេសកម្ពុជាកំពុងតែប្រឈមមុខនឹងការក្ស័យធន ដោយសារជំងឺរាតត្បាតសកលកូវីដ-១៩។
សម្តេចនាយករដ្ឋមន្ត្រី បានថ្លែងបែបនេះនៅក្នុងសន្និសីទសារព័ត៌មាន បន្ទាប់ពីការចាប់ផ្តើមយុទ្ធនាការចាក់វ៉ាក់សាំងកុមារ និងយុវវ័យពីអាយុ១២ដល់អាយុក្រោម១៨ឆ្នាំ ដោយសម្តេចបានបញ្ជាក់ថា ប្រាក់ចំណូលបច្ចុប្បន្នរបស់ប្រទេសគឺមានចំនួនប្រហែល ៤០០ លានដុល្លារអាមេរិកក្នុងមួយខែ។
សម្តេចតេជោបានមានប្រសាសន៍ថា ក្នុងរយៈពេល ៧ខែដំបូងនៃឆ្នាំនេះកម្ពុជារកចំណូលបានជាង ៣ ០០០ លានដុល្លារអាមេរិកដែលក្នុងនោះ ១ ៧១៦ លានដុល្លារជាចំណូលពន្ធ និង ១ ៣៥៥ លានដុល្លារ ជាចំណូលពន្ធគយ ឬ ៧៥,៥ ភាគរយ និង ៥៦,៩ ភាគរយនៃផែនការប្រចាំឆ្នាំ។
សម្តេចនាយករដ្ឋមន្រ្តីក៏បានបញ្ជាក់ថា ៖
«ទោះបីជាប្រាក់ចំណូលមានការធ្លាក់ចុះក៏ដោយ ក៏វានៅតែអាចជួយដល់ការចំណាយរបស់ប្រទេស។ បើតាមប្រសាសន៍សម្តេច ហ៊ុន សែន គ្រាន់តែប្រាក់ចំណូលពីការបង់ពន្ធក្នុង១ឆ្នាំគឺកម្ពុជាអាចរកបាន៥ពាន់លានដុល្លារដែលលើសពីតម្រូវការនៃប្រាក់ខែទៅទៀត។ សម្រាប់រយៈពេល ៥ ខែទៀតយើងនឹងបង្កើនប្រាក់ចំណូលបានប្រមាណ ២ ០០០ លានដុល្លារអាមេរិក»
ក្រៅពីការចំណាយទាក់ទងនឹងជំងឺកូវីដ-១៩ ការសាងសង់ហេដ្ឋារចនាសម្ព័ន្ធរូបវន្ត រួមទាំងផ្លូវថ្នល់ នៅក្រុងព្រះសីហនុ និងខេត្តសៀមរាប ការបើកប្រាក់ខែពីរដងក្នុងមួយខែសម្រាប់មន្រ្តីរាជការ និងកងកម្លាំងប្រដាប់អាវុធក៏នៅតែបន្តទទួលបាន ព្រមទាំងប្រាក់លើកទឹកចិត្តសម្រាប់បុណ្យចូលឆ្នាំខ្មែរ និងភ្ជុំបិណ្ឌដូចធម្មតា។ នេះបើតាមសម្តេចបានបញ្ជាក់។
លើសពីនេះ សម្ដេចបានគូសបញ្ជាក់ថា កម្ពុជាមានទុនបម្រុងចំនួន ៣ ០០០ លានដុល្លារអាមេរិក មុនពេលរងផលប៉ះពាល់ពីជំងឺកូវីដ -១៩ (ប្រហែល ១ ភាគ ៣ នៃថវិកាត្រូវបានចំណាយ) ដោយមិនរាប់បញ្ចូលទុនបម្រុងអន្តរជាតិ និងមាសជាង ៤៤ តោននោះទេ។ សម្តេច តេជោ បានបញ្ជាក់ជាថ្មីថា ដូច្នេះរាជរដ្ឋាភិបាលនឹងមិនក្ស័យធនឡើយ។
សម្តេចតេជោបានឆ្លៀតយកឱកាសនេះថ្លែងអំណរគុណចំពោះសម្តេចព្រះមហាក្សត្រ ព្រះវររាជមាតាជាតិខ្មែរ សប្បុរសជនក្នុង និងក្រៅប្រទេស ប្រទេសជាមិត្ត និងស្ថាប័នហិរញ្ញវត្ថុអន្តរជាតិ ដែលបានឧបត្ថម្ភ និងគាំទ្រដល់ការប្រយុទ្ធប្រឆាំងនឹងជំងឺរាតត្បាតកូវីដ-១៩ នៅកម្ពុជា។
បើតាមសម្តេចតេជោ ហ៊ុន សែន ក្រៅពីប្រាក់ចំណូលបានមកពីការបង់ពន្ធ និងប្រាក់សំន្សំដែលរដ្ឋាភិបាលមានក្នុងដៃចាយមិនទាន់អស់ គឺនៅមានថវិកាពីសប្បុរសជនប្រមាណជា១៤០លានដុល្លារទៀត ដែលពួកគេបានបរិច្ចាគជាបន្តបន្ទាប់ដើម្បីដោះស្រាយវិបត្តិកូវីដ-១៩នេះ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កម្ពុជាបាននាំចេញអង្ករចំនួន ១៧៧,៧០០ តោនទៅកាន់ប្រទេសចិន ក្នុងរយៈពេល ៨ ខែដំបូងនៃឆ្នាំ២០២៦ កើនឡើង ៥២.៧ ភាគរយ បើធៀបនឹងរយៈពេល...
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
