AMS Economyការគំរាមកំហែងផ្នែកបរិស្ថានគឺជាបញ្ហាប្រឈមធំបំផុតសម្រាប់មនុស្សជាតិ
បរទេស ៖ អង្គការសហប្រជាជាតិព្រមានថា ការគំរាមកំហែងផ្នែកបរិស្ថានកំពុងធ្វើឱ្យជម្លោះនៅទូទាំងពិភពលោកកាន់តែអាក្រក់ឡើង ហើយនឹងក្លាយជាបញ្ហាប្រឈមធំបំផុតចំពោះមនុស្សជាតិនាពេលឆាប់ៗខាងមុខនេះ។
អ្នកស្រី Michelle Bachelet ប្រធានផ្នែកសិទ្ធិមនុស្សរបស់អង្គការសហប្រជាជាតិបាននិយាយកាលពីថ្ងៃដើមសប្ដាហ៍នេះថា ការប្រែប្រួលអាកាសធាតុ ការបំពុលបរិស្ថាន និងការបាត់បង់ធម្មជាតិ កំពុងធ្វើឱ្យប៉ះពាល់យ៉ាងធ្ងន់ធ្ងរដល់សិទ្ធិមនុស្ស ខណៈប្រទេសនៅទូទាំងពិភពលោកបរាជ័យក្នុងការចាត់វិធានការចាំបាច់។
អ្នកស្រីនិយាយក្នុងពិធីបើកសម័យប្រជុំលើកទី៤៨ នៃក្រុមប្រឹក្សាសិទ្ធិមនុស្ស អ.ស.ប. នៅទីក្រុងហ្សឺណែវយ៉ាងដូច្នេះថា ៖
«វិបត្តិទាក់ទងគ្នានៃការបំពុលបរិស្ថាន ការប្រែប្រួលអាកាសធាតុ និងជីវៈចម្រុះ ដើរតួជាការគំរាមកំហែង ពង្រីកភាពតានតឹងនៃជម្លោះ និងវិសមភាពរចនាសម្ព័ន្ធ បង្ខំមនុស្សឱ្យស្ថិតក្នុងស្ថានភាពងាយរងគ្រោះកាន់តែខ្លាំងឡើង។ នៅពេលដែលការគំរាមកំហែងផ្នែកបរិស្ថានទាំងនេះកើនឡើង ពួកគេនឹងក្លាយជាបញ្ហាប្រឈមធំបំផុតតែមួយគត់សម្រាប់សិទ្ធិមនុស្សនៅសម័យយើង»
អតីតប្រធានាធិបតីស៊ីលីរូបនេះនិយាយថា ការគំរាមកំហែងដល់បរិស្ថានជះឥទ្ធិពលដោយផ្ទាល់ និងធ្ងន់ធ្ងរដល់សិទ្ធិទូទៅ រួមទាំងសិទ្ធិទទួលបានអាហារ ទឹក ការអប់រំ លំនៅដ្ឋាន សុខភាព ការអភិវឌ្ឍន៍ និងសូម្បីតែជីវិតខ្លួនឯងផ្ទាល់ ដែលធ្វើឱ្យប្រទេសក្រីក្របំផុតជួបការលំបាកបំផុត។
របាយការណ៍របស់ធនាគារពិភពលោកកាលពីពេលកន្លងទៅបានចេញផ្សាយថា ការប្រែប្រួលអាកាសធាតុអាចរុញច្រានមនុស្សជាង ២០០ លាននាក់នៅតំបន់ចំនួន៦ធំៗ ឱ្យផ្លាស់ទីលំនៅរបស់ខ្លួនក្នុងរយៈពេល ៣ទសវត្សរ៍ខាងមុខ និងបង្កើតចំណុចក្តៅក្នុងការធ្វើចំណាកស្រុក លុះត្រាតែមានវិធានការបន្ទាន់ដើម្បីកាត់បន្ថយការបំភាយឧស្ម័នពិភពលោក និងកាត់បន្ថយគម្លាតនៃការអភិវឌ្ឍន៍។
យ៉ាងណាក៏ដោយ បើទោះបីជាមិនមានការបង្ហាញពីផលអវិជ្ជមានរយៈពេលខ្លីក្ដី របាយការណ៍ដដែលបានសិក្សាថា តើផលប៉ះពាល់នៃការប្រែប្រួលអាកាសធាតុដូចជាកង្វះខាតទឹក ការធ្លាក់ចុះនៃផលិតភាពដំណាំ និងការកើនឡើងនៃនីវ៉ូទឹកសមុទ្រ ជាកត្តាធ្វើឱ្យមនុស្សរាប់លាននាក់ផ្លាស់ទី ឬហៅថា «ចំណាកស្រុកអាកាសធាតុ» នៅឆ្នាំ២០៥០។
យោងតាមសេណារីយ៉ូអាក្រក់បំផុតចំនួន ៣ របស់របាយការណ៍ អនុតំបន់សាហារ៉ាអាហ្រ្វិក ដែលជាតំបន់ងាយរងគ្រោះបំផុតដោយសារការរាលដាលនៃវាលខ្សាច់ កម្រិតនីវ៉ូទឹកសមុទ្រកើនឡើង និងការពឹងផ្អែកទាំងស្រុងរបស់ប្រជាជនលើវិស័យកសិកម្មនឹងធ្វើឱ្យមនុស្ស ៨៦ លាននាក់ផ្លាស់ទី ខណៈដែលកំណើននៃកង្វះខាតទឹកនៅអាហ្វ្រិកខាងជើងធ្វើឱ្យមនុស្ស ១៩ លាននាក់ប្ដូរទីលំនៅ ស្របពេលអាស៊ីខាងត្បូង ដូចជាប្រទេសបង់ក្លាដែស រងផលប៉ះពាល់ដោយសារទឹកជំនន់ និងការខូចដំណាំ ដែលធ្វើឱ្យមនុស្សជិត ២០ លានផ្លាស់ទីដូចគ្នា។
អង្គការសហប្រជាជាតិក៏បានបង្ហាញពីក្ដីព្រួយបារម្ភផងដែរអំពី «គ្រាអាសន្ននៃមនុស្សធម៌» ដែលបង្កើតឡើងដោយបម្រែបម្រួលអាកាសធាតុ នៅតាមបណ្តាប្រទេសមួយចំនួន។ គ្រោះរាំងស្ងួតយូរអង្វែង អមដោយជំនន់ទឹកភ្លៀង លទ្ធភាពទទួលបានធនធានធម្មជាតិមិនស្មើគ្នា និងអត្រាគ្មានការងារធ្វើរបស់យុវជនខ្ពស់កំពុងញាំញី ។
អ្នកស្រី Agnès Callamard អគ្គលេខាធិការអង្គការលើកលែងទោសអន្តរជាតិនិយាយថា ៖
«ផលប៉ះពាល់គួរឱ្យកត់សម្គាល់នៃបម្រែបម្រួលអាកាសធាតុ បង្ហាញឱ្យឃើញច្បាស់នូវការបំផ្លិចបំផ្លាញ ថាតើបរិស្ថានល្អអាចឱ្យយើងទទួលបានសិទ្ធិរបស់យើងយ៉ាងដូចម្តេច។ វាងាយស្រួលក្នុងការទទួលយកភពផែនដីរបស់យើងរហូតឃើញពីតម្លៃរបស់មនុស្សចំពោះការរិចរិលរបស់វាដូចជា ភាពអត់ឃ្លាន ការផ្លាស់ទីលំនៅ ភាពអត់ការងារធ្វើ ភាពគ្មានផ្ទះសម្បែង ជំងឺ និងការស្លាប់ជាដើម»
អគ្គលេខាធិការរូបនេះបន្តថា ៖
«ភាពបរាជ័យរបស់រដ្ឋាភិបាលនានាក្នុងការធ្វើសកម្មភាពឆ្លើយតបនឹងបម្រែបម្រួលអាកាសធាតុចំពោះមុខ ភស្តុតាងវិទ្យាសាស្ត្រដ៏ច្រើន អាចជាការរំលោភសិទ្ធិមនុស្សអន្តរជំនាន់ធំបំផុតក្នុងប្រវត្តិសាស្ត្រ។ ក្នុងនាមជាស្ថាប័នសិទ្ធិមនុស្សជាសកលចម្បង ក្រុមប្រឹក្សាសិទ្ធិមនុស្សត្រូវប្រើឧបករណ៍ទាំងអស់ដើម្បីកំចាត់វិបត្តិ។ យើងសូមអំពាវនាវដល់រដ្ឋទាំងអស់ គាំទ្រការទទួលស្គាល់សិទ្ធិដើម្បីបានបរិស្ថានល្អនៅអង្គការសហប្រជាជាតិ និងនៅថ្នាក់ជាតិ។ អ្នកដែលមិនធ្វើ នឹងនៅលើផ្នែកខុសនៃប្រវត្តិសាស្ត្រដែលប្រឆាំងនឹងអនាគតរួមរបស់មនុស្សជាតិ»
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
និស្សិតសាកលវិទ្យាល័យរាប់ពាន់នាក់ ប្រកួតប្រជែងក្នុងវគ្គផ្តាច់ព្រ័ត្រនៅលើឆាកជាតិក្នុងកម្មវិធី សហគ្រិនមហាវិទ្យាល័យ (UniPreneur) របស់សហគ្រិនខ្មែរ
ព្រឹត្តិការណ៍, អត្ថបទពាណិជ្ជកម្ម
• 03/11/2026
ភ្នំពេញ — ថ្ងៃទី០២ ខែវិច្ឆិកា ឆ្នាំ២០២៦ – ដោយនាំយកភាពរំភើប និងស្មារតីប្រកួតប្រជែងនៃការប្រកួត កីឡាថ្នាក់ជាតិ មកបញ្ចូលក្នុងវិស័យសហគ្រិនភាព សហគ្រិនខ្មែរ បានបញ្ចប់ដោយជោគជ័យនូវការប្រកួត វគ្គផ្តាច់ព្រ័ត្រនៃកម្មវិធី ប្រកួតប្រជែងសហគ្រិនមហាវិទ្យាល័យថ្នាក់ជាតិ (UniPreneur National Challenge) រដូវកាលទី៤។ វគ្គផ្តាច់ព្រ័ត្រនេះបាននាំនវានុវត្តជនសក្តានុពលផ្នែកសហគ្រិនភាពមក ពីទូទាំងប្រទេស
ការវិនិយោគច្រើនហួសហេតុលើវិស័យបច្ចេកវិទ្យា AI ក្នុងរយៈពេលខ្លី និងហានិភ័យចំពោះសេដ្ឋកិច្ចសកល
ព្រឹត្តិការណ៍, អាជីវកម្មថ្មី និងនវានុវត្ត
• 03/11/2026
បរទេស ៖ ពិភពលោកកំពុងព្រួយបារម្ភថា ការផ្ទុះឡើងនូវវិបត្តិដូចពពុះសាប៊ូនៃបច្ចេកវិទ្យា AI (AI Bubble Burst)អាចនឹងកើតមានឡើងនៅពេលដែលការចំណាយទុនយ៉ាងសន្ធឹកសន្ធាប់លើបច្ចេកវិទ្យាបញ្ញាសិប្បនិម្មិតមានទំហំធំលើសលប់ធៀបនឹងប្រាក់ចំណេញអាជីវកម្មជាក់ស្តែង ដែលវាប្រាកដណាស់នឹងបង្ខំឱ្យទីផ្សារហិរញ្ញវត្ថុជួបបញ្ហាយ៉ាងធ្ងន់ធ្ងរ។ ក្រុមហ៊ុន Amazon ជាអ្នកនាំមុខគេក្នុងការវិនិយោគលើហេដ្ឋារចនាសម្ព័ន្ធបច្ចេកវិទ្យាបញ្ញាសិប្បនិម្មិត ជាមួយនឹងផែនការចំណាយទុនប្រមាណ ២០០ ពាន់លានដុល្លារ, ក្រុមហ៊ុន Alphabet គ្រោងកញ្ចប់ថវិកាប្រមាណ ១៩៥ពាន់លាន ទៅ
ពិធីចុះហត្ថលេខា ដៃគូហិរញ្ញប្បទានជាយុទ្ធសាស្ត្រ រវាងធនាគារ អ អេច ប៊ី និងក្រុមហ៊ុន គិរីសួគ៌
ព្រឹត្តិការណ៍, អត្ថបទពាណិជ្ជកម្ម
• 02/11/2026
ភ្នំពេញ ៖ នៅ ថ្ងៃទី ២៨ ខែតុលា ឆ្នាំ ២០២៦ – ធនាគារ RHB Bank (Cambodia) Plc. («ធនាគារ អ អេច ប៊ី») និងក្រុមហ៊ុន Khmer
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ — ថ្ងៃទី០២ ខែវិច្ឆិកា ឆ្នាំ២០២៦ – ដោយនាំយកភាពរំភើប និងស្មារតីប្រកួតប្រជែងនៃការប្រកួត កីឡាថ្នាក់ជាតិ មកបញ្ចូលក្នុងវិស័យសហគ្រិនភាព សហគ្រិនខ្ម...
បរទេស ៖ ពិភពលោកកំពុងព្រួយបារម្ភថា ការផ្ទុះឡើងនូវវិបត្តិដូចពពុះសាប៊ូនៃបច្ចេកវិទ្យា AI (AI Bubble Burst)អាចនឹងកើតមានឡើងនៅពេលដែលការចំណាយទុនយ៉ាងសន្ធឹកស...
ក្នុងឆ្នាំ២០២៦នេះ តម្លៃដីធ្លីនៅតំបន់មួយចំនួននៅកណ្ដាលក្រុងភ្នំពេញបន្តធ្លាក់ចុះបន្ថែមទៀតធៀបនឹងឆ្នាំ២០២៥កន្លងទៅ .....
បរទេស៖ ក្រុមហ៊ុនផលិតរថយន្តធំៗរបស់ជប៉ុនកំពុងរងសម្ពាធយ៉ាងធ្ងន់ធ្ងរនៅក្នុងទីផ្សារប្រទេសចិន ដែលជាទីផ្សាររថយន្តធំបំផុតនៅលើពិភពលោក បន្ទាប់ពីទិន្នផលផលិតកម...
មូលនិធិរូបិយវត្ថុអន្តរជាតិ (IMF) ព្យាករណ៍ថា ផលិតផលក្នុងស្រុកសរុបសម្រាប់មនុស្សម្នាក់របស់វៀតណាមនឹងយកឈ្នះលើឥណ្ឌូណេស៊ី ដែលអាចឈរនៅចំណាត់ថ្នាក់ទី ៥ ក្នុង...
កម្ពុជាត្រៀមផលិតប្រេង CNSL ដែលចម្រាញ់ចេញពីសំបកគ្រាប់ស្វាយចន្ទី ដើម្បីផ្គត់ផ្គង់ជាវត្ថុធាតុដើមសម្រាប់ប្រើប្រាស់ក្នុងវិស័យជាច្រ...
ស្ថាប័នសារព័ត៌មានកម្ពុជាចំនួន ៣ រួមមាន AMS, សារព័ត៌មានថ្មីៗ និងសារព័ត៌មានដើមអម្ពិល កំពុងចូលរួមក្នុងវេទិកាសហប្រតិបត្តិការប្រព័ន្...
មជ្ឈមណ្ឌលការពារអ្នកប្រើប្រាស់សេវាហិរញ្ញវត្ថុ (FCPC) បានដាក់ចេញយន្តការ និងនីតិវិធីសាមញ្ញ ងាយស្រួល និងឥតគិតកម្រៃ ដើម្បីជួយប្...
កម្មវិធីពិសេសរបស់ AMS ECONOMY
