AMS Economyអឺរ៉ុបទំនងជាគេចមិនផុតពីវិបត្តិសេដ្ឋកិច្ចឡើយ ខណៈបញ្ហាប្រឈមកាន់តែច្រើន
វិបត្តិកូវីដមិនទាន់ផុតរលត់ផង បញ្ហាអតិផរណាកំពុងកើនឡើង ជាពិសេសវិបត្តិថាមពល ខណៈដែលរុស្ស៊ីកំពុងត្រៀមកាត់ផ្តាច់ការផ្គត់ផ្គង់ហ្គាសទាំងស្រុងទៅឲ្យតំបន់អឺរ៉ុប បានធ្វើឲ្យអ្នកវិនិយោគអន្តរជាតិធំៗភាគច្រើនមើលឃើញថា អឺរ៉ុបកំពុងធ្វើដំណើរឆ្ពោះទៅរកវិបត្តិសេដ្ឋកិច្ចដោយមិនអាចជៀសផុតបានឡើយ។
ធនាគារអាមេរិក Bank of America បានធ្វើការស្ទាបស្ទង់មួយស្តីអំពីស្ថានភាពសេដ្ឋកិច្ចពិភពលោក និងតំបន់អឺរ៉ុប ហើយបានធ្វើការបង្ហាញលទ្ធផលជាផ្លូវការកាលពីសប្តាហ៍កន្លងទៅនេះ។ ធនាគារបានសរុបលទ្ធផល ហើយបានរកឃើញថា អ្នកវិនិយោគអន្តរជាតិធំៗលើសកលលោកប្រមាណជា៨៦ភាគរយបានព្យាករថា អឺរ៉ុបនឹងធ្លាក់ចូលទៅក្នុងវិបត្តិសេដ្ឋកិច្ចធៀបទៅនឹងការស្ទាបស្ទង់ដូចគ្នាកាលពីខែមិថុនាមានត្រឹមតែ៥៤ភាគរយប៉ុណ្ណោះ។
ក្រុមអ្នកវិនិយោគដ៏សម្បូរទ្រព្យទាំងនោះមិនបានឆ្លើយតបសម្រាប់តែអឺរ៉ុបនោះទេ។ ពួកគេប្រមាណជា៧៩ភាគរយនៃអ្នកឆ្លើយតបគឺជាម្ចាស់ក្រុមហ៊ុនដែលមានតម្លៃសរុបរហូតទៅដល់៨០០ពាន់លានដុល្លារក៏បានទស្សន៍ទាយដែរថា សេដ្ឋកិច្ចសកលនឹងបន្តចុះខ្សោយផងដែរនៅក្នុងឆ្នាំនេះ ហើយពាក់កណ្តាលនៃក្រុមអ្នកវិនិយោគទាំងនេះលើកឡើងថា ស្ថានភាពអាក្រក់ពេលនេះអាចសមល្មមគ្រប់គ្រាន់ថាពិភពលោកកំពុងស្ថិតនៅក្នុងវិបត្តិសេដ្ឋកិច្ចរួចទៅហើយឬនៅ។
មូលនិធិរូបិយវត្ថុអន្តរជាតិហៅកាត់ថា IMF ក៏បានធ្វើការព្រមានដែរថា បណ្តាសមាជិករដ្ឋនៅក្នុងតំបន់អឺរ៉ុបនឹងបន្តដាំក្បាលចុះផលិតផលក្នុងស្រុករបស់ខ្លួនយ៉ាងហោចណាស់៦ភាគរយទៀតក្នុងពេលដែលប្រទេសរុស្ស៊ីនឹងសម្រេចចិត្តផ្តាច់ការផ្គត់ផ្គង់ទាំងស្រុងតាមរយៈបំពង់បង្ហូរប្រេង Nord Stream 1 ។ បច្ចុប្បន្ន Nord Stream 1 ត្រូវបានបិទជាបណ្តោះអាសន្នដោយរុស្ស៊ី មូលហេតុដើម្បីធ្វើការជួសជុល និងថែរក្សាប្រចាំឆ្នាំ ហើយគ្រោងនឹងបើកដំណើរការវិញនៅសប្តាហ៍នេះ ប៉ុន្តែអ្នកជំនាញជាច្រើនអះអាងថា រុស្ស៊ីនឹងមិនធ្វើតាមការសន្យានោះឡើយ។
មន្ត្រីជាន់ខ្ពស់ទទួលបន្ទុកកិច្ចការងារថវិកាអឺរ៉ុប លោក Johannes Hahn កាលពីដើមសប្តាហ៍ធ្លាប់បានបញ្ជាក់ប្រាប់ទៅកាន់កាសែត The Wall Street Journal ហើយថាអឺរ៉ុបគ្មានសង្ឃឹមទេថា បំពង់បង្ហូរប្រេងរបស់រុស្ស៊ីនឹងបើកដំណើរការឡើងវិញតាមផែនការនោះឡើយ ហើយបើទោះបីជាបើកឡើងវិញមែនក៏នឹងស្ថិតក្នុងចំនួនមួយដ៏តិចតួចបំផុតផងដែរ។ IMF បញ្ជាក់ទៀតដែរថា ក្នុងករណីដែលរុស្ស៊ីនឹងបិទដំណើរការទាំងស្រុងក្នុងការផ្គត់ផ្គង់ហ្គាសទៅកាន់តំបន់អឺរ៉ុបនោះ សេដ្ឋកិច្ចក្នុងតំបន់ទាំងមូលនឹងដាំក្បាលចុះ៣ភាគរយភ្លាមសម្រាប់ឆ្នាំក្រោយ ហើយប្រទេសដែលទទួលរងគ្រោះជាងគេក្នុងតំបន់មានដូចជា ហុងគ្រី ស្លូវ៉ាគី និងឆេក ខណៈដែលប្រទេស ស៊ុយអែត ដាណឺម៉ាក និងហ្គ្រិច នឹងមិនអាចមើលឃើញពីកំណើនសេដ្ឋកិច្ចឡើយ ហើយGDP នៅអ៊ីតាលីនឹងធ្លាក់ចុះខ្លាំងជាងគេដល់ទៅដល់៥ភាគរយដោយសារតែកន្លងមកជាអ្នកពឹងផ្អែកខ្លាំងទៅលើហ្គាសរុស្ស៊ី៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
