AMS EconomyFBI : ត្រឹម២សប្តាហ៍រកឃើញករណីជួញដូរផ្លូវភេទលើកុមារដល់ទៅជាង១០០ករណីនៅអាមេរិក
ទីភ្នាក់ងារស៊ើបការណ៍សម្ងាត់របស់អាមេរិកហៅកាត់ថា FBI នៅក្នុងខែសីហានេះបានបើកប្រតិបត្តិការមួយដែលត្រូវបានដាក់ឈ្មោះថា Operation Cross Country មានរយៈពេល២សប្តាហ៍ប៉ុណ្ណោះដើម្បីស្វែងរក និងជួយសង្គ្រោះអ្នករងគ្រោះដោយសារការជួញដូរមនុស្ស ជួញដូរផ្លូវភេទ និងកេងប្រវ័ញ្ចផ្លូវភេទលើកុមារនៅទូទាំងប្រទេស។
ជាលទ្ធផល FBI អាចកំណត់បានអត្តសញ្ញាណ និងជួយសង្គ្រោះជនរងគ្រោះជាកុមារ និងទីតាំងរបស់ពួកគេសរុបដល់ទៅ៨៤នាក់ដែលបានក្លាយទៅជាទំនិញជូញដូររបស់ឈ្មួញ ហើយក៏បានកំណត់ទីតាំងកុមាររងគ្រោះចំនួន៣៧ទីតាំងផ្សេងទៀតផងដែរនៅក្នុងយុទ្ធនាការលើកនេះ។
អគ្គមេធាវី Merrick B. Garland ថ្លែងនៅក្រោយបេសកកម្មនេះថា ៖
“ក្រសួងយុត្តិធម៍បានប្តេជ្ញាចិត្តថានឹងធ្វើអ្វីគ្រប់យ៉ាងតាមរយៈកម្លាំងរបស់យើងក្នុងការប្រយុទ្ធប្រឆាំងបទឧក្រិដ្ឋកម្មជួញដូរមនុស្សដែលវាពិតជាបានធ្វើឲ្យមានភាពសោកសៅជាទីបំផុតចំពោះជនរងគ្រោះ និងក្រុមគ្រួសាររបស់ពួកគេ។ ខ្ញុំសូមថ្លែងអំណរគុណយ៉ាងខ្លាំងចំពោះក្រុមការងារជំនាញរបស់យើងដែលបានខិតខំប្រឹងប្រែងមិនចេះនឿយហត់ក្នុងការជួយសង្គ្រោះអ្នករស់រានមានជីវិតពីការជួញដូរ រួមទាំងកុមារដែលត្រូវបានកេងប្រវ័ញ្ច ហើយដើម្បីបន្តការស៊ើបអង្កេត និងកាត់ទោសជនល្មើសនៃឧក្រិដ្ឋកម្មជួញដូរ និងផ្តល់សេវាកម្មទាំងនោះផងដែរ”
បន្ថែមពីនេះ FBI និងដៃគូក៏បានឈានទៅដល់ការកំណត់បាន និងជួយសង្គ្រោះក្រុមមនុស្សពេញវ័យដែលត្រូវបានគេជួញដូរប្រមាណជា១៤១ករណីផ្សេងទៀតផងដែរ ព្រមទាំងឈានទៅដល់ការចាប់ខ្លួនជនសង្ស័យពាក់ព័ន្ធទៅនឹងការជួញដូរកុមារចំនួន៨៥នាក់ផង។
គួរឲ្យដឹងដែរថា ជនរងគ្រោះដែលត្រូវបានជួយសង្គ្រោះនៅក្នុងប្រតិបត្តិការត្រឹមតែ២សប្តាហ៍លើកនេះមានអាយុជាមធ្យមត្រឹមតែ១៥,៥ឆ្នាំប៉ុណ្ណោះ ហើយក្នុងនោះជនរងគ្រោះដែលមានវ័យក្មេងជាងគេបំផុតគឺមានម្នាក់អាយុ១១ឆ្នាំ។ យោងតាមទិន្នន័យដោយ World Population Review គិតត្រឹមឆ្នាំ២០១៩ប៉ុណ្ណោះ ចំនួននៃករណីជួញដូរមនុស្សនៅទូទាំងសហរដ្ឋអាមេរិកមានរហូតទៅដល់ ១១ ៥០០ករណី ដែលក្នុងនោះភាគច្រើន ឬប្រមាណជា ៨ ២៤៨ករណីជាការជួញដូរផ្លូវភេទ ហើយករណីផ្សេងទៀតត្រូវបានបង្កប់រូបភាពនៅក្នុងហាងម៉ាស្សាកន្លែងស្បា និងកន្លែងធ្វើអាជីវកម្មផ្សេងទៀត ហើយក្នុងនោះរដ្ឋកាលីហ្វ័រញ៉ា ជារដ្ឋដែលមានករណីជូញដូរច្រើនជាងគេបំផុតប្រមាណជា១៥០៧ករណី៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
