AMS Economyឆមាសទី១ ឆ្នាំនេះ ទេសចរអន្តរជាតិ ១១៧លាននាក់ ធ្វើដំណើរជុំវិញពិភពលោក កើនឡើង១៨២%
ភ្នំពេញ ៖ គិតត្រឹមឆមាសទី១ ឆ្នាំ២០២២ ភ្ញៀវទេសចរអន្តរជាតិជាង ១១៧លាននាក់ បានធ្វើដំណើរជុំវិញពិភពលោក កើនឡើង ១៨២% ធៀបនឹងរយៈពេលដូចគ្នានៅឆ្នាំ២០២១។ តួលេខនេះបានបង្ហាញក្នុងរបាយការណ៍របស់អង្គការទេសចរណ៍ពិភពលោក (UNWTO)ពីសញ្ញាល្អប្រសើរ សម្រាប់ឆ្នាំ២០២២ នៃពិធីបើកសន្និបាតបូកសរុបការងារទេសចរណ៍ ខណៈកម្ពុជាក៏រំពឹងទទួលបានកំណើនល្អប្រសើរពីការងើបឡើងវិញនៃចលនាទេសចរណ៍ពិភពលោកនេះផងដែរ។
ឯកឧត្តម ទិត ចន្ថា រដ្ឋលេខាធិការប្រចាំការក្រសួងទេសចរណ៍បានថ្លែងឱ្យដឹងថា
“យោងតាមរបាយការណ៍របស់អង្គការទេសចរណ៍ពិភពលោក (UNWTO) បានបង្ហាញថា គិតត្រឹមឆមាសទី១ ឆ្នាំ២០២២ ភ្ញៀវទេសចរអន្តរជាតិជាង១១៧លាននាក់បានធ្វើដំណើរជុំវិញពិភពលោក កើនឡើង ១៨២% បើធៀបនឹងរយៈពេលដូចគ្នានៅឆ្នាំ២០២១”
ឯកឧត្តមរដ្ឋលេខាធិការប្រចាំការបានបានលើកឡើងថា បន្តទៀតថា ក្នុងរយៈពេលឆមាសទី១ ឆ្នាំ២០២២ដូចគ្នានេះដែរ នៅទ្វីបអឺរ៉ុប ទ្វីបអាមេរិក និងមជ្ឈិមបូព៌ាទទួលបានបង្ហាញសញ្ញាល្អជាងគេជាមួយនឹងអត្រាកំណើន២៨០% (ទ្វីបអឺរ៉ុប) ១១៧% (ទ្វីបអាមេរិក) និង ១៣២% (មជ្ឈិមបូព៌ា) ខណៈដែលតំបន់អាហ្វ្រិក និងអាស៉ីប៉ាស៉ីហ្វិកនៅមានអត្រាកំណើនតិចនៅឡើយក្នុងរង្វង់ ៩៦% (ទ្វីបអាហ្វ្រិក) និង ៦៤% (អាស៊ីប៉ាស៊ីហ្វិក)។
ឯកឧត្តមបានរំលឹកដែរថា នៅឆ្នាំ២០២១ ពិភពលោកទាំងមូលទទួលបានភ្ញៀវទេសចរអន្តរជាតិប្រមាណ៤១៥លាននាក់ កើនឡើងត្រឹមតែ៣.៨%ប៉ុណ្ណោះ ប្រសិនបើធៀបនឹងឆ្នាំ២០២០។ ចំពោះនៅតំបន់អាស៊ាន ក្នុងឆ្នាំ២០២១ ទទួលបានភ្ញៀវទេសចរអន្តរជាតិសរុបប្រមាណ៣.៣លាននាក់ ថយចុះ ៨៧% ធៀបនឹងឆ្នាំ២០២០។ នៅដើមឆ្នាំ២០២២ ប្រទេសក្នុងតំបន់អាស៊ានបានបើកទទួលភ្ញៀវទេសចរអន្តរជាតិឡើងវិញជាបណ្ដើរៗ ក្នុងនោះកម្ពុជាជាប្រទេសដំបូងគេដែលបានបើកទទួលភ្ញៀវទេសចរអន្តរជាតិឡើងវិញ បន្តមកដោយប្រទេសថៃ សិង្ហបុរី ម៉ាឡេស៊ី ហ្វីលីពីន វៀតណាម ឥណ្ឌូណេស៊ី និងឡាវ។
របាយការណ៍ អង្គការទេសចរណ៍ពិភពលោក ក៏បានវាយតម្លៃថាចំនួនទេសចរពិភពលោកក្នុងឆ្នាំ២០២២នេះ រំពឹងថានឹងអាចស្មើនឹង ៥០% ទៅ ៧០% នៃចំនួនភ្ញៀវទេសចរក្នុងឆ្នាំ២០១៩ ដោយភាពល្អប្រសើរនៅតែមាន។ សម្រាប់ឆមាសទី១ ឆ្នាំ២០២២នេះ ទេសចរអន្តរជាតិមកទស្សនាកម្ពុជាមានចំនួនប្រមាណ៥០ម៉ឺន នាក់ កើនឡើង ៣៨៤.១% ធៀបនឹងរយៈពេលដូចគ្នាឆ្នាំ២០២១ ក្នុងនោះ :- ផ្លូវអាកាសៈ ២៤ម៉ឺននាក់កើនឡើង ៤២០,៣%- ផ្លូវគោក ២៦ម៉ឺននាក់កើនឡើង ៣៦៤, ៤ %- ផ្លូវទឹកៈ ៥ពាន់នាក់កើនឡើង ២៣០,៤០០%ចំនួនទេសចរផ្ទៃក្នុង (Internal Tourist)(ទេសចរជាតិ) ដែលបានធ្វើដំណើរកម្សាន្តតាមបណ្តារមណីយដ្ឋាននានាទូទាំងប្រទេសមានចំនួន ៦,៣លាននាក់ កើនឡើង ២១៩.៣% ដោយកម្ពុជារំពឹងថានឹងអាចទទួលបានភ្ញៀវទេសចរអន្តរជាតិ ក្នុងរង្វង់១លាននាក់ក្នុងឆ្នាំ២០២២នេះ។
លោកជំទាវ ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា CATA បានប្រាប់ AMS ថាអ្វីដែលជាការរំពឹងទុក និងចក្ខុវិស័យរបស់រាជរដ្ឋាភិបាលនៅក្នុងសន្និបាតបូកសរុបការងារទេសចរណ៍ បានបង្ហាញថាជាការងារមួយ ដែលវិស័យឯកជនក៏បានខិតខំចូលរួមទាំងអស់គ្នានៅក្នុងវិស័យទេសចរណ៍របស់កម្ពុជាឱ្យទទួលបានការរីកចម្រើន។
លោកជំទាវ ឆាយ ស៊ីវលីន បានគូសបញ្ជាក់ថាយើងនឹងត្រៀមការរៀបចំសិក្ខាសាលាដោយជ្រើសរើសតំណាង អ្នកផ្សព្វផ្សាយធំៗ និងការីទេសចរណ៍ដើម្បីបង្ហាញនូវផលិតផលថ្មីៗ និងការលក់ផងដែរដែលយើងមាន យើងបានផ្លាស់ប្តូរខ្លះក្នុងបរិបទកូវីដ ទៅលើលទ្ធផលដែលយើងចង់បង្ហាញឱ្យគ្នាទៅវិញទៅ មកសម្រាប់ប្រទេសជាដៃគូនីមួយៗ។ ដោយឡែកបញ្ហាធនធានមនុស្សក៏ត្រូវការបណ្តុះបណ្តាលបន្ថែមព្រោះ យើងខ្វះធនធានមនុស្សក្នុងរយៈកាលកូវីដ ដែលអ្នកខ្លះបាន ទៅប្រកបមុខរបរផ្សេង ។ តែចំពោះបញ្ហាការបើកប្រទេសជាដំណាក់កាលដោយមានការរិតត្បិត កន្លងមក ឥឡូវបានដោះចេញអស់ហើយក្នុងការរិតត្បិត ហើយថែមទាំងឈានមុខគេក្នុងតំបន់អាស៊ាន ធ្វើឱ្យប្រទេសជាច្រើនយកកម្ពុជាធ្វើជាគំរូថែមទៀត។ លោកជំទាវ ឆាយ ស៊ីវលីន បានអះអាងថាយើងនឺងមានកំណើនចំនួនភ្ញៀវទេសចរមកកាន់កម្ពុជាដូចការរំពឹងទុករបស់រាជរដ្ឋាភិបាលក្នុងចំនួនរង្វង់១លាននាក់ក្នុងឆ្នាំ២០២២នេះ រួមទាំងចក្ខុវិស័យនៃវិស័យទេសចរណ៍កម្ពុជា ដែលផ្ដោតសំខាន់ការរៀបចំស្តារ និងលើកស្ទួយវិស័យទេសចរណ៍កម្ពុជាឡើងវិញក្រោយវិបត្តិជំងឺកូវីដ-១៩ ដោយមានការចូលរួមទាំងវិស័យឯកជន វិស័យទេសចរណ៍កម្ពុជានឹងទទួលបានការងើបឡើងវិញ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
