AMS Economyអន្តរជាតិ ផ្សព្វផ្សាយពីតំបន់ទេសចរណ៍ទាំង ១០ទីតាំង ដែលទាក់ទាញបំផុតនៅរាជធានីភ្នំពេញ
ភ្នំពេញ ៖ ប្រទេសកម្ពុជាត្រូវបានអន្តរជាតិទទួលស្គាល់យ៉ាងទូលាយថា ជាប្រទេសដែលមានសក្តានុពលខ្លាំងចំពោះវិស័យទេសចរណ៍ធៀបទៅនឹងបណ្តាប្រទេសជិតខាងក្នុងតំបន់ ជាពិសេសតំបន់ធម្មជាតិ វប្បធម៌ប្រពៃណី ហើយសូម្បីតែប្រជាជានដែលជាម្ចាស់ប្រទេសក៏មានភាពរួសរាយរាក់ទាក់ស្លូតត្រង់គួរសរសើរ។ ដោយឡែកសម្រាប់តែរាជធានីភ្នំពេញ ដែលជាមជ្ឈមណ្ឌលពាណិជ្ជកម្មប្រចាំប្រទេសក៏មានកន្លែងទេសចរណ៍យ៉ាងទាក់ទាញដែលត្រូវបានបណ្តាញផ្សព្វផ្សាយអន្តរជាតិយកទៅចេញផ្សាយជាសកលផងដែរ។
រាជធានីភ្នំពេញ គឺជាទីបណ្តុំនៃមជ្ឈមណ្ឌលពាណិជ្ជកម្ម និងសេដ្ឋកិច្ចចម្រុះ ហើយក៏មានទីកន្លែងសម្រាប់ទេសចរណ៍ច្រើនទីតាំងផងដែរ ហើយទីតាំងនីមួយៗសុទ្ធតែមានបង្កប់ដោយរឿងរ៉ាវជាប្រវត្តិសាស្ត្រ ដែលត្រូវបានគេប្រដូចទៅនឹងទីក្រុងប៉ារីសទី២នៅក្នុងតំបន់អាស៊ីភាគខាងកើតផងដែរ ដោយសារតែភាពស្រស់ស្អាតនៃសំណង់បែបវិស្វកម្ម និងសំណង់បែបបុរាណជាច្រើន។
សក្តានុពលក្នុងវិស័យទេសចរណ៍របស់ភ្នំពេញត្រូវបានអន្តរជាតិយកទៅចេញផ្សាយពីភាពល្អប្រសើរ និងសក្ដានុពលច្រើនស្ទើររាប់មិនអស់ដោយក្នុងនោះ បណ្តាញផ្សព្វផ្សាយដ៏ល្បីឈ្មោះ Touropia ក៏បានចេញផ្សាយពីទីតាំងដ៏ទាក់ទាញបំផុតចំនួន១០នៅក្នុងទីក្រុងមួយនេះ៖
១០. វត្តឧណ្ណាលោម ៖ ជាទីតាំងវត្តដ៏ចំណាស់បំផុតមួយក្នុងប្រទេស ហើយក៏ជាទីតាំងដែលមានប្រវត្តិយូរជាងគេក្នុងរាជធានីភ្នំពេញផងដែរ ព្រោះសូម្បីតែចេតិយដែលស្ថិតនៅក្នុងបរិវេណវត្តនេះគឺមានអាយុកាលចាស់ជាងវត្តភ្នំទៅទៀត។
៩.វិមានឯករាជ្យ ៖ វិមានឯករាជ្យមានទីតាំងស្ថិតនៅផ្លូវប្រសព្វគ្នារវាងមហាវិថីព្រះនរោត្តម និងមហាវិថីព្រះសីហនុ និងជាទីតាំងស្ថិតនៅចំចំណុចកណ្តាលបំផុតរបស់ទីក្រុងភ្នំពេញ។ វិមានឯករាជ្យមានកំពស់ ២០ម៉ែត្រ និង ៥ជាន់ លំអដោយក្បាលពស់នាគរាជចំនួន ១០០ សង់តាមគំរូរចនាបទរបស់អង្គរ រចនាប្លង់ដោយស្ថាបត្យករខ្មែរដ៏ល្បីល្បាញ គឺ លោក វណ្ណ មូលីវណ្ណ។
៨.ផ្សារទូលទំពូង ៖ ជាផ្សារដែលមានប្រវត្តិយូរឆ្នាំផងដែរ ប៉ុន្តែល្បីឈ្មោះសម្រាប់បរទេសបំផុត ពីព្រោះជាកន្លែងប្រមូលផ្តុំទៅដោយវត្ថុអនុស្សាវរីយ៍ស្អាតៗ និងតំណាងឲ្យជាតិ ហើយវាត្រូវបានស្គាល់ឈ្មោះជាភាសាបរទេសថា Russian Market ។
៧.សារមន្ទីរជាតិ ៖ សារមន្ទីរជាតិនៅទីក្រុងភ្នំពេញ ជាសារមន្ទីរធំជាងគេនៅប្រទេសកម្ពុជា ដែលជាទីតាំងប្រមូលផ្ដុំសម្បត្តិវប្បធម៌ និងប្រវត្តិសាស្ត្រ ដ៏សំខាន់។ សារមន្ទីរជាតិមានរក្សាទុក រូបសំណាក និងភស្ដុតាងប្រវត្តិសាស្ត្រកម្ពុជាចំនួនជាង ១ម៉ឺន ៤ពាន់ តាំងពីសម័យបុរេប្រវត្តិ សម័យអង្គរ និងសម័យក្រោយៗមកទៀត។
៦.សារមន្ទីរជើងឯក ៖ ជាទីតាំងប្រវត្តិសាស្ត្រដែលមានចម្ងាយប្រមាណ១៥គីឡូម៉ែត្រពីរាជធានីភ្នំពេញ ស្ថិតនៅក្នុងភូមិរលួស សង្កាត់ជើងឯក ខណ្ឌដង្កោ រាជធានីភ្នំពេញ ដែលជាទីតាំងប្រវត្តិសាស្ត្រមួយទាក់ទាញភ្ញៀវទេសចរជាតិ និងអន្តរជាតិ។
៥.វត្តភ្នំ ៖ វត្តភ្នំដូនពេញ (វត្តភ្នំ) គឺជាវត្តដែលជានិមិត្តរូបនៃឈ្មោះទីក្រុងភ្នំពេញ ដែលជារមណីយដ្ឋានប្រវត្តិសាស្ត្រ ក្នុងកំណត់ត្រានៃអត្តសញ្ញាណជាតិខ្មែរ។
៤.ព្រះបរមរាជវាំង ៖ ព្រះបរមរាជវាំងនៃព្រះរាជាណាចក្រកម្ពុជា ឬព្រះបរមរាជវាំងចតុមុខមង្គល គឺជាព្រះរាជវាំងដែលជាទីប្រថាប់នៃព្រះមហាក្សត្រខ្មែរតាំងតែរជ្ជកាល ព្រះបាទនរោត្តម ព្រហ្មបរិរក្សបរមរាមាទេវតា រហូតរជ្ជកាលបច្ចុប្បន្នគឺ ព្រះបាទសម្តេច ព្រះបរមនាថនរោត្តម សីហមុនី ។
៣.សារមន្ទីរទួលស្លែង ៖ សារមន្ទីរឧក្រិដ្ឋកម្មប្រល័យពូជសាសន៍ទួលស្លែង ឬសារមន្ទីរទួលស្លែង គឺជាសារមន្ទីរមួយនៅទីក្រុងភ្នំពេញ សម្រាប់ចងចាំពីអំពើប្រល័យពូជសាសន៍នៅកម្ពុជាដែលជាកន្លែងក្រុមភ្ញៀវបរទេសចង់សិក្សាស្រាវជ្រាវបំផុតអំពីប្រវត្តិសាស្ត្រដ៏ជូរចត់របស់កម្ពុជា។
២.ផ្លូវការស៊ីសុវត្ថិ ៖ ជាទីតាំងដែលប្រមូលផ្តុំទៅដោយសេវាកម្មស្នាក់អាហារភេសជ្ជៈ និងកំសាន្តដ៏ចម្រុះនៅក្នុងទីក្រុងដែលក៏ជាទីតាំងដែលមានវត្តមានស្នាក់នៅរបស់ភ្ញៀវបរទេសច្រើនបំផុតផងដែរ។ ទាំងបរិយាកាសដែលជាប់នៅមាត់ច្រាំងទន្លេទាំងអាហារ និងភេសជ្ជៈតាមគ្រប់បែបជាតិសាសផងទីនេះបានទាក់ទាញទាំងភ្ញៀវអន្តរជាតិផង ជាតិផងដែរជាពិសេសនៅពេលរាត្រី។ ១.ផ្សារធំថ្មី ៖ ផ្សារធំថ្មីត្រូវបានកសាងឡើងនៅឆ្នាំ១៩៣៥-១៩៣៧។ សំណង់ និងម៉ូដនៃផ្សារនេះមានលក្ខណៈលេចធ្លោក្នុងចំណម សំណង់នានានៅក្រុងភ្នំពេញ។ នៅផ្សារនេះមាន ផលិតផលដាក់តាំងលក់គ្រប់ប្រភេទ ពិសេសគ្រឿងអលង្កា មាស ប្រាក់ជាដើម និងក៏ដូចជាវត្ថុអនុស្សាវរីយ៍ជាច្រើនប្រភេទទៀតសម្រាប់ភ្ញៀវទេសចរផងដែរ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីបរដ្ឋលេខាធិការនៃក្រសួងសេដ្ឋកិច្ច
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ...
ធនាគារជាតិនៃកម្ពុជា (NBC) បានអំពាវនាវឱ្យសាធារណជនមានការប្រុងប្រយ័ត្នខ្ពស់ មុននឹងតភ្ជាប់ ឬចូលប្រើប្រាស់សេវាទូទាត់សងប្រាក់ណា...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
