AMS Economyសេដ្ឋកិច្ចឡាវនឹងកាន់តែរឹងម៉ាំខ្លាំង ក្រោយប្រែក្លាយពីប្រទេសបែប Landlock ទៅជា Landlink
ត្រឹមចុងឆ្នាំ២០២១ គម្រោងផ្លូវដែកចិន-ឡាវ (China-Laos railway) ត្រូវបានប្រកាសសម្ពោធដាក់ឲ្យប្រើប្រាស់ជាផ្លូវការក្រោយចំណាយពេលសាងសង់អស់រយៈពេល៦ឆ្នាំ ក្នុងនាមជាផ្លូវដែកសម្រាប់រថភ្លើងល្បឿនលឿនប្រើប្រាស់បម្រើទាំងការដឹកជញ្ជូនអ្នកដំណើរ និងទំនិញចេញចូលរវាងចិន និងឡាវ ហើយមិនត្រឹមតែប៉ុណ្ណោះ វាក៏ជាច្រកដ៏សំខាន់តភ្ជាប់រវាងតំបន់អាស៊ានទៅនឹងគម្រោងយក្សរបស់ចិនដែលមានឈ្មោះថា ផ្លូវសូត្រចិន ឬ BRI (Belt and Road Initiative) ។
ការតភ្ជាប់រវាងទីក្រុង Vientiane ទៅដល់តំបន់ព្រំដែនភាគខាងជើងនៃប្រទេសចិន Boten ក្នុងចំងាយផ្លូវដល់ទៅ៤១៤គីឡូម៉ែត្រ និងចំណាយថវិកាសរុបដល់ទៅជាង ៦ ០០០លានដុល្លារអាមេរិក។ ក្រៅតែពីការតភ្ជាប់រវាងចិន និងឡាវហើយនោះ គេជឿជាក់ថាគម្រោងនេះនឹងអាចបន្តទៅភ្ជាប់ប្រទេសផ្សេងទៀតក្នុងតំបន់ដែលមានដូចជាប្រទេសថៃ ប្រទេសម៉ាឡេស៊ី និងសិង្ហបុរីទៀតផងដែរនាពេលអនាគត។
សក្តានុពលដ៏សន្ធឹកសន្ធាប់ដែលជាកម្លាំងចលករជួយជំរុញកំណើនសេដ្ឋកិច្ច និងសកម្មភាពពាណិជ្ជកម្មក្នុងតំបន់តាមរយៈគម្រោង China-Laos railway នេះត្រូវបានអ្នកជំនាញជាច្រើនមើលឃើញថា បានប្រែក្លាយឡាវពីប្រទេសបែប Landlock (មិនជាប់សមុទ្រ) ទៅជាប្រទេសលក្ខណៈ Landlink ឬមានន័យថា ជាប្រទេសដែលជាទីកន្លែងសម្រាប់តភ្ជាប់ជាមួយនឹងបណ្តាប្រទេសផ្សេងទៀត។
តើនៅក្រោយពេលដែលប្រែក្លាយទៅជាប្រទេសបែប Landlink ហើយនោះ ឡាវ នឹងទទួលបានអត្ថប្រយោជន៍អ្វីខ្លះ?
ចាប់តាំងតែពីគម្រោងបានប្រកាសដំបូងភ្លាម ឡាវបានទាក់ចិត្តអ្នកវិនិយោគក្រៅ និងក្នុងប្រទេសជាច្រើន ជាពិសេសក្នុងតំបន់អាស៊ានផ្ទាល់។ សម្រាប់ការធ្វើដំណើរនឹងដឹកជញ្ជូនរវាងឡាវ និងចិននៅពេលនេះ បានកាត់បន្ថយស្ទើរមួយភាគបួន ពី១៥ម៉ោងដោយរថយន្តមកតិចជាង៤ម៉ោងតាមរថភ្លើង និងមានតម្លៃសំបុត្រធ្វើដំណើរត្រឹមតែ៣៣ដុល្លារប៉ុណ្ណោះសម្រាប់កៅអីប្រភេទ second-class seat។
ប្រទេសឡាវធ្លាប់ជាប្រទេសដែលក្រីក្រខាងហេដ្ឋារចនាសម្ព័ន្ធដោយកាលពីមុនមានផ្លូវដែកត្រឹមតែ៤គីឡូម៉ែត្រប៉ុណ្ណោះ មុនពេលដែលផ្លូវដែក China-Laos បានបញ្ចប់។ ក្រោយការការតភ្ជាប់វាបានធ្វើឲ្យកាន់តែប្រសើរឡើង នៃកិច្ចការងារធ្វើពាណិជ្ជកម្មនិងមានទំហំកាន់តែច្រើនរវាងខេត្តនិងខេត្ត រវាងឡាវនិងប្រទេសជិតខាងអាស៊ាន ក៏ដូចជាជាមួយប្រទេសចិន។
គួរឲ្យដឹងថា ទំហំធ្វើពាណិជ្ជកម្មរវាងចិន និងអាស៊ានតាមផ្លូវទឹកកាលពីឆ្នាំ២០២០មានរហូតទៅដល់៦០០ពាន់លានដុល្លារ ដូចនេះនៅពេលដែលផ្លូវដែករួចរាល់បែបនេះ ឡាវនឹងក្លាយទៅជាស្តុកទំនិញដ៏សំខាន់សម្រាប់តំបន់អាស៊ានទាំងមូល ជាក់ស្តែងធនាគារពិភពលោក World Bank បានធ្វើការព្យាករណ៍ថាទំហំដឹកជញ្ជូនទំនិញរវាងចិនឡាវនឹងមានការកើនឡើងទៅដល់៣,៩លានតោននៅត្រឹមឆ្នាំ២០៣០ខាងមុខខ្ពស់ជាងអ្វីដែលធ្លាប់ធ្វើបានកាលពីឆ្នាំ២០១៦ ត្រឹមតែ១,៦លានតោន ហើយនឹងទាញយកទំនិញដែលត្រូវដឹកតាមផ្លុវទឹកមកតាមផ្លូវដែកប្រមាណជា១,៥លានតោន។ ក្រៅតែពីវិស័យសេដ្ឋកិច្ច និងជំនួញក្នុងនាមជាប្រទេសតភ្ជាប់រវាងប្រទេសក្នុងតំបន់ ឬ Landlink ហើយនោះគេជឿជាក់ថាឡាវនឹងអាចទាគ់ទាញភ្ញៀវទេសចរចិនកាន់តែច្រើនឡើងពីចំនួនប្រហែលជា១លាននាក់កាលពីមុនវិបត្តិកូវីដទៅដល់ ១,៥លាននាក់នៅពេលដែលទ្វារប្រទេសបើកវិញភ្លាម។ ដោយឡែកសម្រាប់វិស័យអចលនទ្រព្យវិញនៅពេលនេះគេអាចមើលឃើញថាជនជាតិចិនជាច្រើនកំពុងសម្រុកចូលទៅកាន់ប្រទេសឡាវដើម្បីប្រមូលទិញដីធ្លីជាច្រើនទុកទោះបីជាមិនមានសិទ្ធិកាន់កាប់ដោយផ្ទាល់ក្តីពួកគេភាគច្រើនបានប្រើប្រាស់វិធីសាស្ត្រប្រើភាគីទី៣ដែលជាប្តី ឬប្រពន្ធ ឬដៃគូសហការក្នុងការវិនិយោគទៅលើវិស័យមួយនេះ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
