AMS Economyម៉ាស៊ីនកិនចំណីសត្វក្នុងស្រុក បង្កភាពងាយស្រួល និងកាត់បន្ថយចំណាយរបស់បងប្អូនកសិករ
ស្វាយរៀង ៖ បងប្អូនប្រជាកសិករខ្មែរដែលមានចិញ្ចឹមសត្វ ជាពិសេសនៅតាមស្រុកស្រែចំការតែងតែនិយមឱ្យចំណីដោយលាយចំណីផ្សេងៗរួមជាមួយនឹងដើមចេក ឬដំណាំដទៃទៀតដើម្បីបំប៉ន និងជំរុញការលូតលាស់របស់សត្វ។ ដោយមើលឃើញពីតម្រូវការចាំបាច់ និងអាចបង្កភាពងាយស្រួលដល់ការឱ្យចំណីទាំងនោះ ស្ថាបនិកខ្មែរម្នាក់បានច្នៃបង្កើតគ្រឿងយន្តកសិកម្មមួយប្រភេទគឺ ម៉ាស៊ីនកិនចំណីសត្វ ដែលអាចជួយកាត់បន្ថយចំណាយ និងចំណេញពេលវេលាបានយ៉ាងប្រសើរ។
លោក សុខ បូរិន ម្ចាស់សិប្បកម្ម សុខ បូរិន ផលិតគ្រឿងយន្តកសិកម្ម ស្ថិតក្នុងសង្កាត់ស្វាយតឿ ក្រុងស្វាយរៀង ខេត្តស្វាយរៀង បានប្រាប់ AMS ឱ្យដឹងថា លោកបានបង្កើតម៉ាស៊ីនកិនចំណីសត្វនេះឡើង ដោយសារមើលឃើញពីផលលំបាករបស់កសិករខ្មែរក្នុងការផលិតចំណីសត្វ ក៏ដូចជាការធ្វើជីសម្រាប់ដាំដំណាំ និងចង់ជួយឱ្យប្រជាកសិករខ្មែរអាចទទួលបានផលចំណេញច្រើនពីការប្រើប្រាស់ធនធានក្បែរផ្ទះ មិនប្រើជាតិគីមី មិនប៉ះពាល់ដល់សុខភាព ចំណេញពេលវេលា ចំណេញថវិកា និងមិនប៉ះពាល់ដល់បរិស្ថាន។
លោកបានបញ្ជាក់ថា ម៉ាស៊ីនកិនចំណីសត្វប្រភេទនេះ អាចកិនដើមចេក ដំឡូងមី ដើមពោត ក៏ដូចជាស្មៅផ្សេងៗសម្រាប់ឱ្យសត្វស៊ី។ ក្រៅពីនេះវាក៏ជាប្រភេទម៉ាស៊ីនពហុមុខងារ ពោលគឺអាចកិនចំណីសត្វក៏បាន ឬកិនមែកឈើផ្សេងៗសម្រាប់ធ្វើជីកំប៉ុស ឬវត្ថុធាតុដើមផ្សេងទៀតសម្រាប់ដាំដំណាំក៏បាន ដោយសារម៉ាស៊ីននេះត្រូវបានបំពាក់ដោយកំបិតសម្រាប់ហាន់ដ៏មុតស្រួច អាចកិនបំបែកមែកឈើបានយ៉ាងងាយ ហើយកម្លាំងម៉ាស៊ីនមានច្រើនជម្រើស រួមមានប្រើម៉ូទ័រ ប្រើម៉ាស៊ីនសាំង ម៉ាស៊ីនម៉ាស៊ូត ពោលគឺអាស្រ័យតាមតម្រូវការរបស់បងប្អូនប្រជាកសិករ ដែលមានតម្លៃចាប់ពី ២៨០ដុល្លារឡើងទៅ។
លោកបានមានប្រសាសន៍ថា ៖
«ត្បិតតម្លៃវារាងថ្លៃជាងម៉ាស៊ីននាំចូលក៏ពិតមែន តែម៉ាស៊ីនដែលចេញពីសិប្បកម្មមួយនេះមានគុណភាពល្អ បំពាក់ដោយគ្រឿងបង្គុំធន់ មាំ មិនងាយខូច អាចប្រើប្រាស់បានរយៈពេលយូរ។ ហេតុនេះហើយទើបបងប្អូនដែលបានប្រើហើយ តែងនិយាយតៗគ្នាពីព័ត៌មានក៏ដូចជាគុណភាពល្អដែលប្រៀបបាននឹងការផ្សព្វផ្សាយទៅដល់តំបន់ឆ្ងាយៗទូទាំងប្រទេស ។ ជាក់ស្ដែងមានបងប្អូនមួយចំនួនដែលធ្លាប់ប្រើប្រាស់ម៉ាស៊ីននាំចូលពីប្រទេសជិតខាង បានងាកមកប្រើប្រាស់ម៉ាស៊ីនរបស់សិប្បកម្ម សុខ បូរិន វិញ ដោយសារតែគុណភាពល្អ និងមានភាពធន់របស់ម៉ាសស៊ីន»
បច្ចុប្បន្ន សិប្បកម្មរបស់លោក បូរិន មានកម្មករប្រមាណ ១០នាក់ ដែលមានតួនាទីផ្សេងៗគ្នា ហើយអាចដំឡើងម៉ាស៊ីនបាន ១គ្រឿងប៉ុណ្ណោះក្នុង១ថ្ងៃពោលគឺនៅមិនទាន់គ្រប់តាមតម្រូវការរបស់អតិថិជនឡើយ។
គួរបញ្ជាក់ដែរថា លោក បូរិន បានចាប់ផ្ដើមផលិតម៉ាស៊ីនកិនចំណីសត្វនេះឡើងកាលពីឆ្នាំ២០១៧ ដែលដើមឡើយសិប្បកម្មសរបស់លោកមានផលិតត្រឹមប្រភេទឧបករណ៍ស្នប់ទឹកប៉ុណ្ណោះ ហើយក្រោយមកទើបមានការរៀបចំផែនការបង្កើតម៉ាស៊ីនកិនចំណីសត្វដោយបានចំណាយដើមទុនអស់ប្រមាណ២០ម៉ឺនដុល្លារ។
ម្ចាស់សិប្បកម្មក្នុងក្រុងស្វាយរៀងរូបនេះបានបន្ថែមឲ្យដឹងទៀតថា ទោះជាលោកជាអ្នករចនាម៉ូដ និងបង្កើតម៉ាស៊ីនកិនចំណីនេះឡើង តែពុំមានវត្ថុធាតុដើមក្នុងស្រុកឡើយ គឺត្រូវកម្ម៉ង់ឱ្យប្រទេសជិតខាងជាអ្នកផលិតគ្រឿងបង្គុំ បន្ទាប់មកលោកក៏យកមកដំឡើងនៅសិប្បកម្មផ្ទាល់តែម្ដង។ ក្រៅពីនេះលោកក៏មានគម្រោងផលិតម៉ាស៊ីនថ្មីដែលមានមុខងារផ្សេងៗទៀតសម្រាប់បងប្អូនកសិករ ប៉ុន្តែបច្ចុប្បន្ន ត្រូវបានរាំងស្ទះដោយសារបញ្ហាកូវីដ១៩ ហើយបញ្ហាអ្នកជំនាញនៅមានកម្រិត វត្ថុធាតុដើមក៏ត្រូវការនាំចូលទៀតនោះ បានចោទជាបញ្ហាសម្រាប់អាជីវកម្មមួយនេះផងដែរ។
យ៉ាងណាក៏ដោយ លោក សុខ បូរិន ក៏ថ្លែងអំណរគុណដល់អតិថិជនដែលតែងតែគាំទ្រម៉ាស៊ីនច្នៃដោយកូនខ្មែរ និងលើកទឹកចិត្តដល់បងប្អូនដែលមានចិញ្ចឹមសត្វ ក៏ដូចជាដាំបន្លែ គួរទិញម៉ាស៊ីននេះយកទៅប្រើប្រាស់ដែលអាចកាត់បន្ថយចំណាយ ពិសេសគឺកាត់បន្ថយការប្រើប្រាស់ថ្នាំគីមីលើដំណាំដោយងាកមកប្រើជីកំប៉ុស មិនប៉ះពាល់ដល់សុខភាពជំនួសវិញ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
មេដឹកនាំប៊ុលហ្គារី ៖ អឺរ៉ុបអាចរស់បានដោយគ្មានរុស្ស៊ី គ្រាន់តែលំបាកខ្លាំងបើធ្វើសត្រូវជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 07/09/2026
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
អាល្លឺម៉ង់ ផ្តើមផលិតដ្រូន AI ជាង ៥ ពាន់គ្រឿងឱ្យអ៊ុយក្រែន អាចហោះបាន ១ ៥០០ គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សហភាពអឺរ៉ុបគ្រោងបង្កើនទុនវិនិយោគនៅកោះហ្រ្គីនឡែន និង ពង្រឹងទំនាក់ទំនងនយោបាយឱ្យកាន់តែជិតស្និទ្ធ ខណៈដែលលោក ដូណាល់ ត្រាំ ទាមទារចង់បានកោះនេះបញ្ចូលជាដែនដ...
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
ចិនគ្រោងនឹងបញ្ចេញថវិកាប្រមាណ ៣៦០ ពាន់លានយន់ ឬស្មើប្រមាណ ៥៤ ពាន់លានដុល្លារ ដើម្បីចាក់បញ្ចូលទៅក្នុងវិស័យហិរញ្ញវត្ថុរបស់ខ្លួន...
ការសិក្សាស្រាវជ្រាវលើកដំបូងនៅកម្ពុជា ស្តីពី «សហគមន៍កសិកម្មទំនើប» បានបង្ហាញថា កសិករដែលចូលរួមក្នុងសហគមន៍ប្រភេទនេះទទួលបានល...
ចាប់ផ្តើមពីអាជីវកម្មគ្រួសារកាលពីឆ្នាំ២០១៦ សិប្បកម្មកែច្នៃសាច់ស្រស់ក្នុងស្រុក «ជីលីណា» (Chilyna) បានវិវត្តខ្លួនក្លាយជាសិប្...
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
