AMS Economyមៀនប៉ៃលិន ត្រូវបានសហគ្រិនក្នុងស្រុកយកមកកែច្នៃ និងលើកតម្កើងគុណតម្លៃ
បាត់ដំបង ៖ សហគ្រាសក្នុងស្រុកបានរួមចំណែកយ៉ាងខ្លាំងក្នុងការជួយលើកតម្កើងផលិតផលក្នុងស្រុក ជាក់ស្ដែង មៀនប៉ៃលិនដែលកំពុងជួបវិបត្តិក្នុងការនាំចេញនាពេលថ្មីៗនេះ ត្រូវបានយកមកកែច្នៃដោយសហគ្រាសកែច្នៃផ្លែឈើស្រស់មួយកន្លែងស្ថិតនៅខេត្តបាត់ដំបងធ្វើជាផ្លៃមៀនកំប៉ុងសម្រាប់ផ្គត់ផ្គង់ទីផ្សារក្នុងស្រុក និងអាចឈានដល់ការនាំចេញទៅកាន់ក្រៅប្រទេសផងដែរ។
មៀនប៉ៃលិន ឬគេហៅថា តាង៉ែន ត្រូវបានឆ្លងកាត់កែច្នៃប្រកបដោយអនាម័យមានស្ដង់ដារ និងត្រូវបានវេចខ្ចប់យ៉ាងស្រស់ស្អាតនៅក្នុងកំប៉ុងកែវ ក្នុងនាមជាផលិតផលថ្មីមួយប្រភេទ ដែលត្រូវបានបង្កើតឡើងដោយសហគ្រាស Navita និងបានដាក់លក់នៅលើទីផ្សារក្នុងស្រុក និងឈានទៅរកការនាំចេញទៅទីផ្សារក្រៅប្រទេសនាពេលខាងនេះ។
លោក អ៊ុយ ចេងហេង ជាម្ចាស់សហគ្រាស ណាវីតា (Navita Food Production) មានទីតាំងនៅភូមិបាឡាត់ សង្កាត់អូរម៉ាល់ ខេត្តបាត់ដំបង បានប្រាប់ឲ្យដឹងថា លោកបានបង្កើតសហគ្រាសនេះឡើងក្នុងគោលបំណងចង់កែច្នៃ និងវេចខ្ចប់ភោគផលកសិកម្មឱ្យមានតម្លៃ ដែលអាចជួយលើកស្ទួយទីផ្សារកសិកម្មផង លើកកម្ពស់ទីផ្សារផលិតផលធម្មជាតិផង និងផ្ដល់ការងារដល់ប្រជាជនក្នុងតំបន់ផងដែរ។
ដោយឡែកសម្រាប់យុទ្ធនាការទិញផ្លែមៀនប៉ៃលិន ដែលគាំទ្រដោយរាជរដ្ឋាភិបាលនៅពេលបច្ចុប្បន្ននេះ ជាការរួមចំណែកក្នុងការលើកកម្ពស់ទីផ្សារកសិកម្ម លោកបានយកមៀនប៉ៃលិននេះទៅកែច្នៃជាមៀនកំប៉ុងថែរក្សាទុកក្នុងទឹកសៃរ៉ាប់ ឬ សាច់មៀនក្នុងកែវ និងមៀនស្ងួតដែលមានរសជាតិឈ្ងុយឆ្ងាញ់។
ចំពោះផលិតផលមៀនរក្សាទុកក្នុងកែវដែលទើបតែបញ្ចេញលក់បានប្រមាណជាង ២សប្ដាហ៍កន្លងមកនេះ ម្ចាស់សហគ្រាសកែច្នៃផ្លែឈើស្រស់រូបនេះបានបន្តថា ក្នុងដំណាក់កាលដំបូង ក្នុងរយៈពេលមួយខែ កែច្នៃ និងផលិតជាមៀនកំប៉ុងក្នុងចន្លោះពី ១៥-២០ តោនតែប៉ុណ្ណោះ ពោលគឺភាគច្រើនផលិតតាមតម្រូវការរបស់អតិថិជន។
បច្ចុប្បន្នសហគ្រាសនេះមានបុគ្គលិកជាង១០នាក់ ដែលអាចឆ្កឹះសាច់ផ្លែមៀនបាន ៧០០គីឡូក្រាមទៅ ១តោនក្នុងមួយថ្ងៃ ហើយលោកក៏មានគម្រោងចង់បង្កើនចំនួនបុគ្គលិកដើម្បីអាចឆ្កឹះមៀនឱ្យបាន២តោនក្នុងមួយថ្ងៃ។ មៀនក្នុងកែវនេះត្រូវបានធ្វើតេស្តគំរូផលិតផលកាលពីដើមឆ្នាំ២០២១ និងគ្រោងបញ្ចេញលក់នៅឆ្នាំ២០២២ ប៉ុន្តែដោយសារមានបញ្ហាទីផ្សារនាំចេញមៀនប៉ៃលិននេះ គេក៏ឆ្លៀតឱកាសចេញលក់ផលិតផលថ្មីនេះតែម្ដង។
លោក អ៊ុយ ចេងហេង បានមានប្រសាសន៍ថា ផលិតផលមៀនក្នុងកែវនេះត្រូវបានផលិតឡើងដើម្បីឆ្លើយតបទៅនឹងតម្រូវការរបស់អតិថិជន ហើយក៏អាចកាត់បន្ថយនូវផលិតនាំចូលពីប្រទេសជិតខាងដែលពុំមានគុណភាព។ លោកបន្តថា ផលិតលរបស់សហគ្រាសរបស់លោកមានគុណភាពល្អ ដោយសារពុំមានដាក់សារធាតុរក្សាទុកបានយូរដូចផលិតផលនាំចូល និងមានកម្រិតស្ករទាបដែលពលរដ្ឋខ្មែរអាចបរិភោគបានយ៉ាងមានសុវត្ថិភាព។ ចំណែកឯតម្លៃ គឺ ៣ដុល្លារក្នុងមួយកំប៉ុងកែវ ហើយកែវនេះទៀតសោតក៏អាចលាងសម្អាតទុកប្រើប្រាស់បានផងដែរ។
គួរបញ្ជាក់ដែរថា លោក អ៊ុយ ចេងហេង បានចាប់ផ្ដើមអាជីវកម្មមួយនេះក្នុងដើមទុនដំបូងប្រមាណជាង ៣០ម៉ឺនដុល្លារដែលបានមកពីគ្រួសារ និងកម្ចីធនាគារមួយចំណែក។ ការចាប់ផ្ដើមដំណើរផលិតនេះគឺនៅចុងឆ្នាំ២០២០ និងចេញលក់ជាបន្តបន្ទាប់ចាប់តាំងពីចុងខែកុម្ភៈឆ្នាំ២០២១ ដែលគិតមកដល់ពេលនេះមានរយៈពេលប្រមាណកន្លះឆ្នាំប៉ុណ្ណោះ។
បច្ចុប្បន្នផលិតផលរបស់សហគ្រាសមួយនេះមានដូចជា ដំណាប់ស្រកានាគពណ៌ស និងពណ៌ក្រហម ដំណាប់ស្វាយ ដំណាប់ម្នាស់ ដែលសុទ្ធសឹងត្រូវបានផលិតដោយក្បួនធម្មជាតិ ។
ទាក់ទងនឹងដំណើរការនៃសហគ្រាសនេះ លោកបានបង្ហើបថាមានផលលំបាកច្រើនដោយសារលោកជាសហគ្រិនវ័យក្មេងទើបចូលប្រឡូកក្នុងវិស័យនេះ មិនទាន់មានបទពិសោធន៍។ ម៉្យាងវិញទៀត បញ្ហាទីផ្សារក៏ជួបការលំបាក ព្រោះវាជាផលិតផលថ្មីពុំទាន់មានគេស្គាល់។ យ៉ាងណាមិញ លោកក៏ទទួលបានជំនួយពីអង្គការក៏ដូចជាស្ថាប័នផ្សេងៗក្នុងការប្រឹក្សាផ្លូវច្បាប់ ការធ្វើទីផ្សារ និងនាំគំរូផលិតផលចេញទៅបរទេសដូចជា បារាំង អង់គ្លេស អ៊ីតាលី អាល្លឺម៉ង់ជាដើម។ នេះជាអ្វីដែលម្ចាស់សហគ្រាសនេះបានរៀបរាប់ប្រាប់។
យ៉ាងណាក៏ដោយថ្ងៃអនាគត លោក ចេងហេង មានចក្ខុវិស័យចង់ពង្រីកអាជីវកម្មរបស់លោកឱ្យលោកឱ្យក្លាយជាក្រុមហ៊ុនមួយដែលលេចឡើងក្នុងផ្នត់គំនិតរបស់ប្រជាជនមុនគេ នៅពេលដែលគិតចំណីអាហារមានគុណភាព សុវត្ថិភាពមិនប៉ះពាល់ដល់សុខភាព។
ចំពោះអ្នកដែលស្រឡាញ់ការកែច្នៃផលិតផលកសិកម្ម លោកក៏ចូលរួមលើកទឹកចិត្តឱ្យចាប់ផ្ដើមធ្វើវាជាដំណាក់កាលៗ កុំចាំដល់ពេលដែលល្អឥតខ្ចោះទើបចាប់ផ្តើមនោះទេ ប៉ុន្តែក៏ត្រូវមានផែនការ និងជំនាញច្បាស់លាស់ផងដែរ។
ចុងក្រោយ លោកក៏សូមអំពាវនាវឱ្យបងប្អូនប្រជាពលរដ្ឋពុំគួរគិតតែពីផលិតផលមានតម្លៃថោក និងបរិមាណច្រើនដែលនាំចូលពីបរទេស ឬបង្កើតក្នុងស្រុកប៉ុន្តែគ្មានគុណភាពអនាម័យនោះទេ តែគួរគិតពីផលប៉ះពាល់ចំពោះសុខភាពជាចម្បង ខណៈដែលផលិតផលក្នុងស្រុកជាច្រើនក៏មានគុណភាពខ្ពស់ មានស្ដងដារ មិនចាញ់ផលិតផលនាំចូលនោះទេ៕
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ការវិនិយោគច្រើនហួសហេតុលើវិស័យបច្ចេកវិទ្យា AI ក្នុងរយៈពេលខ្លី និងហានិភ័យចំពោះសេដ្ឋកិច្ចសកល
ព្រឹត្តិការណ៍, អាជីវកម្មថ្មី និងនវានុវត្ត
• 03/11/2026
បរទេស ៖ ពិភពលោកកំពុងព្រួយបារម្ភថា ការផ្ទុះឡើងនូវវិបត្តិដូចពពុះសាប៊ូនៃបច្ចេកវិទ្យា AI (AI Bubble Burst)អាចនឹងកើតមានឡើងនៅពេលដែលការចំណាយទុនយ៉ាងសន្ធឹកសន្ធាប់លើបច្ចេកវិទ្យាបញ្ញាសិប្បនិម្មិតមានទំហំធំលើសលប់ធៀបនឹងប្រាក់ចំណេញអាជីវកម្មជាក់ស្តែង ដែលវាប្រាកដណាស់នឹងបង្ខំឱ្យទីផ្សារហិរញ្ញវត្ថុជួបបញ្ហាយ៉ាងធ្ងន់ធ្ងរ។ ក្រុមហ៊ុន Amazon ជាអ្នកនាំមុខគេក្នុងការវិនិយោគលើហេដ្ឋារចនាសម្ព័ន្ធបច្ចេកវិទ្យាបញ្ញាសិប្បនិម្មិត ជាមួយនឹងផែនការចំណាយទុនប្រមាណ ២០០ ពាន់លានដុល្លារ, ក្រុមហ៊ុន Alphabet គ្រោងកញ្ចប់ថវិកាប្រមាណ ១៩៥ពាន់លាន ទៅ
ពិធីចុះហត្ថលេខា ដៃគូហិរញ្ញប្បទានជាយុទ្ធសាស្ត្រ រវាងធនាគារ អ អេច ប៊ី និងក្រុមហ៊ុន គិរីសួគ៌
ព្រឹត្តិការណ៍, អត្ថបទពាណិជ្ជកម្ម
• 02/11/2026
ភ្នំពេញ ៖ នៅ ថ្ងៃទី ២៨ ខែតុលា ឆ្នាំ ២០២៦ – ធនាគារ RHB Bank (Cambodia) Plc. («ធនាគារ អ អេច ប៊ី») និងក្រុមហ៊ុន Khmer
ការបោះឆ្នោតពាក់កណ្តាលអាណត្តិនៅអាម៉េរិក ស្របពេលបញ្ហាផ្ទៃក្នុង និងភូមិសាស្ត្រនយោបាយកំពុងឡើងកំដៅខ្លាំង
ព្រឹត្តិការណ៍, អាជីវកម្មថ្មី និងនវានុវត្ត
• 02/11/2026
បរទេស ៖ ការបោះឆ្នោតពាក់កណ្តាលអាណត្តិក្នុងទឹកដីសហរដ្ឋអាម៉េរិកនឹងប្រព្រឹត្តិទៅនៅអង្គារ ទី៣ ខែវិច្ឆិកា នេះ ពោល គឺចំពេលដែលស្ថានភាពពិភពលោកកំពុងជួបបញ្ហាយ៉ាងក្ដៅគគុកផ្នែកភូមិសាស្ត្រនយោបាយដ៏អាក្រក់ផង និងបញ្ហាផ្ទៃក្នុងជាច្រើននៅក្នុងប្រទេសខ្លួនឯងផង ដែលមនុស្សជាច្រើន រួមមានទាំងអ្នកនយោបាយ ទាំងអ្នកជំនួញ ក៏ដូចជាប្រជាពលរដ្ឋទូទៅផងដែរ កំពុងតាមដានយ៉ាងយកចិត្តទុកដាក់បំផុត។ កាសែត RT បានចេញផ្សាយថា មានប្រជាជនអាម៉េរិកជាង ៥១ លាននាក់ហើយបានចូលរួមការបោះឆ្នោតមុនកាលកំណត់ផ្លូវការគិតត្រឹមថ្ងៃអាទិត្យម្សិលមិញនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បរទេស៖ ក្រុមហ៊ុនផលិតរថយន្តធំៗរបស់ជប៉ុនកំពុងរងសម្ពាធយ៉ាងធ្ងន់ធ្ងរនៅក្នុងទីផ្សារប្រទេសចិន ដែលជាទីផ្សាររថយន្តធំបំផុតនៅលើពិភពលោក បន្ទាប់ពីទិន្នផលផលិតកម...
មូលនិធិរូបិយវត្ថុអន្តរជាតិ (IMF) ព្យាករណ៍ថា ផលិតផលក្នុងស្រុកសរុបសម្រាប់មនុស្សម្នាក់របស់វៀតណាមនឹងយកឈ្នះលើឥណ្ឌូណេស៊ី ដែលអាចឈរនៅចំណាត់ថ្នាក់ទី ៥ ក្នុង...
កម្ពុជាត្រៀមផលិតប្រេង CNSL ដែលចម្រាញ់ចេញពីសំបកគ្រាប់ស្វាយចន្ទី ដើម្បីផ្គត់ផ្គង់ជាវត្ថុធាតុដើមសម្រាប់ប្រើប្រាស់ក្នុងវិស័យជាច្រ...
ស្ថាប័នសារព័ត៌មានកម្ពុជាចំនួន ៣ រួមមាន AMS, សារព័ត៌មានថ្មីៗ និងសារព័ត៌មានដើមអម្ពិល កំពុងចូលរួមក្នុងវេទិកាសហប្រតិបត្តិការប្រព័ន្...
មជ្ឈមណ្ឌលការពារអ្នកប្រើប្រាស់សេវាហិរញ្ញវត្ថុ (FCPC) បានដាក់ចេញយន្តការ និងនីតិវិធីសាមញ្ញ ងាយស្រួល និងឥតគិតកម្រៃ ដើម្បីជួយប្...
ភ្នំពេញ ៖ នៅ ថ្ងៃទី ២៨ ខែតុលា ឆ្នាំ ២០២៦ – ធនាគារ RHB Bank (Cambodia) Plc. («ធនាគារ អ អេច ប៊ី») និងក្រុមហ៊ុន Khmer Fresh Milk Co., Ltd. («គិរីសួគ៌»...
ព្រះសីហនុ ៖ បន្ទាប់ពីទទួលបានទេសចរជិត ៥លាននាក់កាលពីឆ្នាំ២០២៥ មន្ទីរទេសចរណ៍ខេត្តព្រះសីហនុ បានរំកិលក្ដីរំពឹងទុកថា តាមរយៈព្រឹត្តិការណ៍បុណ្យសមុទ្រលើកទី១...
បរទេស ៖ ការបោះឆ្នោតពាក់កណ្តាលអាណត្តិក្នុងទឹកដីសហរដ្ឋអាម៉េរិកនឹងប្រព្រឹត្តិទៅនៅអង្គារ ទី៣ ខែវិច្ឆិកា នេះ ពោល គឺចំពេលដែលស្ថានភាពពិភពលោកកំពុងជួបបញ្ហាយ...
កម្មវិធីពិសេសរបស់ AMS ECONOMY
