AMS Economyក្រសួងកសិកម្មអនុវត្តកម្មវិធី ASPIRE គាំទ្រគ្រួសារកសិករគោលដៅបានជាង13ម៉ឺនគ្រួសារហើយ
រហូតមកដល់ពេលនេះ កម្មវិធី ASPIRE គាំទ្រគ្រួសារកសិករគោលដៅបាន 130,556 គ្រួសារ ឬ ជាង 91ភាគរយនៃគ្រួសារគោលដៅសរុបចំនួន ដែលមានចំនួន144,000 គ្រួសារ និងកំពុងបន្តការអនុវត្តឲ្យបានគ្រប់តាមផែនការដែលបានគ្រោងទុក។
“មានយោបល់ និងសំណូមពរជាច្រើនមកកាន់ក្រសួង ជាពិសេសមកកាន់រូបខ្ញុំផ្ទាល់ ដែលមានចម្ងល់ថា តើក្រសួងបាន និងកំពុងជួយអ្វីខ្លះជូនដល់កសិករ ហើយទន្ទឹមនឹងនេះគេបានបង្ហាញទស្សនៈយោបល់ជាច្រើនមកកាន់ហ្វេសប៊ុករបស់ខ្ញុំ”
ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ
“ដើម្បីបំបាត់ចម្ងល់លើបញ្ហាកន្លងមក ខ្ញុំនឹងចាត់ចែងរៀបចំដោយផ្ទាល់ក្នុងការផ្តល់ជូនប្រជាពលរដ្ឋនូវគម្រោងអភិវឌ្ឍន៍របស់រាជរដ្ឋាភិបាល ដែលមានក្រសួងកសិម្ម រុក្ខាប្រមាញ់ និងនេសាទ បាននឹងកំពុងអនុវត្តន៍ ដើម្បីឱ្យបានជ្រាបពីសកម្មភាពម្តងមួយៗ ដើម្បីចូលរួមអភិវឌ្ឍន៍កសិកម្មទាំងអស់គ្នា”
ឯកឧត្តមបន្តថា
ជាមួយនឹងការលើកឡើងខាងលើនេះ ឯកឧត្តមក៏បានបញ្ជាក់ឲ្យដឹងថា
រហូតមកដល់ពេលនេះ កម្មវិធី ASPIRE បានចំណាយថវិកាអស់ប្រមាណ 59លានដុល្លារ ស្មើនឹងជាង 88ភាគរយនៃថវិកាសរុបចំនួនជាង 67លានដុល្លារ ហើយសម្រេចបានជោគជ័យប្រមាណជាង 89ភាគរយនៃលទ្ធផលដែលបានគ្រោង។ ទន្ទឹមនឹងនេះ កម្មវិធី ASPIRE គាំទ្រគ្រួសារកសិករគោលដៅបាន 130,556 គ្រួសារ ឬជាង 91ភាគរយនៃគ្រួសារគោលដៅសរុបដែលមានចំនួន 144,000គ្រួសារ ហើយបានបង្កើនចំណូលគ្រួសារកសិករពី 2,859 ដុល្លារ/គ្រួសារ នៅឆ្នាំ2017 ដល់ 3,308 ដុល្លារ/គ្រួសារ នៅឆ្នាំ២០២០កន្លងទៅនេះ ពោលគឺកើនឡើង 16ភាគរយ ដោយក្នុងរយៈពេល 3ឆ្នាំ (ស្មើនឹង 5.33ភាគរយ/ឆ្នាំ) ។
កម្មវិធី ASPIRE ទទួលបន្ទុកគ្រប់គ្រង និងដឹកនាំអនុវត្តដោយក្រសួងកសិកម្ម រុក្ខាប្រមាញ់ និងនេសាទ ដោយសហការជាមួយឧត្តមក្រុមប្រឹក្សាសេដ្ឋកិច្ចជាតិ និងលេខាធិការដ្ឋានគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គជអប ឬ NCDD)និងដោយប្រើប្រាស់ថវិកាជាង67 លានដុល្លារអាមេរិក ដែលថវិកានេះភាគច្រើនជាជំនួយ និងកម្ចីរបស់មូលនិធិអន្តរជាតិសម្រាប់អភិវឌ្ឍន៍កសិកម្ម (IFAD) និងពីប្រទេស និងដៃគូអភិវឌ្ឍន៍មួយចំនួនទៀត ។
កម្មវិធី ASPIRE មានគោលដៅរួមចំណែកកាត់បន្ថយភាពក្រីក្រ និងបង្កើនភាពធន់ទ្រាំរបស់កសិករដែលមានទំហំផលិតកម្មតូច ជាមួយនឹងការប្រែប្រួលអាកាសធាតុ។ ក្នុងនោះ កម្មវិធីមានគោលបំណងធ្វើឱ្យមានគំរូសេវាកម្មកសិកម្ម ដែលមានប្រសិទ្ធភាពសម្រាប់គាំទ្រកសិករដែលមានទំហំផលិតកម្មតូច សំដៅរួមចំណែកបង្កើនសេដ្ឋកិច្ច ដោយធ្វើអាជីវកម្មបានចំណេញ ធន់ទ្រាំនឹងអាកាសធាតុ ហើយគំរូសេវាកម្មកសិកម្ម ត្រូវបានយកទៅពិចារណាក្នុងការរៀបចំធ្វើគោលនយោបាយ។ ការអនុវត្តកម្មវិធីនេះមានរយៈពេល7ឆ្នាំ គឺពីឆ្នាំ2015 ដល់ត្រីមានទី1 ឆ្នាំ2022 ប៉ុន្តែដោយសារការរាតត្បាតនៃជំងឺកូវីដ-19 កម្មវិធីនេះអាចត្រូវបានបន្លាយដល់ចុងឆ្នាំ2022។
កាលពីឆ្នាំ2015 កម្មវិធីនេះត្រូវបានអនុវត្តនៅក្នុងខេត្តចំនួន 6 គឺខេត្តកំពង់ឆ្នាំង ពោធិ៍សាត់ បាត់ដំបង ព្រះវិហារ ស្ទឹងត្រែង និងខេត្តក្រចេះ ដោយត្រូវបានទទួលការវាយតម្លៃខ្ពស់ពីថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ ហើយបេសកកម្មជាបន្តបន្ទាប់របស់ IFAD ជាកម្មវិធីដ៏ល្អ ដែលបានរួមចំណែកអភិវឌ្ឍវិស័យកសិកម្មជាតិ និងបង្កើនជីវភាពប្រជាកសិករ។ ដោយឡែក ចាប់ពីឆ្នាំ2020 កម្មវិធីនេះត្រូវបានអនុវត្តនៅក្នុងខេត្តទាំង24 នៃព្រះរាជាណាចក្រកម្ពុជា។
កម្មវិធី ASPIRE មានសមាសភាគចំនួន 4 គឺ ៖ (1) ការអភិវឌ្ឍគោលនយោបាយផ្អែកលើភស្តុតាង (2) ការអភិវឌ្ឍសមត្ថភាពសម្រាប់សេវាកម្មផ្សព្វផ្សាយ (3) សេវាកម្មផ្សព្វផ្សាយដែលបានកែលម្អ និង (4) ហេដ្ឋារចនាសម្ព័ន្ធសម្រាប់គាំទ្រវិស័យកសិកម្មឲ្យមានភាពធន់នឹងអាកាសធាតុ។
កម្មវិធី ASPIRE មានវិធីសាស្ត្រផ្សព្វផ្សាយចំនួន 5 គឺ ៖ 1) ការធ្វើកិច្ចសន្យាជាមួយអ្នកក្រៅ 2) ភាពជាដៃគូរវាងស្ថាប័នរដ្ឋ និងវិស័យឯកជន 3) ការគាំទ្រសហគមន៍កសិកម្ម និងអង្គការកសិករ 4) ការផ្សព្វផ្សាយពីកសិករទៅកសិករ និង5) សេវាកម្មដែលធ្វើដោយអង្គភាពរដ្ឋផ្ទាល់។
កម្មវិធី ASPIRE មានគោលការណ៍អនុវត្តចំនួន 5 គឺ ៖ 1) ការផ្សារភ្ជាប់នឹងទីផ្សារ 2) ការធ្វើអាជីវកម្មជាក្រុម 3) វេទិកាអ្នកពាក់ព័ន្ធចម្រុះ 4) គុណភាព និងសុវត្ថិភាពស្បៀង និង 5) ភាពធន់នឹងអាកាសធាតុ ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋាភិបាលខាតបង់ប្រាក់ចំណូលជាង ៣០០លានដុល្លារហើយ ដើម្បីទប់ស្កាត់ការឡើងថ្លៃប្រេង និងឧស្ម័នឥន្ធនៈ
Top News, ព្រឹត្តិការណ៍, សេដ្ឋកិច្ច
• 07/09/2026
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
មេដឹកនាំប៊ុលហ្គារី ៖ អឺរ៉ុបអាចរស់បានដោយគ្មានរុស្ស៊ី គ្រាន់តែលំបាកខ្លាំងបើធ្វើសត្រូវជាមួយរុស្ស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 07/09/2026
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
អាល្លឺម៉ង់ ផ្តើមផលិតដ្រូន AI ជាង ៥ ពាន់គ្រឿងឱ្យអ៊ុយក្រែន អាចហោះបាន ១ ៥០០ គីឡូម៉ែត្រ
ព្រឹត្តិការណ៍, អាជីវកម្មថ្មី និងនវានុវត្ត
• 04/09/2026
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
សហភាពអឺរ៉ុបគ្រោងបង្កើនទុនវិនិយោគនៅកោះហ្រ្គីនឡែន និង ពង្រឹងទំនាក់ទំនងនយោបាយឱ្យកាន់តែជិតស្និទ្ធ ខណៈដែលលោក ដូណាល់ ត្រាំ ទាមទារចង់បានកោះនេះបញ្ចូលជាដែនដ...
ក្រសួងកសិកម្ម និងដៃគូពាក់ព័ន្ធ ពិនិត្យលទ្ធផលបេសកកម្ម ASPIRE-AT ផ្ដោតលើភាពធន់នៃសហគមន៍ជនបទ ក្នុងគ្រាវិបត្តិនយោបាយ និងសេដ្ឋកិច្ច
ក្នុងរយៈពេលប្រមាណជិតកន្លះឆ្នាំមកនេះ រាជរដ្ឋាភិបាលបានខាតបង់ថវិកាប្រមាណ ២៥០លានដុល្លារហើយក្នុងការទប់ស្កាត់ការឡើងថ្លៃប្រេងឥន្ទៈ និងឧស្ម័នថាមពល
បើទោះបីជាគ្មានរុស្ស៊ី ក៏អឺរ៉ុបអាចរស់នៅបានដែរ គ្រាន់តែមិនអាចឈរជើងបានយូរអង្វែងប៉ុណ្ណោះប្រសិនបើជ្រើសរើសធ្វើជាសត្រូវជាមួយរុស្ស៊ី
ចិនគ្រោងនឹងបញ្ចេញថវិកាប្រមាណ ៣៦០ ពាន់លានយន់ ឬស្មើប្រមាណ ៥៤ ពាន់លានដុល្លារ ដើម្បីចាក់បញ្ចូលទៅក្នុងវិស័យហិរញ្ញវត្ថុរបស់ខ្លួន...
ការសិក្សាស្រាវជ្រាវលើកដំបូងនៅកម្ពុជា ស្តីពី «សហគមន៍កសិកម្មទំនើប» បានបង្ហាញថា កសិករដែលចូលរួមក្នុងសហគមន៍ប្រភេទនេះទទួលបានល...
ចាប់ផ្តើមពីអាជីវកម្មគ្រួសារកាលពីឆ្នាំ២០១៦ សិប្បកម្មកែច្នៃសាច់ស្រស់ក្នុងស្រុក «ជីលីណា» (Chilyna) បានវិវត្តខ្លួនក្លាយជាសិប្...
ការផលិតយន្តហោះដ្រូនបំពាក់ AI ចម្ងាយមធ្យម និងចម្ងាយឆ្ងាយជាង ៥ ពាន់ គ្រឿង ដើម្បីផ្គត់ផ្គង់ទៅដល់ប្រទេសអ៊ុយក្រែនបានចាប់ផ្ដើមជាផ្លូវការហើយ
កម្មវិធីពិសេសរបស់ AMS ECONOMY
