AMS Economyម្រេចកម្ពុជា ជាង7400តោន ត្រូវបាននាំចេញក្នុងរយៈពេល 5ខែដំបូង ឆ្នាំ2021
ស្រដៀងគ្នាទៅនឹងផលិតផលកសិផលដទៃទៀតដែលមានកំណើនលើការនាំចេញ សម្រាប់តែម្រេចកម្ពុជាច្រើនជាង7400តោនត្រូវបាននាំចេញទៅកាន់ទីផ្សារអន្តរជាតិត្រឹមតែរយៈពេល5ខែកន្លងទៅនេះ កើនឡើងជិត200ភាគរយ បើធៀបទៅនឹងឆ្នាំ2020។
រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម វេង សាខុន បានឱ្យដឹងថាម្រេចកម្ពុជាប្រមាណ 7,461 តោនត្រូវបាននាំចេញទៅកាន់ទីផ្សារអន្តរជាតិ ដោយរាប់ចាប់ពីខែមករាដល់ខែឧសភាឆ្នាំ2021 ដោយតួលេខនេះមានការកើនឡើងគួរឱ្យកត់សម្គាល់ក្នុងទំហំ 195.20 ភាគរយ បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។
នៅក្នុងរបាយការណ៍ដែលចេញដោយក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា ក្នុងរយៈពេល 5ខែដំបូងឆ្នាំ2021 ផលិតផលម្រេចចំនួន 7,461.21តោន (កើនឡើងចំនួន 195.20 ភាគរយ) ត្រូវបាននាំចេញ ដោយក្នុងនោះនាំទៅប្រទេសប៊ែលហ្សិកចំនួន7.56 តោន, សាធារណរដ្ឋឆេកចំនួន 6.10 តោន, ប្រទេសបារាំងចំនួន 13.86 តោន, ប្រទេសអាល្លឺម៉ង់ចំនួន 70.82 តោន, ប្រទេសឥណ្ឌាចំនួន 25 តោន, ប្រទេសជប៉ុនចំនួន 2.18 តោន, ប្រទេសកូរ៉េចំនួន 1.30 តោន, ប្រទេសប៉ូឡូញចំនួន 7.09 តោន, ប្រទេសរុស្សីចំនួន 0.31 តោន, ប្រទេសស៊ុយអ៊ែតចំនួន 1.15 តោន, កោះតៃវ៉ាន់ចំនួន 15 តោន, ប្រទេសអង់គ្លេសចំនួន 1.24 តោន, ប្រទេសអារ៉ាប់រួមចំនួន 0.01 តោន, សហរដ្ឋអាមេរិកចំនួន 1.10 តោន និងប្រទេសវៀតណាមចំនួន 7,308.49 តោន។
ដំណាំម្រេចត្រូវបានដាំដុះនៅតាមតំបន់ជាច្រើនក្នុងប្រទេសកម្ពុជារួមមានខេត្តកំពង់ចាម ខេត្តត្បូងឃ្មុំ ខេត្តកំពត និងខេត្តកែប។ ម្រេចកំពតត្រូវបានគេស្គាល់ច្រើនបំផុតជាមួយនឹងតម្លៃខ្ពស់ ហើយដាំនៅក្នុងភូមិសាស្ត្រខែតកំពត និងកែប។ វាត្រូវបានផ្តល់ជូនជាមួយនឹងការចង្អុលបង្ហាញភូមិសាស្ត្រ (GI) ពីសហភាពអឺរ៉ុបក្នុងឆ្នាំ2016 និងពីអង្គការពាណិជ្ជកម្មពិភពលោក (WTO) ក្នុងឆ្នាំ2010។ ម្រេចកំពតរបស់កម្ពុជាត្រូវបានចុះបញ្ជីសម្រាប់ការការពារអន្ដរជាតិនៅក្នុងប្រទេសចំនួន 32 ក្រោមច្បាប់ក្រុងហ្សឺណែវនៃកិច្ចព្រមព្រៀងលីសបោន(Lisbon) ។
លោក ងួន ឡាយ ប្រធានសមាគមលើកកម្ពស់ម្រេចកំពតបានឱ្យដឹងថា ម្រេចកំពតនៅតែជាផលិតផលនាំចេញដ៏រឹងមាំសម្រាប់ប្រទេស និងទទួលបានទីផ្សារល្អ បើទោះបីជាមានការធ្លាក់ចុះនៃសេដ្ឋកិច្ច ដែលបង្កដោយករណវីរុសកូវីដ-19 ក៏ដោយ ។
លោក ងួន ឡាយ បានមានប្រសាសន៍ថា៖
“ជាធម្មតា ទីផ្សារម្រេចកំពតត្រូវបានជំរុញតាមរយៈការទិញរបស់ភ្ញៀវទេសចរដែលមកទស្សនាកម្សាន្តក្នុងប្រទេស(មុនពេលកូវីដ) ប្រមាណ30ភាគរយ យើងនាំចេញតែ70ភាគរយទេ។ ប៉ុន្តែ ដោយសារតែចំនួនភ្ញៀវទេសចរបានធ្លាក់ចុះក្នុងកំឡុងពេលមានជំងឺរាតត្បាត ដូច្នេះ ម្រេចប្រមាណ 30ភាគរយត្រូវបង្វែរការចែកចាយនៅក្នុងស្រុកវិញ”
លោកបានបន្ថែមឲ្យដឹងថា បច្ចុប្បន្ន ផ្ទៃដីដាំម្រេចកំពតដែលជាសមាជិករបស់សមាគមមានចំនួន 280ហិកតា និងសមាជិកអ្នកផលិតចំនួន 457គ្រួសារ, សមាជិកជាក្រុមហ៊ុនផលិត លក់ និងវេចខ្ចប់ចំនួន 37ក្រុមហ៊ុន។ ផលិតផល ម្រេចកំពតបាននាំចេញប្រមាណ70តោននៅក្នុងមួយឆ្នាំៗ ហើយតម្រូវការអន្តរជាតិ និងការបញ្ជាទិញនៅតែមានទើបធ្វើឱ្យម្រេចកំពតនៅតែរក្សាបានការនាំចេញជាធម្មតា។
លោក ងួន ឡាយ បានបន្តថា ក្រុមហ៊ុនមួយចំនួនដូចជា Farm Link គឺជាដៃគូពាណិជ្ជកម្ម និងជាអ្នកនាំចេញម្រេចកំពត ហើយ EU Land and Pepper Investment Co Ltd គឺជាក្រុមហ៊ុនមានមូលដ្ឋាននៅប្រទេសឆេក ដែលមានជំនាញក្នុងការនាំចេញម្រេចកំពត ក៏បានជួយរក្សាឱ្យបាននូវទីផ្សារនាំចេញម្រេចកំពតរបស់កម្ពុជាផងដែរ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
សមាគមមីក្រូហិរញ្ញវត្ថុកម្ពុជា ក្រោមការគាំទ្រផ្នែកហិរញ្ញវត្ថុពីស្ថានទូតអៀរឡង់នៅប្រទេសវៀតណាម តាមរយៈអង្គការ Oxfam នៅកម្ពុជា និងការគាំទ្រផ្នែកបច្ចេកទេស...
កម្មវិធីពិសេសរបស់ AMS ECONOMY
