AMS Economyគម្រោងចំណតកំពង់ផែកុងតឺន័រថ្មី អាចជំរុញវិស័យដឹកជញ្ជូនតាមសមុទ្ររបស់កម្ពុជាប្រកួតប្រជែងទីផ្សារអន្តរជាតិ
ព្រះសីហនុ ៖ មន្រ្តីជាន់ខ្ពស់នៃកំពង់ផែស្វយ័តក្រុងព្រះសីហនុបានឱ្យដឹងថា គម្រោងសាងសង់ចំណតកំពង់ផែកុងតឺន័រថ្មីទាំង ៣ដំណាក់កាលនៅកំពង់ផែស្វយ័តក្រុងព្រះសីហនុ នឹងជំរុញវិស័យដឹកជញ្ជូនតាមផ្លូវសមុទ្ររបស់កម្ពុជា ដោយដំណាក់កាលទីមួយនឹងចាប់ផ្តើមនៅដំណើរការចុងឆ្នាំ២០២២ ហើយគ្រោងនឹងដាក់ឱ្យដំណើរការពេញលេញនៅឆ្នាំ២០៣០។
លោក លោក ថៃ ឬទ្ធី អគ្គនាយករងទទួលបន្ទុកអាជីវកម្មនៃកំពង់ផែស្វយ័តក្រុងព្រះសីហនុ បានឱ្យដឹងថា គម្រោងសាងសង់ចំណតកំពង់ផែដំណាក់កាលទី១ ក្នុងតម្លៃ ២០០លានដុល្លារអាមេរិក ជាកម្ចីសម្បទានពីប្រទេសជប៉ុន ដំណាក់កាលទី១ នឹងលាតសន្ធឹងប្រវែងជាង ៣៥០ម៉ែត្រ មានជម្រៅទឹក ១៤,៥ម៉ែត្រ ហើយវានឹងអាចអនុញ្ញាតឱ្យកប៉ាល់ដែលមានកុងតឺន័ររហូតដល់ទៅ ៤ ០០០ អាចបោះយុថ្កាបាន។
លោក ថៃ ឬទ្ធី បានបញ្ជាក់ដែរថា សម្រាប់ជំហានទី ២ នៃគម្រោងសាងសង់កំពង់ផែកុងតឺន័រខាងលើនេះ មានប្រវែង ៤០០ ម៉ែត្រ និងជម្រៅទឹក ១៦.៥០ ម៉ែត្រ ដែលនឹងត្រូវបានចាប់ផ្ដើមសាងសង់នៅក្នុងឆ្នាំ២០២៥ និងដាក់ឱ្យដំណើរការចាប់ពីឆ្នាំ២០២៨ ខាងមុខនេះ អាចអនុញ្ញាតឱ្យកប៉ាល់ដែលផ្ទុក ១០ ០០០ កុងតឺន័រ ចូលចតបាន។ ចំណែកគម្រោងកំពង់ផែកុងតឺន័រថ្មីជំហានទី ៣ នឹងមានប្រវែង ៤៣០ ម៉ែត្រ និងជម្រៅទឹក ១៧.៥០ ម៉ែត្រ ហើយអាចទទួលការចូលចតរបស់បណ្ដាកប៉ាល់ធំៗដែលផ្ទុកកុងតឺន័ររហូតដល់ ១៥ ០០០ កុងតឺន័រ នឹងត្រូវបានសាងសង់ចាប់ពីឆ្នាំ ២០២៦ ហើយបញ្ចប់ការសាងសង់ និងដាក់ឱ្យដំណើរការនៅឆ្នាំ២០៣០។
លោក ថៃ ឬទ្ធី អគ្គនាយករង បានបញ្ជាក់បន្ថែមថា នៅពេលដែលដំណាក់កាលទាំងបីបានបញ្ចប់ និងដំណើរការ ចំណតផែថ្មីនឹងជួយកែលម្អវិស័យដឹកជញ្ជូននៅកម្ពុជា ជាពិសេសធានាដល់ការចតកប៉ាល់កុងតឺន័រទម្ងន់ធ្ងន់នៅក្នុងតំបន់អាស៊ីប៉ាស៊ីហ្វិក និងឆ្លើយតបទៅនឹងការកើនឡើងនៃបរិមាណទំនិញឆ្លងកាត់តាមកំពង់ផែឥឡូវនេះ។ កំពង់ផែកុងតឺន័រថ្មីទាំង ៣ ដំណាក់កាល នឹងធ្វើឱ្យវិស័យដឹកជញ្ជូនតាមផ្លូវសមុទ្ររបស់កម្ពុជា កាន់តែរីកចម្រើន នៅពេលត្រូវបានដាក់ឱ្យដំណើរការពេញលេញនៅឆ្នាំ២០៣០។
លោកមានប្រសាសន៍ថា ៖
“នៅពេលអនាគត ជាមួយនឹងកំពង់ផែទឹកជ្រៅ យើងអាចរួមបញ្ចូលការដឹកជញ្ជូនទៅកាន់ប្រទេសទាំងអស់ក្នុងពិភពលោក។យើងរំពឹងថាតម្លៃដឹកជញ្ជូននឹងធ្លាក់ចុះទាបជាងមុន ប្រហែល ២០០ ដុល្លារក្នុងមួយកុងតឺន័រ។ ជាមួយនឹងការដាក់ឱ្យដំណើរការពេញលេញ វានឹងជួយឱ្យការដឹកជញ្ជូនទំនិញតាមកប៉ាល់ខ្នាតធំទៅ-មក កម្ពុជា បានល្អប្រសើរ ដោយកំពង់ផែជំហានទី ៣ ខាងលើ នឹងមានសមត្ថភាពប្រហាក់ប្រហែល ឬលើសពីកំពង់ផែមួយចំនួននៅក្នុងតំបន់ ក្នុងនោះ វានឹងមានជម្រៅទឹកជ្រៅជាងកំពង់ផែ Cai Mep របស់ វៀតណាមទៀតផង”
សូមបញ្ជាក់ថា សមត្ថភាពគ្រប់គ្រងកំពង់ផែស្វយ័តក្រុងព្រះសីហនុបច្ចុប្បន្នអាចផ្ទុកកុងតឺន័រ និងជញ្ជូនទំនិញមានត្រឹមតែ ១ ៥០០ TEUs តែប៉ុណ្ណោះ៕
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា ពាណិជ្ជកម្មឌីជីថលគឺជា «កាលានុវត្តភាពដ៏ធំធេង» ក្នុងការលុបបំបាត់ឧបសគ្គផ្នែកទីតាំង និ...
ភ្នំពេញ ៖ លោកជំទាវ ជា រដ្ឋា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា ការធ្វើឌីជីថលូបនីយកម្មមិនត្រូវបញ្ចប់ត្រឹមការមានគេហទំព័រ ឬគណនីបណ្តាញសង្គ...
ភ្នំពេញ ៖ នាព្រឹកថ្ងៃសៅរ៍ ទី១២ ខែកញ្ញា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្តម កឹម ស៊ីថន រដ្ឋលេខាធិការប្រចាំការក្រសួងពាណិជ្ជកម្ម ប...
ភ្នំពេញ ៖ កម្ពុជា-ព្រីតថេន រួមជាមួយសហរដ្ឋអាមេរិក បានរៀបចំកម្មវិធីជំនួបបណ្តាញទំនាក់ទំនងរួមគ្នា (Cambodia-UK-U.S. Joint Networking Reception) ក្នុងគោ...
ភ្នំពេញ ៖ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញលើកទី៣ ដែលមានរយៈពេល៣ថ្ងៃ (១១-១៣ កញ្ញា) បានបើកសម្ពោធជាផ្លូវការកាលពីល្ងាចថ្ងៃទី១១ ខែកញ្...
ធនាគារកណ្តាលអឺរ៉ុប (ECB) បានសម្រេចដំឡើងអត្រាការប្រាក់ជាលើកទីពីរក្នុងឆ្នាំនេះ ព្រមទាំងបានព្រមានថា អតិផរណាក្នុងតំបន់អាចបន្តស្ថិតក្នុងកម្រិតខ្ពស់រយៈពេ...
ភ្នំពេញ ៖ គិតចាប់ពីខែមករា ដល់ដំណាច់ខែសីហា ឆ្នាំ២០២៦នេះ ក្រុមប្រឹក្សាអភិវឌ្ឍន៍កម្ពុជាបានអនុម័តចុះបញ្ជីគម្រោងវិនិយោគសរុបចំនួន ៣៤៦គម្រោង ដែលមានដ...
ភ្នំពេញ ៖ ក្រសួងទេសចរណ៍ និងសាកលវិទ្យាល័យសេដ្ឋកិច្ចហ៊ីរ៉ូស៊ីម៉ាប្រទេសជប៉ុន សហការប្រែក្លាយ «ទស្សនកិច្ចសិក្សាប្រចាំឆ្នាំរបស់សកលវិទ្យាល័យ» ជាផលិតផលទេស...
កម្មវិធីពិសេសរបស់ AMS ECONOMY
