AMS Economyប្រជាពលរដ្ឋបានប្រែក្លាយពីការបរបាញ់សត្វព្រៃ មកការចិញ្ចឹមសត្វជំនួសវិញ
ភ្នំពេញ ៖ ប្រជាសហគមន៍មូលដ្ឋានភាគច្រើនដែលពីមុនធ្លាប់តែចូលព្រៃបរបាញ់សត្វ ធ្វើជាមុខរបរចិញ្ចឹមគ្រួសារនោះ បច្ចុប្បន្នបានផ្លាស់ប្តូរពីមុខរបរនេះ មកធ្វើការចិញ្ចឹមសត្វជំនួសវិញ។ ជម្រើសមុខរបរថ្មីនេះ មិនត្រឹមតែជួយឱ្យសត្វព្រៃគង់វង្សទេ តែក៏បានជួយផ្លាស់ប្តូរជីវភាព របស់ពួកគាត់ឱ្យកាន់តែប្រសើរឡើងថែមទៀត។ ប៉ុន្តែ សំណួរសួរថា តើអ្វីដែលធ្វើឱ្យពួកគាត់អាចផ្លាស់ប្តូរមុខរបរចូលព្រៃបរបាញ់សត្វ ដើម្បីចិញ្ចឹមគ្រួសារមកប្តូរជាការចិញ្ចឹមសត្វដូច្នេះវិញ?
វាគ្មានអ្វីពិបាកយល់នោះទេ គឺចាំបាច់ត្រូវឱ្យពួកគាត់យល់ពីតម្លៃធម្មជាតិ តម្លៃនៃសត្វព្រៃ និងផ្តល់ឱ្យគាត់នូវជម្រើសដែលអាចឱ្យពួកគាត់ទទួលយកនូវអ្វីដែលអាចឱ្យគាត់មើលឃើញថាវាអាចជួយឱ្យគ្រួសារគាត់ និងសហគមន៍របស់គាត់មានការផ្លាស់ប្តូរ និងអភិវឌ្ឍរីកចម្រើនទៅថ្ងៃមុខ។
នៅក្នុងទំព័រហ្វេសប៊ុកផ្លូវការរបស់ ក្រសួងបរិស្ថាន ក៏បានឱ្យដឹងថា ការផ្តល់ជម្រើសជូនប្រជាពលរដ្ឋនៅតាមសហគមន៍ក្នុងការចិញ្ចឹមសត្វ ជាការផ្តល់ជម្រើសជូនប្រជាពលរដ្ឋនៅតាមសហគមន៍ក្នុងការចិញ្ចឹមសត្វយកសាច់ ដូចជា គោ ក្របី ជាពិសេស ចៀម និងពពែ ជាសត្វអាចចិញ្ចឹមក្នុងព្រៃសហគមន៍នៅតាមតំបន់ការពារធម្មជាតិបានយ៉ាងងាយស្រួល ដោយគ្រាន់តែចំណាយពេលវេលាតិច និងអាចចំណេញច្រើនទៀតផង។
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ជានិច្ចជាកាល ក៏បានចាត់ទុកថា ការចិញ្ចឹមសត្វ មិនត្រឹមតែចូលរួមការពារបរិស្ថាន និងព្រៃឈើប៉ុណ្ណោះទេ តែក៏បានចូលរួមចលនាដល់សហគមន៍មូលដ្ឋាន មានចំណូលខ្ពស់ មានជីវភាពធូរធារ និងចូលរួមកាន់តែសកម្ម ក្នុងការការពារ និងអភិរក្សធនធានធម្មជាតិដែលមាន។ ហេតុដូច្នេះហើយ ដើម្បីឆ្លើយតបនឹងតម្រូវការរបស់ប្រជាសហគមន៍តំបន់ការពារធម្មជាតិ និងសហគមន៍មូលដ្ឋាន ក្នុងការផ្តល់លទ្ធភាពជូនពួកគាត់ឱ្យយល់ពីបញ្ហាបរបាញ់សត្វព្រៃ និងបោះបង់មុខរបរដែលបំផ្លាញធម្មជាតិ និងចាប់យកការថែរក្សាធម្មជាតិ ដោយបែរមកទទួលយកការចិញ្ចឹមសត្វវិញនោះ ចាប់ពីឆ្នាំ២០១៧ ដល់២០២០ ក្រសួងបរិស្ថាន ក៏បានផ្តល់ទុនដោយឡែកដល់សហគមន៍នៅតាមតំបន់ការពារធម្មជាតិចំនួន ៣២សហគមន៍។
ក្នុងនោះ ការបែងចែកសមាជិកសហគមន៍ចំនួន ៩៥០ គ្រួសារ ដែលគ្រួសារចំនួន ៣១៧គ្រួសារ ទទួលបានពូជគោចំនួន ពី១-៣ក្បាលក្នុងមួយគ្រួសារ និងគ្រួសារចំនួន២២០គ្រួសារ ទទួលបានពូជជ្រូកឦសាន ៣ក្បាលក្នុងមួយគ្រួសារ គ្រួសារចំនួន៣៦៨គ្រួសារ ទទួលបានមាន់ពី១៥-៤០ក្បាលក្នុងមួយគ្រួសារ។ ដោយឡែកគ្រួសារជាសមាជិកសហគមន៍ទាំងអស់នោះ បានផ្តល់ផលសត្វទៅដល់សមាជិកសហគមន៍ផ្សេងទៀត ដើម្បីពង្រីកការចិញ្ចឹម និងជាការពង្រឹងដល់ជីវភាពគ្រួសារក្នុងសហគមន៍ពួកគាត់ជាបន្តបន្ទាប់។
សូមបញ្ជាក់ដែរថាចាប់ពីឆ្នាំ២០២០ រហូតទល់ពេលនេះ ក្រសួងបរិស្ថានបានផ្តល់ពូជក្របី ២១៦ក្បាល សត្វគោខ្មែរចំនួន ១៥៣ក្បាល គោពូជកូនកាត់ ចំនួន៦១ក្បាល គោបាចំនួន ៦ក្បាល ចៀមចំនួន ២៤៧ក្បាល ពពែចំនួន២៦៧ក្បាល និងពូជជ្រូកឦសាន ចំនួន ៥០ក្បាល ជូនសហគមន៍មូលដ្ឋាន ប្រជាពលរដ្ឋ និងកងទ័ព សម្រាប់ចិញ្ចឹម ដើម្បីពង្រឹងជីវភាពស្នូល។ សម្រាប់ពូជសត្វ ដែលក្រសួងបានចែកចាយកន្លងមកក្នុងនោះរួមមាន ៖ សហគមន៍តំបន់ការពារធម្មជាតិចំនួន៣ នៅក្នុងខេត្តព្រះវិហារ តំបន់ការពារធម្មជាតិចំនួន២ ក្នុងភូមិសាស្រ្តខេត្តមណ្ឌលគីរី (ដែនជម្រកសត្វព្រៃ កែវសីម៉ា និងដែនជម្រកសត្វព្រៃ ស្រែពក) បញ្ជាការដ្ឋាន នៃយោធភូមិភាគ១ កងយោធពលខេមរភូមិន្ទ និងកសិដ្ឋានប្រជាពលរដ្ឋចិញ្ចឹមសត្វនៅរាជធានីភ្នំពេញ ខេត្តកំពង់ស្ពឺ ខេត្តកំពង់ចាម ខេត្តកំពង់ធំ និងខេត្តព្រះវិហារផងដែរ៕
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
កម្ពុជាបាននាំចេញអង្ករចំនួន ១៧៧,៧០០ តោនទៅកាន់ប្រទេសចិន ក្នុងរយៈពេល ៨ ខែដំបូងនៃឆ្នាំ២០២៦ កើនឡើង ៥២.៧ ភាគរយ បើធៀបនឹងរយៈពេល...
ចិនប្រកាសចាត់វិធានការប្រឆាំងការលក់បង្ខូចតម្លៃលើការនាំចូលសារធាតុគីមីមួយប្រភេទពីប្រទេសជប៉ុន ដែលប្រើប្រាស់ក្នុងការផលិតបន្ទះឈីប
ភ្នំពេញ ៖ គិតចាប់ពីខែមករា ដល់ដំណាច់ខែកក្កដា ឆ្នាំ២០២៦កន្លងទៅនេះ យ៉ាងហោចណាស់មានគម្រោងវិនិយោគបង្កើតតំបន់សេដ្ឋកិច្ចពិសេសចំនួន៧ ត្រូវបានក្រុមប...
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិ...
ក្រសួងពាណិជ្ជកម្ម បានបន្តរៀបចំ វេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (3rd Digital trade Forum - 3d DTF) ក្រោមមូលបទ «ជំរុញពាណិជ្ជកម្...
ខេត្តក្រចេះបានដាក់ឱ្យអនុវត្តផែនការអភិវឌ្ឍន៍ទេសចរណ៍ឆ្នាំ ២០២៦-២០៣០ ដោយកំណត់ទិសដៅអភិវឌ្ឍវិស័យទេសចរណ៍ឱ្យកាន់តែមានគុណភាព ទាក់ទា...
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្...
តម្លៃប្រេងឆៅបានហក់ឡើងដល់កម្រិតខ្ពស់បំផុតក្នុងរយៈពេល ៦ សប្តាហ៍ ដោយតម្លៃប្រេង Brent ខិតជិត ១០០ ដុល្លារក្នុងមួយបារ៉ែល បន្ទាប់...
កម្មវិធីពិសេសរបស់ AMS ECONOMY
ព័ត៌មានសង្ខេប
ប្រភេទវីដេអូ (VIDEO)ព័ត៌មានផ្សេងៗទៀត
View all
